شبكة همس الشوق - عرض مشاركة واحدة

2 - 8 - 2015, 07:28 PM

بـــــــــــــــــــــــــــــارت [27]

سميه : حبيبتي ما رح انسى وقفاتك معي ..

سوسن : ولو احنا خوات و مالنا غير بعض ...

سميه ارتمت بحضنهاا و لازالت تبكي بصوت مكتوم ....

لازالت جمعة عايلة حنان مستمره و يضحكون و يسولفون الى ان .......

ام حنان : غريبه يا حنان ما ودك تروحي تشوفي سميه و سوسن .. صديقاتك ..

حنان ارتبكت : يممممه مـ ما شبعت من شوفتكم ...

ام حنان : أي بس لازم تسلمين عليهم ...

حنان : ان شاء الله ...

وصل ابو خالد من شغله بعد يوم عمل طوييييييييل .. و لازالت ام خالد مع اصايل بالصاله ....

ابو خالد : السلام عليكم ...

اصايل : هلا يباا عليكم السلام ....

ابو خالد ما عطاها وجه : ام خالد تعالي ابيك ...

اصايل شكله مره زعلان مني بس انا اش ذنبي !

ام خالد : آمرك يا ابو خالد ...

ثم رااااحوا لغرفتهم ......

ابو خالد : فَهمّتي بنتك ان مالها طلعه ....؟

ام خالد : أي و الوضع تمام ... بس لازم تفكر بالبودي قارد ..

ابو خالد : ما يحتاج افكر خالد كلمني بالشركه و اقنعني و اعطيته موافقتي يتصرف بذا الموضوع .....

ام خالد تنهدت براحه : الحمدلله ان الامور انحلت ...

ابو خالد : المهم .. العزيمة اللي يوم الخميس ما رح تنلغي .. و كلمي المعازيم و اعزميهم باسرع وقت ..

ام خالد : ان شاء الله يا ابو خالد ...

ابو خالد : انتي اهتمي بالموضوع و جهزي كل شي للعزيمه ..

ام خالد : ابشر و لا يهمك ...

نواف & ماجد حبوا يمروا على شقة وليد ..........

وليد : تو ما نورت الشقه يا شباب ...

نواف : منوره بوجودك ...

ماجد : انا جيت اتطمن عليك و اسألك كيف ترتيبات السفر ...

وليد : كله تمااام و ترى رحلتنا صباح الاربعاء الساعة 3 ..

ماجد : مرررره بدري ..

وليد : و هذا احسن وقت .....

نواف : وين باقي الشباب ؟

وليد غمز له : قصدك حمد ؟

نواف : و انا كل ما اسأل عن شي تدخل حمد بالموضوع !

وليد : هههههه لانك تحبه ..

نواف مبقق عيونه : اييييييييييييييييييييييش ؟!

وليد كتم ضحكته : تحبه خآآآآآآق عليه .. اذا ما شفته ما ترتاح ....

نواف : وش ذا الكلام ؟!

ماجد : وليد كم مره اقولك خف عليه ههههه !

وليد : ههههههههههههه والله اني احب اطقطق عليه خلني اشوفه منحرج ..

نواف يمثل العصبيه : و لييييييش انحرج ؟ والله مالك داعي يا وليد ارحمني ياخي .....

وليد : هههههههه خلاص بقولك وينه حمد .. راح عند اهله و بينام عندهم الليله .....

نواف تنهد باحباط و قال بصوت غير مسموع : لو كنت عارف ما جيت .. ( ثم بسرعه حط يده ع فمه ... وش قاعد اقول انا ؟ )

وليد : ادري ادري من وجهك باين انك ندمان لانك جيت ......

ماجد : ههههههه حركاته واضحه ..

نواف منحرج و سااااااكت .....

وليد : انتوا كل يوم بتنطون عندي بالشقه ؟!

ماجد يتصنع العصبيه : هاااه كنك ما تبينااا ..

نواف بتملل : انا عن نفسي كل يوم بجي حتى لو طردتني ...

وليد بنص عين : ايييييه يا حظ من تجي عشان تشوفه ...

نواف : اوووووص بس ...

ماجد : ههههههههههه الى متى بتقعدون على ذي الحاله ...؟

وليد : هههه خلنا مبسوطين ...

نواف : والله محد مبسوط غيرك ...

وليد : اجل تقولي يا نواف انك نقلت لمدرسة حمد هاااه ..

