شبكة همس الشوق - عرض مشاركة واحدة

4 - 8 - 2015, 03:21 PM

تابع........

طلعت من غرفتهاا .. لقت ان نواف لا زال موجود ... مشت بسكات و قعدت على كنبه لحالهاا .. ما مر وقت حتى جا نواف و قعد جنبهاا ..

نواف : كيف صرت اللحين ؟

حنان بدون نفس : بخير ...

وليد : حموود بطلب منك طلب ...

حنان لفت عليه بابتسامه : هلااا ..

نواف يوم اكلمه نفسه بخشمه و يوم كلمه وليد استانس .. ليكون وليد صادق و حمد خاق عليه ؟؟! ينعن ام الحاااله ياا شيييخ !

وليد : ادري انك متضايق و يمكن مالك نفس تطلع من البيت اليوم ...

حنان : ايييه صراااحه ابدا مالي نفس ...

وليد : همممم .. بس لازم نحضر عزيمة اهل خالد ...

حنان : عزيمة اهل خااااالد ؟؟!!! وش عزيمته ؟

وليد : ليه فيصل ما قالك ؟؟؟

حنان : لأ توني اسمع منك ...

وليد : آه يمكن لانك كنت نايم يوم جوا الشباب و انت استأذنتنا و رحت لغرفتك .. هو عزم فيصل ... بس يمكن نسى يقولك ...

حنان : ايييه يمكن ! ..

وليد : ع العموم انت لازم تحضر طيب ؟

حنان : لكن انا .......

وليد قاطعها : هذا طلبي الوحيد لك .. لا تردني .. ابيك تستانس و تغير جو ..

حنان كيف ارفض طلبك .. لعيونك لو تبيني اطب في النار طبيت لاجلك .. اوووه وش ذا الكلام اللي اقوله ... و بعدين امي تبيني اجيهااا الليله ...

وليد : ما يبغالها تفكير .. قول انك موافق ...

حنان : امي اصرت علي اني امرها الليله ...

وليد : نروح العزيمه ساعتين بعدين تمر أهلك .. وش قلت ؟

حنان : اذا انت شايف كذا .. خلاص موافق ...

وليد ابتسم بنصر : كذااا انت تعجبني ...

جا فيصل بعد ما خلص صلاااته ...... تفاجئ يوم شاف وليد ...

فيصل : من متى جيت ؟

وليد : العصر جيت ...

فيصل اهاا و انا اقول اش عندهاا حنان مبسوطه و رجعت لطبيعتهاا .. الظاهر عشان وليد ....... آخ يا القهر لو كان اللي افكر فيه صحيح !

وليد : اجل يا حمد خلك جاهر بعد صلاة العشاء ...

فيصل : وش السالفه ؟

حنان : ابد بنحضر عزيمة اهل خالد ...

فيصل يتذكر : ايييييه صح امس عزمنا .. بعدين صدق انت ناوي تروح ؟؟؟

حنان : أي بنروح ليش لأ ..

فيصل اه يا حنان ما تتوبين بعد كل اللي صار لك كيف بقدر احميك و انتي ما تسمعي كلامي .....

وليد : حتى انت يا فيصل بتروح ...

فيصل : اكيد دام حمد بيروح انا معه قداااام ...

نواف الى اللحين انا مستغرب علاقة فيصل و حمد .. علاقتهم مره غريبه .. نظرات فيصل لحمد .. اسلوبه مع حمد .. كل هذا يخليني اشك اكثر ... مهما طال الوقت رح اعرف اللي ابي اعرفه .......

دق جوااال نواف .. كانوا اهله .. يبونه يجي هو بنفسه يوصلهم لبيت عمهم ابو خالد ....

نواف : انا استأذنكم الاهل يبوني ...

وليد : اوك الله معك ..

نواف : اشوفك بالعزيمه .. يا ويلكم ان ما جيتوا ...

وليد : هههه كيف نضيع فرصه للـ ........ ( سكت )

نواف : للمقالب هاااه .. انت سوي شي وشوف وش رح يصير لك ..

وليد : ههههههههههه ابشر ...

بعد صلاة المغرب وصلت الجوهره و اختها العنود و اهلهم .. و وصلت الجوري و اختهاا شهد و اهلهم ... >> لكم حرية تخيل شكلهم و فساتينهم و تسريحاتهم ^_^ .....

