شبكة همس الشوق - عرض مشاركة واحدة

4 - 8 - 2015, 10:06 PM

تابع......

في الحديقه......

نواف اللحين صارت 8 و نص يا ويلك مني يا حمد ان ما رديت....

دق مره و مرتين ما ردت......

حنان لازم ارد مو وقته فيصل يعرف عن اللي صار بيني و بين نواف .. وش ذي المصايب اللي طالعتلي اليوم! ...

دق مره ثانيه افزعها صوت الرنه لانها كانت تفكر و الجوال بيدهاا .. ثم ردت....

نواف : الوووو حمد...

حنان : ...........لارد

نواف : الوووو هذا انت ؟ تكلم...

حنان : نـ نعم!

نواف الحمدلله رد اخيرا : حمد ممكن اشوفك ضروري...

حنان بسرعه : مستحيييييييييييل...

نواف : أنا آسف على اللي صار .. ما كنت اقصد شي ترى...

حنان : انت ما تستحي على دمك ... تعاملني كأني بنت .. ياخي خاف الله..

نواف : اقوووول جيب هويتك و تعاااال..

حنان ياا الله رجعنا لموضوع الهويه : ما بوريك هويتي و كيفي...

نواف انا من داخلي متأكد انك بنت بس ناقصني الدليل : خلاص اللي يريحك بس يعني لا تاخذ على خاطرك مني .. ترى عادي الحركه اللي سويتها كل الشباب يسووها...

حنان من صدقه هذا لو كانت بوسه عاديه ما قلت شي بس احسهاا مدري كيف .. لازم انهي ذا الموضوع : المهم لا عاد تكلمني بصراحه ما ارتاح لك .. خلي العلاقه بينا سلام و بس....

نواف : ليش كذا ؟ لا لا مستحيل انا ودي اصير صديقك...

حنان : انا ما ابي اصدقاء .. و بس اخلص شغلي مع وليد رح اختفي عن وجه الأرض ...

نواف : شكلك معصب .. قلت لك خليني اشوفك...

حنان هذا ما يفهم لازم اقفل منه : بغيت شي ثاني ... لاني مشغول اللحين...

نواف : لا سلامتك .. بس تأكد اني رح اشوفك.....

حنان قفلت على طول ... رح تشوفني اكيد رح تشوفني بالمدرسه و بالشقه ما انت نشبه مالت عليك بس..

جاها فيصل من وراااهااا....

فيصل : كنتي تكلمي وليد ؟

حنان حطت يدها ع قلبها ارتبعت : اش فيك داخل تتسحب كنك حرامي .. لا ما كنت اكلم احد...

فيصل : ليه طلعتي الحوش اجل!

حنان : ابشم هوى حراااااااام ؟!

فيصل يعني عشان اني قلت لها احبك تعاملني كذا .. طيب ليه انا اعترفت لها باللي احس فيه .. ما غلطت!

حنان ناظرته : ليه لحقتني ؟ خلني لحالي لو سمحت...

فيصل : بس .. بسألك .. متى ودك نرجع الشقه...

حنان : الساعه 11 .. ممكن تتركني اللحين ..؟

فيصل بزعل : اووكيه....

حنان تناظره و هو مبين عليه الزعل ~ معليش يا فيصل انت غالي على قلبي و سميه غاليه .. و انا احس اني احب وليد .. ما اقدر احبك زي ما انت تتمنى مره صعب صعب ......

رجع نواف لخالد ... وجهه ما كان يتفسر .. يعني مو واضح هو مبسوط و لا متضايق ......

خالد : صاااار شي ؟

نواف : لااا مافي..

خالد : طيب كيف حمد معاك بالمدرسسه ؟

نواف : ليش طرى على بالك حمد اللحين ؟!!

خالد : بس نسولف .. اذا ودك تجاوب جاوب...

نواف : حمد عادي بالمدرسه زي أي طالب .. بس الطلاب هناك متضايق منهم...

خالد باستغراب : ليش ..؟!

