شبكة همس الشوق - عرض مشاركة واحدة

2 - 8 - 2015, 06:52 PM

تابع

حنان بترجي : بس يوم واحد خلني اغيب ...

فيصل يناظرها باستغراب مو هي اللي قالت بتسحب ؟!!!!

وليد : لأ احنا ما اتفقنا كذا .. تراك موقع معي على اوراق لا تنسى ..

حنان تنهدت بتعب : الله يخليك بس بكره و وعد ما عاد اغيب ..

وليد يفكر : ياخي انت ودك تضيعني يعني .. هذا و انا وثقت فيك .. و غير كذا فيصل يقول انك ما بتكمل و بتسحب ع المدرسه صدق ذا الحكي ؟!

حنان تناظر فيصل بصدمه و تأشر على نفسها : انااا قلت كذااا ؟!

فيصل لف وجهه عنهااا ....

حنان بترقع الموضوع : هههههه ايييه يمكن فهمني غلط لاني كنت تعبان بالحيل فقلت ما عاد ودي اداوم مجرد كلام يعني و هو يحسبني صدق ما رح اداوم ..

وليد مو مصدق : مدري ليه احسك تكذب ..!

حنان : لااا تطمن هذا الصدق و اللحين لازم نمشي تأخرنا اسمح لي بس بكره ما اداوم و صدقني رح اعوضك و رح اجيب درجات زينه ...

وليد رجع قعد و حط رجل ع رجل : طيب بسمح لك تغيب بس يوم واحد ..

حنان : ورح نبات عند اهلنا ما عندك مانع صح ؟

وليد : بما اني سمحت لك تغيب اكيد رح اسمح لك تبات برى .. مشكلتي ما اقدر ارفض لك طلب مدري ليه ...

حنان ياا فديته يا ناااس شكله يححبني ههه انا انجنيت : يسلموووووا حبيبي ما قصرت ....

فيصل ناظرها بصدمه .... هئئئئئئ قالت له حبيبي ....!

وليد ما اهتم و عطاها ذيك الابتسامه اللي تسحر : الله يسلمك يا الغالي ...

حنان عيونهاا عليييييه ماهي قادره تشيل عينهاا عنه وذايبه بابتسامته ...

فيصل اووووه واضح انهاا خاااقه عليه ذا اللي كنت خايف منه ...

وليد مسك الريموت وقعد يفر بالقنوات .......

فيصل يأشر بإيده قدام عيونها : يااا هيييييييه وين رحت ؟

حنان صحت على نفسهاا : هاااه معك ..

فيصل : يلااا ما تبي نمشي ....

حنان تناظر ساعتها : هئئئئئئ صح والله تأخرنا يلاااا ..

فيصل : محد مأخرنا غيرك ..

بعد ما طلعوا من الشقه و صاروا تحت ....

حنان : اوووووبس نسينا نقوله يعطينا سيارته و السواق ..

فيصل : مو لازم البيت قريب ...

حنان : و بقعد امشي كل ذا الطريق ...

فيصل : امش بس و عن المخكره الزايده ...

حنان : اوووف يااا ششين ذي الكلمه الكل بالمدرسه يقولها لي ..

فيصل : هههههههههههه لأنك ولد خكري ...

حنان : ياااا ربي لا عاد تقولهاا ..

فيصل : هههههه طيب ...

بعد دقيقة صمت .......

فيصل : صح بغيت اسألك .. انتي صدق بتغيبي يوم واحد ؟ مو انتي قلتي ما عاد ودك تكملي ؟ كيف تطلعيني كذاب قدام وليد ؟

حنان : انت من جدك تبيني اقوله اني بسحب .. لو قلت له ما كان رح يخلينا نطلع و انت تعرف اننا تأخرنا ...

فيصل : يعني كل كلامك كان كذب ؟

حنان تنهدت : قلت لك انا حاليا مقرره بسحب .. بس اذا قعدت ببيت امي يمكن اغير رايي بفكر فيها و بحسبها صح ثم نشوف ..

فيصل : على خير ان شاء الله ... و بعدين ماله داعي تقولي لوليد حبيبي ..

حنان : هييييه تراي ولد يوم اقوله كذا ...

فيصل : ولوووو !

حنان لوت فمها : بدينا بالغيره ...

فيصل : دامك تعرفي ...........

حنان : ...................

اصايل صحت من النوم العصر ......

