شبكة همس الشوق - عرض مشاركة واحدة

5 - 8 - 2015, 09:11 PM

بـــــــــــــــــــــــــــــارت [36]

مشاري .. مفكر انه لاعب كاراتيه يعني خلاص ... والله ما اسكت على حركته ذي .. مين يكون عشان يسوي فيني كذا قدام الطلاب .. انا اوريك يا حيوان يا راجح .. ان ما خليت كل المدرسه يطبون عليك و يضربونك اعلمك من يلعب كاراتيه صح!

عدت الحصه الاولى و الثانيه و الثالثه >> نجي للفسحه...

حنان حاطه راسها ع الطاوله : جاااني ارهااااق وش ذا 3 مواد علميه ورى بعض .. بمووووووووووت...

فيصل : انت دايما حالك مع الدراسه كذا ؟!

حنان رفعت راسهاا : ايييه كذا .. يجيني صداااع...

فيصل : طيب قوم عشان نفطر...

حنان : احس مافيني حيل امشي ودي اناااااااااااااااااااااام..

فيصل : خلاص تستناني في الفصل مع راجح و عمار ... بشتري فطور واجي...

حنان : لا تروح لحالك .. ما تخاف من هتان ؟

فيصل : ما يقدر يسوي شي .. راااجح عمار انا بروح اشتري فطور خليكم مع وليد هنا لا تتركونه لحاله .. و انت يا نواف تعال معي...

نواف باستغراب : ليييييييش ؟!

فيصل هه عشان اذا تهاوشت مع هتان تتكفخ معي : ما ودي اروح لحالي...

نواف : ماني بجاي حاب اقعد هنا...

عمار : خلاااص فيصل انا بجي معك...

نواف : ايييه خذ عمار هو صديقك اكثر شي .. و يعرفك من زمان...

فيصل : الحمدلله و الشكر وش دخل...

حنان من جد نشبه ذا النواف ياليته فاااارق ... اصلا بحط راسي ع الطاوله و لا رح اناظره...

بعد ما طلع فيصل مع عمار ... قام نواف و قعد جنبها مكان فيصل ..... و راجح متكتف بمكانه و يناظرهم....

نواف يقرب وجهه من حنان عشان يهمس لها : حمممممد...

حنان هذا يبي يفضحني و لا اش قصته .. طنشيه طنشيه.....

نواف حط يده ع كتفها و يناديها : حمد ابي اكلمك ارفع راسك..

حنان ما ابي اشوف خشتك .. ليتك رحت معهم....

نواف يمسح ع شعرها : ناظرني.....

حنان رفعت راسها بسرعه و صرخت : لااااا تلمسني!

نواف رفع ايدينه منصدم من ردت فعلها : بس انا ما سويت شي...

حنان قامت من مكانها و راحت قعدت جنب راجح...

راجح : هذا بعد يضايقك ؟!

حنان ابتسمت بخبث : أي والله مضايقني...

نواف يناظرها و مستغرب : لحظه لحظه احنا اصحاب ترى...

راجح طنشه و لف ع حنان : عادي اذا تبيني اكفخها ما عندك مششكله...

حنان ابتسمت بنصر : يا ليت...

راجح يكفكف اكمام ثوبه : استعد...

نواف بانت على وجهه ملامح الخوف.....

حنان يوم شافت الموضوع جدي : رااااجح رااااجح خلاص خله...

راجح : لييييييه ؟!

حنان تناظر وجه نواف اللي ميت خوف .. و تحس بضحكه من جواتها : لانه ما يستاهل تتعب نفسك عشانه..

نواف رجع مكانه قعد و هو متحطم .... يا شينك يا حمد لا زعلت..!

( نتكلم عن راجح شوي ... عمره 18 هو بطل المنتخب للكاراتيه .. شخصيته هاااادئ بشكل مو طبيعي ما يتكلم كثير .. صفاته .. طويل و ما شاء الله جسمه ضخم شوي و معضل اكيد .. اسمراني شوي و مملوووح ..زي ما قلت من قبل يعرف فيصل من المتوسط..)

فيصل & عمار كانوا ماشيين باتجاه المقصف....

فيصل : عمار اذا شفت هتان قول لي...

عمار : وش تبي فيه ...؟!!

فيصل : انت قول لي و بس..

اشترى فيصل و رجع لعمار اللي كان يستناه......

عمار : اش بك تأخرت ؟

فيصل : اووووف من كل ذي الزحمه .. وش ذا الطلاب مو بشايفين خير!

عمار : ههههه جيعانين...

