شبكة همس الشوق - عرض مشاركة واحدة

2 - 8 - 2015, 06:30 PM

بـــــــــــــــــــــــــــــارت [21]

اصايل بخووووووف : هيييييييه انت بتموتنا ... وقف عمى ...

رائد : انتي و لا كلمه لا أحذفك من الباب اخليك تموتين هناا ..

اصايل خاااافت و سكتت ...

و لا زالت المطارده مستمره ..

رائد : اسمعي يا بنت الناااااس اناا ما رح اوقف لو على مووووتي ...

اصايل : تكفى فكررر زييييين هذا انتحااااااار .. اذا انت حاب تموت انا اش ذنبي !

رائد ابتسم بخبث : البنت و حبيبهاا هربانين مع بعض و صار لهم حادث و ماتوا مع بعض اش احلى من كذا قصه تنتشر بالجرايد ههههه ؟!

اصايل تبكي : الله لا يوفقك كانك بتموتنااا و بتفضحني ...

رائد : ريلاااااكس حبييبي قربنااا نوصل ..

الدوريااات تلاحقهم و هو مطنش و ماشي بسرعة 180 كلم/س ..

رائد اللحين باااقي بس شوي و ندخل المدينه صعب اوقف للشرطه و الله لا اروح فيهااا .. ابفهم ليش يلاحقوني كيف درووووا ؟! .. مو مهم اللحين اول ما ندخل بضيع الشرطه في الحواري .. و بعدين بشوف اش بسوي ...

في الشقه تعشوووا و خلصوووا ....

وليد يثاوب : يلاااا امش ننام ..

حنان بدت تتوتر : خلااااص انت رح و انا بلحقك ..

وليد : اوكيه على هواك .. بس ﻻ تتأخر بالسهر ...

حنان مصدق نفسه و مسوي حاله مسؤوول عني بس عسل على قلبي ههه : طيب ...

راحت حنان غرفتها .. بدلت ثيابها لبست بيجامة النوووم ثم طلعت من حمام الغرفه-الله يكرمكم- ... قبل لا تطلع من الغرفه .. ناظرت فيصل .. كان في سابع نوووومه ...

حنان يااا ربي اكيد لساا زعلان مني ... المهم سريري مو هنا .. بروح الصاله انام ع الكنبه ... اه بس الله يعيني على التكسر بكره .. خل اخذ جاكيتي اتلحف فيه الجو بارد ... و المشكله ان لحافي بغرفة وليد و انا ما ابي ادخل هناك اووووووف وشش ذي الحاله ...

طلعت من غرفتهااا ...

تمددت ع الكنبه .. قعدت تتقلب ...

حنان زي ما توقعت مابرتاح ع الكنبه ..( تثااوبت ) بس احس اني بالحيل تعبااانه و ودي انام .. يلااا بتحمل و انام هنا .. بكره ﻻزم انقل سريري .... بكره ياا بكره اش مخبي لي ... و ﻻ المدرسه بديت اكرهها .. كل ما اتذكر اللي صار معي احس بقشعريره بجسمي .. يييي شعور ألييييييم .. يا ترى اش بيصير بكره ؟! .........

و هي تفكر بهمومهاا غلبهااا النووم و ناامت ....

في بيت ام حنان ... بعد ما قامت سميه من ع السفره راحت لهاا اختهاا ... دخلت سوسن الغرفه ... تفاجئت من المنظر اللي قدمها و راحت ركض ﻻختها ...

كانت سميه مرميه ع السرير و ضامه المخده لصدرها و تشاهق بكي دموعها مغرقه المخده ........

سوسن تهزها بخوف : سمييييييييه وش فيك ؟

سميه ............ ﻻ رد

سوسن : تكلمي خوفتيني عليك ..

سميه ............ ﻻرد و مكمله بكي ..

سوسن : اذا ما تكلمتي ترى بنادي امي تشوفك ...

سميه ............. ﻻ رد

جت سوسن بتمشي مسكت ذراعهاا ..

سميه تشاهق : ﻻاا .... تروو..حي ..

سوسن قعدت ع السرير : ليييييش كل ذا البكي فهميني ...

سميه : اذا ... اناا ... ابكي ... ما ... اقدر .... اتكلـ..م

سوسن : ايييه صح من و انتي صغيره ... خلااااص حاولي تهدي عشان تفهميني ..

سميه تهز راسها بمعنى طيب ...

سوسن انسدحت جنبهاا و صارت تمسح ع شعرهاا .. و سميه تحاول توقف بكى ما قدرت فصارت تبكي بصوت مكتوم ....

سوسن اول مره اشوفها بهالحاله .. معقول تحب فيصل بهالجنون ؟! و انا كنت احسبها نزوه ..

هدت سميه شوي بس ﻻزالت دموعها تطيح ....

سوسن : سميه حبيبتي كل هذا البكي عشان فيصل صح ؟

سميه هزت راسهاا بـ أي ....

