شبكة همس الشوق - عرض مشاركة واحدة

11 - 8 - 2015, 05:37 PM

بنطير الى شمال المملكة .. بالتحديد مدينة تبوك مدينة الثلوج ههه .. المهم في بيت عم هتان .. كلهم مشغولين بالعفش .. ضبضبوا اغراضهم و موعد سفرهم تحدد بكره ... محسن ولدهم الكبير متزوج و موظف عمره 24 عايش بالخفجي و نايف اصغر منه عمر 19 بثالث ثانوي و اخر العنقود حيان عمره 12 سنه ... و اخواته نوال 17 سنه و رهف 15 سنه ...
ابو محسن : ناااايف حياااان .. جهزتوا الاغراض اللي بنحطهاا بالسيارة ..
نايف : ايييه يباا كل شي جاهز ..
ابو محسن : بسرعه عشان نلحق نودي السياره للشحن ..
نايف : انا الحمدلله سيارتي الحبيبه شحنتهاا ..
ام محسن : والله يااا اني مبسوطه اقلهاا بنكون قراب من اخوكم محسن ..
نوال : و انتي صادقه يا يمه ابي اشوف ولده ..
رهف همست : ولده و لا اللي خبري خبرك ..
نوال : ههههه و هذا بعد بس اووص لحد يسمعنا ..
ام محسن : بنااات خلصتوا كل شي ..؟
رهف : أي يمه ننتظر بس موعد الطياره ..
ام محسن : تماااام ..
و بس ما نبي نطول مع عائلة عم هتان ..

و وصل وليد الى المكان المتفق يقابل ريهام فيه ...
ريهام : هلااا بك وليد ..
وليد : هلا بك زود ..
ريهام : كيفك ؟
وليد : بخير .. انتي كيفك ؟
ريهام : الحمد لله .. خلني اطلب لك شي ..
وليد : طيب ...
و بعد ما جاهم الطلب ...
وليد : يا الله وش هو موضوعك ..؟!
ريهام : بخصوص اللعبه ..
وليد : آِشششششش ما ابي احد يعرف ..
ريهام : محد رح يعرف .. بس تعبت و انا امثل على صاحبك اني احبه !
وليد : انتي من البدايه قلتي انك قد اللعبه .. لا تتركيني في نص الطريق ..
ريهام : مو عاجبني اللي قاعدين نسويه ..
وليد : اصبري ياا ريهام هانت ..
ريهام : الى متى ....؟!
وليد : ما بقى شي في شغلات في بالي ودي انها تصير .. بعدين اعلمك ..
ريهام : ياا خوفي منك بس ...!
وليد : لاااا ماا في شي يخوف ..
ريهام ابتسمت بخبث : ما تخاف احبه !؟
وليد : هههههههههههههههههههههههههههههههههههههههههههه مو بعلي ذا الكلام !
ريهام : ههههههههههههههههههههه شكلك فاهمني ...!
وليد : طبعا .. انتي ذكيه ما شاء الله و ما تمر عليك ..
ريهام : ايييه طااالعه على ولد عمي ..
وليد : هههه احم احم ..
ريهام : اقوول وليد ..
وليد : لبييه !
ريهام : بعد عمري .. بما انك جيت .. وش رايك نتمشى مع بعض ؟
وليد : بس كذا .. ابشري ..
ريهام استانست : فدييييييييييتك والله فديتك فديتك فديتك ...
وليد : ههههههههههههه بالهون على قلبي ...!
ريهام : فديت قلبك .. وديني الراشد .. حابه اروحه معك زي زمان ..
وليد : تآمرين آمر .. و اذا ودك نمشي اللحين ..
ريهام : لا خلنا ناكل شي بعدين نروح ..