اصايل : عنوووده شهوووده تعاالوا معي شوي .....

اخذتهم و صعدوا فوق على غرفتهاا ...

العنود : اش فيك ؟

اصايل : ما فيني شي .. بس ما مليتوا من قعدت العجايز ..؟

شهد : هههههههههههه بقوووه .. على فكره وحشتيني يا اصووله ..

اصايل ضمتهاا : ما يوحشك غاالي فديت قلبك ...

العنود قعدت ع السرير و حطت رجل ع رجل : علميني ذاك اليوم وين اختفيتي ؟

اصايل : اوووه ما نسيتي ..

العنود : و لا بنسى ..

اصايل : ههههه خلينا ننبسط بالعزيمه و بعدين يصير خير ..

العنود : مااافي ........

اصايل قاطعتها تبي تصرفها : انتي ما شفتي خالد اليوم .. كشششخه و رزه .. لو تشوفينه بيغمئ عليك ...

العنود بحمااس : والله صدق ؟!

اصايل : ايييه صدق اجل اكذب ..

العنود بدلع : ماي لوف هارت ابي اشوف بيبي ...

اصايل : هههه بتشوفينه ...

شهد ودي انا بعد اشوف نواف ... يا ليت العنود تساعدني .. شكلها سحبت علي .. يااا رب اني اشوف نواف اليوم .. و لو اكلمه بعد احسن .....

ام خالد كانت بالمطبخ تشرف ع الخدامات و تجهز الضيافه .... الجوهره كانت تخطط مع الجوري ......

الجوهره : امشي نروح لها المطبخ .. و زي ما اتفقنا ..

الجوري : اووووك ...

راحواا للمطبخ .. لام خالد اللي كانت مرررره مشغوله .......

الجوهره : خااالتي ودي اكلمك شوي بموضوع مهم ...

ام خالد : حبيباتي روحوا انتظروا برى انا اللحين بجي ...

الجوهره : ما نقدر .. الموضوع اللي نبيك فيه ما نبي أي احد يسمعنا ..

ام خالد لفت باهتمام : عساااه خير .. وش صاير ؟

الجوهره : بنتك منااار ..

ام خالد خافت : بنتي ؟؟؟!! وش فيهاا عسى مو بصاير لها شي ..

الجوري : والله مدري يا خاله .. انتوا اهلهاا و انتوا ادرى ان كان صاير لها شي و لا لا ...

ام خالد : بناااات اعصابي ما تتحمل .. اذا تعرفون شي قولوا ...

الجوري : خلينا نطلع من المطبخ نروح لاي غرفه ثانيه ما يصلح الكلام هنا ...

ام خالد اخذتهم لغرفة المكتب حق ابو خالد ...

ام خالد : احكوا بسرعه ......

الجوهره : بصراحه نبيك تعطينا عنوان بيتهاا ..

ام خالد تنهدت براحه و حطت يدها ع صدرهاا : يقطع ابليسكم خوفتوني ..

الجوري : خااااااالتي عطينا عنوانهاا ...

ام خالد : ما سمعتوني و انا اقول للحريم انها سافرت لبرى شهر عسل ..

الجوهره : أي شهر عسل ؟؟! .. صار لها 4 اشهر غايبه كل هذا شهر عسل ؟؟!!

ام خالد قعدت على اقرب كرسي : ادري انكم صديقاتها بالحيل .. تبون الصراحه يا بناتي انا بعد خايفه عليها و ودي اتطمن عليهاا بس ما اقدر ..

الجوري : يعني حتى انتي شاكه انه فيه شي صار ...

ام خالد : لا مو شاكه متأكدة ...

الجوري & الجوهره قعدوا يسمعوهاا باهتمام .......

ام خالد : انا بقولكم كل شي لاني مره خايفه على منار .. و محد بيطمني عليها غيركم .. بس قبل لازم توعدوني ما تعلمون أي احد و لا تقولون لأي احد انكم عرفتوا القصه مني ...

الجوهره : نوعدك بس قولي ....

ام خالد : ................................

بعد صلاة العشاء .. في الشقه ...

حنان بغرفتهاا تشوف شكلهاا كيف صار بعد ما لبست ثوب و غترة و عقال ...

