شبكة همس الشوق - عرض مشاركة واحدة

4 - 8 - 2015, 03:18 PM

بـــــــــــــــــــــــــــــارت [33]

نواف من جد الولد نفسيه المفروض يقولي توصل بالسلامه ع الاقل.. : يلا اجل اشوفك على خير ..

فهد : باااي ...

دق جوال نواف و كان المتصل فيصل يستعجله بالجيه .....

فيصل : وينك انت تأخرت ...

نواف : يلا هذاني جاي .....

عند فيصل و حنان ............

فيصل لف ع حنان : اللحين بيجي .... ( شافها تناظر بمكان ثاني .. لف يشوف هي اش قاعده تناظر ! )

شافوا عساف و مهند و فهد طالعين ... كانت تناظرهم بحقد و خوف .... عساف يناظرها و مبتسم .. طلع جواله قدامها و دق ثم كلم و نظره عليهاا ....

حنان مسكت كم ثوبه : فيييييصل .. اكيد يكلم هتان .....

فيصل حط يده على يدهاا : لا تخااافي و انا موجود ...

ما انتظرواا كثير إلا و جا نواف ....

نواف : وش فيكم ؟

فيصل : شوف اللي هناك من شلة هتان ...

نواف لف يشوف : مين تقصد الثلاثه اللي عند السيارة الفضيه ؟؟؟

فيصل : أي هم ...

نواف : انت قصدك حتى فهد من شلة هتان ؟؟؟!

حنان : و انت تعرف فهد !؟

نواف : هذا ولد عمي اخو خالد ...

حنان : و انا اقووول من وين يعرف وليد ...!

نواف : ماني مصدق انه من شلة هتان ... حمد قول لي هو سوا لك شي ؟

حنان : لا لا ما سوا شي .. حتى درى اني اكذب و اني ماني وليد مع ذلك ما قال لهم .. بس اخاف يستغل ذا الشي و يقولهم ...

نواف : ما يقدر انا بتصرف معه ...

فيصل : خلوونا نمشي قبل لا يجي هتان و اللي معه ...

نواف : أي يلاااا ....

ركبوا بالسيارة و مشوا متجهين للشرقيه و كان الوقت 7:30 صباحا .....

عساف فعلا كان يكلم هتان و قال له على كل شي .....

عساف : هلا هتان .. ما تصدق اللي شفته .. شفت وليد و معه فيصل ..

هتان : انت وين اللحين ....؟

عساف : بفندق الـ .......... اول ما تدخل الرياض تلقاه ...

هتان : اوكي احنا جايينكم اللحين ..

عساف : ماله داعي تجي لانهم مشوا .. و احنا اللحين بنمشي ..

هتان : طيب ألحقهم ..

عساف : ليش ألحقهم !؟

هتان : اكيييييد اللحين بيرجعوا للشرقيه عشان كذا لا تسمح لهم ..

عساف : اتركهم يرجعوا .. اذا انت رجعت للشرقيه تصرف معهم ما اظن له داعي مطاردات بوسط الرياض !

هتان : ما كلمك مشاري على اننا بنرجع للشرقيه ...؟

عساف : إلا .. بس احنا ما بنرجع معكم ...

هتان : وش تقول انت ؟؟؟

عساف : اللي سمعته ليه ارجع معكم ؟

هتان : اقول خلك بمكانك ﻻ تتحرك انا بالطريق جاي اتفاهم معك ..

عساف ابتسم بسخريه : هه حياك ....

فهد من شباك السيارة : يلااا خلنا نمشي ...

عساف متسند ع باب السيارة : تغير الوضع ... بننتظر هنا .. هتان بيجينا بعد شوي ...

مهند : ليش وش عنده ؟؟؟

عساف : ما شفتوا وليد هنا .. عشانه بيجي ..

مهند : بس هم مشوا ...

عساف : اييييه هئهئه و كان يبينا نلاحقه بعد ...

فهد : ليه شغالين عند ابوه يتأمر علينا ...

عساف دخل راسه من الشباك : هيييه حدك .. صحيح انه غثه و مخفه بس ما ارضى عليه ....

فهد لف وجهه بضيق .. و سكت ..

في المدينه الجميله دبي صبااح الخميس س 8 في الفندق المقيم فيه وليد و ماجد ......

ماجد : وليد اصحى بسرعه بااقي ساعه ع اﻻجتماع ....