سوسن : يااا حبيبتي اذا نصحتك بتسمعي لي ..؟

سميه ......... ﻻ رد

سوسن تنهدت بتعب : الله يخليك اسمعي كلامي زين و افهمي اللي بقوله .. يمكن كلااامي بيكون قاسي عليك شوي بس ﻻزم تعرفي و تفهمي ان فيصل اكيد يحب حنان و حنان تحبه و ﻻ ما كان تزوجوا بهذي السرعه ... لما انتي اعترفتي لحنان قدمت ملكتها بسرعه خايفه ﻻ تاخذي فيصل منها ..

سميه : تكفيييييين اسكتي .. فيصل ما يحبهاا ..

سوسن بعناد : ﻻ ما رح اسكت انتي ﻻزم تعرفي ان اثنينهم ما يستاهلوا دمعه تنزل من عيونك عشانهم .. هم مبسوطين و انتي عايشه بهم ليش كل هذا ... اللي يبيعك بيعيه ... انتي مو رخيصه....

سميه تقفل اذانهاا : اسكتتتتتي ما ابي اسمع ذا الكلااام ...

سوسن : ﻻنك عارفه ان كلااامي صح عشان كذا ما تبين تسمعينه ...

قامت سميه بتطلع من الغرفه ....

سوسن : وين رااااايحه بذا الوقت ؟

سميه : بروح الحوش بقعد مع نفسي .. و انتي ﻻ تلحقيني ...

بعد ما راااحت ...

سوسن تنهدت : ﻻ حول و ﻻ قوة اﻻ بالله ...

عند اصايل .. دخلوا المدينة و الشرطة ما قدرت توقفهم غصب خوفا على اصايل ﻻنها تعتبر رهينه ....

رائد : انتي يا بنت ... اللحين اذا وقفت السيارة و نزلت تنزلين معي فاااهمه ...

اصايل تصارخ : والله ما انزل مع واحد حيوان زيك ...

رائد : ان ما نزلتي بالطيب بتنزلين بالغصب ي حبي ...

اصايل نشوف يا الحقير نشوف ...

دخل بالحوااري و ضيع الشرطة ثم وقف ع جنب ....

رائد : ههههاااي ﻻ شرطة و ﻻ غيرهاا محد يقدر يصيدني .... يلاا انزلي ...

اصايل انا ما ﻻزم انزل الشرطة تعرف السيارة اذا لقوهاا بينقذوني ...

رائد ما استنى كثير ... نزل و راح للباب اللي قاعده جنبه جا بيفتحه .. بس هي لما انتبهت انه جاي لها .. فتحت الباب من الجهه الثانيه و نزلت .... و حطت رجولهااا ...

اصايل كنت بستنى بالسيارة لوﻻ انه نزل بياخذني بالغصب ... يااا ربي خايفه وين بروح ... بركض و بركض بس اهم شي اهرب منه ...

رائد : يااا الكلبة يا بنت الكلب ...

هو بعد حط رجوله و لحقهاا ..

اصايل لفت على ورى و هي تركض بأقصى سرعتها .. هئئئئئئئئئئئئئئ يلحقني يممممممه ! ..

و قدر يلحقهاا و مسكهاا .. بحكم طبيعة البنت ما تقدر تركض اسرع من الولد ...

اصايل تصااارخ و تضرب بصدره : اتررررررركني يااا حيوااان اتركني ...

رائد : والله ما اتركك بعد ما لقيتك ...

اصايل تشاهق بكي : اتـ اتركني ارووووح ...

رائد ماسكها بقوه و ملزقها بجسمه .. تنهد : اه على ريحتك احس اني بدوووخ ..

اصايل متقرفه : الله لا يبارك فيك يا حيوان اتركني ...

رائد : امشي معي و انتي ساكته .. و لا ترى بيصر الشي اللي تخافين منه هنا بالشارع ههههههههههههههههه ...

اصايل : يا حيووووووووووان يا حقير والله ما اسكت لك ..

رائد ابتسم بخبث : انتي ارجعي بيتكم يا حلوه بعدين يصير خير ...

اخذها بالغصب و صاروا يدورون ما بين الحواري ...

رائد : باقي بس شوي و نوصل للفندق اللي عطاني عنوانه صديقي .. ترى يمدحونه ...

اصايل تبكي : اتركني الله لا يوفقك ......

الوقت كان ليل و الجبيل مدينة هاديه نادر تشوف ناس يمشون بالشوراع خاصه بالليل ...

رائد يتلفت بالشوارع يشوف فيه شرطه .. اصايل استغلت الوضع و دفته ع الجدار بقووووه و هربت ...

رائد : آآآآآي الله لا يبارك فيك يا الحيووووانه ... اناا اوووريك ...

اصايل شافت باب بيت مفتوح ركضت له و دخلت بالبيت ... رائد يدورهاا يطالع بالشوااارع ..