و في الراشد .. كل شلة هتان تجمعوا هناك .. كلللللللهم ..
هتان : ياا عيااااال وضعكم غلط !
مشاري : لييييش ؟
هتان : شوفوا كم عددكم .. كل الناس تناظرنا ..
مشاري : وش عليناا من الناس ..
عزيز : هو صادق وش علينا من الناس ..
احمد : والله اذا ما تبونا بنمشي ..
حمزه : أي والله .. حناا ماشيين ..
هتان : اقووول انثبر انت و اياه ..
مشاري : ههههههههههههه ما عرفنا لك ..
هتان : لا بس اقوول .. المهم باقي عساف و نادر انت كلمتهم بيجون !؟
مشاري : ايييه جايين بالطريق .. و يقولك نادر بيعزمنا على حسابه ..
هتان : هالله هالله وش الكرم اللي نازل عليه ..!؟
مشاري : ههههههه من الحب الزايد ..
قعد يرن جواله مسجات بيبي طول الوقت و وكزات ..
مشاري : يااخي ازعجتنا رد ..
هتان : هذا نايف ...!
مشاري : تتوقع وصلوا ؟
هتان : ويييييييييييين !؟ طيارتهم بكره ..
مشاري : رد عليه طيب ..
هتان : " خيييير وش تبي ازعجتنا ؟ "
نايف : " بس اعلمك شحنا سيارة ابوي يبي لها 3 ايام و توصل .."
هتان : " ياا اخوي ماله داعي تعلمني بكل التفاصيل .. مو بفاضي لك "
نايف : " افاا يااا ولد العم .. فضي نفسك عشاني .. "
هتان : " لا عاد توكز لا احذفك .. اللحين انا مشغول "
نايف : " ولد ......."
هتان قفل جواله و كان معصب ....
مشاري : وش فيك فاااصل !؟
هتان : من ذا الورع .. اذا من اللحين ناشب لي ..
مشاري : هههه اذا ودك بنتصرف معه ..
هتان : والله انت ما تعرفه كثري ..
عزيز : عياااال شوفوا المزز اللي هناااك ..
احمد : ياااخي ابي اشبكهاا ..
حمزه : روووح خلناا نشوف ..
باسل : ههههه ما بتعطيك وجه ..
هتان : كلكم اهجدوا اناا احلى واحد بالشله و كلهم عينهم علي ..
مشاري : ههههههههههه انعن ابو الثقة ياشيخ ..
هتان بشوفة نفس : يحق لي يعني ما يحق لي ..!
باسل : شوفو نادر وعساف جوا..
و توهم وصلوااااا ....
هتان : ارحبوااااا ..
عساف : ترحب .. سلااام نظر للكل ..
احمد : هههه عجزان يسلم !
مشاري : و اكتملت الشله ..
هتان : شباااب بسرعه اطلبوا لاني بطلع عندي مشوار ...
نادر بفضول : وش مشواره ؟!
هتان : مو بشغلك ! ..
نادر : خذني معك طيب ...
هتان : ما ابيك ..
نادر : هااا ..
الشله : ههههههههههههههههههههههههههههههههه ..
عساف : نادر تكفى اسكت ..
نادر : وش قصتكم معي !؟ >> ما كنه مسحوب عليه ههه ..
عزيز : بروح اطلب لكم وش تبون ؟
اخذ طلبات الكل و رااااح ....
مشاري : على حسابك يا نادر صح ؟
نادر : لا خلاص غيرت رايي كل واحد منكم يدفع من جيبه .. محد يتجمل في ذي الاشكال ..
مشاري : هههههههههههه عصب اخونا ..
هتان : انا معي فلوس و بدفع ما نبي منة احد ..
نادر همس لعساف : وش فيه هتان يعاملني كذا !؟
عساف : معليك منه هذا طبعه كنك ما تعرفه .. ( لف ع الشباب ) خلاااص دريناا كلكم معكم فلوس ..
مشاري لف وجهه و بصوت غير مسموع : والله ما معنا .. كلنا عيال طفره ..!
احمد : مشموش قلت شي ؟
مشاري : لااا ابد سلامتك ..
هتان : انا جعت و ذا طول ..>> يقصد عزيز ..
حمزه : بروح اشوفه ..
باسل : بجي معك ..
و هم قاعدين ينتظرون .. و ملوا من الانتظار .. بس شافوا شي ممكن يونسهم ....
مشاري : شف شف مين ورانا !
هتان : مين يعني ؟!
مشاري : لف و شوف ...
هتان لف : اوووخص هذا اللي فقعنا وجهه ذاك اليوم ..!
احمد : وش السالفه ؟
مشاري : تذكرونه ياا عيااال .. اللي صفقناه ذاك اليوم برى المجمع ..
عساف : انا ما اعرف السالفه ..
مشاري : ايييه انت ما كنت معنا .. نادر كان معنا قل له يحكي لك ..
هتان يناظره : انعن شكله معه وحده ...
احمد : يااا حظه ياااخي .. البنت مزه ..
مشاري : و يضحكون و مستانسين بعد ..
هتان : ههه وش رايكم !
مشاري : مع ذي الضحكه اكيد وراهاا شي ..
هتان : انا برى الموضوع .. بقولكم شي و بروح عندي مشوار مهم ..
احمد : اتحفناا ياا ابو ..
هتان : اسمعوا اهم شي اللحين واحد يراقبهم و لا يضيعهم و بعدين .................
علمهم بخطته اللي مدري وش هي > حتى انا مدري صدق ههه ..
احمد : اوووكيه انا بلحقهم ..
مشاري : اجل يا الله بسرعه قبل نضيعهم ..
احمد : طيرااان .. بس هااا عوضوني بالعشا بعدين ..
مشاري : ههه ابشر انت بس رح ..