اصايل .. وش ذا النوم اللي فيني تأخرت اوووووف .. اكيييييد امي صحتني الى ان تعبت مني ......

تمغطت .. ثم قامت .. و نزلت تحت .. امهاا كانت قاعده بالصاله مع فهد ..

اصايل : مسااااء الخير ..

ام خالد : مسااء النور اخيراا صحيتي .. والله صدق من قال انك كيس نوم ..

اصايل : اكيييييييييد الثور اللي جنبك هو اللي قال عني كيس نوم ..

فهد : هههههاااااي اكييييييييد مااا تقصديني ...

اصايل : إلا اقصدك اجل اقصد الجدار مثلا ..

فهد يمثل العصبيه : لا تخليني اجي لك ...

اصايل : والله يلااا تعال !

فهد يحذفهاا بالمخده : مشكلتي ما اقدر ع البنات .....

اصايل : ههههههه ادري ...

ام خالد : اقول انت و هي اهجدوااا ..

اصايل & فهد : سمّي طال عمرك ... ( ثم ضحكوا مع بعض ) ..

ام خالد : بدينااا بالطقطقه على بعض ...

اصايل : اووووخص يمه لك في الطقطقه ؟

ام خالد : بنت احترميني ...

اصايل : هههههه سوووري يا مامي ..

ام خالد : فهووودي حبيبي ممكن تتركنا انا و اختك شوي ..

فهد ناظر اصايل بنص عين : اهااااا الظاهر فييييه عريس عشان كذا ما تبيني اقعد معكم ...

اصايل انصدمت : هئئئئئئئئئئئ عرييييييييييييييييييييس ! أمااا عااااد .. ماني موافقه من اللحين .....

ام خالد : ما فيه أي عريس .. و لو جا احد ما رح ناخذ رايك و بنزوجك عى طول ..

اصايل تتصنع الزعل : يمممممممممه لييييييييييييش ؟!

فهد : عن اذنكم ......

بعد ما راااح ......

ام خالد : اتركينا من ذي السخافات .. و بغيتك بموضوع اهم ...

اصايل : قولي وش موضوعه ...؟

ام خالد : انتي ما لازم تطلعي من البيت بعد اللي صار لك .....

اصايل شهقت : لييييييييييييييش طيب ما اقدر ما اطلع من البيت !

ام خالد : بنتي و اعرفك هااايته ... هذا كلام ابوك و انتي لازم تسمعي له هو خلقه معصب منك ...

اصايل : اكيد مفكر اني طلعت مع واحد برضاي ...

ام خالد : يمكن هو كذا مفكر بس انا مصدقه قصتك ..

اصايل : يا حبيبتي يا ماما .. بس ولو ما اقدر ما اطلع ...

ام خالد : اسمعيني بس هذي الفتره الى ان يهدا ابوك .. انا اقترحت على ابوك يحط لكم حراس و تطلعوا براحتكم ...

اصايل : أي والله يا يمه هذا احسن حل ...

ام خالد : حتى اخوك خالد قال انه احسن حل .. و انا كلمت خالد يشوف لكم شخص مناسب ...

اصايل تناظر ساعتها : كان عندي موعد اللحين مع البنات و كنت بطلع .. >> في الحقيقه كانت بتقابل تركي مدير اعمالهم الموعد اللي اتفقوا عليه ...

ام خالد : كنسلي اليوم الى ان نجيب البودي قارد ..

اصايل : اوووكيه هذا اللي بسويه ... جوالك معك يمه ؟

ام خالد : ايييه معي ..

اصايل : عطيني اياه ارسلهم مسج اني ما رح اجي .. جوالي ضاع مدري وينه ..

ام خالد طلعت جواله : خذي ....

اصايل : يسلمووووو ماااامي ...

ارسلت مسج لتركي " تركي انا اصايل هذا رقم امي .. بغيت اقولك رح نلغي موعد اليوم و بنتقابل بوقت ثاني و رح ابلغك بالموعد الجديد اذا حددته .. "

كانوا يمشوا بالشارع ....

حنان : قربنا من البيت ..

فيصل : ايييه قربناا ( ضرب ع جبهته ) خذتناا السوالف و نسيت اقولك ..

حنان : وشو ؟

فيصل : جيراننا ابو صلاح صاروا عايشيين في بيتنا ...

حنان : ايييييييييييييييييييييييييش ؟! ورى ما قلت لي قبل لا نطلع من البيت ؟!