نواف بدون نفس : اييييه نقلت وش عندك ؟

وليد : ابد و لا شي و بكره بتداوم ؟

نواف : اكييييييييييييد بداوم ...

وليد : ههههه اكيد تستنى بكره بششوووووق ...

نواف : لا يكثر بس ...

وليد : طيب لا تداوم بكره ....

نواف : ليش ؟

وليد : بس لا تداوم .. صدقني ما رح تداوم ...

نواف : إلا بداوم و غصبا عنك ...

وليد : والله ما رح تداوم ...

نواف عصب : لا تحلف !

ماجد : طيب فهمنا ليش ما يداوم ....؟

وليد استرخى و حط رجل ع رجل : لان حمد ما رح يداوم بكره ..

نواف اانصدم : كييييييييييييييف ؟! ليش ؟

وليد : تعبان مسكين عشان كذا راح عند اهله ...

نواف حس بخوف عليه : هو فيه شي ؟

وليد درى انه ميت خوف و كمل تلفيق : ياخي مسكين مرررره تعبان ...

نواف وقف : انا رايح ...

ماجد : على وين ؟

وليد كاتم الضحكه : اكيد عشان يشوفه و يتطمن عليه ..

نواف ما كان حاس على نفسه .. لما انتبه فكر و قال يقعد شوي عشان ما يطلع كلام وليد صح ...

نواف : كـ كنت بروح المطبخ بس غيرت رايي ...

ماجد & وليد : ههههههههههههههههههههههه ...

هتان وصل البيت و منعزل بغرفته كالعادة .. من كثر ماهو راعي مشاكل كل اللي في بيتهم يخافوا يدخلوا غرفته .. يعني دخول غرفته او حتى الكلام مع هتان نفسه بالبيت محرم ...... المهم كان قاعد يفكر و الابتسامه شاقه الحلق ......

طلع جواله وقعد يسمع صوت حنان مره و مرتين و اكثر كل شوي يشغل التسجيل و يبتسم .....

هتان متى يجي الاربعاء بموووت من كثر ماني متحمس ... اليوم آه يا اليوم ما توقعت احد بيدخل قلبي غير فيصل .. من بعد وليد(حنان) كرهت فيصل و اللي جابه .. وليد(حنان) شي ثاني شي غير .. الولد غير عن كل اللي اعرفهم اذا قعدت معه يجيك احساس ما كنه ولد ... (ضم المخده لصدره متشقق وناسه) اتذكر شكله و هو خايف و هو يرجف في كل حالاته يخليك تخق غصب عنك .. آه يا وليد(حنان) وش سويت فيني ! ...

بعد لحظات ........

اييييييه تذكرت لازم ادق على مشاري .......

هتان : مشمووش وينك ؟

مشاري : ويني يعني بالبيت .. و لا عاد تناديني كذا ..

هتان : ههههه بالهون يا مشمش بالهون ..

مشاري صرخ : هتاااااااااااااااااااااااااااااااااان !

هتان : اووووخص يا الذيب عصبت ؟!

مشاري : المهم ليه داق علي وش بغيت ؟

هتان : ايييه صح ابيك بموضوع مهم .. تذكر الفيديو اللي شفناه بالمقهى ؟

مشاري : أي اللي بنروح الرياض عشانه ...

هتان : ايه هو .. بغيت اسأل ما تذكر اسم للمهجول اللي بالفيديو او حاط رقم بن شي عنوان شي ؟!

مشاري : امممم ما اذكر صراحه .. بس اسمه على ما اظن كان ملك الهجوله ..

هتان : ووووه كنه يتحدى .. معليش تحمست .. المهم شووف عندكم شبكه مفتوحه و لا لا ؟

مشاري : دقيقه خلك ع الخط ابشوف اللحين ....

يفتح الواي فاي يدور شبكات و لقى له وحده ...

مشاري : الووو هتااان صدت شبكه للجيران اللحين بدخل ..

هتان : اوكيه ارجع شوف الفيديو مره ثانيه اكيد بيكون حاط بنه .. كلم الولد اللي مسمي نفسه ملك الهجوله .. تعرف عليه و اتفق معه .. عشان اذا رحنا الرياض نقابله ..

مشاري : ابشر خلهاا علي ...

هتان : بتركك اللحين .. و علمني اش يصير معك ..

مشاري : طيب طيب ...

في بيت حنان ......

