شبكة همس الشوق - عرض مشاركة واحدة

2 - 8 - 2015, 06:33 PM

اترككم مع البارت
بـــــــــــــــــــــــــــــارت [22]

فيصل يناظر ساعته : كيف الوقت مر بسرعه صارت الساعه 6 باقي نص ساعه عن الدوام ...

حنان : أي والله خلني اروح ألبس ...

فيصل : يلا بسرعه .....

جهزت حالهاا و طلعت ...

فيصل يناظرها من فوق لتحت ....

حنان : وش فيك تناظرني كذا ؟

فيصل : كم مره اقولك لا تكشخين ... والله بتجيك مشاكل ...

حنان : بس هذا لبسي عادي ...

فيصل : لا مو عادي .. شيلي الكبكات الغاليه هذي .. و ألبسي ثوب عادي ماله داعي التطريز اللي ع الصدر ... طالعيني شايفه لبسي .. ألبسي زيه بالضبط ..

حنان تناظره : امممم .. لبسك كنك واحد فقير ....

فيصل : تكفيييييييييييين من يوم يومنا فقراء ...

حنان : بس هذا اللبس وليد قالي ألبسه قالي لا اروح المدرسه الا بزي كذا لبس ...

فيصل : معليك منه مو هو اللي داوم ...

طلع وليد من غرفته و هو يتثاااوب ... سمع اخر كلمه ..

وليد عينه على فيصل : مين اللي " معليك منه " .. اكيد تقصدني ؟

فيصل بدون نفس : ايييه انت ... شف حمد كيف لابس كنه رايح عرس ..

وليد لف يشوفها : وووووووووووووه ( قام يصفر ) وش ذا الحلا كله ..

حنان استحت : هههه كلك ذووووق ...

فيصل يناظرهم اثنينهم : هييييييه خيييييييييييير ...!

وليد طنشه : اقول حمد كل يوم ألبس زي كذاا ..

فيصل عصب : لاااا ما يلبس ..

وليد بعاند : لا يلبس ...

فيصل : قلت ما يلبس و اللحين يروح يبدل ثيابه ...

وليد : لااا مو برايح ... و رح يلبس .. هو رايح يدرس باسمي ..

حنان قاطعتهم : ياااا هووووه تراني موجود محد يتدخل فيني ألبس اللي ابيه ... و انا مرتاح بذا اللبس ... اوووكيه اتفقناا ...

فيصل : اجل كيفك .. بس لا جتك تحرشات لا تجي عندي تبكي ...

حنان اماااا من جده اكيد يقول كذا عشان يخوفني : لااا ما بيجيني شي ..

وليد : وين الفطور ؟؟؟

فيصل بنص عين : ما نشتغل عندك سوي فطورك بنفسك ...

وليد تو بيتكلم قاطعته حنان ......

حنان : لا يهمك اللحين اسوي لك احلى ساندويتش ...

وليد : ياا لبااااك والله يا ليت كل اصدقاي زيك ..

فيصل يناظرها باستغراب و قهر ... طنشته و راحت تسوي الفطور ... بعد ما راحت ...

وليد خل نطقطق عليه شوي : احسدك على ولد خالتك ...

فيصل : ........... لا رد ..

وليد : اه يا ليته ولد خالتي انا ..

فيصل بدا يعصب : تعرف تسكت ...

وليد كتم ضحكته و سكت ...

فيصل يصارخ : حممممممممممد بسرعه بنتأخر ...

حنان ترد وهي بالمطبخ : يلا يلا هذاني قربت اخلص ..

فيصل اصلا ما ودي تسوين له أي شي .. مدري ليه تعطينه وجه ...

جابت له الساندوتش ...

حنان : يا رب يعجبك ...

وليد ابتسم : دامه منك بيعجبني اكيد ..

فيصل يضرب برجله ع الارض بقهر ....

حنان خجلانه : تسلم ...

فيصل والله كني قاعد بين خطيب و خطيبته و يتغزلون ببعض قدامي ام القهررر : اقوووول ترى تأخرنا امش ...

حنان : يلاا بلبس الغترة و اجي ...

صحى نواف .. تسبح و لبس بسرعه لانه تأخر ... نزل تحت ما لقى احد صاحي ...

نواف يااا سلاااام بس انا اللي صاحي ... لسا اخواتي عايشين بأجواء الاجازة هههه .. اللحين ابي فطور .. خل اقول للخدامه و لازم اخلص بسرعه ...

فطر و خلص ثم دق على ماجد ....

نواف : مجوووود صباح الخير ...

ماجد : هلا صباح النور ..

نواف : عسى ما كنت نايم ؟

ماجد : لاااا صاحي بداوم ...

نواف : حلوووو انا بعد بداوم ...

ماجد : اجل نتقابل بالمدرسه ...