وليد : اوووف اليوم خميس ما يصلح دوام ...

ماجد : هههه احنا في دبي و اليوم دوام رسمي .. قوم جهز نفسك يلااا يا دوبك نلحق ....

وليد يتثاوب : ورى ما قعدتني الساعه 7 زي ما قلت لك امس ...؟

ماجد ابتسم : ما ادري .. شفتك مرتاح بالنومه فكسرت خاطري و قلت اخليك تنام شوي ....

وليد قام من سريره و حط يده ع كتف ماجد و ابتسم له ... ثم راح يتسبح و يجهز نفسه ......

هتان وصل للفندق اللي فيه عساف .... كانوا يستنونه بمواقف السيارات ...

عساف : يا هلااا ..

هتان نزل من السيارة معصب : من وين راحوا ؟؟؟؟؟

عساف واقف جنب سيارته : اذا تقصد وليد و فيصل مشوا من نص ساعه ... من ذاك الطريق ..

هتان ضرب ع السيارة بقوه : الله لا ............. هالحيوان والله ما اسكت له .. اكيد طالعين للشرقيه ...

عساف : ليه كلكم جيتوا ؟!

هتان : ليه جينا !! .. احنا راجعين للشرقيه .. و انت ما ودك تجي ..؟

عساف : لا .. كيف انسحب من التحدي ؟؟! .. حتى انت كيف تنسحب ؟ مرره مستغرب تصرفاتك !

هتان : مالي خلق فلسفتك .. و انا راجع كذا و لا كذا .. انت خلك كمل التحدي لحالك ...

عساف : كيفك سوي اللي تبيه .. بس وش اقول لـ يزيد ...؟

هتان : والله اكيد رح تلقى عذر ماهي صعبه عليك ....

عساف : طيب اذا انت رايح روح بس الشباب لا تاخذهم معك ...

هان : ما اجبرت احد هم ودهم يطلعوا معي ...

عساف تنهد بضيق : وش ذي الحاله .. كلها عشان واحد تافه زي وليد ...

هتان ناظره بحده : انتبه على كلامك لا اطلع حرتي فيك ...

عساف ما رد عليه .. ركب سيارته و حرك للاستراحه .... طبعا طلال نزل من سيارة هتان و رجع مع عساف وشلته للاستراحه ...

و هتان و باقي شلته كملوا للشرقيه .......

س 9 الصباح وصلوا للشركه و خلصواا اجتماعهم بعد ساعتين... ثم رجعوا الفندق ......

وليد تنهد براحه : هم و انزاح ...

ماجد : أي والله .. بس لا تنسى تكلم عمك و تعلمه باللي صار ..

وليد : ان شاء الله اذا رجعنا الشرقيه ..

ماجد : انت الى اللحين رسمي مع عمك ؟

وليد : هههه أي عمي طويل العمر .. اذا ما اناديه كذا يزعل ..

ماجد : عشان وصية ابوك ما تقدر تزعله او ترفض له طلب ..!

وليد بحزن : صحيح .. مهما كان ابوي غالي.. الله يرحمه ..

ماجد : امين يا رب و يرحم جميع موتى المسلمين ...

بعد لحظة صمت .. وليد كان يسترجع ذكريات الماضي .....

وليد : تدري مع ان ابوي كان دايم مشغول عني و ما اشوفه الا بالسنه كذا مره .. إلا انه كان يحبني انا متأكد ...عشان كذا مستحيل ارفض لابوي أي طلب ...

ماجد ابتسم : اكييييييد يحبك دايم يحكي لابوي عنك ...

وليد انسدح على سريره : طول السنين اللي غاب فيها ابوي عني كنت عايش ببيت عمي ابو صقر ... الله لا يوريك يا ماجد صقر عذبني عذاااب ..

ماجد زعل على حال وليد : اذا الموضوع يضايقك لا تتكلم فيه ...

وليد قعد .. تنهد بتعب : لا مو مشكله السالفه صار لها زمان .. و صقر كان يسوي فيني كذا لانه يغار مني و يكرهني مدري ليه .. المشكله اذا شكيت لعمي ما يصدقني .. فـ تحملت و سكتت لغاية اللحين استأجرت برى و انا مبسوط بالشقه ...

ماجد ابتسم له بحنيه : الله يديمها سعااااده ...

وليد : آمين يا رب ... صح لازم نجهز اغراضنا ...