نواف : ياخي حرقوه بنظراتهم .. محسسيني ما عمرهم شافوا ولد زيه...

خالد : هههه حمد ما شاء الله عليه جميل و يلفت .. يعني من عذر يناظرونه..

نواف : اجل لو يقعد بالبيت احسن...

خالد : و ليش؟ .. تغار عليه ؟!

نواف : هااااااااه!!

خالد : هههههههههه امزح..

نواف : على بالي ... صح تذكرت .. اخبار اخوك .. سمعت انه في الرياض..

خالد : ايييه راح مع اخوياه للرياض .. احتمال الليله يرجع...

نواف : على فكره انا عرفت مين هم اخوياه .. و عرفت انهم ماهم زينين..

خالد : شفت .. كنت حاااس..

نواف : كلمه يتركهم .. لانهم راعيين مشاكل..

خالد : مو حتى يسمع لي بالاول...

نواف : اخوك هذا مدري كيف .. الله يعينك عليه..

خالد : ههه اخوي بعد وش نسوي لازم نتحمله...

نواف: ...............

طلع وليد مع ماجد ع الهافمون.....

ماجد : والله ان الهافمون مشواااار...

وليد : بس حلو يستحق ندعس عشانه...

ماجد : ههههه و الله من وجهك المدعوس...

وليد : سوق و انت ساكت و لا قسم بالله لا ادعس وجهك لا اخليه يصير زي وجهي...

ماجد : هههههههههههههه و تقدر ؟

وليد : جربني...

ماجد : لا خلاص حرام تدعس ع وجهي الجميل..

وليد : هههه انتبه لا احد يسمعك..

ماجد : وش ذا التحطيم ؟! بتطلعني شين.. !

وصلوا للبحر و وقفوا مقابيله.....

وليد : مجوووود بوريك صوره و قولي رايك...

ماجد : عندي احساس انها صوره لواحد من الشله...

وليد ابتسم : احساسك في محله...

ماجد اخذ الجوال يشوف الصوره : هئئئئئئئئئئئئ هذا نواف ... و معه ......... ( سكت)

وليد : هههه وش رايك ؟

ماجد : رايي في ايش ؟ انهبل ذا صح ؟

وليد : لا عادي..

ماجد : وشو اللي عادي .. بعدين انت كيف صورتهم ؟

وليد : لما كنا بالعزيمه .. لمحته ساحب حمد على برى وصار عندي فضول اشوف اش بيصير بينهم .. راقبتهم و الكام مفتوحه و اول ما سواها لقطت الصوره .. ( ابتسم بفخر ) ماني بهين..

ماجد : الحمدلله و الشكر فرحان بنفسك يعني..

وليد : اكيد اعجبك اناا..

ماجد : والله ما اعجبتني .. يعني برودك و لا مبالاتك .. هذا خوينا نواف قاعد يغلط و انت و لا مفكر...

وليد : معليك انا حاسب حساب كل شي..

ماجد : طيب ليه وريتني الصوره من شفته تضايقت و اخذت فكره عن نواف...

وليد : لا لا لا إلا نواف عاد خويناا .. انا وريتك بس تشوف ابداعي في التصوير...

ماجد : استغفر الله بس .. انت مدري كيف تفكر .. اما نواف لازم اكلمه..

وليد : لااااا انتبه تكلمه .. انا قلت له ما رح اوري الصوره لأحد..

ماجد : دامها خوينا لازم ننصحه..

وليد : خله علي انا بنصحه انت ارتاح بس..

ماجد : والله من قلت خله علي و انا............

وليد : ههه ايش ؟ ... منت مرتاح ؟

ماجد : تبي الصراحه ايييه..

وليد : يا الحبيب ارتاااح ما بيصير شي تطمن .. ( يطالع ساعته ) وش رايك اللحين نرجع صارت الساعه 11...

ماجد : انا برجع بيتنا على طول .. انت اليوم ما قصرت خليتنا نفر المنطقه كلهاا .. و كل ذا عشان وجهك لا يشوفونه...