نواف : بس انا بروح عشان اسحب ملفي ...

ماجد : اماااا .. ليييييييييييش ؟!

نواف : غريب توقعت وليد قالك لانه نحيس ما يخبي ... ابنقل مدرسه ثانيه .. الى تقابلنا بقولك ...

ماجد : اوووكيه انا اشوي و بطلع ...

نواف : انا اللحين طالع .. يلا مع السلامه ..

ماجد : مع السلامه ...

قعد نواف يشوف رسايل البي بي ...

نواف وليد مغير صورته خل اكبرها و اشوف ..... هئئئئ هذا حمد لحظه كنها بنت ما كنه حمد .. ( قعد يتفحص الصورة ) إلا حمد بس شعره ع وجهه .. واااااااااااو مرررره روعه هذي الصورة ما شاء الله .. و هذا وليد بس يصور .. و لا الحاله شف وش حاط .. قال ايش " جافاني النوم " جعلك ما تذووق النووم ي الغثيث ..

ركبوا السيارة مع السواق ... و هم بالسيارة ....

فيصل : اسمعي .. بكره و بالطلعه ما ابي اركب مع السواق ...

حنان باستغراب : لييييييييش ؟!

فيصل : فششله .. شوفي شكلي و انا راكب مع سواق ..

حنان : وش فشلته .. ترااه عاادي .. و لا نسيت اول يوم جينا بهالسيارة ..

فيصل : جيت لانه ما كان فيه طلاب كثير اول يوم .. شوفي انتي اذا حابه تروحي بالسيارة كيفك بس انا بالطلعه الظهر برجع مشيي و من اليوم و رايح بطلع مشي ..

حنان لفت للشباك .. فيصل من جد صار ما ينطاق إلا يعقد الامور ..

فيصل : و اللحين وش فيك ما عجبك كلامي ؟

حنان : ما قلت شي انا .. سوي اللي يريحك .. بس لا تكلمني بصيغة بنت السواق موجود ..

فيصل : وش فهمه ...

حنان : لا يفهم ..انا اللحين اسمي حمد و بالمدرسه و ليد حتى بالبيت كلمني ع اساس اني ولد ...

فيصل : طيب و لا تزعل ي حموو ..

حنان : تتوقع وليد سمع محادثتنا يوم كنت تهاوشني على اللبس ؟

فيصل : لا لا ما اتوقع لو سمع كان طلع متفاجئ ..

حنان تنهدت : الحمدلله و لا كنا بنروح فيهاا ..

فيصل للسواق : وقف هنااا ....

حنان مستغربه ....

فيصل : يلا وصلنا انزل ..

حنان : بس لسا شوي ع المدرسه .. ليش ما خليته يوقف قدام البوابه ؟

فيصل : قلت لك فشله تخيل زملاي يشوفوني نازل من سيارة فخمه ..

حنان : يااا ربي ... ابفهم وين االفشله بالموضوع ؟

فيصل : بيحسبوني ولد عايلة غنيه و هم يدرون اني فقير .. رح يستغربون و يبدون يسألوني ..

حنان تفكر : أي والله صح كلااااااامك ما خطر لي افكر كذا ...

فيصل : دامك فهمت يلااا انزل ...

حنان : يلااااا ...

فيصل : بسررعه ترانا تأخرنااا ..

حنان : ليه كم الساعه اللحين ؟

فيصل : الساعه 7 بدت الحصه بنكون محظوظين لو المدرس ما جا ..

حنان : ياااا الله من اولهااا خربتهاا كيف بجيب درجات عاليه لوليد ..

فيصل : اقول امش بس اصلا بسبب فطوره تأخرنا ..

وصلوا للمدرسه دخلوا للساحه الخارجيه ....كانت فاضيه...

فيصل : زي ما توقعت اكيد بدت الحصص ..

حنان : هئئئئئ عساه بس مو مدرس الفيزياء اللي امس علينا باول حصه ..

فيصل : اييييه حسن اللي طردك ...

حنان : ايييه هو ياخي يخوف ...

فيصل : اذا هو علينا عز الله دخلنا ..

حنان : امش خلنا نركض بسرعه ...

ركضوا للبوابه الداخليه ... و هم داخلين وقفهم هتان ....

هتان : حياا الله .....

فيصل وقف بوجهه : بعد عن طريقناا ...

هتان : ههههه خايف تتأخر يا الدااافور ...

فيصل : مو شغلك يا الغبي ..

هتان : هههه تموووون ...

حنان : اصلااا كيف طالع من حصتك ؟

فيصل ناظرها بحده يعني اسكتي ...حنان خافت من نظرته و تراجعت لورى ...

هتان ابتسم : استناااك ي حلووو (غمز لها) ..

فيصل دفه ع الجدار : وليييد(حنان) يلااا امش ...