فيصل : المهم ما شفته...

عمار : إلا شفته طلع مع شلته للساحه الخارجيه..

فيصل مشى باتجاه الساحه الخارجيه على عجل ... مسكه عمار...

عمار : على وين ؟؟؟؟!

فيصل : ابروح اشوف هتان...

عمار : اكيد اكيد تمزح ... بتروح عليك والله .. ع الاقل خذ راجح معك..

فيصل : ما يقدرون يسوون شي .. انا بس بكلمه...

عمار : هو مو لحاله معه كل شلته و كانت نفسه بخشمه...

فيصل : عمااار انا رايح ودك تجي تعال و لا ارجع للفصل...

عمار : خلااااص بجي مستحيل اتركك لحالك....

طلع فيصل و معه عمار للساحه الخارجيه و راحوا للمكان اللي يجتمعون فيه هتان و شلته بالعاده .. وقفوا مقابليهم بعيد عنهم شوي....

عند هتان و شلته كان معطيهم ظهره .. عكس مشاري اللي كان مقابلهم بالضبط...

مشاري : يا الزعيم لف شوف مين وراك...

هتان لف بسرعه : مين يعني ؟

مشاري : فيصل جاي بنفسه...

هتان و عينه ع فيصل .. ابتسم : اخيرااااا جا...

مشاري : الساحه فاضيه و المدرسين ما يجون هنا .. اش رايك نطب عليهم ؟

هتان : لا لا لا .. هو مو جاي يتهاوش..

مشاري باستغراب : اجل ؟!

هتان وقف : انا بروح اشوفه انتوا خليكم هنا .. لا اشوف خششكم عندي فهمتوا !؟

مشاري : اووووكيه روح و فكنا...

مشى هتان بكل ثقه لفيصل و هو يحس انه منتصر عليه .. عنده ثقه مفرطه بنفسه خصوصا قدام فيصل......

فيصل : عمار معليش تتركنا لحالنا دقيقه ...؟

عمار : بس.......

فيصل قاطعه : ما بيصير شي ما رح اتأخر استناني عند البوابة..

عمار : اوك زي ما تحب...

مشى و هو يناظر هتان بنظرات كره.....

هتان : هلا و غلا .. هلا بفيصل زعيمي...

فيصل بالكاد ماسك نفسه : ليش سويت اللي سويته ؟

هتان يستغبي : ليه وش انا مسوي ؟؟؟!!

فيصل : هتان ماله داعي ألاعيبك انت عارف و انا عارف .. كيف توصل فيكك انك تخطفه .. كيف تجرأت اصلا...

هتان : لهالدرجه يهمك ؟!

فيصل : لا تغير الموضوع و جاوبني .. انت ليش تسوي كذا ..؟ ضرب و ضربتنا هواش و تهاوشنا خطف و خطفت تفحيط و فحطنا.. وش باقي ما سويت ؟

هتان ابتسم : لسا باقي .. ما اكتفيت...

فيصل مسكه مع ياقته : وش قصدك ؟ وش ناوي عليه انت اللحين ؟

شلة هتان وقفوا بيفزعون له .. بس هتان أشر لهم لا احد يجي...

هتان مسك يد فيصل بهدوء و ابعدها عنه : انت اللي وش ناوي عليه ؟ ليه جاي تكلمني اللحين ؟

فيصل : ليه جاااااي ؟؟!! ولد خالتي خطفته كل ذا عشان تغيظني و تقهرني صح كلامي ؟

هتان : لا مو صح...

فيصل مستغرب : اجل وشو الصح ؟

هتان : ما خطفته عشان اقهرك .. خطفته لاني ابيه عاجبني ابي اخاويه...

فيصل عطاه كف : انت ما شفت الا ولد خالتي تلعب فيه...

مشاري و شلته ما تحملوا المنظر و احاطوا فيصل....

مشاري : هتااان خلنا نعلمه هو مد يده على مين!

هتان : ارجعوا انا ماقلت لكم لا تتدخلوا ؟

مشاري : هذا جزانا !؟

هتان عطاه نظره.....

مشاري : خلااااص رايحين .... ( اخذ اللي معه ورجعوا لمكانهم) ..

هتان : الكف هذا ما بنساه يا فيصل و برد لك الصاع صاعين...

فيصل : كانك تقدر سوها...

هتان : ما عمرك رح تفهمني ( ابتسم ابتسامه غريبه ) يمكن ولد خالتك يفهمني .. تدري ليه .. لانه حساس و نعومي و مبين انه طيب و يدخل القلب بسرعه....