وليد : هههههههه معليش تعبناك...

و من جهة فيصل و حنان ودعوا اهلهم ع الساعه 11 و رجعوا للشقه .... اول ما دخلواا .....

حنان يااا رب ما يكون نواف بالشقه ياااا رب...

فيصل فتح الباب : غريب اللمبات مطفيه...

حنان ابتسمت مره فرحت : يعني مافي احد بالبيت ؟

فيصل : الظاهر كذا...
حنان : الحمدلله...

فيصل استغرب : ليه هو في شي ؟!

حنان طنشته و دخلت ع طول غرفتهاا بدلت ثيابها و حطت راسهاا...

فيصل سلااااااامات وش فيهااا علي !؟

قعد شوي بالصاله يفكر بتصرفاتهاا .. كان مررررررره متضااااايق ... يطالع الكنبه اللي كانت قاعده عليها ريهام.....

فيصل ~ يا زين الملاك اللي كانت قاعده هنا .. ما شاء الله عليها جميله بشكل .. هههه لو كانت حنان تحبني و قلت لها ذا الكلام ممكن تغار و لا ؟ ودي اغيظهاا و اقولها ان بنت عم وليد حلوه اشوف اش بتكون ردت فعلها ... بس حنان قالت تكرهني ...... يا صبر الارض بس .. ماني تاركها الى ان تقولي ليه و اش فيهاا علي!.....

في غرفة حنان ... متلحفه على سريرها تحاول تنام ... مو جايها نوم...

خايفه من دوام بكره .. خايفه من شوفة هتان و شلته و زياده عليهم نواف و تصرفاته اللي ما لها تفسير....

في نص تفكيرها دخل فيصل للغرفه .. هي على طول غطت على وجهها ما تبي تشوفه او تكلمه...

فيصل : انتي نايمه ؟؟

حنان ﻻ تردين ﻻ تردين ... مالي خلق اناقشه .. هئئئئئئئئئئئئ ( قعد جنبها ع السرير ) .. ما ﻻزم اتحرك ... ﻻزم اسوي نفسي نايمه...

فيصل : ادري انك مو نااايمه ... بس جاوبيني ... انتي صدق تكرهيني ؟؟! صدق قصدتي الكلمه ؟

حنان ما رح ارد .. انااا نااايمه اتركني في حالي...

فيصل : اوكيه ما تبين تردين كيفك... بس تذكري كيف كنا....

انفتح باب غرفتهم فجأه...........

وليد يناظره : انتوا هنا ؟؟؟؟! اش تسوون ؟

حنان هئئئئئئ يا ويلي لا يفهم الموضوع غلط ... ( رفعت اللحاف من ع وجهها ..و فزت من سريرهااا) ..

حنان : هلا وليد....

فيصل منصدم منها......

وليد رفع حواجبها باستغراب ثم : هههههههههههههههههههه وش فيك مفجوع كذا ؟! ..

فيصل بنظرة حقد : في شي اسمه تدق الباب...

وليد : بيتي و كيفي!

حنان ماسكه على خدودهاا .. وش ذا الاحراج اخاف لا يفهم غلط .. لا لا وش افكر فيه انا انا ولد اكيد ما رح يفهم غلط....

وليد : على بالي كنت نايم ... اذا ما بتنامون تعالوا اقعدوا معي...

حنان قامت من سريرها بسرعه : انا كنت بنام بس ما جاني نوم ... ( تدقق في وجهه ) هئئئئئئئئ وش فيه وجهك كذا ؟

فيصل توهاا تلاحظ يعني !!؟

وليد : لا ابد مافي شي تهاوشت مع زلايب .. و عدت على خير..

حنان باستغراب : أمااا انت راعي هوشات..

وليد : هههه لا ماني راعي هوشات بس دخلت بهوشه غصب .. الموضوع مو مهم ما ودي اتكلم فيه...

فيصل يناظرها و قاطع كلامهم و هو مقهور : انا قاعد ساعه اتكلم و انت تسمعني و مطنش..