مشى فيصل و مشت وراه و راحوا ركض ...

هتان ابتسم بشر .... ما بعديهاا لك يا فيصل ....

و هم بالطريق هزأها فيصل ...

فيصل : اللحين ابفهم وش دخلك تسألينه !

حنان : ليش وين الغلط ؟

فيصل : هذا يحب اللي يعطونه وجه .. انا احاول احميك و انتي تتصرفي بغباء ...

حنان : اوﻻ انا ولد ﻻ تفضحني ...ثانيا اللحين انا اتصرف بغباء ...

فيصل : اذا ما تبي يجيك شي اسمع كلااامي ...

حنان : خلاااص وصلنا الفصل .. اذا عندك شي قوله بعدين ...

فيصل : هذا اذا دخلنا للفصل اصلااا .. الباب مسكر يعني بدا الدرس..

حنان : ﻻا ان شاء الله يدخلناا ..

دقوا الباب و دخلواا ...

قبل نشوف اش صار معهم في الصف .. نروح لـ العنود .. طول الليل ما جاهاا نوم ودها تشوف اصايل .. بس طلع الصباح خذت عباتها و راحت بيت اصايل فتحت لها الخدامه .....

العنود : وين ماما اصايل ؟

الخدامه : في غرفه نوم ...

العنود دفشتها : بعدي عن طريقي ...

فتحت باب الغرفه بقوووه ....

العنود : اصووووووووول ..

اصايل في سااابع نوووومه ......

العنود دموعها متجمعه : اصااااايل قوووومي ...

اصايل تفتح عيونهاا ثم قعدت : االعنووووووووووود !

العنود على طول ضمتهااا ...

العنود : وين وين كنتي امس ؟

اصايل : خنقتيني يا بنت اهدي انا ما فينني شي ...
العنود بعدت عنها : انا طول الليل ما نمت ما ارتحت الى ان اشوفك خفت يكون صار لك شي ...

اصايل ابتسمت : يا حبيبتي هذاني موجود وما فيني الا العافيه ...

العنود تضربهاا ع راسها بخفه : ي الدوووبه اللحين تقولي لي وين كنتي ؟

اصايل وش بقولها اللحين ما ابيها تعرف عن الكلب رائد خايفه عليها : اممم بقولك بس لا تعلمين احد ...

العنود : اوكيه اوكيه قولي ...

اصايل قامت من سريرها تتمغط : بس اول خليني اخذ شاور و افطر و اعين من الله خير بعدين اقولك ...

العنود باحباط : لاااااا من جدك ؟

اصايل : لا من جدتي هههههه ...

العنود : مو وقت مزحك و عن الدلع اقعدي و احكي لي بعدين لاحقه ع الفطور ...

اصايل : يا الفالحه انتي جايه من صباح الله خير كان جيتي العصر اقلهاا ..

العنود مدت بوزها بزعل : اللحين هذا جزاتي كنت خايفه عليك حتى تلفونك مسكر ...

اصايل تذكرت ... اييييه جوالي اخذه الحقير هئئئئئئئئئئئئ صح اخذه فيه كل صوري انا و العنود وشهد اش ذي المصيبه ...

العنود تناظرها باستغراب مبين عليها مصدومه : وش ذا الفيس .. انتي فيك شي ؟

اصايل : جـ جوالي تذكرت .. ضاع مني ما ادري وينه و فيه كل صورنا ..

العنود : هئئئئئئئئئئئئ لااااا لا تقوليهاااااا .. وين وين ضااااع قولي لي ..

اصايل : مـ مدري ..

العنود تعض ظفرها : وش بيصير اللحين ؟

اصايل : لا تخافي ان شاء الله مو بصاير شي .. خليني اروح اخذ شاور و ابدل ثيابي ثم نتكلم اوكيه ..

العنود : هذاا همك ... طيب يلا بسرعه ...

اصايل : ايه همي تبيني اخيس ..

نرجع للمدرسه ..... دقوا الباب و دخلوا ... المدرس كان موجود و حظهم السيء استاذ الفيزياء استاذ حسن ...

حنان هئئئئ هذا اللي طردني امس عز الله نجحني بالفيزياء ...

فيصل : السلام عليكم ... ممكن ندخل استاذ ؟

الاستاذ : كم الساعه اللحين انت و اياه ؟

حنان من الخوف ساكته ما تكلمت ...

فيصل : الساعه 7 و عشر ..

الاستاذ : متأخرين 10 دقايق و تبي تدخل وش عذرك ؟

فيصل نشب لنا ذا زي ما قالوا اسوء استاذ : احنا اسفين .. (والله ما عندي أي عذر اقوله له ان شاء الله يدخلنا بس )

الاستاذ : و انت (يقصد حنان ) كل يوم بتقعد تتأخر بحصتي ؟

حنان منزله راسه للارض تتمنى انه ما يكلمهاا ...