فيصل صرخ : اوووووص ولا كلمه .. انت منحرف مستواك الشارع .. انا ماني مصدق اني كنت أماشي واحد مثلك في يوم من الايام...

هتان : هههه احلى ايام عمري .. انت خربتهاا..

فيصل : لااا تقول كلام فاضي .. انا ندمان يوم اني قبلت صداقتك .. ندمان و متحسف قد شعر راسي يوم اني خاويتك...

هتان قلبه يغلي من القهر و من اللي يسمعه : ما كنت ادري انك تكرهني هالقد .. مع اني .......

فيصل مسكه مره ثانيه مع ياقته : احفظ كرامة نفسك لو مره .. و اسمع كلامي ابتعد عن طريقي و اترك وليد(حنان) في حاله هو ماله دخل باللي صار بيننا بالماضي...

ثم تركه بقوه يعني دفه ..... ورااااح...

مشاري جا ركض : تبي نلحقه نفقع وجهه ..؟

هتان بعصبيه : لاااااااااااااااااااااأأ.. ( ثم مشى و هو متضايق)

مشاري يطالع نادر : وش فيه ذا ؟

نادر : مدري عنه صاير غريب..

مشاري : خلينا نلحقه....

نادر : لحظه مشاري ... عندي سؤال كذا ودي اعرف جوابه...

مشاري : وش هو ؟

نادر : اول شي انت تعرف هتان من زمان صح ؟

مشاري : امممم من المتوسطه .. بس ما صرنا اصحاب حيل الا بالثانوي..

نادر : اهاا .. طيب هو صدق كان يحب فيصل ؟

مشاري تنهد : ما ادري اسأله هو .. بعدين ليش انت تسأل ؟!

نادر : كذا حبيت اعرف...

مشاري : اقووول امش بس بلا كلام فاضي...

نادر يا ليت لو اعرف وش قصة هتان ... احس اني زي الاطرش في الزفه....

رجع فيصل لعمار و طول ما هم يمشوا كان معصب و يهاوش....

عمار : روقت اللحين ...؟

فيصل : ياااخي وش اسوي رفع ظغطي .. جعله الـ ماني بقايل...

عمار : مفروض اصلا ما تكلمه .. هذا ما ينفع معه الكلام...

فيصل : وش اسوي قلت يمكن يحس..

عمار : انت الى اللحين عندك امل انه يرجع هتان اللي قبل...

فيصل تنهد بتعب : مدري .. يمكن...

عمار : خلنا نرجع للصف .. تأخرنا..

فيصل : اوكيه يلااا...

وصلوا للصف تفاجئوا من حنان اللي مطيحه الميانه مع راجح .. و نواف اللي قاعد بس يناظرهم و مقهوووور...

عمار : ماا شاء الله انسجمتوا مع بعض بسرعه...!

حنان : ههه لو تسمع سوالفه .. ما شاء الله عليه مره قوي...

عمار : شف شف كيف يتفاخر قدامنا...

راجح : هههههه والله مو كذا بس هو حب يسمع قصصي...

فيصل : جبت لكم فطور...

وزع على الكل إلا نواف.....

نواف : انا ما جبت لي ؟!

فيصل بدون نفس : لأ .. ما اشتغل عندك...

نواف : لآ انت ما تشتغل عندي بس تشتغل عندهم ( يأشر على حنان و عمار و راجح) ...

فيصل : ايييه عندك مانع .. تبي فطور روح اشتر لنفسك...

نواف قام و هو معصب .. شايفين نفسكم علي .. ليش احس اني ندمت لاني جيت هالمدرسه المخيسه .. اوووف لا و بعد لازم اسمع كلام وليد و اكلم المدير على هتان .. والله بعد معاملتهم لي احس ما يستاهلون اروح للمدير و اذل نفسي عشانهم ... اوكيه عقابا لهم ما بروح .. و خل هتان و اللي معه يسووا اللي يبونه فيهم يستااااااهلون....

عند هتان & شلته....

مشاري : هتااان لازم يتصفقون اليوم .. خصوصا راجح .. و لا انا يسوي فيني كذا قدام الطلاب....

هتان حاط يده على عيونه و يفكر بكلام فيصل ماهو مع مشاري ابد....

نادر يتابع ردة فعل هتان باهتمام.....

مشاري يناظر الشله : وش فيه ذا ؟؟؟؟

نادر : باين متضايق....

مشاري : هتاااااااان...

هتان رفع راسه : خيييييييير يا الزفت وش تبي ؟!