رائد : وييييييين راااااحت ذي ... اووووووووه زهقت منهاا جعلها بستين داااهيه خل ألحق نفسي و ارجع للخبر قبل لا تمسكني الشرطه بعدين ما رح تنفعني .....

بالشقه .... وليد ما نام قاعد يستنى حنان متى تيجي ...

وليد تأخر هذاااا عسى ما شر ليكون نااااوي يسهر ! .. خل اطلع اشوفه ..

طلع لقاهاا نايمه ع الكنبه ابتسم ..

وليد اللحين كل ذا عنااااااد .. بس انا أعند منه .. المشكله انه ميت برد و متلحف بجاكيت ههههه يكسر الخاطر .. بشيله و احطه على سريره ... ان شاء الله ما يصحى ...( شالها للغرفه ) ... ههه يا الله جسمه مره خفيف يعني اني جسم رجال ..!

حطها على سريرها بهدوووء و غطاها .. ثم قعد على سريره مقابلها ... ثم طلع جواله ...

وليد خلنا ناخذ لك صوره يا حلووو .. اه بس ودي اشوف ردة فعل نواف الى ارسلت له الصورة ...

اخذ الصورة و ارسل لنواف ....

وليد : " نواف شوف حمد نايم بغرفتي ... شف شكله و هو نااايم خطيييير -فيس يضحك- "

نروح لنواف .. كان بالحمام -الله يكرمكم- ياخذ شاور .. طلع و قعد يجفف شعره ... لبس و جا بينام .. بس قبل لا ينام شيك ع البي بي ...

نواف كل شوي اشيك ع الرسايل بجوالي .. ما ادري ليش اتمنى ألاقي رساله من حمد .. الله يهديه سااافهني في البي بي ارسل له بي سيات و ما يرد علي ... خل اشوف وليد مرسل لي .. اش عنده ذي المره ؟! اكيد شي يغث زي وجهه ..

يفتح مسج وليد ......

نواف اماااااااااااااا .. هذا ما كنه حمد ؟! .. ( يدقق بالصورة ) إلا والله هو .. لحظه لحظه هذي مو غرفة وليد ... النذل وليد اكيد انه اجبر حمد ينام بغرفته ...

ثم ارسل لوليد : " وليدوووووه يا النذل -فيس معصب- "

وليد هههه اخيراا رديت : " بلااااك معصب علي وش انا مسوي ؟! "

نواف : " كيف تجبر حمد ينام بغرفتك ما تحس انك تبتزه ؟ "

وليد : " هههههههههه ما اجبرته هو جا و نام بغرفتي بالعكس كان مبسوط "

نواف اماا كان مبسوط كثر منها ! : " مااا اصدقك اكييييد تكذب "

وليد : " لحظه و ليش ما ينام بغرفتي عادي ترى ! -فيس يستفهم- "

نواف أي والله عادي بس مدري ليه عصبت : " اجل خلاص كل تبن و لا عاد ترسلي "

وليد هههه اووووخص يا الحب عصب : " وراااااك زعلت .. اكيد ودك لو كنت مكاني هههههههههههه "

نواف : " تكفى بس .. اقول ورى ما تاكل تبن و تنام .."

وليد : " بنام بس محتار انام على سريري و لا جنبه -فيس خجول-"

نواف منقهر .. اه يااا ربي يبيني اذبحه و لا وش قصته : " ولييييد انا عارف انك مسوي بتقهرني .. انقلع عن وجهي بس وسوي اللي بتسويه "

وليد : " هههههه ابنقلع اجل على سريره .. و باخذ لنا صوره ثم ارسلها لك .. -فيس عيون قلوب- "
نواف : " جرب ترسل والله لو ارسلت لي شي عن حمد لا اكسر جوالك بكره فااااهم -فيس معصب- "

وليد ههه يا حبي لك يا نواف تعصب بسرعه و تخق بسرعه : " عااادي يا قلبي الجوال يفداااك ههههه "

نواف : " وليد لا تحرق دمي ماني رايق "

وليد : " افااا انا احرق دم صديقي ... السموووحه ههههه .. الا اقولك نواف تذكر ذاك اليوم لما كنت انت و حمد بالغرفه اش صار معكم قول لي كم مره سألتك و ما رضيت تعلمني .. "

نواف : " ولاني بقايل لانه ما صار شي .."

