شبكة همس الشوق - عرض مشاركة واحدة

11 - 8 - 2015, 05:25 PM

موسى ناظرهاا بحقد : شف هاذول الناس الصح .. مو بإنت ي التنكه ..
حنان ~ اللحين فهمت لييييش قال لبيييه للاستاذ .. الظاهر انه دائما يخليهم يغشون !
موسى طلع براشيم : يجي والله ياا كذاا الاختبارات يا بلاش ..
حنان تناظر الكل باستغراب ~ اللحين عرفت ليش العيال دائما ينجحون .. امس عشانه اختبار رياضيات و اول يوم كانوا متشددين و اللحين .........
موسى : لا تفكر اني بعديهااا لك .. والله لا تشوف ..
حنان : ما تهمني لا انت و لا اشكالك ..
موسى : طيب يا السلوقي ....
حنان ~ يااا ربي المشكله اعانده و في نفس الوقت ما ابي مشاكل .. لأ بس يستاهل والله ما اغششه اجل هو يهددني .. اكره بحياتي اللي يهدد و هو أجبن خلق الله .. الله يستر منه اخاف لا يكون من الناس اللي يحطون في بالهم ...

مر نص الوقت .. و بدأ بعض الطلاب بتسليم اوراقهم .. كالعاده حنان تنتظر نواف يسلم بعدين تسلم .. اهم شي ما تقعد لحالهاا .. و طلع و طلعت وراه ..
حنان ~ بمشي وراه بس ما ابيه يدري .. امس فضحنا .. الاهم ما ابي موسى يشوف اني لحالي .. ابدا مالي خلق مشاكل معه ..
نواف لف فجأه ع ورى شافهاا : اووووه متى طلعت ؟؟؟
حنان ~ اوووووووف شاااااافني ! : توني ..
نواف : تعال تعال جنبي بقولك شي ..
حنان : لأ ماني بجاي .. ما اثق فيك ..
نواف : ورب البيت ما بسوي شي .. نسيت انا قلت بطلب منك طلب ..
حنان : طيب .. بس والله لو تسوي شي منا و لا مناا .. ياا اني ما ارحمك .. مالك الا راجح يتدرب عليك ..
نواف : ههههههههه و بهون ؟!
حنان : و بقووووووه ..
نواف : افااا بس .. الشكوى لله ..
يتكلمون و هم يمشوا طالعين للساحه الخارجيه بانتظار الفترة الثانيه ......
حنان : وش هو طلبك اخلص ؟!
نواف : اسمع انت تعرف اني متهاوش مع وليد ...
حنان بدون نفس : و غيروووووووا ..
نواف : و عارف انه بسببك !
حنان : استغفر الله .. ماله داعي تحسسني بالذنب اكثر من ما احس ..
نواف : ما قصدت .. انا كل اللي ابيه منك انك تكلم وليد لانه هو غلط علي .. لازم يعتذر مني .. و انا مستعد اجيه البيت اليوم ..
حنان : اللحين اذا اعتذر منك بتنحل المشكله ؟؟؟
نواف : اكييييييييييد ..
حنان : طيب بكلمه و اشوف .. بس ما اوعدك بشي ..
نواف : لازم يعتذر هذاني بتعنى و اجيه البيت وش يبي اكثر من كذا تنازل ..
حنان : درينااا دريناا .. المهم متى بتجي ..؟
نواف : اظن بعد المغرب ...
حنان : خلاص بكلم وليد العصر ..
نواف : على خير ان شاء الله ...
وصلواا للسااحه الخارجيه .. فيصل و عمار و معهم راجح سبقوهم على برى .. اول ما شافهاا فيصل تمشي مع نواف و تسولف معه بميانه قبضه قلبه .. و عشان ما يضيق خلقه لف وجهه ما يبي يشوفهاا ..
صادفوا عبدالرحمن بطريقهم .. و الكل راح لفيصل و عمار و راجح و قعدوا مع بعض .. لا حنان و لا فيصل سولفوا كان كل واحد منهم ماسك كتابه يقال انه يذاكر النحو ...