فيصل يقرصهاا و يهمس : رد ..

حنان هئئئئئئ يكلمني انا ! : نـ نعم استاذ ؟!

الاستاذ شاف مافي امل منهم : خلاااص المره هذي سمااح بس المره الجايه تحلمون ادخلكم حصتي فااااهمين ؟!

فيصل : ايه فاهمين ...

حنان تنهدت براحه ... الحمدلله بيدخلناا ...

الاستاذ : انت عطني اسمك امس ما اخذته (يقصد حنان ) ...

حنان : انا اسمي وليد ...

الاستاذ : في غيرك بالصف اسمه وليد ؟

حنان : لا ..

الاستاذ : يلا ارجع مكانك ...

تناظر مكانهاا ..

حنان ياا سلااام لسا مشاري قاعد مكان فيصل جنبي ..!

ما كان في الا مقعد واحد فاضي اللي هو المكان اللي جنب مشاري و اللي هو مكان حنان اساساً و وراهاا كان قاعد عمار ...

الاستاذ : و انت وش اسمك ؟

فيصل : اسمي فيصل ..

الاستاذ : مافيه غيرك صح ؟

فيصل : ايه ..

الاستاذ يناظر الصف : اجل رح جيب لك طاوله و كرسي ما في لك مكان ...

حنان يعني مافي امل لازم اقعد جنبه اااااه يا ربي ما ابي اقعد جنبه بطلع انا اجيب لي طاوله و بقعد بأي مكان بس مو جنب مشاري ...

حنان : استاذ خل فيصل يقعد هنا و انا بطلع اجيب لي طاوله و كرسي ..

الاستاذ عصب : لاااا بعد تتشرط .. والله من شفت خشتك و الخكر اللي انت فيه و انا قايل ان وجهك مو وجه دراسه جاي تهيت بالمدرسه .. اقول انثبر مكانك لا اطردك و ما عاد تدخل حصتي ...

حنان ليش يهزأني كذا وش انا مسويتله .. عمى يعميه وش ذا الاستاذ .. ( مشت بدون نفس و راحت قعدت جنب مشاري )

الاستاذ : و انت يلا بسرعه رح و لا تتأخر معك 5 دقايق ان ما جيت ما عاد تدخل الحصه ...

فيصل خايف على حنان .. يلا عمار وراها ان شاء الله مشاري ما يسوي شي يندم عليه : ان شاء الله .....

بعد ما قعدت مشاري همس لهاا ......

مشاري : يلاا ان تحيهم .. وراك ي حبي ما ودك تجلس جنبي ؟

حنان وش اسوي معه ذا ؟! : .................لا رد ..

مشاري : ما قلت لك انا وين ما ودي اقعد .. ههههه

حنان هذا بيوهقني يبيني ارد عليه عشان انطرد .. لاااا و في حصة ذا الاستاذ الأقشر ... خلني اسكت و اتحمل كلها نص ساعه و تنتهي الحصه بعدين يتفاهم معه فيصل ...

عمار كان ملاحظ تحرشات مشاري و ساكت ما يقدر يسوي شي اثناء الحصه ....

نرجع لبيت اصايل ... طبعا كانت في الحمام -الله يكرمكم- تاخذ شاور و العنود قاعده بالغرفه لحالها ...

العنود هذي تأخرت كل ذا شاااور .. زهقققققت .. اووووف صووورنا وش بيصير عليهاا .. دام اصايل قالت لا اخاف خلاااص بس ........

وقفت العنود قدام التسريحه تشوف شكلهاا ...

العنود انا اللحين في بيت خالد ورى ما اروح اشوفه ... ( ابتسمت ) أي والله اشتقت له .... بس بس ما ضبطت شكلي جيت بسرعه و ما حطيت مكياج و شعري ... يلا اللحين اسوي مكياج سريع و اضبط شعري و اروح اشوفه ...

و حطت ميك اب خفيف و فتحت شعرهاا .. كانت لابسه تي شيرت ابيض فيه كتابات انجليزيه بالاسود و نجوم تلمع و جينز لحد اسفل الركب ...

العنود تحط الروج لمستها الاخيره و تنزل خصله ع وجهها .. تناظر نفسهاا بالمرايا ... واااااااي ما احلاني اهبل والله لا يخق علي خالد ههههه ...

قبل لا تروح نادت اصايل .....

العنود : اصاااااايل انا بنزل المطبخ اشوف لي شي اكله ..

اصايل : اووووووووووووووكي ...

ثم طلعت برى الغرفه .. تتلفت حولها لا يشوفها عمها او زوجة عمها او احد من اخوان اصايل ... وصلت غرفة خالد .. فتحت الباب بهدوء .. دخلت و سكرت الباب وراها و تسندت ع الباب ....