فيصل : احلى شي الغترة لاني انا ضبطتها لك ..

حنان : هههه سحبت ع الحلا ذا كله و اخترت الغتره ...

فيصل عض شفته السفليه و ابتسم .. و قال بهمس : كلك على بعضك حلووه ..

حنان بنظره حاده : لااا تتغززل ..

فيصل : اوووف خلاااص بروح ابدل ..

حنان : انا بطلع البلكون بكلم امي ...

فيصل : اوك ....

طلعت للبلكون ودقت على امها على طول ....

حنان : الوووو ..

ام حنان : هلا حنان .. اكيد رح تجي ...

حنان : اممم بصراحه لا ما اقدر اجيك اليوم ...

ام حنان : لييييييش .. عندي لك مفاجأه ..

حنان بحماس : وش هي ؟!!

ام حنان : لازم تمرينا و رح تعرفي ...

حنان : يمه والله بصراحه فيصل يبي يطلعني مشوار عشان كذا ..

ام حنان ابتسمت : دام السالفه كذا خليك مع رجلك احسن .. خلاص لا تجي استانسي مع فيصل ...

حنان ههه ما لقيت الا هذي التصريفه : اذا امداني جيت ان شاء الله .. طيب ايش هي المفاجأه ؟

ام حنان : بأي وقت تعالي الله يحييك .. المفاجأه هي ان ام صلاح بيرجعوا بيتهم ... شي ما يتصدق .. صاحب البيت اعتذر لابو صلاح و طلبه يرجع يستأجر نفس شقتهم ...

حنان استانست : والله ؟!

ام حنان : أي والله هذا اللي صار .. كنت اتمنى تكوني موجوده لان الليله اخر عشا لنا مع ام صلاح و بناتهاا ..

حنان : بيظلوا جيراننا و متى ما جيتك .. نمرهم ...

ام حنان : ........................

تعب وليد من انتظارهم برى بالصاله .....

وليد بصراخ : يااا هووووه يلا بسرعه تأخرنا ع الجماعه ...

حنان : انا جاااهز .. لبست الملابس اللي اخترتهاا لي ...

وليد ناظرهاا من فوق لتحت و صفر : ووووووه طالع كشششششخه ..

حنان استحت : لان هذا ذوقك ..

وليد : احم احم ...

حنان ناظرت لبسه : ترى .. ترى حتى انت طالع كشخه ..

وليد : لاااا انا مو كشخه و بس .. انا جمييييييييل و اخقق .. بالله عليك ما خقيت يوم شفتني ؟؟

حنان ارتبكت : هاااه .. يعني .. وش .. كيف .....

وليد : هههههههههههههههههههههههه انسى يا الحب انسى ...

حنان يا الحب ؟؟! وش الوضع بالضبط !

وليد طلع جواله : حموود عدل العقال لفه ع اليمين شوي حاجه بسيطه ..

حنان مع ان فيصل سواه لي : ليه مو ضابط ..؟

قامت تعدل في العقال و وليد استغل الفرصه و ألتقط لها صوره .. مررررره روووووعه الصوره ......

حنان : صوووووووووورتني ؟؟؟!

وليد ابتسم : يب صورتك .. مررره رزه ..

حنان : تكفى لا تحطها بالبي بي ...

وليد : ان شاء الله تآمر امر... >> كان يكذب ....

طلع فيصل بعد ما جهز نفسه .. حتى هو كان وسييييم وكشخه j ...

وليد : يلا خلوناا نمشي الكل صار موجود ...

حنان : يعني احنا اخر الحضور ..

وليد : الظاهر كذا ...

قبل لا يطلعوا من الشقه ... فيصل همس لهااا ......

فيصل : انتي متأكده من روحتك ؟

حنان : أي متأكده ..

وليد : وش تتهامسون فيه يلا بسرعه بقفل باب الشقه ..

حنان : هذا احنا جايين ....

فيصل تعبت من المشاكل ان شاء الله ما يصير شي بعد اليوم ......

بمكتب ابو خالد عند الجوهره & الجوري و ام خالد ......

الجوري يدهاا ع فمها : ماني مصدقه ان منار سوت كذا !

ام خالد : انتبهووووا احد يدري ...