الساعه 9 الصباح .. وليد يجهز نفسه للروحه للشركه ......
وليد ~ وش يبي عمي ؟! .. ما ارتحت لان صقر قال الموضوع مهم .. عساااه خير بس ...
وصل الشركه .. كان عمه في انتظاره ... اول ما دخل مكتب عمه تفاجئ ان صقر موجود ..
ابو صقر : حياااك ياا وليد تعال اقعد ..
وليد : الله يحيك ياا عمي ..
ابو صقر : اش تشرب ؟
وليد : تسلم ما ابي شي .. بالي مشغول ايش القصه ؟
ابو صقر : صقر ...
صقر : سمّ طال عمرك ..
ابو صقر : علمه بالموضوع ...
وليد ~ بديت أقلق .. ان شاء الله ما يكون موضوع زواجي من ريهام بس ..!
صقر : في الحقيقه يا ولد عمي .. جانا عرض من شركة بريطانيه .. و امس اجتمع ابوي مع ابو ماجد بحكم انه مسؤول قانونيا عن نص املاكك ..
وليد : ايييه و بعدين ؟!
صقر : اتفقنا معه نقبل عرض الشركة البريطانيه .. طبعا بعد ما ابو ماجد درس الموضوع و شاف انه من صالح شركتنا و شركته و من صالحك انت بعد وافق على العرض ..
وليد : و ايش المطلوب مني ؟
صقر : هنا المهم .. لازم ممثل لشركتنا و ممثل لشركة ابو ماجد اللي نصها لك .. لازم يروح لندن ..
وليد : فهمتك اللحين تبيني اسافر كممثل لشركة ابو ماجد ..
صقر : في الحقيقه الشركه لك .. و لزووم تروح .. خصوصا ان عندك امكانية تروح ...
وليد : امممم طيب كم يوم ..؟
ابو صقر : خلاااص يا صقر انا بقول له ...
صقر : ان شاء الله طال عمرك ..
ابو صقر : انا قررت ان صقر و انت تسافروا على لندن .. تخلصوا الشغل هناك و ترجعوا ..
وليد ~ ما شاف غير صقر !؟ ...
ابو صقر : انت بتمثل شركة ابو ماجد .. و صقر بيمثل شركتي ..
وليد بنفاذ صبر : طيب السفر كم يوم ...؟
ابو صقر : شهر ...
وليد بصدمه : شهررررررررر !؟؟؟؟
ابو صقر : و ليه مصدوم ؟!
وليد : مقدر اقعد هناك شهر كامل .. لااا و مع ولدك !؟
ابو صقر : انا مو قاعد استشيرك .. انت لازم تروح .. انا ما قلت لك لا تدرس هالسنه الا عشان ذا الموضوع ..
وليد : لكن يا عمي .....
ابو صقر : بدون لكن .. اذا ما تبي تدير حلالك و حلال ابوك خلاص سجل كل شي باسمي و انت ارتاح ...
وليد ~ اصلاااا انت هذا اللي تبيه .. و قاعد تسوي كذا عشان بس اسجل كل شي باسمك .. ما شفت احد بحياتي طماع قدك يا عمي .. حسافه تكون اخ ابوي ... لكن لاااا مو انااا اللي استسلم لك ...
ابو صقر : وش قلت ؟!
وليد : اوووكي موافق بسافر و امري لله ..
ابو صقر عفس وجهه كان متوقع انه يرفض و يسجل كل شي باسمه : اجل على بركة الله ...
وليد : و متى موعد السفر ؟
ابو صقر : انا اللحين عندي شغل .. تقدر تتفاهم مع صقر على هالامور ..
وليد هه شكله زعل : طيب عن اذنك ...