حنان عينها على وليد : ترى احنا تهاوشنا و هو كان يكلمني ع اساس نتصالح و كذا و انا كنت مسوي نفسي نايم لاني ما ابي اسمعه بس هذي كل القصه ما سوينا أي شي ثاني .....

فيصل يعني تعترف انها مطنشتني .. و تقولها بكل برود .. لأي درجه تحبينه يا حنان ؟!

وليد : هههههههه انا ما قلت لك احكي لي قصة حياتكم ... انا بقعد بالصاله اذا حابين تعالوا....

حنان : اوكيه ان بجي...

طلع وليد .... جت بتطلع وراه مسكها من ذراعهاا...

فيصل : اش هذا اللي سويتيه ؟؟

حنان : اش سويت ؟؟!

فيصل : طنشتيني و بس هو جا فزيتي له على طول .. كل هذا حب ؟!

حنان : اترك .. مالي خلق ارد عليك اللحين...

فيصل : تعاااالي هنا ايش اللي مالك خلق .. بس لوليد لك خلق...

حنان : لا تفضحني .. خلااااص بعدين نتكلم...

فيصل بقلة حيله تركهااا ... جت بتطلع بس قبل لفت عليه و قالت له.......

حنان : انت ما بتجي ؟

فيصل بزعل : مالي مكان بينكم ليش اجي ؟!

حنان بدا يتفلسف اللحين ...ابفهم ليش هو متضايق كذا و زعلان و ماخذ على خاطره مني .. اوووف ما كان اسلوبه معي كذا تغير ... يلا احسن بقعد مع وليد لحالنا ... إلا صحيح هو وين كان ..؟؟ ليكون معهاااا بس!

طلعت للصاله .. وليد قاعد على جواله .. جت حنان قعدت بالكنبه اللي جنبه...

حنان بعد تردد : انت .. متأكد .. انك بخير..

وليد ابتسم : وجهي متفقع واجد صح ؟

حنان : بصراحه اييه .. باين ان اللي تهاشوت معه حاقد عليك بقوه...

وليد : هههههه يمكن!

حنان : طيب انت وين كنت ؟

وليد : ليش تسأل ؟!

حنان : بس فضوووول..

وليد : انت وين تتوقع انا كنت فيه ؟

حنان : همممم قلت يمكن مع بنت عمك...

وليد : ما يندرى...

حنان بفضول : يعني كنت معهااا ؟

وليد : قلت لك ما يندرى...

حنان ما انتبهت على نفسها و صارت تسألها باهتمام : اش علاقتك فيها ؟

وليد ببرود : بنت عمي..

حنان : عارفـ ( نست نفسها لدرجة كانت رح تتكلم بصيغة بنت ) عارف .. اقصد احسكم قريبين من بعض..

وليد : ليش انت مهتم ؟ لتكون عجبتك بنت عمي ؟!

حنان لفت عنه و قالت بصوت شبه مسموع : ووووويييع ما بغيت إلا هي..

وليد : ايش قلت ؟..

حنان : و لا شي انا كنت حاب بس اسولف معك و انت منت راضي تعلمني اش علاقتكم ببعض خلاص كيفك لا تقول...

وليد هههه شكله عصب : كسرت خاطري خلاص بقولك .. بنت عمي و خطيبتي..

حنان انصدمت : هاااااااااااااه!

وليد : أي خطيبتي .. و احنا كنا مخطوبين لبعض من و احنا صغار...

حنان هذا اللي كنت خايفه منه .. تنهدت بضيق : اهاا الله يسعدكم...

وليد : و ليش تقولها بدون نفس .. الظاهر صدق كنت حاط عينك عليها..

حنان عصبت : أي حاط عيني عليهاا .. بتتركها عشاني ...؟

وليد : هههههههههههههههههه...

حنان وش قلت انا ! .. لا ما قلت شي .. اييييه ابيه يتركها .. يتركهاا عشاني .. ابيه يفكر فيني انا...

حنان : ما قلت شي يضحك....