الجوهره كنت عارفه او حاسه انها رح تسويها .. بعد كل كلامي معها ما نفع و طاحت بمصيبه .. من اول ما بدت تكلم معاذ و انا قلت لها انه لعااب بس ما سمعت لي ...

الجوري : محد رح يدري وعدناك احنا ... طيب عطينا العنوان ؟؟؟!

ام خالد : بعطيكم اياه و تكفون طمنوني على بنتي ...

الجوري : ان شاء الله اكيد خالتي ...
كتبت لهم العنوان بورقه و عطتهم اياه ...

ام خالد : يلا لاززم اطلع للضيوف ماهي زينه اقعد هنا ... ( بعد ما طلعت ) ...

الجوري لفت ع الجوهره : جوج وش فيك .. كأنك ما استوعبتي حكي ام منار ...

الجوهره : لا مستوعبه و مستوعبه زين بعد .. منار ما سمعت كلامي و راحت طلعت مع معاذ وشوفي اش صار صادتهم الهيئه و اضطروا العائلتين يزوجوهم بأسرع وقت عشان الفضايح ..

الجوري : يعني انتي كنتي تدرين انها رح تطلع معه ؟

الجوهره بزعل : للأسف ايييه .. و ما قدرت امنعهااا ..

الجوري : يمكن عايشه مبسوطه معه ...

الجوهره : و يمكن لأ ... معاذ انا شفته مره لما طلعت مع منار لمطعم .. ابداا ما ارتحت له ... نظراته تخوف ... ياما حذرت منار منه ...

الجوري : انا قلقت لما قالت ام منار ان عائلة معاذ اشترطوا عليهم ينسون ان عندهم بنت .. لا يزورونها و لا يكلمونها و لا كأنها انولدت ...

الجوهره : اللي يقلق اكثر كيف عمي وافق ورمى بنته كذا ؟

الجوري : اكيد عصب من اللي سوته منار و اعتبر هذا عقاب لهاا ..

الجوهره : او في شي احنا ما نعرفه .....

الجوري : يمكن و يمكن لا ... المهم العنوان وصار معنا .. باقي بس نزورها ببيتها ..

الجوهره : ايييه .. واللحين خليناا نطلع اكيد امهاتنا يدورونا ...

الجوري : هههههه أي امي اليوم تقولي اكشخي قد ما تقدرين .. يوم سألتها ليش .. قالت يمكن وحده من الحريم تُعجب فيك و تخطبك لولدهاا ..

الجوهره : ههههههههههههههههههههههه .. عمتي فله ... وريني شكلك يا الجوري ...

الجوري : وش فيه شكلي ..

الجوهره : بس ابي ازين لك المكياج .. يمكن نلاقي لك عريس و نفتك منك ..

الجوري : كااااك كااااك .. امي الثانيه ...

الجوهره : هههه خلينا نطلع بس ...

نطلع شوي من اجواء العزيمه ... نروح لبيت هتان .... كان بغرفته ما ترك شي بالغرفه إلا و كسره .. اذا عصب كذا يسوي .. قفل على نفسه الباب و فرغ كل عصبيته و زعله بالغرفه ... امه خافت عليه و دقت بابه تبي تتطمن ...

هتان بصراخ : خيييييييييييييييييييييير !

ام هتان : يمه انت فيك شي ؟

هتان : يمه اتركيني في حالي لا اطلع حرتي في البزارين اللي جنبك ..

ام هتان : خلاااص يا هتان خلاااص بس خفت عليك ..

هتان صرخ : اووووووووووووووه ...

مشت امه و هي زعلانه على حاااله .....

بعدها حاول يهدي نفسه .. و شوي شوي الى ان هدا .. مسك جوواله ...

هتان رح اكلمه بالبي بي .. لازم اكلمه لازم ...

شغل الواي فاي على امل يلاقي شبكه مفتوحه عن طريقهاا يدخل البلاك بيري ماسنجر ....

هتان اخيراااااا لقيت .. ( شاف رسالة وليد الحقيقي اللي بيوم الاربعاء الصباح ) .. هذا وليد(حنان) ارسل لي .... بس كيف ارسلها يوم الاربعاء الساعه 10 الصباح ؟!.. ما تجي هو كان بالمدرسه ...!! اكييييد هذا مو وليد(حنان) اللي بمدرستنا ...