و طلع من مكتب عمه مع صقر .....
وليد : قول لي متى السفر ؟
صقر : الاسبوع الجاي يوم الاثنين ..
وليد : بالسرعه هذي ...
صقر : بعد هذا هو الشغل ما يستنى احد ..
وليد ~ فيصل و حمد يخلصوا اختباراتهم يوم الثلاثاء و كنت مخطط اسوي حفله يوم الخميس بمناسبة نهاية الفصل الاول .. يعني كل اللي خططت له ما رح يصير ...
صقر : وش تفكر فيه !؟
وليد : مو شغلك .. > جاا بيمشي للبيت و قف ...... اقول ما يمديها السفره تتأجل .. بس 3 ايام .. خلنا نسافر يوم الجمعه ..
صقر : وش الشي المهم اللي عندك مخليك تأجل ؟
وليد : مو بلازم تعرف .. يمديها و لا لا !؟
صقر : همممم اشوفك مصر .. و انا ما ودي ارفض لك طلب .. طيب بشوف الوضع و بيننا ألو ..
وليد : تم ... >> مشى ..
صقر : وين رايح ؟
وليد : راجع للشقه يعني وين !؟ ..
صقر : خل نقعد بالكافيه تحت اضيفك شي ..
وليد : مشكووور ما ابي منك شي .. قدامنا شهر بنقعد فيه قد ما تبي ..
صقر ابتسم : اييييييه و انت الصادق تراي مبسوط ..
وليد : و انا اكثر واحد زعلااان .. عن اذنك ..
صقر ~ ههههه ياا حليلك يا ولد عمي .. بتظل صغير في عيني مهما كبرت .. ههههه آخ بس اشتقت لايام الطفوله معك ...
المشكله كان يعذب وليد بطفولته .. شخصية صقر لكم حرية تحليلها ..

نرجع للمدرسه .. حنان كانت قاعده مع الشله و خصوصا راجح .. فـ موسى لا هو و لا غيره ما يقدرون يسوون شي مجرد تهديد ع الفاضي ..
عمار : هيييه ي عياال ترى ص 45 مهمه و بتجي اكيد ..
حنان : وش دراك ؟؟
عمار : قالها الاستاذ ما تذكر ؟!
راجح : أي صادق قالها الاستاذ ..
حنان : ما اذكر والله ..
عمار : هههه وين كان عقلك ؟
نواف بصوت غير مسموع : اكيد مع الحب فيصل ...
و لان عبدالرحمن كان قاعد جنبه سمعه ... لكن ما تكلم لان لحظتهاا اندق الجرس للفترة الثانية ...
و دخلوا للقاعه .. كان الاختبار سهل بالنسبه لحنان .. خلصته بسرعه و على نفس الحال ما تطلع الا اذا طلع نواف .. و موسى هذا غثها طول الوقت يحاول معها تغششه و هي معانده ..

و قابلت الكل برى .... كانت تفكر اذا بيرجعون مع بعض هي و فيصل للبيت .. و تفكر اش رح يتكلمون فيه اذا صاروا يمشون مع بعض ... لكن تفاجئت ......
فيصل : اش رايك ياا عمار بمشي معك للبيت ...؟
عمار يا لييل لسا زعلان من حمد ! : طيب ماا عندك مشكله ..
حنان ~ و انااا ؟؟ من يرجعني ؟ .. وش يحس فيه هذا فيصل .. كل ذا زعل .. لااا مو زعل انسي يكرهك من جد ... المفروض انا اللي اكون زعلانه منه على الكلام اللي قاله لي .. لكن ......
عمار : يا الله شباب حنا بنمشي .. راجح يا الله ..
راجح : يالله جاااي ... >> راجح و عمار دائما يرجعون مع بعض لان بيوتهم قريبه من بعض ..
اللي ما كانوا يعرفونه فيصل و عمار و راجح .. ان فيه شخص يراقبهم من بعيد و يلاحقهم بسيارته .. و اكيد عرفتوا هذا الشخص اللي هو هتان و معه مشاري ....