ام فيصل : حنان يلااا روحي لسميه اكيد اللحين تستناك و مشتاقة لك ..

حنان تناظر فيصل همست : وش اسوي ؟

فيصل رفع كتوفه : ما ادري ...

حنان : خالتي انا جييت عشان اشوفكم سميه ﻻحقه عليهاا ..

ام حنان تهمس لام فيصل : احس ان بينهم شي كأن ما ودها تشوف سميه ..

ام فيصل : بديناا بالوساويس ...؟

حنان انتبهت بأمها بان عليها القلق : يممممه اش فيك ؟

ام حنان : انتي و سميه في بينكم شي صح ؟

حنان : لااا مافي أي شي بطلي قلق الله يخليك ...

ام حنان : هممم ان شاء الله يكون مافي شي ..

حنان هييه ان شاء الله ما اشوف سميه .. يا ليت فيصل قال لي قبل نجي تورطت انا اللحين .....

اذن المغرب ...............

فيصل ينادي : سعدددددد سعوووووووود ..

ام فيصل : اكيد طلعوا للشارع .. من بعد ما انت رحت اخوانك صاروا هايتين ..

فيصل : آفااا .. هيااااته مره وحده ههه معليك انا اوريك فيهم ..

ام فيصل : أي بس لا تشد عليهم ...

فيصل : هههههه ابشري يا الغاليه .. يلا انا بطلع للمسجد و باخذهم بطريقي ...

ام فيصل : طيب ...

بعد ما راااااااح .......

ام حنان : حنان انا بعد بروح اصلي و بعدين بنطلع للمطبخ انا و خالتك نحضر للعشا ..

حنان : ايييه و انا ودي اساعدكم بعد ..

ام حنان : لا يا حنوو روحي لسميه و البنات اقعدي معهم ...

حنان يااا ذي السميه : ان شاء الله يمه ان شاء الله ..

مشت حنان لغرفة سميه (اللي كانت غرفتها من قبل) ترددت تدخل و لا لا .. ودها بس تسلم عليها .. و هي واقفه ع الباب فتحت ........

سوسن : انتي ؟؟؟!!!!!!!!!

حنان : هلا سوسن كيفك ..

طلعت و سكرت الباب ........

سوسن : انتي وشش تبين ؟

حنان : بس بسلم عليكم ...

سوسن : اقول اقلبي وجهك مو بحاجة سلامك احنا ..

حنان كانت بتقول البيت بيتنا كيف اقلب وجهي بس سكتت ..

سوسن : رووحي وش تنتظرين ؟

حنان : اوكيه سلمي على سميه ..

سوسن : لا تتعبي نفسك تجي مره ثانيه سميه نايمه .....

حنان حتى انتي تكلميني من طرف خشمك لهالدرجه انقلبتوا علي ! : نوم العوافي ....

رجع فيصل من المسجد ... الكل كان مشغول بالطبخ ... و سميه و سوسن طلعوا من الغرفه و راحوا و قعدوا مع اهلهم بالملحق ...

ام حنان : سلمتي ع البنات ...

حنان بكذب : اييه يمه سلمت ...

ام فيصل : شفت البنات طلعوا من الغرفه يوم سألتهم قالوا بيروحوا عند اهلهم بالملحق ...

حنان مو كانت نايمه ! : ما شاء الله ..

ام فيصل : أي و احتمال يطلعوا يتعشوا برى ...

حنان ريحتني و طلعت احسن عشان ما اشوفها : بالعافيه ... و احنا عشانا متى بيجهز ؟ اشتقت لاكلكم والله ...

ام حنان : يا حبيبتي ورى صلاة العشاء على طول ..

ام فيصل : خلاص احنا خلصنا تجهيز .. انتي روحي اقعدي مع رجلك عيب تتركينه لحاله ..

ام حنان : أي خالتك صادقه روحي ...

حنان مشت و هي تتحلطم .. قالت رجلي قالت ما احب ذي الكلمه استغفر الله بس ...

نرجع لهتان ... دق على خويه يشوف اش صار معه .....

هتان : الوو مشووموش اش صار معك .. تكفى بشرني و قول انك قدرت تتواصل معه ...

مشاري : ويييييين يا شيخ ! .. ارسلت له طلب اضافه قبلني قاعد ارسله اللحين ما يرد علي اصبر شوي ... اكيد عنده مضافين وااااجد ..

هتان تنهد : اان شاء الله يرد علينا قبل اﻻربعاء ...