ماجد باسستغراب : ليييييه ؟!

وليد : انا كلمت عمي يرسلنا الطياره الخاصه لاني ما لقيت حجز للدمام ..

ماجد : غريب ! .. و عمك وافق بسرعه ؟

وليد : ههه اكيد بيوافق قلت له ارسل الطياره و لا بألغي الصفقه ...

ماجد : هههههههه تحديت عمك ...

وليد : مو تحدي اكثر منه طلب ... ادري بيعاقبني على تصرفي بعدين بس ما يهمني ودي ارجع باسرع وقت ... بعدين لا تنسى عزيمة خالد حاب اني احضرها ...

ماجد : ههههه من متى صرت تحب العزايم ؟

وليد ابتسم بمكر : في ببالي شي ودي اسويه ...

ماجد : لاااا اكيد حمد ..

وليد عطاه ابتساااااامه ...

بعد مرور 3 ساعات من لما طلعوا من الرياض ... لازال قدامهم 100 كلم ع الوصول .... حنان قاعده ورى لحالها بالرغم من ان فيصل كان وده يقعد جنبها الا انها اصرت تقعد لحالها تفكر بكل اللي صار و ممكن تعيد حساباتها .....

نواف يناظرها من المرايا الاماميه : انت بخير ؟

حنان حاطه يدها ع خدها و تناظر الشباك غير ان دموعها تطيح على كل لحظه عاشتها بالساعات اللي راحت : همممم ..

نواف : طيب لا تبكي ...

حنان مسحت دموعها بسرعه : ما ابكي .. غريب فيصل ساكت ؟!

نواف : فيصل نايم .. شكله مره تعبان ...

حنان الظاهر انه ما نام بالليل لاني انا بعد ما نمت شكله كان قلقان علي و يتظاهر بالنوم ....

نواف : حممممد ...

حنان : هلا ..

نواف : ادري ان اللي صار لك مو قليل ...

حنان : .....لا رد

نواف : انا بس حبيت اقولك .. لا تستسلم ...
حنان سهل عليك تقول كذا لانك ولد .....

نواف يناظرهاا .. رجعت لشرودها مره ثانيه ....

في سيارة هتان ........

هتان : تتحدى اقابلهم على الطريق ...؟

مشاري : لا ما اتحدى .. لاني اعرف اذا انت معصب تتهور و احنا مانبي نموت ..

هتان : خلك يا الخواف على جنب .. نادر انت وش رايك ؟؟

نادر : دوووس و لا يهمك ...

هتان : هذا التعزيز مو انت ....

مشاري : ترى احنا مشينا بعجله حتى اللوحه ما لزقنا عليها يعني ساهر صايدك صايدك .. و انت انسان طفران لا تسمع كلام نادر ..

هتان : ماا يهمني ...

مشاري : اذا انسحبت رخصتك بتهتم بعدين ...

نادر : لا تتهاوشون .. مو وقته ...

مشاري : انت خلك ساكت كله من تحت راسك ...

هتان : انا كنت بدوس بدوس عززتوا لي و لا لا .. مالي دخل فيكم ...

مشاري : طلبتك لا تتهور ...

حط رجله ع البنزين و ما سمع كلام احد ... المشكله كان بينه و بين سيارة نواف 100 كلم .. و الطريق زحمه .. يعني صعب يلحقه ......

وصلوا للشرقيه بدون أي مشاكل .. و راحوا للشقه على طوول ...

حنان : انا بدخل غرفتي ابي انام ما ابي أي ازعاج ....

كان مبين عليها الضيق و الهم .. و غير كذا بالفندق طول الليل ما نامت من الكوابيس ...

فيصل : اوك انا اشوي و بلحقك ...

راحت غرفتهاا .. ظل فيصل مع نواف .......

فيصل : انت ما ودك ترجع بيتكم ؟؟!

نواف قعد ع الكنبه باسترخاء : لاااا تعبااان مافيني حيل .. احتمال انام بغرفة وليد ...

فيصل : ما بسمح لك ...

نواف : و من انت عشان تسمح لي او ما تسمح ...!

فيصل : كأنك تغلط ..

نواف : والله يعتمد على فهمك ...

فيصل لو البيت بيتي والله ما اخليه .. بس مع ذلك ما اقدر اطرده .. اووووف يا ذا النشبه ....

ثم طنشه و راح لغرفته ..