العنود ياا سلااااااام ماني مصدقه اني بغرفته و لحالي ... بدا نبض قلبي يتسارع الحب يا نااااااس الحب .... تكفى يا قلبي اهدا اشوي هههه .. والله اني متوتره .. خل اقرب منه و اشوفه ... ما اشوف شي غرفته ظلام ...

تقرب منه بهدووووء .. وصلت لسريره بالتحديد عند وجهه قعدت ع الارض مقابل وجهه ...

العنود بطلع جوالي احتاج نور الجوال ما اشوف وجهه ..

طلعت جوالها و حطت الضوء ع وجهه و هو تضايق و قام يتقلب ...

فزت العنود من مكانها و رجعت ع ورى ..

العنود .. لااااا شكله بيصحى لازم اطلع من هنااا ...

رجعت لورى الى ان صدمت بالتسريحه و طاحت عطوره ع الارض .. هي غطت ع اذنه و خافت .. خالد قام مفجوع و شغل الاباجورا بس ضوئها مرره خااافت ...

خالد لسا ما صحصح : ميييييييين هنااا ؟

العنود شهقت خوف ... و بسرعه غطت ع فمهااا ...

خالد تعدل و قعد : ميييييييييين ؟

العنود كيف بطلع انا اللحين ؟! اذا طلعت رح يشوفيني و يعرف اني اناا .. و اذا عااادي .. بس احس اني توترت .. و مرتبكه ..

خالد قام من سريره و راح مسكهاا .. ثم شغل نور الغرفه .....

خالد مصدوووم : اننننننننننتي ؟! وش جابك في نص غرفتي ؟!

العنود كشفني وش بقوله اللحين : اناا اناا ....... (سكتت)

خالد تركهاا : اطلعي برى .. و لا عاد تعيدينهاا ...

رجع اطفى اللمبات و الاباجورا وراح لسريره يكمل نوم ......

العنود اللحين كل جمالي هذا و كشختي و لا خق و لا قال شي و لاااا الأشين من كذا رجع كمل نومته ... وش هالحظ ... ما رح اسمح له يتجاهلني كذا ...

العنود : خـ خاااااالد .. انا انا بغرفتك قوووول شي ...

خالد ناايم ما رد ...

العنود : من جدك نمت ؟!

خالد ........... لا رد

العنود تضرب برجلها ع الارض بقوه و صارخت : خاااااااااااااااااااااااااااالد ...

خالد صحى و بدون نفس : خيييييييييييييييييييير ... انتي لسااا هنااا ؟! يا بنت استحي ع دمك و اطلعي من غرفتي ...

العنود مقهوووووره : ماني بطالعه ... جيت عشانك و انت ما تبيني !

خالد : متى انا قلت ابيك اصلا ... اطلعي لا تفضحين نفسك ..

العنود بعناد : ماااااااني بطالعه خلهم يشووفنا ....

خالد : انتي وش تبين مني بالضبط ؟

العنود : ما ابي منك شي بس انا احــ .........

خالد قاطعها : لا تكملي انا ما ابيك و لا احبك و لو تكوني اخر بنت بالدنيا ما بفكر اتزوجك .. اللحين فارقي ....

العنود الدموعه متجمعه : انـ انت تجرحني كذا ...

خالد عصب : الظاهر الكلام ضايع معك ... اذا ما ودك تطلعين انا بطلع و بترك الغرفه و اللي فيهااا لك .....

قااام من سريره و طلع برى الغرفه ... العنود واقفه مصدووومه لييييه يسوي كذاااااااا كل هذا كره لهاا ؟

نرجع للمدرسه ... فيصل طلع يدور ع طاوله و كرسي صادف بطريقه هتان ......

هتان : هلااا بالغلا هلااا بصديقي القديم هلاااا بفيصل ....

فيصل : ماني صديقك و لا انت تشرفني ...

هتان : لااااا ليش تقول ذا الكلام .. نسيت ايامنا مع بعض .. آآه كانت احلى ايام بحياتي .....

فيصل : اقووووول اسكت و بعد عن طريقي .. و انا كل ما اطلع لازم اشوف ذا الوجه .. ابفهم كيف المدير للحين ما طردك ...؟

هتان ابتسم : انا مطرود من الحصه الاولى لاني تأخرت بسببك .. كنت استناك ع الباب ....

فيصل : محد طلب منك تستناني .. و كم مره اقولك لا عاد تكلمني ما اتشرف بمعرفتك ...

هتان : همممم يعني انا صرت اللحين ما اشرف ... معلييييه تمووون يا الحبيب .. اصلا ما عدت ابيك ... لقيت اللي احسن منك ...

فيصل مستغرب : وش قصدك ؟!