مشاري : ان شاء الله...

بعد ما قفل منه رجع للبي بي يرسل له ......

مشاري : " الوووووو .. ممكن نتعرف ؟ ... الووو .... لو سمحت ممكن ترد .... نحتاجك ضروري ..... الووو.. "

بعد ربع ساعه جاه الرد و طبعا لازال منتظر .........

الشخص : " هلا يا الاخو .... آمر "

مشاري استانس..الحمدلله رد : " ما يآمر عليك ظالم .. ممكن نتعرف ؟ "

الشخص : " طبعا .. انا اسمي يزيد و يلقبوني ملك الهجوله و انا من الرياض .. ماا دري اذا تعرفني "

مشاري : " و النعم فيك يا يزيد اكيد اعرفك في احد ما يعرف ملك الهجوله .. انا مشاري من الشرقيه "

يزيد : " هلا فيك يا مشاري اكيد عرفتني عن طريق الفيديو "

مشاري : " أي والله .. الا كم عمرك انت ؟ "

يزيد : " عمري 19 اخر سنه بالثانوي .. و انت ؟ "

مشاري : " انا زيك .. على فكره تعجبني الهجوله حقتك و تخميساتك مره مبدع فيها "

يزيد : " تسلم يا الغالي من ذوقك "

مشاري : " الله يسلمك .. الصراحه ودي اتعرف عليك اكثر انا و اخوياي كلنا راعين هجوله .."

يزيد : " اتشرف فيكم والله ..."

مشاري : " الشرف لنا يا الحبيب .. و الصراحه ودنا ندزها للرياض يوم الاربعاء عشان بس نشوفك و نسوي تحدي وش رايك "

يزيد : " يااا سلاااام ههههه اول مره احد يتحداني في البي بي والله شي حلوو .. بتجون للرياض عشان تحدي ؟! "

مشاري : " ايييه بنجي ليه ما نجي وش قلت ؟ "

يزيد : " ما يبي لها كلام اكييييييد موافق .."

مشاري : " اوك ببشر اخوياي .. و اذا طلعنا للرياض بنكلمك لان ما ندل شي بالرياض "

يزيد : " ابشروا انا براسي بطلع استقبلكم "

مشاري : " يسلم راسك يا الحبيب "
خلص من يزيد دق على هتان على طول .....

مشاري : الووو هتاااان ...

هتان : لحظه لحظه لا تقولي انا بتوقع ...

مشاري كتم الضحكه : يلا توقع و اتحفناا يا الزعيم ...

هتان : اكيد رد عليك و كلمته و اتفقتوا و كل الامور كوووويسه ...

مشاري : صح عليك كيف عرفت ؟ ..

هتان : واضحه ما يبي لهاا .. داق عليك و انت مستانس فقلت اكيد ضبطت الوضع معه ...

مشاري : أي والله ... لااا و قال بيستقبلنا بنفسه اذا جينا للرياض ..

هتان استانس : اخيرا بقابل ملك الهجوله ... و بتحداه بعد ...

مشاري : أي قلت له عن التحدي و هو موافق ...

هتان : ووووه والله تحمست ودي اروح اليوم ...

مشاري : هههههههه استريح بس ...

هتان : إلا قول لي كيف شفته يعني اسلوبه و طريقة كلامه ؟

مشاري : وش اقولك والله انه عسسسسل .. بس ودي اشوف شكله ..

هتان : ههههههااي اهم شي الشكل ...

مشاري : هههههههههههههه اكيد الشكل مهم ..

هتان : انا لقيت اللي بيخاويني عاد انت شوف لك واحد بس انك تخاوي ملك الهجوله ما اعتقد لك امل ههههه ...

مشاري : اصلا ماني مخطط اخاويه .. و بعدين ليش مالي امل ما تدري ..

هتان : كااااك تكفى يا مشمش لحد يسمعك ...

مشاري : اقوول مع نفسك يا الخايس مسوي تحطمني ...

هتان : ..........................

نرجع لفيصل و حنان .. طبعا طلعت من المطبخ متضايقه ... قعدت مقابل فيصل حطت رجل ع رجل و قعدت تهز برجلهاا ...

فيصل يناظرها من فوق لتحت : وش فيك متضايقه ؟

حنان من بين اسنانها بس بهمس : امي و خالتي يقولون روحي اقعدي مع رجلك ......