وليد : انت كلك على بعضك تضحك...

حنان مقهوره : عن اذنك..

وليد : اوووف زعل..

طنشته و راحت غرفتهاا .. و هي تفكر باللي قاله .. كانت وااااصله معهاا ما تدري تلقاها من مين و لا مين ... لدرجة ودهاا تصرخ و تطلع كل اللي بقلبهااا...

دخلت غرفتها لقت فيصل نايم حطت راسها بعد و اجبرت نفسهاا تنااام...

صباح يوم السبت .. صحت الساعه 5 اخذت شاور و جهزت نفسهاا للدوام..

حنان اصحي فيصل و لا اتركه .. المفروض اني زعلانه منه .. بس مستحيل اداوم بدونه .. لازم اصحيه و ننهي السالفه.....

صحت فيصل قام بدون أي كلمه اخذ شاور و جهز نفسه ...ثم طلع الصاله عند حنان اللي كانت قاعده ترتب كتبهاا..

فيصل بدون نفس : وين الفطور ؟

حنان : ماني مشتهي...

فيصل : طيب و انا ؟؟؟؟!

حنان بدون ما تناظره : المطبخ ع اليسار...

فيصل : استغفر الله بس...!

جا بيروح للمطبخ نادته........

حنان : فيصل انت لسا زعلان مني ؟ .. ما ودي اروح المدرسه و احنا كذا .. يكفيك اني خايف من الدوام...

فيصل تنهد بتعب : المشكله فيك و تلومني .. ع العموم لا تخاف خلاص انسى كل اللي صار بيننا .. و إن شاء الله اقدر احميك .. و بعدين اليوم رح يداوم راجح .. شلة هتان يخافونه...

حنان : ليش يخافون منه ؟؟

فيصل : لانه لاعب كاراتيه .. و مسجل بمنتخب المملكه للكارتيه و اخذ بطولات كثير...

حنان : واااااو يعني ماخذ الحزام الاسود..

فيصل : أي .. ( رجع قعد ع الكنبه ) واللحين اش رايك تسوي لي فطور .. عربون للصداقه..

حنان : هههه قال عربون .. خلاص بسوي لك ساندويتش و عصير طازج .. بس المشكله اخاف اتوسخ لاني لبست خلاص...

فيصل : ما رح يجيك شي كلها ساندوتش...

حنان وقفت بتروح للمطبخ.....

فيصل : لحظظظه ! .. و بعدين مع لبسك ما تتوب...

كانت كاشخه بزياااده....

حنان : اش اسوي ما لقيت إلا هذا .. باقي ثيابي بالمغسله...

فيصل : خذ من ثيابي...

حنان : لااا سلااامات مره وسيعه علي...

فيصل : يا سلاااام من قبل ايام كنا نطلع بالخش ما كانت وسيعه...!

حنان : هههه كنت مضطر ما عندي حل .. لا تقعد تدقق ع اللبس .. ما عندي غير هذا عجبك اوكيه ما عجبك بكيفك.....

ثم راحت للمطبخ.....

فيصل اوووووف منك متى بتتوبي عن ذي الحركات تعبت و انا افهم فيك .... إلا وينه وليد ؟ شكله نايم ذا الغثه احسن ما ودي اشوف وجهه من صباح الله خير....

سوت له فطور و أفطر ثم اخذت جاكيتهاا و طلعواا للدوام ... و هم بالطريق..

حنان : يعني حتى اليوم لازم نروح مشي ..!؟

فيصل : ما تعودتي الى اللحين!

حنان : ولا بتعود .. ياخي انت شفت الكتب اللي بشنطتي.. !

فيصل : نفس اللي عندك عندي...

حنان : لا انت ما شاء الله الظاهر ان الكتب ماهي مشكله عندك .. كيف شايلها بيدك بهالطريقه ...!!؟

فيصل : ههههه تبيني احطها بشنطه زيك ؟

حنان : والله هذا اللي اعرفه الكتب تنشال بشناط...!