هتان : هههههههههههههههههههههههههههه ماني ملزوم اعلمك ..

فيصل : ههه اكيد تقصد مشاري و لا عادل .. و لا واحد من طلاب اول ثانوي .. طلاب السنه الجديده ...

هتان : هههههههههه خفيف دم زي ما عرفتك يا الحبيب .. و لا واحد من اللي قلتهم .. عادل سحبنا عليه من العام و طلاب سنه اولى محد دخل مزاجي .. مشاري صديقي و بس ...

فيصل : اجل مين ؟!

هتان ابتسم بخبث : الحلووو اللي انت مخاويه ....

فيصل هئئئئئ ليكووووون يقصد حناااان ؟! : تكلم من تقصد ؟

هتان : ياخي واضحه خويك وليد(حنان) ...

فيصل مسكه من ياقته و لزقه بالجدار : شووووف بحذرك انتبه تقرب عليه انت او اخوياك والله لا اوريك شي ما عمرك شفته ...

هتان ببرود : يعني اني بخاف منك !

فيصل يشد على ياقته : هذي المره قول المره الجايه فعل ..

هتان ابعد ايدين فيصل عنه بالقوه : رجعت فيصل القديم هاااه ؟! .. ورينااا يا الذيب وش بتسوي ... قابلني بعد المدرسه برى ....

فيصل : اقوووول انقلع انت و شلتك الدشيييير ...

ثم مشى و خلااااااااه ...

هتان اول مره اشوفه يعصب على واحد كذا .. شكل وليد(حنان) مهم له .. اوووووريك يا فيصل ..

رجع فيصل للصف و جاب طاوله و كرسي معه و قعد .. طول الوقت كان نظره على حنان خايف عليها من مشاري ... و مشاري طول الوقت كان يكلمهاا .. فيصل مقهووور و متضايق ينتظر بس متى يرن الجرس ... و بعد ما رن ...... قام لـ مشاري على طووووووول ...

فيصل : انت وش تحسب نفسك قاعد تسوي ؟

مشاري بغباء : ليه وش سويت ؟

فيصل : تبيني اصفقك يعني يمكن تفهم يا الثور ...

مشاري : ما بقى إلا انت و ما الثور الا انت ابن ما ادري مين يقول بيصفقني .. اذا فيك مرجله قابلني برى بعد المدرسه ...

فيصل ورطت نفسي كلهم يبون يقابلوني بعد المدرسه هذا اولهااا : اقووووول انقلع من ذا المكان دام النفس عليك طيبه ....

مشاري : و اذا ما رحت .. يا روح ماما وش بتسوي ..؟

فيصل : جربني ...

حنان الوضع بدا يخوف ليكون بيتهاوشون عشان مكان : ياا شباب هدووا ..

فيصل صرخ عليها : انت مااااااااالك دخل ...

حنان خير تعمل شر تلقى لا عصب يخوف خل اسكت احسن لي ...

عمار : فيصل وش فيك هدي حالك ...

فيصل : كيف تسمح لهذا الحثاله يقعد بمكاني ؟

عمار : انا جيت لقيته هنا توني بكلمه الا دخل الاستاذ ...

فيصل : و اللحين ما ودك تشيل قشك و تفاااااارق ؟

مشاري : انا قاعد هنا قاعد و ان كان في امك خير قومني ...

فيصل عطاه بووووكس ع وجهه : لا تجيب سيرة امي على لسااااالنك يا حيوووووان ...

مشاري رد عليه بكف : انا تضربني يا الكلب ...

و قاموا يتهاوشون ... حنان بعدت عن المكان خايفه ... عمار يحاول يهدي فيصل و يمسكه ... و باقي الفصل ماسكين مشاري ... بعد ما هدوا شوي ..

حنان راحت لفيصل : اسمع انا بنقل طاولتي و الكرسي جنبك و انتهى الموضوع ...

فيصل : لا ما تنقل شي هذا مكاننا و جا هذا التافه بكل برود و بياخذه .. مين حضرته ؟

عمار : فيصل لا تكبر الموضوع تراه ما يستاهل تمشكل نفسك معهم و انت تعرف ان نص المدرسه من شلتهم ...

حنان مصدومه : هئئئئئئئئئئ نصهااااااااااااا ؟!

عمار : اييييييييه نصهاا ..

حنان بخوف : تكفى خلنا ننهي الموضوع انا بقعد جنبك و عمار بعد يجيب طاولته و يقعد ورانا و خلاص ...

فيصل ساااااااكت و يناظر مشاري بحقد ..

عمار : هااا وش قلت ...؟

فيصل عشان ما اورط حنان معي بقبل : اووووووكيه يلااا جيبوا طاولاتكم ..

جت حنان بتاخذ طاولتها ... مشاري حط يده ع الطاوله و ناظرها ..