وليد : " كيف ما صار و انت قلت تبي تتأكد اذا هو بنت و لا لا ودي اعرف تأكدت ؟ -فيس يغمز- "

نواف : " ما تأكدت و ما صار شي و تراك رجيت اهلي قفل ذي السيره زهقتني ياخي "

وليد : " اووووكيه .. بس خطرت لي فكره .. بما انه عندي اللحين بالغرفه اش رايك اتأكد انا بنفسي و اعلمك اذا ولد و لا لا "

نواف هئئئئئئئئئئئئئ الحقير وش بيسوي : " انت انهبلت رسمي .. اقول اترك الولد وش دخلك فيه والله لو لمسته لا اوريك "

وليد هههههههه حرقت اعصابه : " ياخي فهمني بس ليش تعصب .. هو ولد و انا ولد "

نواف : " وليييييييييييد تراي ما امزح اتركك منه خله في حاله .. ما يهمني كل ذا الكلام كانه بنت و لا ولد انا كذا ياخي اعصب اذا احد نوى يسوي له شي "

وليد : " اوووووه الظاهر المسأله ماهي خقه و بس .."

نواف استغفر الله بدى الكلام يتعدى حده لازم اقفل : " اقووول مع السلامه بس "

وليد هههه قهرررررته وناااسه : " مع السلامه سلييييييب تااايم -فيس نايم & خجول "

نواف وش قصده بالفيس الخجول ... ليكووووون من جده بيسويها و ينام جنبه ؟؟؟؟؟! .. اووووف و اذا عااادي كلهم اولااااااد .. ياا ربي احس اني مقهووووور .. وليد يوم من الايام بفقع وجهه ..

ثم قفل جواله و رمااااه بعيد من العصبيه و تمدد ع السرير يفكر ...

نواف انا ليش معصب اللحين ؟! .. استغفر الله ما صرت افهم نفسي ... معقول انا ........ لااااااا هو ولد .. و يمكن بنت ... بس ما في شي يثبت انه بنت ... و مافي شي يثبت انه ولد ... ايييييييييه صح بطاقة احواله .. ليش ما اطلبه يوريني اياها ؟!... كيف راحت عن بالي اووووكيه بأقرب فرصه بطلبه و نشوف ...

نرجع لـ اصايل ... دخلت بيت ناس كان بابهم مفتوح قعدت بحوشهم .. خايفه ماهي عارفه اش تسوي ...

اصايل لا لازم اتصرف .. ابي تلفون بس .. لازم ادق باب هالناس ان ان شاء الله يطلعون طيبين و يساعدوني ... و اذا طلع البيت بيت عزابيه ... لا لا ما اظن هذا بيت كبير و اكيد لعائلة ... ياا ربي ادق بابهم و لا لا !؟ مااااافي حل ثاني ... بتوكل على الله و ادق ...

وقفت قدام الباب متردده تدق و لا لا ... و اخيرااا دقت .... فتح الباب ولد صغير ...

اصايل الحمدلله اجل بيت عايلة : يا حبيبي ناد لي ماما ...

الولد : انتي مين ؟

اصايل : انا انا .. (وش اقوله ) .. انا جارتكم ...

الولد مستغرب : جارتنا ؟؟؟؟؟!!!! .. جارتنا مين ؟! انا اعرف كل جيراننا ...

اصايل اش ذي الوهقه ياخي ذا الولد ملقوف ماني رايقة له : انا جاره جديده ممكن تنادي امك اللحين ؟

الولد : طيب طيب اوووووووووووف ...

اصايل وش ذا ولد قليل ادب ... المهم ان شاء االله يساعدوني ...

جت الحرمه مع ولدهاا اللي فتح الباب ...

الحرمه : هلا يا بنتي .. اعذريني ما عرفتك ...

اصايل : خالتي الله يسعدك انا مخطوفه و هربت و ابي بس تلفون اكلم الشرطه ياخذوني تكفيييين ساااعديني يا خالتي ...

الحرمه مصدومه و ماهي مستوعبه : انتي تتكلمي صدق و لا تمزحي ؟

اصايل : بالله يا خالتي شكلي شكل وحده تمزح ؟! .. شوفين كيف تبهذلت .. الله يوفقك عطيني بس تلفون اكلم الشرطه هم هم اصلاا قاعدين يلاحقون الشخص اللي خطفني اللحين ...

الحرمه شكل البنت صادقه مسكينه والله : يا حبيبتي تعالي ادخلي ارتاحي و انا بجيب لك تلفون تكلمي الشرطه او اهلك اللي ودك ...

اصايل أي والله صح اكلم اهلي احسن عشان الفضايح : الله يجزاك آلف خير يا خاله ....

من جه ثانيه في مركز الشرطه لا زال ابو اصايل و اخوها خالد و صديقه سامي ينتظرون أي خبر يطمنهم عليهاا ... و جا واحد من العسكر يبلغهم بالاخبار الجديدة ..

العسكري : انتوا اللي مبلغين على سيارة بانوراما لون اسود و رقم اللوحة ....... ؟

ابو خالد : اييييييه احنا .. بشر لقيتوها ؟

العسكري : أي لقيناها بالجبيل بواحد من الاحياء هناك ..

خالد : لقيتوووووا اختي ؟؟؟؟

العسكري : للأسف السيارة ما كان فيها احد ...