فيصل ما تحمل و انفجر ضحك : ههههههههههههههههههههههههههههه ههههههههههههههههه هههههههههههههههه آآآه يا بطني ..

حنان مببقه عيونها و تناظره : وش اللي يضحك !؟

فيصل يحاول يسكت : هههههه والله محد عرف لك هههههههه الا امي و خالتي ههههههه ...

حنان :طيييييييير بس .. و لا اقولك خلك ساكت ...

فيصل : لييييييش و هم صادقين اقعدي معي ..

حنان تشد شعرهاا عصبت : تقهروووووووووووني .. يعني من صدقهم حتى قبل لا نتزوج كنا 24 ساعه مع بعض اش بيتغير اللحين لا قعدت معك ..

فيصل : ههههههههه لا تكذبي ما كنا 24 ساعه مع بعض ...

( وقف و هي تناظره باستغراب .. مشى ناحيتها و قعد جنبها بالضبط .. هي بعدت شوي ...)

حنان : خيييييييييييير !

فيصل مسك وجهها : المفروض هذا اللي يتغير ..

حنان انفجعت من حركته و بعدت عنه : وش تقصد انت ؟

فيصل : اول ما كنت امسك وجهك و لا ألمسك و لا اقعد قريب منك .. اللحين مفروض اسوي كذا ......

حنان : لا تنرفزني انت بعد .. تعبت و انا افهم فيك .. ( خفضت صوتها و قربت لأذنه و همست ) يعني اول ما كنت تدري اني بنت ؟ ما حبيتني الا يوم تزوجنا ؟ اعذرني بس مالك مكان في قلبي يا ولد خالتي ..

فيصل حاط يده على قلبه قريبه منه و تهمس باذنه للحظه ما كان منتبه لكلامها كان يحاول يستوعب الاحساس اللي يحس فيه .. انفاسها صوتها عطرها يدها اللي حاطتها على كتفه يفكر بأيش و لا ايش !

حنان بعدت عنه : سمعت اللي قلته ؟!

فيصل وش ذا الاحساس اللي جاني من تو .. لولا اني ماسك على قلبي كان قلت اكيد سمعت صوت دقاته ...

حنان اش فيه ذا ! : فييييييييييييييييييييصل ...

فيصل : هااااه ...

حنان : هويت ببير وش هااه سمعت اللي قلته ؟

فيصل : وش قلتي ؟

حنان تضرب جبهتها : ياااااا ربي كل ذا الكلام و لا سمعني وش اسوي بعمري انا ..

فيصل : عيدي طيب .....

حنان : انا ما أعيد كلامي ... بس اوعدك رح تسمع اللي قلته كثير ...

فيصل تنهد بتعب : على راحتك ...

في الشقة عند وليد و اخوياه .....

نواف : يلا شباااب عن اذنكم ...

وليد : بدري ...

نواف : عندي شغل ...

وليد : اييييه شغل ! .. طول القعده و انت مو معنا اكيد تفكر بالناس التعبانه ...

نواف طنش : مع السلامه ...

ماجد : هههههههههه ما عطاك وجه يا وليد ..

وليد : ههههه عادي وش ابي بوجهه و وجهي الزين موجود ...

نواف يصارخ من عند الباب : تراي لسا موجود و وجهي ازين من وجهك ..

وليد : هههه روووح بس والله معك ...

ما سمع الا صوت الباب قفله وراه بقوه من قهره على وليد ...

نواف مسوي يطقطق علي ما يتعب هذا ما يمل .. اوووف منه .. ( دخل الاصنصير و هو يفكر ثم قام يحك راسه ) ..ودي اروح بيت حمد بس عشان اتطمن عليه ما ادري ليش بس احس اذا ما شفته ما برتاح ... ( قام يهز براسه كأنه ينفض الافكار اللي فيه ) وش اقول انا ماله داعي اروح بعدين من يكون حمد ... خل اراسله بالبي بي و اتطمن طبعاً هذا اذا رد .......

نرجع مره ثانيه للشقه و هذي المره عند وليد و ماجد ...

وليد : اللحين نقدر نشتغل براحتنا بما ان نواف مشى ...

ماجد : ليه هو باقي في شغل ؟

وليد : و كثير بعد .. نبي نخلص عشان اذا سافرنا تكون الاوراق جاهزه ما ودي اطول برى حاب ارجع بسرعه ...

ماجد : و ليه مستعجل ع الرجعه خلنا على مهلنا ...