فيصل : عندنا احنا غير .. اللي يشيلها بشنطه هذا خكري...

حنان : ايييه يعني انا خكري .. انا .. ولد .. خكري .. الله يا الدنيا..!

فيصل : ههه اكيد انت ولد خكري كيف ما اطالعك و كيف ما اشوفك خكري من جميع النواحي...

حنان : ما برد عليك لانه ما يهمني...

سوت نفسهاا زعلانه و صارت تمشي قدامه بخطوه .. و هو وراهااا .. بس وصلوا لبوابة المدرسه وقفت قدامهاا تتذكر كل اللي صار...

فيصل من وراها : ليه وقفت ؟

حنان : خايف منهم .. تتوقع اش يخططون له هالمره ؟

فيصل مسك يدها : خلك معي لا تفارقني ابد .. و ما رح يصير لك شي ان شاء الله خلنا ندخل...

وصلوا للصف و كان نواف قاعد بمكانه .. جاي بدري حيييييييل...

نواف : هلا والله تو ما نور الفصل .. لأ مو الفصل المدرسه كلها منوووره..

حنان ناظرته بتقرف و قعدت مكانه و لا ردت عليه.....

فيصل : عمار ما جا ؟

نواف : إلا جا و معه واحد ما اعرفه اول مره اشوفه..

فيصل : الظاهر انه راجح .. اجل وينهم اللحين ؟

نواف : قالوا بيدورون على طاوله و كرسي له...

فيصل : اييييه .. و انت باقي قاعد هنا ..؟ هذا مكان عمار...

نواف : عاادي هو سمح لي .. و هم بيقعدون وراي...

فيصل بعصبيه : هذا العمااااار...!

دخل مشاري للصف و عينه عليهم.....

مشاري رفع كفه : السلام عليكم يا عيااااال...

الصف : و عليكم السلام...

حنان تتحاشى نظراته ..... و فيصل & نواف يناظرونه بحقد و قهر ودهم يفقعون وجهه .....

لحظات و دخل راجح و معه عمار .. سلموا عليهم و حط درج راجح ثم .. راح راجح لمشاري مسكه مع ياقته و ناظر حنان........

راجح : انا سمعت ان هذا و شلته مأذينك!

حنان هئئئئ ما شاء الله فوق ما هو جسم و معضل و لاعب كاراتيه .. جريييء بعد و ما يخاف .. لا و مشاااري االلي ميت رعبه منه احسن خله يستاهل : اييه هذا...

راجح عينه على مشاري : ودك تتكفخ ؟.. ودك تذوق ضرباتي !؟

مشاري ساكت و لا رد عليه....

حنان واااااو .. والله خايف منه ... والله منت بسهل يا راجح وينك من اول اسبوع بالدراسه بس...

مشاري : قابلني لحالك برى بعدين ان كنت رجال...

راجح يشد بياقته : و ارجل منك .. ترادد بعد .. شكلك نسيت اللي جاك مني العام..

كان الموضوع بيكبر الى هواش لولا ان الاستاذ المصري تبع الرياضيات دخل...

الاستاذ : ايه ايه يا ولاد .. مالكم هو في حاقه (حاجه) ؟

راجح تركه و رجع لمكانه...

فيصل يناظر مشاري بنصر : لا يا استاذ مافي شي .. كنا نلعب بس..

حنان همست : خويكم هذا فسم بالله انه كذا....

فيصل : هههه ادري..

حنان : الله يعينكم اكيد هتان ما رح يسكت..

فيصل : ان كان رجال بنشوفه اش بيسوي..

حنان : اللحين بتبدا المشاكل...

مشاري .. مفكر انه لاعب كاراتيه يعني خلاص ... والله ما اسكت على حركته ذي .. مين يكون عشان يسوي فيني كذا قدام الطلاب .. انا اوريك يا حيوان يا راجح .. ان ما خليت كل المدرسه يطبون عليك و يضربونك اعلمك من يلعب كارتيه صح !

انــــــــتهى البـــــــارت