خالد : لاااا اختي وين ؟

ابو خالد : هدي انت اكيد بيلقونها وين بتروح يعني ...

سامي وش صار معهاا يا ترى ؟ والله اني قلقان ...

العسكري : الدوريات هناك يمشطوا الحي و ان كانت هناك اكيد رح نلاقيها ان شاء الله ...

ابو خالد : الله يسمع منك ...

نرجع للسميه كانت قاعده بالحوش تتأمل القمر هي تعشق القمر ... و كانت تناظر كل زاويه من زوايا الحوش .....

سميه يعني فيصل و حنان كانوا يقعدون بالحوش و هم صغار يلعبون هنا .. حبوا بعض هناا و صارت لهم قصص هناا .. بهذا المكان .. اه بس يا ليتني كنت حنان ......

جا سعد و معه اخوه سعود و معهم كوره بيلعبون بالحوش ....

سميه : يااا عياااال اش عندكم ؟

سعود : نبي نلعب ...

سميه : عاارفه بتلعبون بس ما وراكم مدرسه بكره ؟

سعود : حتى انتي ما وراك مدرسه ؟

سميه : هههه انا ما بداوم الا الاسبوع الجاي ...

سعد : احنا بنداوم بس تو بدري عشان ننام ...

سعود : أي اصلا يوم جينا من المدرسه نمنا عشان كذا ما فينا نوم ..

سميه : طيب انت يا سعود أي صف تدرس ؟

سعود : انا بأول متوسط ...

سعد : و انا بخامس ..

سعود ضرب سعد بخفه : سعد محد سألك لا تتليقف ..

سعد : انقلع عن وجهي عاادي ليش تسألك و انا لا ...

سميه : لا تتهاوشون كنت بسألك بعده بس انت جاوبت ...

سعد : شفت يا غبي كااانت بتسألني ..

سعود : ههههههه غبي انت يلا خلنا نلعب بهزمك هههه ..

سعد : اتخسي انا بهزمك ...

سميه قاطعتهم : هممممم .. طيب ودي اسألكم عادي ..

سعود : أي عاادي احنا بنلعب و انتي اسألي ..

سميه كيف اسألهم يا ربي : كنت بسأل عن حنان و فيصل ... كانوا يلعبوا مع بعض ؟؟؟

سعود : ههههههههههه دايما يتهاوشون و يمزحون مع بعض ..

سعد : هي قصدها حمد صح ؟

سعود : أيه حمد ..

سميه مستغربه : مين حمد ؟

سعود : ههههه هذا سعد يحسب ان حنان ولد ...

سعد : لا ما احسب كلكم قلتوا انها ولد ...

سميه ابتسمت على سوالفهم : طييييييب هم يحبوا بعض ؟

سعد & سعود : ناظروهاا باستغراب ثم : ههههههههههههههههههههههه ..

سميه : وش فيكم ؟

سعود : ما ندري بس دايما يطلعون مع بعض و يتمشون ...

سميه عبست : اهم شي يتمشون دايم هذا الجواب كافي .. يلا اخليكم تكملوا لعب ...

سعود : لييييه اقعدي شوفيني بهزمه ...

سعد : تخسي قلت ...

سميه : لااا احس فيني نوم بروح انام بكره ان شاء الله اشوفلكم مبارة ثانيه ..

في الحقيقه حست بزعل لما سمعت عن فيصل و حنان .. ما كانت تدري انهم يطلعون مع بعض حنان ما قالت لها .. مع انها تعتبر صديقتها الروح بالروح ..

في مركز الشرطه جا اتصال من رقم غريب على جوال خالد رد على طول ...

خالد : الو ..

اصايل : خاااااااااااااالد ..

خالد بفرح : هذاااااا انتي اصاااااااايل ؟

اصايل تبكي : ايييه اناا ..

خالد : انتي بخير صار لك شي ؟ انتي وين اللحين ؟

اصايل : لا ما صار لي شي انا هربت منه ..اخذني للجبيل و انا هربت لبيت ناس ما اعرفهم و طلبت منهم تلفون عشان اكلمك .. تكفى تعال خذني ..

ابو خالد : عطني اكلمهاا ... ( عطاه الجوال )

ابو خالد بعصبيه : انتي وينك يا بنت ؟

اصايل : يببببااا .. انا بالجبيل واحد خطفني ...

ابو خالد : مين الكلب هذا ؟ انتي تعرفينه ؟

اصايل : والله ما اعرفه ..

ابو خالد : تجين البيت و نتفاهم ان شاء الله ..

اصايل يمممه شكله معصب علي ليكون يحسب اني رحت معه برضاي والله انه خطفني ....

اصايل : يباااااا ...

ابو خالد قاطعها : اقوووول ارسلي عنوان المكان اللي انتي فيه بمسج لأخوك و هو بيجي ياخذك ..

اصايل : ان شاء الله ...

قفل منهااا ...