وليد : لا لا احس حبيت الشقه ودي اقعد فيهاا ....

ماجد : هههههه حبيت الشقه و لا اللي في الشقه ...

وليد : هههه يا حرااامي هذي جملتي قلتها لنواف ...

ماجد : هههههههههه صدقني ما كنت ادري ...

وليد : ايييه القلوب عند بعضهاا ..

سكتوااا شوي و كل واحد قام يراجع الاوراق اللي بيده .. ثم .....

ماجد : شفت اش سوى نواف ؟

وليد : اش سوى ؟

ماجد : انتقل لمدرسة حمد ...

وليد : اييييه كنت ادري ...

ماجد : و ليه ما قلت لي من قبل ؟

وليد : ما كنت ادري انه صادق على بالي يمزح ..

ماجد : بس طلع ما يمزح ...

وليد : سواااها نواف و انا ااحسبه راعي كلام بس ...

ماجد : ههههه لا يسمعك ..

وليد : ههه تكفى وش بيسوي ! .. بس ليش تكلمت عن سالفة نقله فجأه ؟!

ماجد : اييه لانو انا قلقان ..

وليد : اش اللي مخليك قلقان ...؟

ماجد : حتى انت مفروض تقلق .. بعد كل شي نواف خويناا ..

وليد : طييييييب ليه اقلق و على وشو ؟

ماجد : يعني منت ملاحظ تصرفات نواف .. لولا ان حمد ولد كان قلت يحبه ...

وليد : ادري و ملاحظ و شفته و عادي عندي ..

ماجد منصدم : عادي يحب ولد ؟؟؟؟!

وليد : لأ انا ما قلت كذا ..

ماجد : اجل انا فاهم غلط ! فهمني ...

وليد : خليها بوقتها مو لازم تفهم اللحين .. بس تطمن نواف ما قاعد يغلط هو يتبع احساسه و بس ...

ماجد : قمت تتفلسف اللحين !

وليد عطاه ابتسامه و كمل شغله ........

اذن العشاء .....

فيصل : بروح اتجدد للصلاة ...

حنان : تكفى نادي سعد و سعود من برى .. بقعد معهم شوي على بال ما تتوضأ ..

فيصل : اووووكك..

قعدت مع عيال خالتها شوي و تهاوشت معهم شوي و سولفوا شوي لغاية ما خلص فيصل و اخذهم معه للمسجد ...... بعد ما راااحوا ...

حنان ودي اروح غرفتي اشتقت اشوفهااا ....

سوتهاا وراحت للغرفه بس للأسف لقتها مقفوله ..

حنان اكيد يمزحون البيت بيتنا و كذا تسوي .. تقفل الباب و تاخذ المفتاح معها كأنه بيتهم !

ام حنان تنادي : حناااااااااااااان ..

حنان : نعم يمممممه !

ام حنان : صليتي ؟

حنان : اللحين بروح ..

ام حنان : يلا بسرعه روحي عشان نجهز العشا ...

حنان : ان شاء الله يمه ...

حنان هييييييه يوم كنت بالشقه ما اشتغل شي .. يعني حتى بالشقه ونااسه .. هناا تعب .. ما كني اشتقت للشقه ههههه ...

الجوهره كانت قاعده بغرفتها تعبت تفكر و توصلت لقرارها اخيراااا ..

الجوهره ما ادري اش صار مع العنود بالمطعم بس اللي متأكد منه انها زعلانه و انا و ما ودي اشوفهاا ... اللحين لازم اكلم الجوري ..

الجوهره : مساااء الخير جوووارتي ..

الجوري : مساء النور جوجتتي كيفك يا الحلوه ..

الجوهره : بخيييير دامك بخير ..انتي اش مسويه ..؟

الجوري : ابد قاااعده و زهقااانه .. ما يمديهاا طلعه ؟

الجوهره : هههه بذا الوقت ما احب اطلع ..

الجوري : عادي تو خلصت صلاة العشاء يمدي!

الجوهره : لا خليها بكره و بعد ابيك بسالفه ...

الجوري : لا تكون عن خالد ..

الجوهره : ايه عنه ..

الجوري : معليش اسمع ردك اول بعدين احكي اللي تبينه عنه ..

الجوهره : اوكيه انا قررت و بقولك قراري بس اشوفك بكره ان شاء الله ..

الجوري : اوووه اخيرا ..

الجوهره : ايييه و احس اني مرتاحه للقرار اللي اخذته ..