حنان كانت بالحمام -الله يكرمكم- متسنده ع الباب و مغطيه ع فمها بقوه و تبكي بصوت مكتووووم .. صحيح مسكت نفسها لما كانت مع هتان واللحين وقت تطلع كل شعورهاا .. و في النفس اللحظه ما ودها فيصل يسمعها حتى لا يقلق عليهاا ...

تأخرت بالحمام -الله يكرمكم- .. بدا فيصل يخاف .... راح يدق الباب ...

فيصل : حممممد .. حممممد فيك شي ؟؟

حنان غسلت وجهها : لااا ما في شي ...

فيصل بهمس : طيب اسمعي نواف بيقعد بالشقه بغرفة وليد يعني انتبهي تطلعي برى الغرفه و انتي لابسه بناتي اوكيه ..

حنان : اووك ..

راحت خذت شااور سريع ثم طلعت بدون أي كلمه ... تلحفت على سريرها و غطت بنوم .....

فيصل زعلان على حالهاا .. تركها تنام و راح هو بعد ياخذ شاور .. ثم طلع نام لانه هو بعد ما نام ....

نواف ظل قاعد بالصاله شوي ... ثم راح لغرفة وليد تمدد على سريره و نام من التعب ....

وصل هتان و شلته للشرقيه .....

مشاري : ودني البيت على طول ..

هتان : ماني بموديك أي مكان .. بروح بيت وليد ...

مشاري : من جدك انت ؟؟؟

هتان : لااا من جدتي ...

مشاري : كااااك كاااك كاااك مو وقت استهطافك ...

هتان : والله هذا اللي عندي ودك ترجع بيتكم روح مشي ...

مشاري : مشي ! بعز القايله ...

هتان : ترى هذا وقت برد .. ما بيضرك لو رحت مشي ...

نادر : مشاري انا بعد ابي ارجع البيت .. خل نمشي انا و انت و ان لقينا تاكسي ركبناه ...

مشاري : هذا احسن حل ...

وصل هتان لعمارة وليد وقف مقابلها ... نزل مشاري و نادر من السيارة و كملوا طريقهم مشي لغاية ما لقوا تاكسي ... قعد هتان بسيارته لحاله ..

هتان مو انت يا فيصل اللي تكسر راسي .. عناد فيك والله ما اخلي وليد في حاله .. مصيركم تطلعوا .. انا اللحين حقدت عليكم ما عاد تهموني بشي ودي بس اكفخكم و ابرد قلبي وش تحسبون انفسكم !!! من انتوا عشان تتحدوني ؟؟!

ما طول قدام العمارة قعد ساعتين ثم راح ......

الساعه 2 الظهر .. وصلت الطيارة الخاصة لدبي .. و بعد اقل من ساعه وصلوا اخيرا لارض الدمام ... و اخذوا تاكسي من هناك و على الشقه على طول ...

س 3:00 العصر .....

وليد : يلااا مجووود انزل ...

ماجد قاعد بالسيارة : لااا ابرجع البيت ...

وليد : وش ترجع له ؟!؟ .. اهلك مسافرين بتقعد مع الخدم لحالك !؟

ماجد : عااادي بروح انام الى الليل ثم نتقابل بعزيمة خالد ...

وليد : يعني مُصر ما تنزل ..؟

ماجد : ههه أيهه .. كل ملابسي ببيتنا بحتاج شي اكشخ فيه بالعزيمه اليوم ..

وليد : ههههه تكشخ هااا .. اوك اللي يريحك ... يلا مع السلامه ..

ماجد : مدري وش تلمح له بس يلا مع السلامه ...

و ليد طلع للشقه و هو متحمس .. و مبسوط لانه رجع ... دخل ما لقى احد بالصاله توقع انهم نايمين .. جا بيدخل غرفته .. تفاجئ بنواف اللي نايم على سريره ...

وليد يا سلاااام ياا سلام .. ما امدى غبت يوم الا و نواف اخذ راحته بشقتي ... هههههه زي ما توقعت .. ابخليه ينام شوي كرماا مني ههه ..

راح تسبح ع السريع .. ثم طلع و اخذ الاب توب و قعد بالصاله يتابع امور الشغل اللي صار بدبي ......

صحت من النوم ناظرت الساعه كانت 4 العصر ...

حنان اوووووف راحت علي نومه و ما صليت لا الظهر و لا العصر .. راحت ركض توضت و صلت ..