ابو خالد : انا برجع البيت و انت كلم الضابط قل له اننا لقينا البنت عند ناس من الاهل بالجبيل .. مانبي فضايح ... و رح جيبها من هناك فهمت ..

خالد : ان شاء الله يبااا ..

بعد ما راح ابو خالد .... وصل المسج لخالد ..

خالد : سامي معليه توصلني ؟ ادري تعبتك معي ..

سامي : لا تقووول كذا و لا بزعل منك ... انت ما عندك سيارة و انا فاضي ما عندي شغله اكيد بوصلك ..

خالد : تسلم والله ما تقصر ....

سامي : الله يسلمك .. يلا مشيناا ..

خالد : يلااا ..

في الشقه ... من لما جابها لغرفته و هو مو قادر ينام براحه قاعد بس يتقلب على سريره ...

وليد اش بلاااااني ما رضى النوم يجيني ؟!

لف وجهه عليهاااا .........

وليد تنهد .. شكله بريء و هو ناااايم ... نايم بعمق كأن له عشر ايام ما نام هههههه يا حلاته ...

تحركت حنان و هي نايمه .. صار شعرها مغطي وجهها ..وليد انهبل يوم شافها بذا المنظر ..

وليد يا الله قسم شكله يخقق و خصلات شعره على وجهه .. والله يستاهل صوره لقطه ما تتفوت ...

على طول اخذ جواله و صورهاا .. و حط صورتها بالعرض ..

وليد ابتسم .. اللحين نواف بيشوف صورة العرض حقي و بيخق زوود .. صح نسيت الدحمي ... يحب صوره هو بعد خاق .. هههه المشكله انه خاق على صوره اكثر من خقته عليه نفسه ههه مدري وش يحس فيه .. المهم خل اكتب الحاله تبعي " جآآفآني النؤؤم و آلحب جنبي -قلب- كيف آنآم و اضيع فرصة آشوفه -قلب- " هههههه اموتكم قهررر يا اللي باللسته اكيد رح يسألوني مين اللي بالصوره هههههه ....

ركب خالد بسيارة سامي و راحوا للجبيل ... اصايل طاحت على نااس طيبين الحرمه اكرمتهاا و ضيفتهاا و استقبلتهاا احسن استقبال ... الحرمه كبيره بالسن الولد الصغير اخر عيالها باقي عيالها متزوجين ...

اصايل : انتي ام مين يا خاله ؟

الحرمه : ام زيد يا بنتي ...

اصايل : ماني عارفه كيف ارد لك جميلك و مساعدتك لي يا ام زيد ..

ام زيد : يا بنتي لا تقولين كذا الناس للناس .. من بعد ما سمعت قصتك صرت اخاف على بناتي ...

اصايل : ما شاء الله عندك بنات ؟ ...

ام زيد : ايييييه عندي بس متزوجات ..

اصايل : اجل لا تخافي يا خاله ان شاء الله ما عليهم خوف ..

ام زيد : هم ما يركبوا الا مع السواق .. الله يستر ...

اصايل تنهدت : الخطأ خطأي ما انتبهت ان اللي يسوق مو سواقنا لو اني انتبهت قبل لا اركب ما كان صار اللي صار ...

ام زيد : لا تعترضين يا بنتي على القضاء و القدر .. ربك اراد .. و ربك اراد بعد اننا نتقابل اليوم ...

اصايل : أي والله .. خالتي وين ابو عيالك ؟

ام زيد تنهدت بحزن : مات من سنه ...

اصايل : اوووه الله يرحمه ... يعني انتي عايشه مع ولد صغير بالبيت ؟! روحي اقعدي عند عيالك ..

ام زيد ابتسمت بحزن : لااا ما ابي أكلف على عيالي انا مرتاحه هنا ..

اصايل : خالتي بعطيك رقمي انا صراحه حبيتك و ارتحت لك يكفي انك ساعدتيني ... و بأي وقت تحتاجين أي شي لا تتردي تدقي علي ..

ام زيد : ان شاء الله يا يمه ...

بعد تقريبا ساعه و نص وصل خالد للعنوان المطلوب ... دق الباب و طلعت اخته ... اول ما شافته بدت تبكي و راحت بحضنه ع طول ...

خالد : اهدي يا اصايل اهدي ...

اصايل : الكلب الحقير كان كان بياخذني لفندق ...

خالد مقهور : معليك والله لا اطلعه من تحت الارض ان ما وريتك فيه .. ما برحمه لا انا و لا ابوي ...

اصايل : ابـ ابووووي ... ابوي يا خالد هو زعلان مني ؟!

خالد : لأ من قال ...

اصايل : من صوته حسيت ...

خالد : لا لا مافي شي من ذا الكلام ... يلا امشي ع السيارة ...

اصايل : لحظه بودع ام زيد ...

خالد : الحرمه اللي ساعدتك ؟

اصايل : ايييه ..

خالد : اشكريهاا بالنيابه عني ..