مشاري : على وييييييين يا الحبيب ؟

حنان : مالك دخل ...

فيصل وقف : تبي تتكفخ مره ثانيه يعني ؟

مشاري : اتخسي الا انت اذا فيك خير تعال ..

عمار : فيصل اهدا وش فيك ؟ صاروا يستفزونك بسهوله ما كنت تعطيهم وجه ...

فيصل سكت بقهر .....

حنان سحبت الطاوله غصب ... جا عمار ساعدهاا .. و غيرواا مكانهم .. ثم دخل معلم الحصه الثانيه كانت حصة انجلش ... وبعدين جت الحصه الثالثه وراهاا على طول كانت احياء ...

عند اصايل بعد ما طلعت من الحمام -الله يكرمكم- ما لقت العنود ... دورت بالمطبخ ما لقتهاا .. سألت الخدامه قالت انها راحت بيتهم ...

اصايل غرييييييب كيف راحت ؟ .. المشكله ما عندي جوال اللحين عشان ادق عليهاا ..

جت بتطلع لغرفتها انتبهت على خالد قاعد بالصاله ... راحت له ...

اصايل : صباح الخير ...

خالد : صباح النور ..

اصايل بتردد : بسألك .. قابلت العنود ؟

خالد بدون نفس : اييه الغبيه كانت بغرفتي طردتهاا ..

اصايل : كيف تسوي كذا ؟ مو عيب عليك تطردهاا ؟

خالد : مو عيب عليها تدخل غرفتي ؟

اصايل ما عرفت اش تقول : هي سوت كذا لانها ........

خالد قاطعها : اللحين هي وين ؟

اصايل : اكيد زعلت و رجعت بيتهم ..

خالد : حلووو .. اجل بروح اكمل نومي ...

مشى و اصايل تناظره مصدووومه ..

اصايل اول مره خالد يجرح !

نواف وصل مدرسته الأهليه .. دخل ع المدير على طول .. خلص اجراءات نقله و اخذ ملفه ... ارسل مسج لـ ماجد انه برى بالساحه يستناه ... ماجد كان بقاعة الدرس بس ما كان عندهم احد .. فطلع يشوف نواف .. سلم عليه و بعد السؤال عن الحال ....

ماجد : اللحين قولي ليه بتنقل ؟ بعدين معقول احنا اصحاب و زملاء و انا اخر واحد يدري انك بتنقل !

نواف : لاااا والله يا مجووود مو كذا .. يعني انشغلت و ما قلت لك ..

ماجد : مااا علينااا مسامحك ... بس وين بتنقل ؟

نواف : المدرسه اللي جنب العمارة اللي ساكن فيها وليد ...

ماجد : ههههههههههههههه اختصر و قول مدرسة حمد ..

نواف انحرج : هههههههههههه لآ مو عشاااانه ترى ..

ماجد يسلك له و هو كاتم الضحكه : ايه مصدقك اصلا ما قلت شي انا .. اللحين خلصت كل الأجراءات ؟

نواف : ايييه من هنا خلصت .. باقي بس اروح اودي ملفي هناك ...

ماجد : يعني بقعد مع نفسي بذي المدرسه !

نواف : لاااا تقووول كذا الشباب يا كثرهم و انت تدخل القلب بسرعه ..

ماجد : احرجتني ي شيييييييخ صاير كلامك ينقط عسل هههههه ..

نواف : ههههههههههه إلا نزلت علي الذرابه فجأه ...

ماجد : هههههههههههه أي والله ... تدري شكلي بلحقك و انقل لنفس المدرسة ...

نواف استانس : واااااااالله ؟!

ماجد : والله ودي بس ما ادري عن اهلي ...

نواف : تكفى كلمهم لو نجتمع هناااك بتصير فله ...

ماجد : هههههه أي و بنقل اخبارك لوليد ...

نواف : إلا هذي بعد ...

ماجد : ههههه امزح امزح ...

نواف يناظر ساعته : يلااا انا لازم امشي .. ابي اوصل بوقت الفسحه عندهم ...

ماجد : ياا سلاااام عشااان تشووووفه ؟

نواف : حتى انت تقول ذا الكلام ...

ماجد : ههههههههه خلاااص خلااااص روووح و سلم عليهم اذا قابلتهم ..

نواف : ان شاء الله يلا مع السلامه ..

ماجد : مع السلامه ..

اللحين وقت الفسسسسحه بمدرسة فيصل و الشله ...

فيصل : اوووووف اخيرااا جت الفسحه ...

حنان : امشوا نشتري فطور ...

فيصل : يلاااا ..

و هم يمشوااا ........

حنان : في سؤال محيرني ليش العيال بالصف بس يطالعوني ...؟!

عمار فطس ضحك : ههههههههههههههههههههههههههههههههههه ..