مشاري : ابي نفقع وجه راجح..

هتان : مالي دخل فيكم سووا اللي تبونه...

مشاري : وش فيك كذا صاك فيك الحزن...

هتان قام : اووووف مالي خلقكم...

ثم مشى عنهم لداخل المدرسه .... فكر يروح فصله...

نادر : من بعد ما تكلم مع فيصل صار كذا..

مشاري : انا ما شفتهم تكلموا شفت هتان تكفخ من فيصل...

نادر مستغرب : انا اللي اعرفه ان هتان مستحيل يسمح لاحد يضربه كيف سمح لفيصل ؟

مشاري : انت تسأل واجد .. احسن لك ما تعرف...

نادر دخلت شلتهم عشان اعرف عن هتان اكثر .. طلعت كل مالي احس اني ما اعرفه اكثر و اكثر..

بعيد عن مدرسة الأولاد .. نروح لمدرسة سميه .. اول يوم تداوم بعد غياب اسبوع ... و في نفس الوقت كانت الفسحه ... شلة سميه بالمدرسه هي نفسها شلة حنان و عددهم 4 بنات ريم & هدى & يارا & شوق...

طبعا سميه حكت لهم على كل شي صار بينها و بين حنان...

ريم : يعني من ذاك اليوم ما تعرفي شي عن حنان ؟

سميه : و لا ابي اعرف .. هي خانتني .. و خانتكم انتوا بعد يومها خبت زواجها عن الكل .. و انتوا عارفين اتفاق شلتنا ان محد يخبي شي..

شوق : مدري بس احس اني زعلانه على حنان .. احنا حتى ما عطيناها فرصه تتكلم...

هدى : خيييير ان شاء الله زعلانه عليهاا .. مع نفسهاا ما سمعتي اش سوت في سميه ... كيف تتجرأ و تضحك على سميه ثم تاخذ حبيبها...

شوق لو كان عندي جوال كان تواصلت معك يا حنان بس للاسف اهلي وانتي عارفتهم مره متحجرين ..... و ماني مصدقه انك خنتي سميه..

حتى ولو مستحيل اتخلى عنك ان شاء الله تكوني عارفه و ما تزعلي مني...

يارا : و انا بعد مقهوره من تصرف حنان .. و زعلانه عليك يا سميه اكيد انتي اكثر وحده تألمتي...

سميه : اش نقول غير ما يجي الجرح إلا من القريب....

هدى : يا الله ! .. والله انك كاسره خاطري .. كيف تسوي حنان فيك كذا مع انها تحبك !؟ و لا هو بس كلام...

سميه : مدري عنهاا ما عدت افهم شي...

يارا : المهم اننا خلاص بنسحب عليها .. وحده خاينه زيهاا ما نتشرف فيها بقروبناا..

هدى : اييييه هذا الكلام .. انا من لما قالت لي سميه سحبت عليها .. دقت علي اكثر من مره ما رديت...

يارا : و انا بعد دقت علي اعطيتها احمر ع طول..

ريم : دام دقت عليكم يمكن حتى انا دقت علي بس رقمي مفصول...

شوق متضايقه على حنان .. ما تحملت تسمع كلامهم فقامت عنهم..

ريم : لحظه شوق وين رايحه ؟

شوق : حابه اتمشى شوي قبل لا يدق الجرس..

ريم : دقيقه ابجي معك..

شوق : اوكيه يلاا..

و قامت ريم معها يمشوا بساحة مدرستهم.....

** حنان و شوق صديقات من الابتدائي و مع بعض بكل شي ... ريم صديقة حنان من المتوسط و ثنتينهم بثالث ثانوي ... سميه و هدى و يارا صديقات لحالهم تقريبا لانهم بثاني ثانوي .. و تعرفوا على ريم و شوق عن طريق حنان ... و تجمعوا و صاروا قروب.....

نجي عند ريم & شوق....

شوق : عاجبك الكلام اللي تقوله سميه عن حنان ؟

ريم : اكييييييد لأ..

شوق : قاهرني اسلوبها نست كل شي سوته لها حنان و صايره تطلع عليها كلام بزياده ...

ريم : وش نسوي معهاا ؟

شوق : ما في شي نقدر نسويه .. ودي اكلم حنان و بس .. اللحين تفكرنا سحبنا عليهاا..

ريم : لا اكيد هي تددري بظروفناا..

شوق : ما قاهرني الا سميه .. يا ليت حنان ما حبتها انا متأكده لو تسمع باللي سوته سميه لا تتألم اكثر منها...