حنان يا ترى فيصل صلى و لا لا ؟! .. ما رح اصحيه يكفي انه ما نام امس ... ( تنهدت ) ليش احس ان ودي اشوف وليد ! حتى ولو شكلي ما عاد رح اشوفه ابد .. لا لا وش جاب طاري وليد كذا فجأه ! .. محتاجه اتكلم مع احد عن اللي صار لي .. صديقاتي ...

أي صديقات اللي من دروا اني تزوجت تخلوا عني ...... متأكده ان سميه هي اللي قالت لهم عن زواجي و اكيد قالت لهم اني خنتها .. عشان كذا ما يردون على اتصالاتي ... آه يا ربي سحبوا علي سحبه أليمممممه .. محتاجه بنت اتكلم معهاا ...

قعدت شوي على سريرهاا .. اخذت الجوال و كلمت امهاا .. بعد ما لقت 10 مكالمات منها .....

ام حنان كانت قاعده مع اختها يسولفون .. كانت حاسه ان بنتها فيها شي من كثر ما دقت عليها و ما ردت ... بس حاولت انها تكون طبيعيه مع ام فيصل حتى ﻻ تقلقهاا ...

ام حنان فرحت .. اخذت الجوال و راحت للمطبخ : هلااا حنوووو ....

حنان : هلاا يمه هلاا فيك ...

ام حنان : حبيبتي حنان وينك من امس ادق علييك ما تردين ...

حنان : موجوده بس جوالي كان صامت ... سووري خليتك تقلقي علي ..

ام حنان : بنتي انا امك و عارفه .. انتي فيك شي ؟؟ صوتك مو عاجبني لا تكوني تهاوشتي مع فيصل ؟؟

حنان : ﻻ ﻻ ما تهاوشت مع احد .. وصدقيني ما فيني اي شي ..

ام حنان : ما رح اصدقك الى ان اشوفك بعيني ... انتي ﻻزم تجيني البيت اليوم ....

حنان : اذا قدرت بجي .. بس ما اوعدك ...

ام حنان : في كل اﻻحوال انا بستناك ...

حنان : ................

قفلت منهاا حنان بعد ما سولفت معها شوي ..... لو بروح ﻻمي و انا كذا حالتي احتمال ما تخليني ارجع للشقه مره ثانيه .. مرررره جيعاااانه من امس ما طب شي ببطني ... ياا رب أﻻقي شي بالمطبخ ينأكل بدون طبخ عجزاااانه اطبخ بقوه ...بس لازم ابدل ثيابي اول و ألبس شي رجولي اكثر عشان نواافوه اللي شاك فيني من اصله لااا وقااعد بالشقه بعد .. هذاااا اللي كان ناقصني !

طلعت من غرفتها رايحه للمطبخ مروراً بالصاله هنا وقفت مصدووومه بمكانهااا ......

وليد رفع راسه عن اللاب : اوووه حمووودي هذا انت ! ..

حنان شهقت : هئئئئئئ انت ؟!

وليد : هههههههههههه وراك كنك شايف جني !

حنان : هااه لا بس .. انت كيف جيت ؟

وليد : ههههه وشو اللي كيف جيت ؟! .. جيت بالطياره يعني كيف ؟

حنان تحاول تستوعب : لا لا انا قصدي .. انت مو قلت بتغيب سنه !!

وليد تذكر انه كان ناوي يمقلبه ثم انفجر ضحك : هههههههههههههههههههههههههههههههههههههههههههههههههه هههههههه انا قلت هههههههه !؟

حنان باستغراب : أي قلت ... و بعدين ليش هالضحك كله ؟!!

وليد : ههههههههههههههههه خلني تكفى .. هههههه انا ما قلت لك كذا الا عشان اضحك ههههههههههههه ...

حنان : ماني فاهم شي ....!!

وليد يأشر ع المكان اللي جنبه : تعااال يا بعد كلي تعاال اقعد جنبي احكي لك ...

حنان رفعت حاجب : انت غريب اليوم !

قعدت جنبه .. و هو يطالعهاا و يضحك ....

حنان : و بعدين يعني ؟ ترى انا ميت جوع و اذا انت فاضي و ما عندك الا الضحك انا بصراحه وراي بطني يبي ياكل ...

وليد : ههههههههه خلااص خلاااص بحاول اهدا .. انت خلك جاالس بس و انا بطلب لك احلى اكل ...