حنان مستغربه : وش اللي يضحك ..؟

فيصل : عمار لا تضحك عليه تراه من جد ما يعرف الجواب ...

عمار يحاول يوقف ضحك : هههه امااا ههههه ما هههه يعرف ...

حنان : فهمووووووووووني !

فيصل : ما قلت لك يوم كنا بالعماره لا تلبس زي كذا لبس ؟

حنان : إلا .. بس وش دخل ؟!

عمار : هههههههههه ياااخي لبسك عطرك شكلك يخقق .....

فيصل : عمااااااااااااااااااااااااار ؟!

حنان : حتى انت !!!!

عمار : ههههه لا تفهموني غلط والله مو قصدي شي بس هذا الصدق .. يعني شوف بمدرستنا في احد كاشخ زيك ؟

فيصل : خلك يا وليد(حنان) تستاهل نصحتك بالبيت ما سمعت مني ..

حنان تحاول تفهم : اللحين لبسي يخليهم يخقوووون ؟!

فيصل : اقوووول قفل الموضوع ما عندي لك جواب ...

عمار : انا بقوله .. شووف يا وليد(حنان) حاول ما تبين وساامتك .. لان انت ما شاء الله جميل و تلفت .. يعني كيف اشرح لك ............

فيصل قاطعه : خلااااص لا تكمل اكيد هو فهم ...

حنان : ما فهمت أي شي !

فيصل يحك راسه : طيب مو لازم تفهم ...

عمار : ههههههه محسسني كأنك اول مره تدرس مع عيال .. يعني ما تعرف حركات الشباب ؟!

حنان ارتبكت : هااه إلا اعرف ...

فيصل : اقووول وليد خلك ساكت احسن ...

حنان أي والله اسكت احسن بغيت افضح نفسي ...

فيصل طلع فلوس : عماار رح اشتر لنا فطور .. و احنا بنستناك بالساحه ..

عمار : اووووووووكي ..

بعد ما راااااااح ........

حنان : عندي سؤااااااال ؟

فيصل : وشو ؟

حنان : انتوا مو كان عندكم صديق ثالث اسمه على ما اعتقد .........(تحاول تتذكر) ......

فيصل : تقصد راجح ؟

حنان : اييييييه هو ....

فيصل : وش فيه ؟

حنان : مو هو اللي شلة هتان يخافون منه ...؟

فيصل : إلآ ...

حنان : غريييييييب وينه ما اشوفه معكم ..

فيصل : ايييييييه هو كل سنه كذا ما يداوم اول اسبوع .. لانه يكون مسافر لديرتهم .. الاسبوع الجاي اكيد بيجي ...

حنان : اهاااا .....

كانوا شلة هتان يدورون حوووولهم و يعطونهم نظرااااااات ...

حنان تمسك كم ثوب وليد : لـ ليش يناظروناا كذا ؟

فيصل ابتسم : وش فيك خايف ؟

حنان بعدت يدها : لأ بس اسأل ...

فيصل : معليك دام اني معك ما يسترجون يقربونك ...

حنان ابتسمت براحه : احسك قووووي ههههه ...

فيصل : اللحين تتمصخر و لا تمزح ؟!

حنان : هههههه عادي اللي يناسبك ...

فيصل بمزح : همممم اسكت و لا بتهاوش معك ...

حنان : هههههههههه طيب بسكت ...

عند هتان و شلته .....

مشاري معصب : خلنااا ياخي نكفخه هنا بالساحه .. والله ما اسكت له على اللي سواه بالفصل ...

هتان : ياخي اصبر مو اللحين وراك مخفه كذا !

مشاري : شوفه مع وليد يضحكون و عايشين جوا ياخي ما ابيهم يضحكون مع بعض ...

هتان : وش دخلك انت خلهم يضحكون ...

مشاري : بالذمه منت مقهور منهم ... فيصل اللي ما كان يعطيك وجه اللحين مبسووووط مع وليد ...

هتان : اقوول لا تجيب طاري الماضي .. و هم حسابهم بعدين فهمت ..

مشاري : كيفك خلك تنقهر ... عن نفسي ما بصبر الى بعدين ...

هتان بدون نفس : سوي اللي بتسويه انا و الشله مالنا دخل فيك ..

مشاري : بتجحدوني اللحين ؟

هتان : قلنا لك برى المدرسه نتفاهم معهم منت راضي تفهم تبينا ننطرد من المدرسه ؟

مشاري : خلاااص ابنتظر ... ( والله لا اوريك يا فيصل الكلب ) ..

هتان و شلته لازااالواا يناااظروهم بحقد و يتوعدون فيهم ...

انتـــــهــــــــــى البــــــــــــارت

توقعاتكم
- مشاري بيصبر الى نهاية الدوام و لا بيتهاوش معهم بالمدرسه ؟