بعده بدقايق رجع عزيز بالاكل و معه حمزه و باسل .... سأألوا عن احمد و قالوا لهم عن السالفه ....
عزيز : اوووه بتسوون اكشن يعني !؟
عساف : ههههه اكشن و بقوووه ..
نادر : انا بقعد هنا مالي مزاج ...
عساف : وراه الحلو شكله زعل ..
نادر : لا والله بس سدت نفسي ..
حمزه : عن نفسي ما بفوت .. حمااااس يااخي ..
باسل : هههه من زمان ما تحمسنا كذا بشي غير التفحيط ...
مشاري : اييي والله صدقت ...

و اكلواا و بعد الاكل ....
هتان : يا الله شبااب .. انا ماشي تآمرون على شي ..
مشاري : سلااامتك ..
هتان : اشوفكم بعدين ..
الكل : مع السلامه ...
و بعد ما راح ......
عساف : هيييه مشمووش عيني بعينك .. هتان وين بيروح ..؟
مشاري : ما ادري ..
عساف : كيف ما تدري و انت دايم معه !؟
مشاري : مدري يااخي ما قال لي ..
عساف : ياا ان فيني لقافه اعرف وين بروح ..
مشاري : خلنا في موضوعنا و اتركك من هتان ..
عساف : ايي المزه !..

نروح بيت اصايل .. قاعده على كمبيوترهاا بغرفتهاا .. الى ان جاهاا خالد ..
خالد : ممكن ادخل ..
اصايل : تفضل خالد ..
خالد : بغيتك في موضوع ..
اصايل : آمر ياا اخوي .. اذا على موضوع زواجك انا قلت لك انا ما عاد لي دخل ..
خالد : هو الموضوع موضوع زواج بس مو زواجي ..
اصايل باستغراب : ما فهمت !
خالد : بصراحه في شخص تقدم لك ..
اصايل ~ معقول يقصد صلاح ؟! معقول صلاح كلمه و انا ما ادري و حب يسويهاا مفاجأه لي.. ؟! : مين هو ؟؟؟!
خالد : اعز اصحابي و ولد جيراننا سامي ..
اصايل مصدومه : اكيد تمززح !
خالد : لا والله ما امزح .. ابي اسمع رايك .. مع اني متأكد انك بتوافقين الولد ما في مثله ..
اصايل : لااا تعاال هنا وش اللي متأكد .. لا طبعاا انا امو موافقه ..
خالد مستغرب : لييييييش كل هالرفض ؟
اصايل ~ يا بنت فكري زين .. لازم اقنعه بسبب عشان اذا تقدم لي صلاح و وافقت على طول رح يستغرب .. بس لقيتهاا ..
خالد : وين سرحتي ؟!
اصايل : ما سرحت .. بس .. بس انا بقبل أي احد بالكون إلا سامي ..
خالد : لييييييه !؟ وش فيه سامي ؟!
اصايل : ء ء .. لأنو .. لأنو و احنا صغار كان دائما يضربني .. و انا كرهته من ذاك اليوم ..
خالد : هههههه عاادي كنتوا صغار .. و يمكن هذي بداية حب ..
اصايل : بالنسبه لي بداية كره .. اسمع انا ما تدخلت بشريكة حياتك و انت لا تتدخل بشريك حياتي .. خلاص قلت ما ابيه ..
خالد : هذا اخر كلامك يا اصايل ..
اصايل : ايييه و ما رح اغير رايي ..
خالد : والله انه يحبك ..
اصايل : و انت بعد العنود تحبك !
خالد : العنود غير .. حب مراهقه .. بس سامي عاقل .. صدقيني ما رح تلقين احسن منه ..
اصايل : ما ابيه و خلاااص ..
خالد : طيب ما تبين لو مهله تفكرين زين ...؟؟
اصايل : لأ ما عمري قلت قرار و تراجعت عنه ..
خالد : اختي و اعرفهاا عنيده وراسك يابس .. خلاااص زي ما تحبي .. والله مو عارف وش اقول لسامي اللحين ..
اصايل : نفس حالتي مو عارفه اش اقول للعنود ..
خالد : عن اذنك .... >> حشرته اصايل ههه ..
اصايل ~ من وين طلع لي سامي بعد .. اووووف ما ابي غير صلاح .. ما عليناا زين ان خالد سألني قبل يتقدمون و لا كنت رحت فيهاا .. ( قعدت تفكر بعدين ....) صحيح تذكرت لازم اكلم تركي عشان نبدا تنفيذ الخطة اللي بتنهي رائد .. بكره بعد منتصف الليل بنبدأها خل اشوف تركي اذا نفذ طلباتي و لا ....
نتركها تكلم تركي .........