مسك جواله و دق ع المطعم و طلب اكل .. و قالوا بعد ربع ساعه رح يجهز طلبه ...

وليد : طلبت لك كل اللي تبيه ...

حنان : طيب فهمني ليش رجعت بدري ..؟

وليد : هههه اصلا من الاول سفرتي كانت يومين بس ...

حنان مستغربه : يومييييييييين ؟! يعني انت كذبت علي ؟

وليد : لا لا ما كذبت ...

حنان : أجل ؟؟؟؟؟!

وليد عطاها الابتسامه اللي تخق عليها : بس كنت بشوف بتشتاق لي و لا لا ...

حنان اكيد اكيد خقت معه بس مسكت نفسها و مثلت العصبيه : والله انك فاضي ...

وليد : هههه لا صدقني ماني فاضي مرررره مليااان ههههه ..

حنان اخذت المخده اللي جنبها و حذفته فيهاا و قامت من جنبه ...

وليد : تعااال تعااال .. وش فيك يا الزعووول ...؟

حنان تصرف : ما زعلت ..

وليد : طيب ما اشتقت لي ؟

حنان من ورى قلبهاا : مين يشتاق لواحد شين مثلك ...

وليد : افااا اللحين اناا شين .. أزين واحد بالسعوديه تقول عني شين ...

حنان : بأمر مين انت أزين واحد .. محد اجمل و لا اوسم و لا احلى مني لا تحاااول ...

وليد : ههههه اوكك اللي يريحك يا عم ..

حنان : عم ؟! هههههههههه ابد انت مو طبيعي ...

وليد : هههه عادي كلمه و انقالت ... تعال اقعد خلنا نسولف و قول لي وش صار بغيابي ؟

حنان تنهدت بضيق : يااا هوو صارت بلااااوي .. عشان كذا انا قلت لك اني ما اقدر اكمل دراسه ...

وليد قفل اللاب توب .. بجديه : عسئ ما شر ؟؟ احكي لي كل شي ...

حنان محتاره اقوله عن اللي صار و لا لا .. لازم اقوله لاااازم و يصير اللي يصير .. اذا سوا لي هتان شي ثاني ما رح اتحمل .....

وليد مسك يدهاا : لا تتردد و قولي عن كل شي ...

حنان استحت من حركته ودهاا لو يترك يدهاا بس : طيب بقولك .......

حكت له كل شي عن هتان و اللي صار ... وليد كان يسمعهاا و معصب من اللي صار و تضايق عليهاا .. في نفس الوقت ما يبيها تترك الدراسه .. لانه اكيد ما رح يقدر يلاقي احد غيرهاا ...

قعدت ربع ساعه تحكي له احياانا تتجمع الدموع بعيونهاا بالكاد تمسكها لا تطيح قدامه .. فـ تلف وجهها عنه .. كانت محادثتهم مليانه مشاعر و انفعال ...... اندق باب البيت ...

وليد : اكيد المطعم ...

حنان : اوك بروح اشوف الباب ...

وليد : لا خلك عشان انا بدفع الحساب .. لان غداك على حسابي ...

حنان : بس ........

وليد قاطعها : بدون بسبسات .. بعد ما تتغدا رح نكمل اللي كنت تقوله ..

حنان : لأ انا خلصت ما عاد عندي شي اقوله ... حكيت لك كل شي ..>>حكت له باختصار شديد اشياء قالتها و اشياء طنشتهاا ..

راح يشوف الباب فعلا كان المطعم ... جاب الاكل و حطه ع الطاوله ...

وليد : يلااا تعااال ...

قامت و قعدت ع الطاوله و وليد رجع قعد ع الكنبه ......

حنان : ما ودك تاكل معي ...؟

وليد : لااا عليك بالعافيه .. انا اكلت ماني جوعان ...

حنان بعد ما حكت لوليد كل شي تحس براحه نفسيه .. ودها تاكل كل شي على السفره ...

وليد حط رجل على رجل و تكتف و يناظرها و هي تاكل .....

حنان والله اني احس فيه و هو يناظرني .. ما اقدر اكل براحتي ابد .. اوووووف يا وليد انا ميته جووووع لا تناظرني .....