وليد الحقيقي كان حاط صورة حنان اللي كانت كاشخه فيها حقت العزيمه كان حاطها عرض .... هتان كبر الصوره ...

هتان بس هذا هو .. هذا وليد(حنان) انا متأكد .. ( قعد يناظر الصوره دقايق ) .. طاااالع مررره يجنن ...( تنهد بتعب ) لازم اراسله و اتأكد اذا هو وليد(حنان) و لا لا .. و اذا ما كان هو من وين له صوره ؟!!

وصلوا وليد & حنان & فيصل للعزيمه كانوا اخر الحاضرين ... و نواف و خالد هم اللي استقبلوهم برى ....

نواف : تأخرتوا على بالي غيرتوا رايكم ...

وليد : لان حمد كان رافض يجي قعدت ساعه اقنعه ...

حنان فتحت عيونها ع وسعهم : انااااااااا ؟؟!!

وليد : ههههههههههه امذح امذح ...

نواف : ادري انك تهايط ... يلا حيااكم تفضلواا ..

جا من وراه عبدالرحمن و ماجد ....

عبدالرحمن : الشله وصلواا هااا ..

وليد : ايييه وصلناا ... مجوووود جيت قبلي ؟

ماجد : ههه ايييه انت تأخرت مره ..

خالد : تفضلواا سولفوا داخل ...

وليد : لحظه لحظه وش رايكم بكشخة حمد ...؟

عبدالرحمن & نواف يطالعوها من فوق لتحت .. هي حست باحراج و خجل ....

عبدالرحمن : وووووه لازم اخذ له صوره ..

حنان : لااا بدون صور ...

وليد : و انت يا نواف وش رايك ؟ .. ترى انا اللي اخترت له اللبس ..

نواف ناظر وليد بحده : عاادي حلو عليه ..

خالد : بتطولوا عند الباب ؟؟؟

فيصل كان ساكت و يراقب الوضع بهدوء .. مع انه مو عاجبه بس تعب و ما يقدر يسوي شي ...

وليد : يلا ا اللحين ندخل ...

دخلوا و حنان و يمكن فيصل تفاجئوا من كبر المجلس و فخامته ...

حنان وواااااو مررره روعه .. ما شاء الله تبارك الله .. كبير بالحيل ..

خالد : هناك الشياب اذا ودكم تسلمون عليهم و اعرفكم على ابوي و ابو نواف ...

فيصل : اوكيه يلا ...

سلموا ع الشياب >> ع قولة خالد ...

خالد : و هناااك شباااب العايلة و المعازيم .. اذا حابين تتعرفون عليهم ..

حنان ما ودي اتعرف على احد ...

فيصل ياا رب ما نبي مشاااكل ...

سلمواا ع الكل و قعدت هي و فيصل بمكان بعيد عنهم شوي ... و جا خالد قعد معهم ...

خالد : عندي اخ اسمه فهد .. مو موجود بالعزيمه اليوم و لا كان عرفتكم عليه ..

حنان بضيق : ماله داعي تعرفنا لاننا نعرفه ...

خالد : تعرفونه ؟؟؟!! من وين ؟

حنان اوووف انا ليش قلت له .. اللحين كيف اصرفه !

فيصل : لان اخوك يعرف ناس بمدرستنا ..

خالد : اهااا ..

سامي : خااااااالد ..

خالد : هلااا ..

سامي : تعال هنا شوي ...

راح خالد ....... بدا فيصل يهزأها ...

فيصل بهمس : تكفين اسكتي لا تقولين أي شي ..

حنان : من قهري .. والله مدري كيف قلت له .. بس عدت ..

فيصل : احنا ما ودنا سالفة خطفك تنتشر .. خصوصا بين شلة وليد .. يكفي نواف اللي يعرف ..

حنان ييييه بس انا قلت لوليد ... ياا ربي اخاف يعصب مني اذا درى اني قلت لوليد ...

عند البنات .. لازالوا قاعدين بغرفة اصايل .....

العنود : امك ما رح تزعل اذا قعدنا لحالنا صح ؟

اصايل : لا عاادي ..

العنود : طيب دبريني ابي اشوف خالد و هو كاشخ ...