و نرجع للشقه .. وقت علاج فيصل .. كان نايم جت حنان صحته ..
حنان : يلااا قوم جبت لك اكل .. عشان بعده تاخذ علاجك ..
فيصل : مو بمشتهي ..
حنان : لا تتدلع علينا .. لازم تاكل عشان تخف بسرعه ...
فيصل : انتي طبختيه ؟
حنان : أي اناا .. استغليت الفرصه وليد طالع مو موجود ..
فيصل : اوكيه دام انتي اللي طبختيه اباكل منه ..
حنان ابتسمت : رح يعجبك ..
فيصل مزح : لاا مو شرط يعجبني ..
حنان تتصنع الزعل : غصبا عنك بيعجبك ..
فيصل : هههههه يااا زعلااان ..
حنان : يا الله كل وش مستني ...
فيصل : عجزان ما فيني امسك الملعقه .. يعني حسي و أكليني ..
حنان : يااا شينك لا قمت تتدلع .. طول عمرك تمرض ما عمري اكلتك ..
فيصل : هههه امي الله يخليهاا لي كانت تأكلني ..
حنان : كذااااااااب !
فيصل : دقي عليهاا و اسأليهاا ..
حنان : لا ما يحتاج بآكلك و أمري لله ..
فيصل ابتسم و قعد بدال ما هو منسدح : تعاالي اقعدي جنبي .. و علمني وش طبختي ..
حنان : شوووربه ..
فيصل : هممم شكلهاا لذيذه ..
حنان بثقه : اكييييد دام انا اللي سويتهاا ..
و قعدت تآكله و هو منبسط و مستانس ...
حنان : هاا شبعت ؟!
فيصل : لا لا باقي ..
حنان : هذا اللي قال مو بمشتهي !
فيصل : دام حبيبتي اللي تآكلني من ايديهاا الحلوه ما عمري رح اشبع ..
حنان تركت الصحن و بدت تعصب : خلااااص يكفي ..
عطته حبة المضاد الحيوي و المويه ...
حنان : و اللحين خلصت شغلي .. بخليك ترتاح ..
فيصل مسك يدهاا : تكفييييييين اقعدي معي ..
حنان : فييييييييييييصل !
فيصل : بما ان وليد مو موجود خليناا نقعد و ندردش مع بعض ..
حنان : بروح اغسل المواعين اللي بالمطبخ ما ابي وليد يشوفهاا ..
فيصل : اصلا وليد ما يدخل المطبخ .. ارحمي حالتي و اقعدي معي .. ما تدرين يمكن بكره اموت و تندمين ..
حنان اصبعهاا على فمه : آآآآشششش لااااا تقوووول كذا .. جعل يومي قبل يومك ..
فيصل تضايق : انتي اللي لا تقولي كذا .. جربت و خسرت غالي .. شعور مؤلم كيف لو اجربه مرتين .. تكفييين لا تقوليهاا مره ثانيه ..
حنان تغير الموضوع : يوووه وش جاب السيره اللحين .. ان شاء الله محد بيموت غير بيومه .. و بعدين اذا تبيني اقعد معك فكهاا شوي ما نبي حزن ..
فيصل بابتسامه بارده : ههه خلاااص ما فيه احزان .. اصلا محد مونسني بدنيتي غيرك ..
حنان : عساك دوم تكون مستانس .. ما احب اشوف احد بحياتي حزين ..

فيصل : انتي تعرفين وناستي وين ..
حنان : طيب طيب اش رايك نطلع الصاله فيك حيل و لا ؟
فيصل ~ لانك عارفه الجواب غيرتي الموضوع آه منك يا حنان : ليش نطلع ؟.. خلينا هنا ..
حنان : فكرت نشوف التلفزيون مع بعض ..

قطع عليهم صوت جرس الباب ....
فيصل : غريب مين هذا ؟؟
حنان : يمكن وليد رجع !
فيصل : يعني ما عنده مفتاح ..؟!
حنان : يمكن نساه بالشقه .. دقيقه بروح افتح الباب و ارجع لك ..
فيصل : اوكيه ...
طلعت من الغرفه لعند الباب .. طالعت من منظار الباب ما شافت احد ..
حنان ~ غريب شكله احد غلطان دق و راح !
جت بتمشي .. اندق الجرس مره ثانيه ..
و رجعت طالعت من المنظار ما شافت احد ..
حنان ~ الظاهر انه واقف جنب الباب .. عشان كذا ما اشوفه .. اكيد وليد من غيره يعني .. مسوي بيمقلبني هاا .. اوريك ياا وليد ..
و فتحت الباب .. و هي متصنعه العصبيه و كانت ناويه تصرخ عليه ليش متخبي عن منظار الباب !
حنان : ولـــ ...................... ( ناظرته ثم شهقت ) هئئئئئئئئئئئئ ....

انتـــــــــهى البــــــــــارت