فيصل : و انتي عطيتيني مجال اقولك .. كل ما بقول تقاطعيني و خليتنا نستعجل بالطلعه ...

حنان تحضن خدودها بكفيها : يااا الله ! طيب من متى جوا ؟

فيصل : اعتقد من قبل يومين او ثلاثة ..

حنان : وليه جوا بيتنا ؟ و بيتهم ؟

فيصل : طردهم صاحب البيت و ما كان عندهم مكان يروحوا له ..

حنان : يااا الله ! لو كنت ادري ما كان قلت لأمي اننا بنام عندها .. اكيد مافي غرف فاضيه اللحين ..

فيصل : إلا غرفتي فاضيه .. يوم زعلت منك امس رحت عند امي و نمت هناك ...

حنان يووووه اكيد سميه شافته .. ( نزلت راسها للارض بضيق ) و اكيد انها زعلانه مني لأ مو زعلانه يمكن حاقد علي بعد ... يااا ربي وش اسوي معها لو تعطيني بس فرصه اكلمها .. اصلا حتى لو كلمتها ما اقدر اقولها عن وليد و قصة روحتي للمدرسه بداله مره صعب .. يعني ما عندي عذر اقوله لها .. ذاك اليوم كنت بتهور و اقولها كل شي اللحين لازم انتبه مو أي شي اقدر اقوله اخاف تفضحني اذا ما صدقتني ... وش السواة يعني ما اكلمها و اتجاهلهاا .. اااااه تعبت من التفكير .......

فيصل : وش فيك تضايقتي ..؟ ما ودك يقعدون ببيتنا ؟

حنان : لأ ما قلت كذا ... ما فيني شي اصلا ..

فيصل : اييييييييه عرفت اكيد تغارين علي من سميه ..

حنان دفشته : لاااا يكثر بس .. وش اغار عليه من زين خشتك !

فيصل مسوي نفسه زعلان : اشلون من زيني .. كل بنات الحاره خاقين علي انتي الوحيده اللي ما خقيتي ..

حنان : ههههه عندي نظره خاصه للرجال مو أي واحد يدخل مزاجي ..

فيصل : اللحين انا أي واحد ؟ .. متربي معك مفروض تلقائيا تكوني خاقه علي ..

حنان : شب شب بس ..

فيصل : لنا الله .. خقيتي على وليد و انا زوجك ..

حنان قاطعته : يعني انت مصر تنرفزني .. كم مره اقولك انت مو زوجي و الزواج على ورق و بس ...

فيصل تنهد : خلااااص فهمنا كنا نمزح حراااااااام !

حنان : المهم ووصلنا بروح ورى ذاك الجدار بلبس العباه ..

فيصل : اوكيه بسرعه .....

بعد ما رااااااحت ...

فيصل اه منك بس تعبتي قلبي .. ( قام يناظر المكان ) لنا ذكريات بذا المكان .. كنا دايم نطلع و تجي تفصخ و تلبس عبايتها هنا .. يا ليت ترجع ذيك الايام .. ما كنت شايل هم شي .. كنا فالينهاا ع الآخر انا و حنان ... يوم صارت حنان ولد احس فيها شبه من هيثم اسلوبها و حركاتها .. تذكرني فيه .. الله يرحمه .......

جت حنان ..........

حنان : يلا خلنا ندخل بيتنا احس اشتقت له حييييييييييييييييل ...

فيصل : يلااا ..

حنان اتمنى ما اقابل سميه ... ياا ربي وصل فينا الحال لكذا !

سعد و سعود لما دروا انهم جايين قعدوا برى يستنونهم ...

فيصل : شوفي احلى استقبال سعد و سعود ...

حنان : فديتهم اشتقت لهم ..

فيصل : اشتقتي لهم ؟! كنتي 24 سااعه تتهاوشين معهم ..

حنان : ايييه اشتقت للهواش معهم ...

فيصل : ههههههههههههههه .. الله يعينهم عليك ...

دخلوا البيت و سلموا على امهاتهم .. و بعد السؤال عن الحال و الاحوال ..

حنان : فيصل قال لي ان جيراننا هنا وينهم ماني شايفه احد ؟

ام حنان : ام صلاح ولدها طلع من السجن و من الظهر و هم قاعدين معه ما شبعوا منه .. و البنات بالغرفه ...

فيصل : ما شاء الله صلاح طلع ..!