نرجع لحنان .. ظلت تناظر فيصل و اللي معه الى ان اختفوا عن نظرهاا .. ثم تنهدت بضيق ...
نواف : اقووول حمووود .. انت صاير بينك شي انت و فيصل ؟؟
حنان : ما صاير شي و لا تقعد تتسئل ..
نواف : وش بلاك عصبت .. انا ملاحظ انكم ما كلمتوا بعض اليوم ..
عبدالرحمن : ايييه ياا حمد فيه شي صاير .. فيصل كان يتجاهلك طول الوقت مو عوايدكم ..
حنان : اللحين انتم وش دخلكم بيننا .... >> مشت عنهم ..
نواف : تعاال وين رايح ...؟ امش نوصلك ..
عبدالرحمن : ياا ولد حنا نسألك لانك خويناا و اللي يزعلك يزعلنااا ... تعااال ..
حنان كانت بتطلع من البوابه شافت موسى و اصحابه .. ثم وقفت و لفت على نواف و عبدالرحمن اللي كانوا يمشون وراهاا ..: خلااااص وصلوني معكم ...
نواف : انا جاي بسيارة عبدالرحمن .. بيوصلك ثم يوصلني ..
حنان : أي شي المهم ارجع البيت ...
طبعا ركبت ورى بسيارة عبدالرحمن .. و نواف قدام جنب عبدالرحمن .. كانت متضايقه موووت من تصرفات فيصل معهاا .. يعني ما تعودت يعاملهاا كذاا ..شي يقهرهااا ...
نواف لف ع ورى : حمووودي ليش زعلان ؟
حنان : انت بالذات لا تسأل ..
نواف : وش فيك علي ؟
حنان : انت تعرف ما يحتاج اذكرك ..
عبدالرحمن : اوووبس .. حمد متهاوش مع فيصل و معك .. وش سويتوا له ؟
نواف : حتى لو غلطت ابيك تسامحني ..
حنان تنهدت بتعب : سهله عليك تقول سامحني .. الغلط غلط .. و انت مو اول مره تسويهاا ..
عبدالرحمن : ياا جمااعه فهموني ...
نواف : ماا في شي ي الدحمي سوق و انت ساكت .. أماا انت ياا حمد انا اعرف كيف اخليك تسامحني ...
حنان ~ اووووف آخر همي انت ...

من جه ثانيه راجح افترق عن عمار و فيصل بالطريق ... و فجأه .......
عمار : هههههههههههههههههههههههههههههههههههههههه ...
فيصل : بلاااااااك ؟؟؟؟؟؟؟؟؟؟؟؟؟!!!!!!!!!!!
عمار : و تحسب اني ما شفتكم ؟!
فيصل ما فهم : وش تتكلم عنه انت ؟
عمار : و تناظره من طرف عينك يقال محد يشوفك .. صدتك ياا ولد ..
فيصل : والله ماني داري وش عنه تتكلم !!
عمار : و بتمشيهاا علي ي فصيييل .. علي انا .. خويك منذ الصغر و اعرفك هههههههههههههه ..
فيصل : تكلم ياااخي أبلشتني !
عمار : ههههه متشفق عليه والله و تبي تصالحه ... بس تكابر ..
فيصل يصرف : قصدك حمد .. هههااي من قااال .. بالعكس انا كذا مرتاح ..
عمار يده ع كتفه : كني ما اعرفك اناا .. خويك انا اعترف ما فيهاا شي ..
فيصل : اقوووول امش و انت ساكت ...
عمار يدندن : و يناظره من طرف عين .. و يناظره مشتاااق ... نعن بو حظ-ن- فرق اثنيييييييييين ...
فيصل : عموووووووري ترى واضحه تقصدني ...
عمار : ههههههه ..
وصلوا عند باب بيت عماااار .....
عمار : طيب غداك عندي ..
فيصل : لااا ابرجع الشقه .. ما تلاحظ اني زودتهاا ..
عمار : ترى بصفقك هنااا .. لا ابوك لا ابو من يعزمك ...
فيصل : طيب طيب لا تعصب .. بتغدا و امشي اتفقناا ..
عمار : اوووكيه اتفقناا ..
فيصل ~ و انتي يااا حنان موتي من قهرك ....
عمار : اقول .............