وليد كان يفكر بالكلام اللي قالته حنان .... انا لازم اتخلص من هذا هتان .. من حكي حمد عنه احس انه انسان مو طبيعي ... و مشاري هذا كيف يتجرأ يمد يده عليه .. اصلاا اصلا كيف قدروا ياخذونه معهم للرياض وين فيصل عنه ؟ و لا نواف اللي انتقل لمدرسته عشانه وينه عنه ؟ .. الظاهر ما منهم فايده بس لاااااازم اشوف حل لهذا هتان و مشاري .. و حل نهائي بعد ...

حنان قطعت افكاره : لا .. لا تناظر كذا اذا ودك تعال كل معي ...

وليد ابتسم : سورري كنت افكر ...

حنان مسحت فمها بالمنديل : الحمدلله .. مشكور ع الغدا الحلو ...

وليد : لا ولووو ما سويت شي ...

حنان : طييييب اش كنت تفكر فيه ؟

وليد : بمشاكلك اللي بالمدرسه طبعا .. و انا لقيت لك حل ابي رايك فيه ..

حنان : و ايش هو ؟

قاطعهم نواف بطلوعه من غرفة وليد ......

نواف بقق عيونه : وليييييييييييييييييييييييد ؟!

وليد : هههه وش فيكم اليوم مصدومين من جيتي ؟!

نواف : اكيد ببنصدم مو انت قلت بتجي الجمعه يعني بكره ...

وليد : اش اسوي اشتقت لكم و ما قدرت انتظر الى بكره ...

نواف يتمغط : بلا هياط ... وش جابك ؟

وليد : وش اسوي لك هذا الصدق ... بعدييين تعاال هناا وش تسوي بشقتي انت ؟؟

نواف يحك راسه : هااااه لا ابد كنت بمشي بيتنا بس غلبني النوووم ...

وليد بنص عين : اييييييه صدقتك ...

حنان مو وقتك يا نواف ليش جيت كان ودي اعرف وش هو الحل اللي كان بيقولي عليه وليد : عن اذنكم بروح اصحي فيصل ....

وليد : اوك ..

نواف عينه عليها الى ان اختفت عن الانظار .....

وليد : يااا هوووه .. خف عليه شوي .. الى اليوم خاق عليه !؟

نواف : و اذا قلت لك أي ...

وليد : و اذا قلت لك انه خاق علي !

نواف فتح عيونه ع وسعهم : ايييييييييييييييييييييييش ؟!

وليد فطس ضحك : هههههههههههههههههههههههههههههههههههههههههههه ..

نواف : الشرهه على اللي يصدقك ..

وليد : ههه بس انا هههه ما ههههه امزح ....

نواف بجديه : أماا حمد خاق عليك !!

وليد ربت ع كتفه و هو كاتم ضحكته : لا تزعل بقوله يعطيك وجه ...

نواف : اوووووف اصلا انا ما قلت شي ..

وليد : المهم .. بتروح عزيمة خالد الليله ؟

نواف : أي اكيد ان شاء الله ...

وليد : نسيت اسأل حمد اذا وده يروح .. مع انه متضايق ...

نواف بزعل : ايييه صارت اشياء كثيره ...

وليد : حمد قال لي عن كل شي .. و روحته للرياض ..

نواف : قااااااااالك ؟؟؟!!

وليد : أي .. و فكرت اني اعاقب كل اللي سووا فيه كذا .. بس المشكله اني ما اقدر استخدم سلطتي لان اسمي مع حمد ..

نواف : طيب وش ناوي تسوي ...؟

وليد : مو انا اللي بسوي .. انت اللي بتسوي .....

نواف رفع حواجبها باستغراب : .......................

حنان دخلت غرفتهاا و سكرت الباب و تسندت عليه .. و حطت يدهاا ع صدرهاا .. ثم تنهدت تنهيده طوووووويله ....

حنان احس براحه بعد ما حكيت كل شي لوليد .. آه بس كان ودي اقعد معه لحالنا اكثر و اكثر و اكثر .. احمد ربي ان غيابه سنه طلع مزح ... اش قد احس اني مرتاحه بعد ما تكلمت معه ..... مو بس راحه احس اني مبسوطه .. لما كان يسمعني باهتمام .. حسيت
محد قدي وليد قاعد يسمعني ! .. هههه وش ذي المشاعر اللحين .. اووووف خل اصحي فيصل بس ..

حنان : فيييييصل بسرعه اصحى ...

( بعد عدة محاولاااات صحا ...)