ريم : تبين الصراحه ثنتينهم غلطانات .. اذا صدق حنان تزوجت الشخص اللي تحبه سميه مع انها تدري ان سميه تحبه .. و سميه بعد زودتها ماهي مستاهله يفترقون عشان واحد..

شوق : ما رح نعرف اش صار صدق الا اذا كلمناا حنان...

ريم : عن نفسي ما اظن رح اقدر اتواصل معهاا..

شوق : امممم مشكله و لا انا اقدر .. يااا رب تجينا حنان المدرسه لازم اكلمهاا..

ريم : يااا رب الله يسمع منك...

في الشقه .. الساعه 10 صحا وليد ع المنبه.......

وليد يتثاوب ... لازم اروح الشركه .. و ما اتأخر و لا عمي بيسوي لي قصه....

لبس و جهز حاله و فطر ع السريع ثم راح لعمه ... وصل للشركه..

و في مكتب عمه........

وليد : السلام عليكم طال عمرك...

ابو صقر : هلا عليكم السلام .. تفضل اقعد..

وليد : سمّ...

ابو صقر : كيف كان شغل دبي ؟

وليد : تمام .. و مشت الامور بسلاسه...

ابو صقر : انا شفت التقرير .. الشركه اللي بدبي كان من الصعب التعامل معها .. بس انت ما شاء الله عليك قدرت تتفق معهم...

وليد ابتسم : بصراحه كل هذا تعب ماجد .. انا ما كأني سويت شي...

ابو صقر : ماجد هاا ... ع العموم انا مبسوط من شغل دبي سواء انت اللي مسويه و لا ماجد...

وليد : تفضل طال عمرك هذي اوراق العقد و كل شغلنا اللي في دبي تقدر تتطلع عليه...

ابو صقر : حطهم هنا ع المكتب .. اذا فضيت بشوفهم...

وليد : اوكيه .. انا لازم امشي تآمر بشي ثاني طال عمرك ؟

ابو صقر : ايييه خلك .. اصلا ابيك بموضوع ثاني و مهم...

وليد كان بيقوم قعد : آآمر...

ابو صقر : اول شي نسيت اضيفك اش حاب تشرب ...؟

وليد : مو مشكله .. قهوه ساده...

رفع السماعه و طلب 2 قهوه ساده .. بدقيقتين جا طلبهم
ابو صقر : اشرب قهوتك على بال اوقع هالاوراق لأنها مره مهمه ما تتأجل...

وليد يشرب قهوته و يفكر .. يا ترى اش هو الموضوع المهم اللي يبغاه فيه ..!؟

خلص من اوراقه و لف على وليد و بملامح جديه......

ابو صقر : متى ناوي تتزوج بنتي ريهام ؟

وليد : لسا بدري يا عمي..

ابو صقر : انا اشوف ان هذا وقت تفكر جديا بالموضوع...

وليد : ان شاء الله طال عمرك...

ابو صقر : و ايش رايك تتعشى عندنا اليوم ؟

وليد : والله يا عمي حاب اني اقعد بالشقه...

ابو صقر : صار لك اسبوع بالشقه من طلعت من قصرنا ما مريتنا .. خلنا الليله بس نتعشى مع بعض .. وش قلت ؟

وليد اكيد ما ودي اشوف ولدك صقر بس ... : اوك خلاص رح اجي ان شاء الله...

ابو صقر : تقدر تتفضل اللحين...

طلع وليد من مكتبه و هو متضاااايق....

وليد اوووف يعني لازم ارجع لذاك القصر .. اكرهه اكرهه .. و عمي يصير حليو معي اذا جبت له صفقه زينه و غير كذا وحش مو آدمي...

في المدرسه الحصه الخامسه >> عندهم الاستاذ علي مادة حاسب...

أ/علي : يااا شباب .. السبت اللي طاف كان اول يوم دوام ما اخذنا شي .. فسجلوا عندكم بالجداول يوم السبت الخمسه و السادسه حاسب .. الاولى نظري و الثانيه معمل .. اووووكيه يا شباااب...

الكل : اووووووووووووووكي..

أ/علي : اللحين ابي هدوووء و لا ابي أي صوت بدخل في الدرس على طول الحصتين اللي اليوم بتكون كلها نظري .. ( لف على السبوره يكتب)

حنان تهمس : ليش اليوم مواد علميه ورى بعض رياضيات بعدين الغثه فيزياء و وراه احياء و اللحين حاسب ؟؟؟؟؟

فيصل : عاااادي .. السبت دايما كرف..