أماا حنان وصلت الشقه و هي واصله معهاا .. رمت الكتاب ع الارض و رمت نفسهاا على سريرهااا .. و انفجرت بكي ...
حنان ~ ليييه يعني يسوي كذا .. اصلااا كيفه ما يبي يكلمني كيفه .. طيب انا ليش ابكي كذا ..؟ ليش متضايقه ؟ .. ليش يااا ربي ودي انه يرجع ..؟ لييييييش ؟؟! ما ابي ابكي عشانه .. ما ابي انا احب وليد ما احبه هو ... وش شعوري اتجاهه بالضبط ما عدت افهم نفسي ! ..
مسحت دموعهاا و قامت للحمام –الله يكرمكم- اخذت شاور و بدلت .. لعل و عسئ تهدا و تروق شوي ..
حنان ~ اناام و لا استناااه .. لا لا اصلا شكله ما رح يجي اليوم بعد .. اوووف ليش افكر فيييييييه !؟ خلاااااص انسي انسي انسي ..
حطت راسهاا بتناام .. ما جاهاا نوم ...
حنان ~ خلااااص مو بلازم انام .. ( مسكت الكتاب على اساس بتذاكر ) ...
اندق باب غرفتهااا .....
حنان ارتعبت و ارتبكت ~ اكيد هذا فيصل .. اكيد ناوي يعتذر مني .. بس ما رح اسامحه .. بعد ما جرحني بالكلام ..
اندق مره ثانيه .......
حنان ابتسمت ~ مااني رااده عليه بسوي نفسي زعلانه .. و لا رح اناظره حتى ..
قاعده على سريرهاا وجههاا ع الكتاب حتى ان شعرهاا غط على وجهها .. و الباب يدق و هي مقتنعه انه فيصل .. لان وليد اذا جا بيدخل يدخل بدون ما يدق الباب في العاده ...
بعد ما دق و ما سمع رد ... فتح الباب و دخل .. ناظرهاا كيف انها منسجمه مع المذاكره ... حنان ابداا ما رفعت راسهاا واثقه انه فيصل و مقرره ما تعطيه وجه .. يقرب منهاا بهدوء و بخفه غرس انامله بشعرهاا و رفعه عن وجهها ....
حنان مصدومه من الحركه و لما رفعت راسهاا و طاحت عينها بعينه انصدمت اكثر و اكثر .....
وليد : تعبت و انا ادق الباب و انت ما ترد .. قلقت عليك ! .. فكرتك نايم والله ..
حنان انخرست ما غير تناظر عيونه .. ودهاا تقول له طيب اابعد شوي لاني ارتبك و انت قريب و مقدر اتكلم بس انخرست البنت خلاااص ههه ...
وليد : وش فيك ؟
حنان بارتباك : ء ء ء آممم ... ( شالت نظرها من ع وليد و رجعت تناظر الكتاب ) ....
وليد ابعد يده : وراك ارتبكت ؟!
حنان : ما .. ما ارتبكت .. بس يعني فكرتك فيصل .. تفاجئت مو اكثر ..
وليد : يعني انت كنت تنتظر فيصل !؟
حنان : أييه ما توقعت انه انت .. انت ما تدق الباب اذا جيت تدخل !
وليد : هههه اذا كان فيصل موجود ما ادق ..
حنان باستغراب : ليه ؟!
وليد : مو هذا موضوعنا .. انا جيت ابي اعلمك بشي مهم ..
حنان : وشو ؟!