الجوري : تشوقت اعرف اش قررتي !

الجوهره : خليها لوقتهااا.. المهم ما جاك خبر عن منار ؟

الجوري : لا والله ما جاني أي شي ..

الجوهره : طيب بيت عمي ابو خالد عزموك على عزيمة الخميس ..؟

الجوري : أي توهاا زوجة خالي مكلمتنا اليوم ..

الجوهره : حلوووو انا عندي فكره رح نسويها بالعزيمه و ان شاء الله رح نشوف منار ...

الجوري : اوووه ما شاء الله و اش هي الفكره العظيمه ...

الجوهره : لا تقابلنا بقولك كل شي ..

الجوري : مع اني متحمسه بس اوكيه بصبر الى بكره ..

الجوهره : ههههههه بعد الحماس حلو ..

الجوري : هههه لا مو دايما حلو ..

نرجع لبيت حنان ...وصل مع اخوانه من المسجد كان العشا جاهز .. تعشوا و خلصوا .. ثم قعدوا سوالف شوي ... بعدين كل واحد راح لغرفته ينام ....ظلت ام حنان و فيصل و حنان قاعدين .....

ام حنان : يلااا ما ودكم تناموا ؟

حنان لوت فمها : لااا ما ودي ابي اسهر بكره مارح نداوم اتفقنا انا و فيصل نغيب ..

ام حنان ابتسمت : ما شاء الله يعني اخذتوا اجازة يومين عسل ...!

حنان تحاول تستوعب ...

فيصل ما تحمل و انفجر ضحك : هههههههههههههههههههههههههههههههههههههههههههههههههه ه ..

حنان : انت انجيت اليوم الظاهر .. بس تضحك ...

ام حنان : ههه خليه يا بنتي واضح انه مستانس ...

حنان : و انتي يا يمه وش يومين عسله ذا ؟!

ام حنان : يااا بنت انتوا تزوجتوا و جت المدرسه ع طول ما امدى تقعدوا مع بعض .. حلو انكم تغيبوا كم من يوم و تتونسوا مع بعض ...

فيصل مغطي ع فمه ماسك ضحكته ...

حنان : الله اكبر اللحين غبنا يوم واحد صارت .. كم .. من .. يوم ؟!

ام حنان : يلااا بس قومي تناموا ..

فيصل قام ثم مسك يد حنان وهي مستغربه ..

فيصل ناظرها و ابتسم : يلا حبيبي خلينا ننام ...

حنان بتسحب يدها مسكها بقوه .. توها بتتكلم قاطعها ...

فيصل يلمح : يلااا امك تستنانا ننام اش فيك ؟

حنان فهمت عليه : اوك .. يلا يمه تصبحي ع خير ...

ام حنان : و انتي من اهله حبيبتي ...

بس اختفت عن انظار امهاا سحبت يدهاا .. دخلت الغرفه ثم دخل وراها وسكر الباب و هو متشقق من الضحك ...

حنان : قسم بالله لو ما فهمت عليك بآخر لحظه لا كنت وديتك في داهيه ..

فيصل : هههه مدري عنك انتي غبيه امك تبي تشوف و تتأكد احنا كويسين مع بعض و لالا ..

حنان : أي فهمتها بعدين ... (تناظر الغرفه ) .. اول مره ادخل غرفتك بذا الوقت ..

فيصل ابتسم : لا مو اول مره .. نسيتي يوم دخلتي و سرقتي الجوال ورحتي الشقه من وراي ؟!

حنان : هههههههه ايييه ذاك اليوم .. اجل ثاني مره ادخل ... ( ناظرت السريرثم أشرت عليه ) .. انا بنام هنا ... و انت شوف لك مكان ثاني تنام فيه ....

فيصل تخصر : نعم نعم نعم ... ترى من لما رجعنا من المدرسه ما نمت و داااايخ نووووم و ما تبيني انام على سريري يكفي بالظهر ما خليتيني انام على سريري ...

حنان تترجى : تكفى حتى انا دايخه نوم .. طيب نام ع الارض .. اذا ودك بعطيك اللحاف ما ابيه ...

فيصل : سلااااامااات انام ع الارض ... ( راح و تمدد ع السرير ) انا بنام هنا ودك تنامي تعالي جنبي السرير وسيع و يكفيناا .. اناا زو..جـ....ــك ..

حنان تناظره بعصبيه : اكييييييييد الاكييييد انك تمزح ...