حنان بتعب : يااا لييييييل الليييييييييييل!

فيصل : هههه تونا بدينا...

حنان : اجل لو تشوف جدول بكره .. انت كنت غايب الاسبوع اللي راح .. ( تتكلم بحزن ) الاولى و الثانيه رياضيات اهئ اهئ رياضيات ورى بعض..

فيصل : هذا مصير العلمي تحمل بس...

لف عليهم المعلم و توه بيتكلم اندق باب الفصل ..... >> كان المدير..

أ/علي : هلا بحضرة المدير...

المدير : هلا فيك يا استاذ علي .. انا جاي خصيصا عشان طالب جديد توه انتقل لمدرستنا ...

أ/علي : الله يحييه..

حنان تهمس : ليش جا المدير بنفسه ؟ ذاك اليوم مع نواف جا هو بعد بنفسه!!

فيصل : مدري .. يمكن لان نواف من عايلة تجار...

حنان : يعني هذا الجديد من عايلة تجار بعد ؟

فيصل : يمكن...

حنان باستغراب : وش عندهم عيال الهااي جايين مدرستنا ؟.. مو من زينهاا بعد!

فيصل : هههه من جد .. متشوق اشوف الطالب الجديد..

كان الاستاذ يتناقش مع المدير على ان الفصل فيه طلاب كثير .. و فيه ناس غايبه و خايف انه ما يكفيهم .... المدير ما اهتم و قال رح يكفي ... المهم دخل الطالب الجديد و هو مبسوووووط اكيد...

حنان هئئئئئئئئئئئئئ هذااااا!!!!!!

فيصل خير ان شاء الله وش جايبه هنا...

نواف مااااااااني مصدق عيوني سواهاا و جا ؟؟!....

المدير : مافيه له درج ؟

أ/علي : زي ما انت شايف الفصل مليان...

المدير : انت و اياه قوموا دوروا له على طاوله و كرسي بسرعه...

المدير طاحت عينه على واحد عربجي مشكلجي كسول...

الطالب : تكلمني انا ؟!

المدير : وين شايفني اطالع ؟

الطالب : انا .. اروح .. اجيب طاوله لهذا ؟ .. ماني برايح وش بتسوي..

المدير : قم معي لغرفتي و انا اعلمك...

الطالب جا بيتكلم تدخل الاستاذ......

أ/علي : معليش يا حضرة المدير لا تكبرون القصه و انا وراي درس .. أحمد و سعيد الله يعافيكم روحوا جيبوا طاوله و كرسي الطالب الجديد ما يعرف المدرسه...

الطالبين على نياتهم و ممتازين و يسمعون الكلام فراحوا بدون أي مشاكل .. أما المدير يطالع الطالب العربجي بحقد .. بس ماحب يضيع وقت الحصه عداها و طلع من الصف ....

بعد دقايق جابوا له الطاوله و الكرسي و حطوها جنب نواف و قعد هناك.....

رجع وليد البيت .. متضايق و مهموم....

وليد وش اسوي اللحين .. يبيني اجيهم للبيت ... يااااا ربي .. لااا وفوق كل هذا يبيني اتزوج بنته .. ما عمري رح ارتاح من عمي .. الله يصبرني بس..

جواله يرن مسج بي بي.....

وليد طفشوني اللي بالبي كلهم يجبوا الملل .. خل اشوف يمكن استانس..

فتح المسج لقاه من......

ريهام : " حبيبي رد ادري انك موجود –قلوووب" -

وليد ياااا ربي : " هلا رهووومه .. انتي مو في مدرستك اللحين ؟"

ريهام فديته رد علي : " هلا فيك قلبوو .. إلا بالمدرسه و هذا اول يوم دوام لي –فيس مبسوط" -

وليد : " طيب دخلي جوالك .. مو زين تطلعينه بالحصص"

ريهام : " لا عادي ما يسترجون يسوون شي .. المهم انت الليله بتجي ع العشا صح .. سمعت ابوي الصباح يقول بيعزمك.."

وليد : " أي ان شاء الله بجي..."

ريهام : " بستناك ع احر من الجمر .. اش تحب ألبس لك ؟"

وليد : " ههههه أي شي تلبسينه حلو عليك"

ريهام : " - فيس خجووووول - .. يلا اخليك الاستاذه جت"

وليد: " ok " ..

قفل منها و تمدد ع الكنبه و قام يتصفح الصور ..... خااااصه صور حنان...