وليد قعد جنبهاا : انا الاسبوع الجاي رح اسافر .. و هالمره سفرتي بتطول ..
حنان : هههه تحسب اني بصدقك .. ما ذيك المره قلت نفس الكلام و قعدت يومين و جيت ..
وليد ابتسم : ما ألومك اذا ما صدقتني .. بس هذي الحقيقه للاسف ..
حنان بسرعه : عينك بعيني ياا النصاااب !
وليد مسك وجهها بكفينه : شوووووف و تأكد ..
حنان ~ ءءء لا لا ما قصدت كذا .. ( سرحت بعيونه ) آه يااا عيوووونك ودي اقعد اناظر فيهاا كذا و لا نتكلم .... بس تكفى اترك وجهي بموووت من حرجي ...
وليد تركهاا : هااا صدقتني اللحين !؟
حنان بارتباك و وجهها صار احمر : آ آ آ.. ايييه صدقتك ..
وليد تنهد بضيق و ناظر الارض : والله ما ودي اساافر ..
حنان : اذا .. اذا مو اجباري لا تسافر ..
وليد : لأ لازم عشان الشغل ..
حنان : ما قلت لي كم بتقعد و وين ..؟
وليد : لندن .. شهر ..
حنان ~ و بيغيب عني شهر .. من اللحين مستصعبه غيابه ...!
وليد : اسمع انت وعدتني تطلع معي بيوم كذا لحالنا و نتمشى ..
حنان : اناا ؟؟؟ متى ؟؟؟؟
وليد : بتجحد اللحين ؟
حنان : لأ بس م اذكر .. آه قصدك ذيك المره .. انا ما وعدت انا قلت ان شاء الله ..
وليد : المهم ابيك تطلع معي و نتمشى قبل لا اسافر ..
حنان : و اختباراتي ؟!
وليد : انا كلمت صقر يأجل السفره شوي و ان شاء الله يقدر .. و ساعتها بنطلع سوأ انا و انت لحالنا ..
حنان ~ انا و هو لحالنا .. فيصل ما رح يسمح لي .. و رجعت افكر بفيصل ماله دخل فيني .. خلاااص عناد فيه بطلع مع وليد و بشوف اش بيسوي ..
وليد قام : يالله ابخليك تكمل مذاكرتك ..
حنان : لحظه نسيت ابي اقولك شي بما انك جيت غرفتي يعيني ..
وليد قعد : ايييييش ..؟ بتعترف لي بحبك ؟!
حنان انصدمت : وشووو ؟!
وليد : هههههههههههههههه امزح معك وش فيك .. ياالله قول ..
حنان : اهاا تمزح .. كنت ابكلمك في موضوع نواف .. يعني ذاك اليوم ...
وليد قاطعه : ما ابي اسمع سيرته اه ف يخليك...
حنان بترجي : تكفى اسمعني .. انت غلطت عليه لازم تعتذر منه .. و هو رح يمرنا بعد المغرب و وده لو ترجعون زي قبل ...
وليد بعصبيه صرخ : ياااااا انت ...
حنان خافت : هااااااه !
وليد : انت عجبك اللي كان ناوي يسويه فيك ؟؟؟
حنان بزعل : لأ .. بس ما ابيكم تزعلون من بعض و انا السبب ...
وليد : هممم طيب .. و لا تزعل .. بس تبيني اعتذر منه ..؟
حنان : اييه تكفى ..
وليد قام و مسح ع شعرهاا : ابشر عشانك بس ..
حنان نزلت راسها باحراج : تسلم ..