اصايل : امممم اش رايك ادق عليه و اخليه يقابلني برى ..

العنود : بس اش بتقولين له ...؟

اصايل : هههه مدري صراحه ....

شهد : انا عندي فكره ..

اصايل : وش هي ؟

شهد : قابليه بالحديقه و قولي له ان فيه وحده تبي تشوفك ...

العنود شهقت : هئئئئئئئئئئئ من جدك انتي ؟ مين هذي اللي تبي تشوفه ؟

شهد : هههههههههههههههههههههههه انتي يا الغبيه ...

العنود ابتسمت : اووه انا .. اوكيه كملي الفكره حلوه ...

اصايل : هههههههه والله من التناحه الزايده ...

العنود : اوووص بس .. و انتي كملي ..

شهد : بس ... اصايل تدخل و تناديك .. و انتي روحي له و عيشوا جوكم ..

العنود : وااااااااااااااااو عشت جو من اللحين .. اوكيه الفكره ميه الميه و جاري تنفيذهاا .. و انتي يلا روحي ناديه ...

اصايل : بدق عليه اول اذا ما رد الله يعين انزل اناديه ...

طبعاا دقت و دقت ما رد ما يسمع صوت جواله من الازعاج ....

العنود : اوه مااي قود .. بيبي ما رد ...

اصايل : ايييه مااا رد .. لازم اروح اناديه ..

العنود : وين تروحين ؟؟؟ مجلس الرجاال ؟؟؟!

اصايل : بوقف ع الباب الداخلي اللي من جهة المطبخ وبدقه ..

العنود : اوكيه ما يهمني المهم ناديه ...

اصايل : والله انا اللي بروح فيهاا .. اوكي بنناديه بس انتي لا تخقين زياده ..

العنود : رووووووحي بس ...

في مجلس الرجال ... جا كم من واحد و قعدوا جنب حنان .. هي تضايقت منهم لانهم كانوا مدخنين .....

حنان اوووف ريحة القرف تذكرني باللي صار بالرياض .. ما ابي اشم ريحة دخااان .. ( لفت على فيصل ) .. فيصل و لا هامه و قاعد على جواله ... ( مسكت ع فمها ) شكلي برجع لازم اروح الحمام -الله يكرمكم- ...

قامت من مكانها فيصل منسجم مع جواله ما انتبه عليها لما قامت .. بس نواف انتبه و لحقهاا ...

نواف : حمممد وين رايح ؟

حمد : جيت والله جابك .. ابي الحمام -الله يكرمكم- ضروري وينه فيه ؟

نواف : تعال معي من هناا ...

اخذهاا ع الحمام -الله يكرمكم- .. و فعلا رجعت كل الاكل اللي اكلته العصر ...

حنان تمسح فمها بمنديل : كل هذا من ريحة الدخان ؟؟ وش قاعد يصير لي .. الله لا يوفقك يا هتان كانك السبب ...

طلعت من الحمام -الله يكرمكم- .. كان نواف يستناهاا برى حس انو فيها شي ..

نواف : طمني انت تعبان ؟

حنان : لاا لاا ما فيني شي .. بس تضايقت من ريحة الدخان ..

نواف : اووه معليش ما نقدر نمنعهم ...

حنان تنهدت : ريحته تذكرني باللي صار معي بالرياض ...

نواف مسك يدها : تعاال معي ..

حنان تناظر يده : وييييييين ؟!

سكت و اخذهاا للحديقه برى .......

اصايل دقت باب المجلس .. ما رد عليهاا غير سامي ...

اصايل : مين انت ؟

سامي من ورى الباب : انا سامي ..

اصايل : حلوو .. انت صديق خالد .. لو سمحت ممكن تناديه ؟

سامي هذي فرصتي اعترف لها : اكيييييد .. اللحين بناديه ...

ثم راح وهو محبط ....

سامي كانت فرصه بس ليش ترددت و ما قدرت ...

لقى خالد و قال له ان اصايل تبغاه .. و طبعاا اصايل قالت لخالد ان في وحده تبغاك بالحديقه ... و لان خالد يعرف ألاعيبها عرف انها تقصد العنود فقالها ما رح اروح ... و مشى عنهاا ..