فيصل : لا والله ما امزح .. اذا ودك تنامي تعالي انا ما بسوي لك شي اللهم بنام جنبك و بس ...

حنان : مستحيييييييييييل اذا نمت جنبك بصير كني زوجتك و انت تعرف ...

فيصل : كيفك اللي يريحك انا عن نفسي بنام ... ( لف وجهه ع الجدار و سحب عليهاا في الحقيقه ما نام وده يعرف اش رح تسوي حنان .. بالنسبه لها لسا واقفه بنص الغرفه متكتفه تفكر اش تسوي .. رجع لف عليها) .. اه صح نسيت اقولك لا تطلعي برى اكيد امك هناك بتقعد عشان تقتنع اكثر ان احنا احلى زوجين .. رح تستنى شوي انا كذا اتوقع ...

حنان تنهدت : هذا اللي ناقص ...

فيصل : شوفي المكان اللي جنبي وسيع و فاضي اذا جاك النوم تعالي نامي هذا اللي عندي ...

حنان : انام ع الارض و لا انام جنبك لسا ما جنيت ...

طنشها و رجع لف وجهه للجدار ... حنان قعدت ع الارض ومتسنده ع الجدار ...

حنان : فيييييييصل من جدك بتخليني انام ع الارض ...؟!

فيصل : ......... لا رد

حنان بترجي : فيصل انا والله تعبااانه و ودي انام .. انت رجال تقدر تنام بأي مكان ..

فيصل يعني تبيني اطلع برى البيت من جدهاا ؟! : ............... لا رد

حنان تحاول ترفع صوتهاا شوي عشان لا ينسمع برى الغرفه : فيييييييييييصل ... انت نمت ؟

فيصل ما رح ارد عليها ودي اشوف اش رح تسوي .. بس والله قطعت قلبي .. احس اني شرير معهاا ... لااا خلهاا تستاهل تبيني اجل انام ع الارض .. !

حنان عصبت : مع نفسسسسسسسسسسك ...

حنان الظاهر مافي حل الا اني انام بالارض .. مستحيل انام جنب فيصل و اخون زوجي المستقبلي اللي اتمناه يكون وليد ( حطت ايدينها ع خدودها ) وش قاعده اقول انا صرت اتمناه زوج لي اللحين .. يااا قلبي اهداا لا تعشق قلب يمكن ما يبيك ههههه قلبت شاعره .. خل انام بس و اريح راسي ...

رجعت على ورى الى زاوية الغرفه .. اخذت جاكيتهاا و حطت راسها ع الارض و تلحفت بالجاكيت ما جاها نوم في البدايه بس من التعب نامت ..

فيصل و هو لسا لاف للجدار .. اختفى صوتها معقول نامت ! .. ودي ألف عليها اشوفها بس بنفس الوقت ما ودي تعرف اني صاحي و ما رديت عليها .. تقريبا مرت نص ساعه و هي ما تكلمت .. خل ألف شوي كني نايم و قاعد اتقلب ... يسسس احلى فكره ...

سواااهااا طبعاا .. و لف عليها ... فتح عين وحده بهدووووووء لمحها نايمه ثم فتح كل عيونه و قعد .....

فيصل : أمااااااا سوتهااا ونامت ع الارض .. البنت هذي مجنونه و مجننتني معهااا !

تكتف ... اش اسوي اللحين ؟ شكلهااا يكسر الخاطر .. واضح انها تعبانه بس ليش تعاند ....؟

قعد تقريبا ربع ساعه يناظرها و يفكر اش يسوي ... بعدين قرر يحطها ع السرير .....

و سواها شالها من الارض و حطها على سريره غطاهاا ثم .....

فيصل واللحين ايش لازم اسوي !؟ .. مع اني ميت ابي انام بس هي ما تبيني جنبهاا .. بطلع شوي و بعدين نشوف ...

طلع من الغرفه بهدوء و هو يتلفت حوله .. يخاف يلاقي امه ولا خالته .. هم من غير شي شاكين ان علاقتهم مع بعض مو زينه و اذا شافوه برى بيتأكدوا من هالشي ... ع العموم ما لقى احد برى .. بس لفته ان باب البيت مفتوح ...

فيصل غرييييييييب معقول نسوا الباب مفتوح ؟! ..

راح للباب بيسكره بس سمع صوووووت قطع قلبه ..

انتـــــــهى البــــــــارت