نرجع لفيصل ... لازال واقف مع عمار قدام البوابة و عمار قاعد يطقطق عليه ......
عمار : هاااه هاااه هااه ما تبي تكلم حموودي !؟
فيصل : تراك زودتهاا خلاااص ..
عمار : هههههههه قسم بالله انكم حفله ..
فيصل : شكلك ناوي تخليني اوقف ع الباب ...!
عمار : ههه لاااا بس ........ ( صار يناظر للشارع و تغيرت معالم وجهه )
فيصل لف ورى : وش تناظر ؟! ... هئئئئئ وش جاابه ؟!

كان هتان بسيارته و معه مشاري ... وقف مقابل بيت عمار .. فتح شباك السياره .......
هتان : مسيييييت بالخير يا الحووووب ..
عمار : انعن ابو ذا الوجه ... وش جابك يا الزلابه قدام بيتي ؟!
هتان سفهه و ناظر فيصل : فصوووولي بخمس هناا لعيونك ..
فيصل صرخ عليه : انهبلت انت .. هذي حاره و فيها ناااس و اطفال ..
هتان : ههههههههههه وش عاد يهم .. بالله راقبني و شوف وش بسوي ..
فيصل : يااا حيواااااااان ياا انت !
في سيارتهم ......
مشاري : دزهاا ياا ولد ..
هتان : و لعيون من على الفرقى ناوي .. اتعبني غلااه و آخرتهاا هجرني .. قدااااااااااااااااااام ..
و سواهاا هو و مشاري يفحطون في نص الحاااره ......
فيصل و عمار نزلوا من على الدرجات يشوفونه .. خايفين لا يدهس احد ...
عمار : والله ما غير ادق على الشرطه ..
فيصل قبض ايدينه قلق : خايف لا يصدم احد ..
عمار : دقيقه بس بدخل البيت اجيب جوالي .. انا اوريه اخرتهاا يفحط قدام بيتي .. هين ياا هتاانوه يا التبن ...
فيصل : رح اللحين بعدين كمل تهزيء فيه ...

دخل عمار .. و رجع هتان وقف قباله ......
هتان : هااا كييييف شفت التخميسه اللي من شوي .. ترى متعوب عليهاا لعيونك ..
فيصل : ما قد شفت واحد حقير و واطي زيك .. يا ابن الـ ........
هتان : هههههههههههههههههههههه يا الحوووب ترى اذا دعست احد بالسيارة من اللحين اقولك اعتبرها غلطتك ...
فيصل رفع كفينه و مسك ع راسه : انت جننتني وش تبي مني ياااااخي !؟
مشاري يهمس له : هتاان فرصتك استغله ..
هتان ابتسم لمشاري ثم لف ع فيصل : اركب معناا ..
فيصل : يااا النذل مو بانت قايل لي انك ما عاد بتطلب مني اخاويك الى الفصل الثاني .. امداك نسيت !؟
هتان : ههههههه مشتاااق و الشوق ذابحني و اناا اخوك .. ابرجع ايام زمان .. امش امش ...
فيصل : والله ما اجي معك انت كلب بغيت تدخلني السجن ...
هتان : خلاااص لا تجي و تحمل اللي بيصير ..
فيصل يتلفت بالشارع يشوف في اطفال : لأ لحظه .. قدامك بزران لا تفحط هناا احسن لك ياا هتان ..
هتان : من الاخييييير بتركب و لا ........؟!
فيصل : خلاــ .........
عمار قاطعه : فيييييييصل منت برايح أي مكان .. و انت يا هتان يا التبن الشرطه بالطريق ...
هتان ما صدق : نصاااااااااااب مهاااااااايطي ..
عمار : عمرك ما صدقت .. خل يشيلونك و نرتاح منك و من غثاك ..
هتان : تعرف تسكت و لا اجيك ترى ..
عمار : فيك خير تعال ..
فيصل : عمااار لا تتهاوش معه ماا يستاهل ..
هتان ابتسم : فدييييييييت من يداافع عني و يخاف علي ..
فيصل متقرف : أنااااا ؟! اخاف عليك انت ؟؟؟! .. اقولك عمار توطاااه .. ماني بماسكك ..
هتان : هههههههههههههههههههه ألحقني يا الذيب > يقصد عمار ..
و دعس بسياارته ....
عمار : انقلع يالله .. الله لا يبارك فيك من ولد ...
فيصل : انت صدق دقيت ع الشرطه ؟؟
عمار : أي والله دقيت ..
فيصل : بس هتان راح ..
عمار : طيب ادخل يا الله ..
فيصل : اخاف يرجع ..
عمار : ماهو براجع يا الله بس ..
فيصل : يعني لو رحت معه مو بأحسن .. بقعد قلقان كذا ..
عمار مسكه مع ياقته : وش بلاااك انت ؟! .. صاااير ضعيف و تستسلم .. ما عرفتك كذا يااا فيصل .. انت مو بخويي اللي زمان ..
فيصل بحزن : وش اسوي ؟؟
عمار تركه : اللحين ادخل و خلنا نتغدا و بعدين نشوف ..