اصايل : اوك ..

سامي كان يناظرها و هو بالسيارة ... اتمنى ما يكون صار لك شي .. المهم الحمدلله اللي شفتك بخير و مافيك شي ...

ابو خالد رجع البيت معصب بقووووه و طلع كل حرته على ام خالد .. حكى لها كل اللي صار مع اصايل .. ام خالد تبكي خايفه على بنتها و هو يهزأ فيهاا ...

ابو خالد : انا قلت لك البنات مالهم طلعه من البيت بعد سواة اختهم .. انتي قلتي لي لاااا ماا يصير نمنعهم بعدين الناس و صديقاتهاا بيشكوا ان شي صار .... عجبك اللحين بنتك الثانيه طالعه مع واحد ....

ام خالد : انت قلت انها مخطوفه .. اكيد مخطوفه ...

ابو خالد : انا ماني مصدق ذا الكلام .. حسابها معي لا رجعت البيت ..

ام خالد : حرااااااام تظلمهاا حراااام ... لو كانت راحت معه ما كانت دقت علينا ناخذها كان سوت عملتها بسكات و رجعت ...

ابو خالد بدا يقتنع شووووي ...

ابو خالد : ماني عارف وش اللي قاعد يصير مع بناتي .. باقي جود انتبهي لها بس ...

ام خالد : انا واثقه من بناتي بس ولاد الشر ...

ابو خالد قاطعها : المهم ما عاد لهم طلعه من البيت فهمتي ؟

ام خالد : ان شاء الله يصير خير اهم شي بنتي ترجع ..

ابو خالد : انا بنام مالي خلق اشوف وجهها و انتي تفاهمي معهاا ..

ام خالد : ان شاء الله رح نااام ...

ثم ظلت بالصاله تنتظرهم يجوا ...

بالسيارة .. سامي عيونه على اصايل من المرايه .. و اصايل وجهها للشباك تفكر باللي صار لها اليوم ...

خالد : اصايل ...

اصايل : همممم..

خالد : الشخص هذا من وين يعرفك ؟

سامي مركز معهم حاب يعرف الاجابه ....

اصايل : هو ما يعرفني ...

خالد : إلا السواق قال ان هذا الشخص قاله انزل من السياره انا بوصل ماما اصايل ...

اصايل تتصنع الصدمه : يعنيييييي يعرفني ...

خالد : ما ادري انا اسألك ..

اصايل : ما اعرفه و لا عمري شفته .. ( المهم ما رح اسكت له والله لا اوريه نجوم الظهر حتى لو ما علمت اهلي من يكون اكيد بنفسي رح انتقم )

خالد سكت ما وده يضغط عليها مبين عليها تعبانه ... سامي كان بخاطره سؤال وده يسألها .. هل سوى لها شي ؟؟؟؟؟!

بعد ساعه وصلوا البيت على خير راحت اصايل لحضن امها و قامت تبكي كل ما تتذكر الموقف .. امها كانت متأكده و واثقه من بنتها شافتها تعبانه ما حبت تسألها عن شي .. فقالت لها تروح تنام .. و الى ارتاحت رح تسألها عن كل شي ... خالد شكر سامي و كل واحد راح لبيته ......

بغرفة خالد .. تذكر العنود ....

خالد العنود لازم اقول لها ان اصايل رجعت .. لكن مستحيل اكلم ذي البنت مره ثانيه رح ارسلها مسج ....

وصل المسج للعنود ارتاحت كثير و بلغت شهد ..

طلع صباح يوم الاثنين اخيرااا ... صحى فيصل ع المنبه و على صلاة الفجر .. قام و هو يتثاوب .. تلفت حوله ...

فيصل هئئئئئئئئئئئئئئئئئئئئئ حنااانوووه وينهاااا ..؟ لتكووووووون نامت بغرفة وليد ... ( يضرب على راسه ) الظاهر اني بنحكم اعدام بسببهاا ..

طلع ركض من غرفته و راح لغرفة وليد فتحهاا بهدوء ...

فيصل بقهر .. زي مااا توقعت .. وش تفكر فيه ذي البنت كيف تنام مع غريب بغرفه لحالهم .. وش اسوي فيهاا وش ؟ .. خل اصحيهاا بعدين نتفاهم ...
راح جنبهاا و صحاهاا بهدوء ...

حنان النعاس غالبهاا : هاااه وش تبي ؟

فيصل معقد حجاجه و معصب : قووووومي .. كيف تنامي بغرفة وليد ...؟!

حنان تفرك عيونهاا تحاول تستوعب كلامه : هاااه وش قلت ؟!

فيصل : قومي شوفي انتي وين نايمه ....

حنان تتلفت حولهاا : هئئئئئئئ وش جابني هنااا ؟!

فيصل مستغرب : بتقنعيني انك ما تدري عن شي !

حنان : اوووش وليد نايم خل نطلع برى ....