الولد هذا مدري كيف بس ..... ههههه مبسوط لاني اخترته يكون مكاني ... آآآه يا وليد ما تحس انك تشتاق له اذا راح و دايم تتأمل صوره !؟ ههههه وش احس فيه اناااا......!

نرجع للمدرسه >> انتهت الحصه السادسه .. و اللحين 10 دقايق بريك صلاه.....

حنان لفت عليه : اش جابك انت لمدرستنا بعد ؟!؟

عبدالرحمن : عشان فله و وناسه .. و عشان مره وحده اشوفك كل يوم يا حلووو..

حنان لفت وجهها عنه بضيق....

فيصل : اقول انت و خويك نوااافوه ارجعوا من مكان ما جيتوا .. هذي المدرسه ما تناسبكم...

نواف : احد شكى لك ؟!

فيصل عطاه نظره.....

عمار : ما شاء الله طلعتوا معرفه...

فيصل : لا ما نعرفهم .. ما يناسبونااا..

عبدالرحمن مستغرب : وش فيك احنا اصدقاء .. مفروض تكون مستانس...

فيصل يتصفح الكتاب اللي ع طاولته : اصلا انتوا جايين عشان وليد(حنان) ..

حنان : اذا جايين عشاني ارجعوا .. ما ودي اشوف وجيهكم .. كنت بواحد صرت بـ 2 ...

عمار مو فاهم شي...

فيصل يغير الموضوع : قوموا خلونا نروح للمصلى...

حنان : انا عن نفسي بصلي بالبيت..

عمار مستغرب : ليه ؟؟؟

حنان تفكر بتصريفه : هممم بس يعني اختنق من الزحمه...

عمار : اقووول تعااال بس .. تعوذ من ابليس و امش..

فيصل : اتركه بنصلي بسرعه و نرجع...

عمار يهمس : ما تخاف عليه من هتااان ...؟

فيصل : عندي احساس ما رح يسوي شي اقلهاا اليوم..

عمار : تكفى يا ابو الاحساس ! .. هذا هتان ما عنده ..المشكله راجح سبقنا و لا كان قلنا له يقعد معه..

فيصل : طيب خلك انت معه انا بروح اتوضأ ثم بصلي و بعدين اذا رجعت انت روح..

عمار : الظاهر مافي إلا كذا..

بعد ما راح فيصل.......

نواف : اقول عمار اذا ودك تروح تصلي عادي روح انا بقعد معه..

حنان .. كانت بتتكلم بتقول له لأ لا تروح لكن سكتت .. اكيد بيسألها ليه و هي ما عنده تصريفه...

عمار : دام كذا اجل بروح .. و انت ما بتصلي ..؟

نواف : لا انا بصلي بالبيت بعد ما بقى شي على نهاية الدوام اصلا ... ( لف على عبدالرحمن ) .. انت روح مع عمار...

عبدالرحمن : لييييييه عشان تقعد مع حمد لحالك ؟!

حنان تتلفت حولها لا يكون احد سمع .. الحمدلله الفصل فاضي : هيييييه انت ناااااوي تفضحني!

عبدالرحمن ما فهم : وشو ؟؟؟؟!

حنان خفضت صوتها : انا وليد .. بلااااك انت ثور كذا ؟

عبدالرحمن : هههههه سوري يا وليد...

عمار تعب من الانتظار عند الباب : بتجي و لا لا ؟

نواف : خلصناا روح..

حنان بسرعه : عااادي اذا هو حاب يقعد خل يقعد..

نواف ناظرها بخبث : اصلا هو كان رااااايح...

عبدالرحمن : ايييه ابمر المقصف بعد مره وحد تبون شي و انا جاي ؟

نواف : جيب لي مويه معك..

عمار : اخلص علينا العالم صلوا....

عبدالرحمن : يلااااا جاااااي...

فضى الفصل ما فيه الا حنان و نواف...

حنان ما بعطيه فرصه يكلمني ( حطت راسهاا ع الطاوله ~ تكلمت ) : اياااك تحاول او تتجرأ تلمسني...

نواف قام و قعد جنبهاا : إلى متى بتصير زعلان مني كذا و ما بتكلمني ..؟

حنان : لا تكلمني...

نواف : لا بتكلم .. انت مو حاب تعرف انا ليش سويت كذا ؟

حنان : مو حاب اعرف و لا حاب اسمع أي شي .. خلك ساكت..

نواف كان بيلمس شعرهاا بس تراجع ~ و حب يغير الموضوع : ليه ما لبست غترة اليوم ؟

حنان ما يفهم هذا قلت له لا يكلمني .. طنشيه : .............لا رد

نواف : هممم .. اسلوبك صعب التعامل معه...