فيصل : حنااااان !

حنان : آآآآوووووش .. اش بلاك بتفضحنااا .. صليت و لا لا ؟

فيصل : اووه حمد .. اصلي ايييييش ؟

حنان : العصر يعني ايش ؟ ..

فيصل : لااااا ماا صليت ليه ما قعدتني ...

حنان قعدت على سريره : انت امس ما نمت بسببي .. ما قدرت اني اصحيك و انت نايم احلى نومه ...

فيصل لعب بشعرها : ههههههههه حمووو يراااعي المشاعر ...!

حنان قامت و تخصرت : صحيح صحيح المفروض اني اجيب طشت مويه بارد و اكبه عليك و انت نايم .. كذا براعي مشاعرك من صماصيم قلبي ....

فيصل : هههههههه اكيد هذي نكته ..

حنان : قوم بس .. غربت الشمس و انت ما بعد تصلي ..

فيصل : اوكيه اوكيه ...

قام من سريره و راح لحنان و همس لهاااا ......

فيصل : انا مبسوووط انك رجعتي لطبيعتك ...

ثم راح يتوضأ ......

حنان ابتسمت ... كنت عارفه انه قلقان علي ... و اللحين اش اسوي ؟ .. بطلع اقعد مع وليد .. ان شاء الله يكون نواف راح .......

في بيت خالد و اهله .. كان البيت في حالة استنفار استعدادا للعزيمه .. و بدا كذا شخص يحضر ... اصايل كانت بغرفتها تجهز نفسهاا ... دخلت عليها امهاا ..

اصايل : هلا يمه ....

ام خالد : اخلصي علي و يلا انزلي للضيوف تحت ...

اصايل : يممممممه ما خلصت كشختي بااقي ...

ام خالد تناظرها من فوق لتحت : كذا انتي حلوه وش زينك ...

اصايل : لا باقي بحط مكياج ..

ام خالد : استعجلي ... ( جت بتطلع )

اصايل : يممممه قولي لجود تقعد مع الضيوف ...

ام خالد : جود نايمه ما رضت تصحى شكلها امس كانت سهرانه لوجه الصبح ...

اصايل تتذكر لما صادتها امس تكلم شاب : اييييه سهرانه ... طيب زوجة عمي ابو نواف جت و لا باقي .. و عمتي ام شهد جت ؟

ام خالد : لا باقي محد من اهل ابوك جا للحين ... يلا انا بروح اشوف الضيوف ...

اصايل : اوك نص ساعه و اخلص ......

بعد ما طلعت امهاا .....

اصايل وش زيني و ش حلااااتي يااا ناااس اهبل ... ووواااه فديتني بس.. خل احط الروج الزهري بيخقون علي الحريم .... اكيد اكيد محد احلى مني ..

دق جوالهاا كان المتصل تركي ........

اصايل غريب داق اللحين : هلا تركي خير ان شاء الله ..!

تركي : هلا فيك .. الولد اللي بالمستودع حالته بدت تسوء .. احتمال يموت ..

اصايل : اووووف داق علي عشان الحيوان رائد .. ما يهمني جعله بستين داهيه ...

تركي : بس طال عمرك ما ندري اش ممكن تكون العواقب في حالة موته ..

اصايل تنهدت : خله يموت و ادفنوه بأي مكان و لا من شاف و لا من درى ....

تركي : اللي تآمرين فيه طال عمرك ...

اصايل : آ آ تركي قبل لا تقفل .....

تركي : هلااا ..

اصايل : اش صار على عائلة صلاح لساتهم عند جيرانهم ؟

تركي : اخر ما وصلنا انهم لسا ببيت جيرانهم و قاعدين يدوروا على شقة بإيجار رخيص ...

اصايل : امممم .. كلم صاحب البيت اللي كانوا مستأجرين فيه من قبل خله يرجعهم .. و كلمه بأسرع وقت ..

تركي : ان شاء الله طال عمرك ...

ققفلت منه اصايل و رجعت تكمل تزيين نفسهااا ...

اصايل ما عاد ودي ألعب مع عائلة صلاح .. بس هذا صلاح لا يمكن انساه آآه يا قلبي ...... و هذا المكياج خلصته خل اروح ألبس فستاني ....

لبست فستان بيج طويل ناعم مع فتحه لنص الفخذ .. شعرها سوته ذيل حصان ...

يتبع........