سحبته على برى ....

فيصل : انتي ما تستحي ...؟!

حنان : والله العظيم كنت نااايمه بالصاله و على هذي الكنبه بعد حتى شف جاكيتي هنا كنت متلحفه فيه ...

فيصل يفكر : اجل كيف رحتي هناك ؟

حنان : هئئئئئئئ ليكووووووووووون ............( سكتت تتذكر )

فيصل بقلق : وشششششششو ؟!

حنان : ما ادري فكرت اني احلم .. ان وليد شايلني ... يعني صدق شالني و دخلني الغرفه .. (وجهها قلب ألوان ) ... يااا ربي كيف يسوي كذا ...

فيصل يكفكف اكمامه : انا اوريك فيه ...

حنان : هييييييييييه هييييييييه وش فيك انت ؟ هو معتبر نفسه ما سوى شي غلط انا ولد و دخلني على سريري ....

فيصل بعصبيه : اوووووووه و انتي بس تدورين له اعذار ..

حنان : والله ما قاعده ادور اعذار هذي الحقيقه ...

فيصل : وش اسوي فيه انا اللحين ؟

حنان : لا تسوي شي .. اصلا مو انت اللي سحبت علي و رحت نمت؟! .. انا نمت ع الكنبه كنت ميته برد ... حتى لحافي داخل بغرفة وليد استحيت ادخل و اخذه ...

فيصل : يعني مره ثانيه الغلط غلطي !

حنان بطفش : الله يخليك مالي خلق هواش من صباح الله خير .. خلاص نمت و ما صار لي شي و الامور ماشيه انسى ....

فيصل و انا وش شغلتي غير اني انسى : طيب بعديهاا عشانك بس ...

حنان ابتسمت : الله يعلي شانك ....اقووول توضيت ؟

فيصل : لا باقي ...

حنان : يلا رح وش منتظر ( تناظر ساعة يدها ) .. ما بقي شي و تبدا الاقامة ..

فيصل : يلاا هذاني رايح اتجهز ...

بعد ما رااااح .......

حنان اووووف ماني مصدقه انه شالني ووداني على سريري .. والله حسبته حلم ... و احلى حلم ... اه ياا قلبي كل ما اتخيل شكلي و انا نايمه و هو موجود بالغرفه احس بتوتر ... ياترى كيف كان شكلي و انا نايمه ؟! .. يلااا اصلا مستحيل يحبني حتى لو عرف اني بنت ... يعني مالي أمل .. خل اروح اتروش و اتوضأ و اصلي و اجهز نفسي للمدرسه .. يا ذي المدرسه والله اني قلقانه و خايفه من اللي بيصير اليوم .. عساااه خير بس ...

فيصل صلى و رجع للبيت .. كانت حنان محضره فطور خفيف توست و جبن و مربى وعصير ......

فيصل : ما شاء الله اول مره تحضرين فطور ...

حنان : ههههه اش اسوي جعت ... يلا تعال كل معي ...

فيصل : اووووكيه ... إلا النذل اللي داخل لسا نايم ؟

حنان : مو نذل اسمه وليد ... ايييه نااايم ...

فيصل : لا صلااة و لا عبادة ...

حنان : طيب صحيه يصلي ...

فيصل : انااا اصحيييييه ؟!

حنان : اذا ما ودك انا بصحيه ...

فيصل : اقووول استريحي ... فيه شي اسمه منبه المفروض هو اللي يصيحه هذا لو كان اصلا يبي يصلي ...

حنان : طيب طيب كل بس و اتركك منه ..

فيصل : ابيك تحكي لي اش صار معك امس بالمدرسه عشان نصفي حساباتنا اليوم ...

حنان بضيق : ياااخي ما نبي مشاكل ...

فيصل : اذا ما قلتي لي ترى بسأل أي احد بالمدرسه ... ليه شلة هتان كانوا بياخذونك معهم .....؟

حنان قعدت و حكت له كل شي من قصة خطأها بالمطعم لما قالت ان اسمها حمد و لغاية المطاردات اللي صارت لها بالمدرسه بسبب هذا الخطأ....

فيصل : انا ما قاهرني الا بالمطعم ... ليه ما قلتي لي انك قابلتي مشاري هناك ؟

حنان : خفت اقولك ...

فيصل حط يده ع كتفها : مره ثانيه لازم تقولي لي كل شي .. و لا كيف بحميك ؟

حنان : اووووكي ما عاد اخبي ...

فيصل : اليوم انا معك ابن امه يجي يقربك و انتي معي ...

حنان ابتسمت : هذا اللي يخليني متطمنه ...

فيصل يناظر ساعته : كيف الوقت مر بسرعه صارت الساعه 6 باقي نص ساعه عن الدوام ...

حنان : أي والله خلني اروح ألبس ...

فيصل : يلا بسرعه .....

انــــــــــــتهى البــــــــــــارت