حنان آه يا ربي ينرفزني .. لو يبعد عني بس .. ما يدري اني ما اقدر اناظره بعد اللي سواه .. منحرجه بشكل .. و ودي انزل عليه ضرب....

دخل عليهم هتان و مشاري للصف ...هي لسا حاطه راسها ع الطاوله .... نواف وقف لما شافهم لانهم جايين باتجاه حنان...

نواف : خيييييييييييير!

طنشه هتان وراح لحنان على طول شد بشعرها و وقومها من ع الطاوله...

هتان : ليييييييش انت ؟

حنان يمه وش جابه ذا ؟ : وش .. وش تقول .. !؟

نواف مسك يد هتان و ابعدها عن حنان و وقف قدامها صار بالنص بينها وبين هتان .......

نواف : نعم خير وش تبي ؟

هتان : انت اللي خير .. موضوع بيني و بينه لا تتدخل....

نواف : دام اني موجود محد يتجرأ يلمسه...

هتان بسخريه : ليش حبيبك و احنا ما ندري ...؟

نواف : أي حبيبي عندك شي...

هتان اكيد يقول كذا عشان يعصبني : كل تبن انت و اياه..

مشاري : هتان ودك اكفخه لك تراي جاهز...

هتان بملل : لاااا مالي خلق .. خلنا نسحب ع الحصه الاخيره و ندزهاا للساحه فيني جنون ابي اطلعه اليوم...

مشاري : يعني نهرب ... اووووكيه يا بطل .. انا بعزز لك..

هتان : يلا قداااااااام..

طلع هتان عند باب الفصل و مشاري قاعد ياخذ اغراضه .. ناظر حنان بحقد و قال لها ........

مشاري : ترى لسا ما انتهيناا منك .. تونا بدينا...

ثم ضحك بصوت عالي و طلع ورى هتان.....

حنان واقفه ورى نواف و خايفه منهم ... ماهي مصدقه ان هتان استسلم كذا و بيروح يعني ما كبر السالفه ... و قاعده تفكر اش قصده هتان بـ " ليييييييش انت ؟ " .. لااا و تهديد مشاري بعد...

نواف شافها خايفه : لا تخااااف دام اني معك...

حنان قعدت .. اصلاا الخوف منك....

نواف : اش ذا الولد ما عنده عقل!

حنان : ...........لارد

نواف يده ع كتفها : انت خايف ؟

حنان عصبت و وقفت : اوووووووووووه اترك ... لا تلمسني ابد..

جت بتمشي .. لحقها و مسك ذراعهااا....

نواف : وين رايح ؟

حنان تناظر مكان ماهو ماسك .. و تسحب يدها بقوه : قلت لك لا تلمسني ابد .. بعدين مو شغلك وين انا رايح...

نواف مسكها غصب : ماني بمخليك تروح و هذا و شلته برى...

حنان : اتركني يااا حيووووووان اتركني...

نواف : حيوان ؟؟؟؟؟! .. معليش بعديهاا تموون لانك غالي..

حنان رفعت يدها الثانيه و عطته كف قوي ما استوعبه نواف بس تركهاا .. و هي ظلت واقفه دقيقه تنتظر ردة فعله .. و لا هي عارفه كيف سوت كذا اصلا...

نواف و يده ع مكان الكف : لييييييييييش ؟!

حنان : لانك منحرف .. لانك .. لانك....

نواف بصراخ : كل هذا عشان اللي صار بالعزيمه .. انت مكبر الموضوع...

حنان خافت منه لانه عصب : لا تكلمني .. ما اطيقك ياخي بعد عني و اتركني في حالي .. انا ما ارتاح لك .. نظراتك غريبه و انت أغرب .. دائما تخوفني..

نواف هدا نفسه : حاب تعرف اش هي نظراتي ؟؟ .. جد جد انت ما تعرف اش معنى نظراتي لك ؟

حنان ساكته و تناظره بخوف ...... قطع عليهم دخول راجح....

راجح : ياا عياااال صار شي ؟ .. شفت هتان و مشاري طالعين من فصلنا و جيتكم ركض..

حنان تطمنت لما شافت راجح و رجعت قعدت مكانها بدون أي كلمه....

راجح اش فيهم وش صار بغيابنا ؟؟؟؟؟!!!!

نواف ناظر راجح : ما صار شي يا راجح .. بس مشاري اخذ اغراضه و طلع الظاهر بيهربون من المدرسه....

يتبع........