لما كانت اصايل راجعه للغرفه .. انتبهت على اشخاص قاعدين بالحديقه .. شافتهم من شباك المطبخ ...

اصايل هذا كانه نواف ولد عمي و معه احد ... امممم ...

رجعت الغرفه ......

العنود : يلا بجهز حالي عشان اقابل ماي لوف هارت ..

اصايل : وين وين وين ؟ اذا رحتي الحديقه ما بتشوفي الا اخوك نواف... خالد يقول انه مشغول مع الرجال ما يقدر يطلع من المجلس ...

العنود : قهرررررر كان ودي اشوفه و هو كاشخ ..

اصايل : و لا يهمك بصوره لك .. او اصبري الى ان تنتهي العزيمه و يفضى البيت وقتها ممكن ادبر لك لقاء مع الحب ...

العنود : لا لا ابصبر ابي اشوفه ع الطبيعه ...

اصايل : اللي يريحك ...

شهد (كانت في عالم ثاني ) نوااااااف برى بالحديقه ياا ربيييه حبيبي اكيد ينتظرني ههه عشت جو .. اجل فرصتي انا .. بس كيف اصرف البنات و اطلع اشوفه ...!

العنود لاحظت عليها كيف انها هيمانه : شهوووده انزلي المطبخ جيبي لنا شي ناكله .. ( غمزت لهاا )

شهد فهمت عليهاا : طيب بروح ... ( شكراااا يا عنووده .. و اللحين لازم اشوفه ) .....

وصلت للحديقه و ظلت ورى الجدار تناظره من بعيد .. هو كان قاعد مع حنان على العشب ع الارض و معطينها ظهرهم ..

شهد اممم ما كنت ادري انه معه احد .. اجل ما رح اقدر اكلمه .. مو مهم بقعد اناظره و بس .....

عند حنان & نواف ......

حنان : ليش جبتنا هنا ؟ و خليتني اقعد ..

نواف : انت ما تتحمل الدخان .. نقعد هنا الى وقت العشا ..

حنان : ايه صح ما اتحمله .. ( قامت تناظر السماء )

نواف : اش فيك تطالع فوق ...؟

حنان ابتسمت : اشوف القمر .. في شخص غالي علي كان يحب يتأمله .. و انا اشتقت لهالانسان ...>> تقصد سميه ...

نواف : ليه وينه ؟

حنان : افترقنا .. بسبب مشكله سخيفه ...

نواف : هو الخسران ..

حنان : مو اكثر من خسارتي ..

نواف : واضح انك مره تغليه ...( تنهد ) .. تدري للحظه تمنيت اصير مكانه ...

حنان : ماني فاهم ليش يعني كيف اقولك ؟ .. ليش ودك تكون شي في حياتي ؟ ما عرفت كيف اوصلك فكرتي ان شاء الله تكون فهمتني ..

نواف : ايييه فهمتك .. مافي أي سبب ..

حنان اصلا انا ليش قاعده معه .. لو شافني فيصل بيعصب اكيد ...

نواف يناظرها : تدري انت مره حنووووون ..

حنان استغربت : هاااه ..!

نواف : اييه حنون .. كلامك اسلوبك .. فيك شي غير عن أي ولد ..

حنان سكتت ما علقت و لفت وجهها عنه ....

نواف بهدوء و بدون أي مقدمات .. باسهاا ع خدهاا و طول ..

( شهد تناظرهم من بعيد انفجعت من اللي شافته شهقت بقوه و غطت فمهاا عشان لا ينسمع صوتهاا ثم هربت من المطبخ ما عاد ودهاا تشوف شي .....)

حنان على بال ما استوعبت بعدت عنه بسرعه : نوووووووووووووااااااااااف ؟!

نواف : يا لبييه ..

حنان بعصبيه و خوف : وش قصدك من ذي الحركه ؟

نواف : ما ادري .. بس حسيت اني ودي اسويهاا ..

حنان : انت شاذ منحرف .. لا عاد تكلمني فاااهم ...

ثم مشت عنه لداخل ... وليد شاف كل شي مو شاف و بس إلا صورهم بعد ..

نواف لاني متأكد انك بنت ما عاد في مجال للشك ....بس اذا طلعت غلطان ساعتها رح اكره نفسي !..

انتــــــهى البــــــارت