ام حنان : أي طلع اليوم الظهر ...

ام فيصل : ما قصرت يا ولدي المحامي اللي جبته مره شاطر ام صلاح قالت اشكرك بالنيابه عنها ..

فيصل : العفووو ما سويت شي ..

حنان همست له : اييه الشكر كله لك و انت صدق ما سويت شي انا اللي جبت المحامي ...

فيصل : كااااااك مو لازم يشكروك ...

ام حنان : وش يتهامسون فيه عصافير الحب ؟

حنان فطست ضحك : هههههههههههههههههههههههههههههههههه وش عاصفيره يا يمه .. عليك مصطلحات ...

ام فيصل : و ليش كل ذا الضحك و ناديه صادقه ...

حنان : و لا عصافير و لا شي .. ما كنا نتهامس بشي ..

ام فيصل : خلاص يا ناديه لا نحرجهم يمكن شي خاص فيهم ..

فيصل فهم قصد امه و كتم ضحكته .....

ام حنان : أي والله صح ...

حنان : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فيصل لاحظ ان حنان مو فاهمه شي ما قدر يتحمل : هههههههههههههههههههههههههههههههه هههههههههههههههههههههههههههه

حنان : بسم الله لا تموت علينا بس .... ضحكنا معك بالله ...

فيصل يحاول يهدا : ههههه ما يحتاج هههه تضحكين ...

ام حنان : اتركيك منه .. و قولي لي بتنامي عندنا اليوم صح ؟

حنان : ما ادري .. يعني اكيد ما في غرفه ..

ام حنان : كيف مافي و غرفة فيصل فاضيه .. رح تنامون فيها الليله ...

حنان شهقت : هئئئئئئئئئئئئئئئ بغرفة فيصل ؟!

ام فيصل : وش فيك يا بنت عادي انتي و زوجك بغرفه .. و لا انتوا بالشقه كل واحد ينام بغرفه و لا وش وضعكم بالضبط ...؟!

حنان ناظرت فيصل .. و هو ساكت ...

فيصل مالي دخل هي تصرف نفسهاا ..

حنان ابتسمت غصب : لا لا خالتي .. بس يعني تفاجئت شوي على بالي بننام بغرفتي انا ... ( وووه صرفت نفسي بآخر لحظه )

ام حنان : غرفتك فيها البنات .. ما عليناا انا مره مبسووطه انكم رح تناموا عندنا اليوم ...

ام فيصل : يا عرسان بيني و بينكم ... ناديه كانت قلقانه عليكم خايفه لا تكونوا متزاعلين مع بعض او متهاوشين كانت طول اليوم اللي راح قلقانه خصوصا لما فيصل جا و نام عندنا ..

حنان ناظرت فيصل : الله يهديك خليت امي تقلق و احنا ما فينا شي ..

فيصل : آسف خالتي ما كنت ادري انك رح تقلقين ...

ام حنان : اهم شي اني تطمنت و انكم مبسوطين ..

حنان : مبسوطين مبسوطين تطمني ..

ام حنان تنهدت براحه : الحمد لله ...

بغرفة البنات .. كانت سميه حاطه اذنها ع الباب ....
سوسن : يا بنت اقعدي عيب اللي تسوينه ...

سميه و الدموع متجمعه : انتي ما سمعتي ضحكاتهم واصله لآخر الشارع .. يضحكون مع بعض و مستانسين ....

سوسن : مالنا دخل خليهم ..

سميه : كيف مالنا دخل ؟ .. صرت اكره حتى اسمع اسم حنان ... ( قامت تبكي )

سوسن : يااا حبيبتي لا تفضحينا تكفين ...

راحت لهااا ..

سميه : ما اقدر اسمع صوتهم و ما ابكي .. احس بقهر ...

سوسن : طيب لا تتسمعين عليهم .. خليهم انتي تقهري نفسك بنفسك طنشي ..

سميه تحاول تهدي نفسهاا : انا ما لازم اشوفها الى ان تروح ..

سوسن : و انا بعد قلت كذا .. خلاص لا تشوفينها .. اذا سألوني عنك بصرفك ..

سميه : حبيبتي ما رح انسى وقفاتك معي ..

سوسن : ولو احنا خوات و مالنا غير بعض ...

سميه ارتمت بحضنهاا و لازالت تبكي بصوت مكتوم ....

انـــــــــــتهى البـــــــــــارت