شبكة همس الشوق - عرض مشاركة واحدة

11 - 8 - 2015, 05:49 PM

بالقاعه جابوا الكيك كانت ماااااااره كبيره .. و احتفلوا بالمناسبه .. و اكل الكل و استانسوا .....
فيصل بهمس : ترى خلاااص مفروض نمشي .. حتى فيه ناس طلعوا .. لا تعاندي يا الله ...
حنان : خلناا نطلع مع وليد .. تكفى ...
فيصل تنهد بضيق : لا حول و لا قوة الا بالله ...
نط نواف بالكرسي اللي جنبهاا و قرب الكرسي منهاا .....
حنان : هييه وين جاي انت ؟ ...
طلع جواله و فتح الكام .. و حط ذراعهاا عليها ..
نواف : ابتسم يا الله ..
حنان : سلاااامااات .. ابعد ابعد ..
فيصل بالكاد ماسك نفسه ...
نواف ما سمع الكلام و اخذ الصوره ابتسمت و لا لا ما همه ...
حنان بعصبيه : ارتحت اللحين ...!؟
نواف : هههههههه اهم شي صورتك .. ما شاء الله حتى و انت معصب تخقق يااخي ..
حنان رفعت حاجب : تدري انك حيوان !
فيصل انفجر خلاص .. مسك يدهاا و سحبهااا معه ....
نواف : يااا هووه وين ؟؟؟؟!
فيصل : تعرف تآكل تبن .. ولد خالتي و كيفي ...
نواف : وش اللي كيفك انت ياا ........
سحب عليه و اخذهاا على برى .....
نواف : وش فيه ذا ..؟
جا ماجد .......
ماجد : وش فيك معصب ؟
نواف : ذا الفيصل سحب حمد معه على برى ..
ماجد : وانت ليش متضايق يمكن يبيه بسالفه ...
نواف : يقعد يسحب الناس كذا .. سلامات ..
ماجد : ما لك شغل كيفهم ... ما شفت لي وليد ...؟
نواف : وليد مع عبدالرحمن لانه توه وصل ...
ماجد : اييه صح الدحمي كان مشغول .. يا الله قم خلنا نروح لهم ..
نواف : يا الله ....

برى القاعه .. حنان وقفت غصب و سحبت يدهاا ......
حنان : ترااااك زودتهاا .. ليه ساحبني على برى تقل اصغر عيالك ؟! .. ما خليتني استانس او انبسط .. وش فيك علي ؟
فيصل : هذا لاني خايف عليك .. رجعه لداخل منتي براجعه .. و يا الله قدامي ع البيت ..
حنان بعناد : مااني برايحه وش بتسوي ؟
فيصل : انا اعلمك وش بسوي .. بدق على امك و اقوولها ..
حنان بخوف : وش بتقول لهااا ؟!
فيصل : كل شي .. بعلمهاا عن اللي تسوينه ...
حنان : مو بصاحي انت .. اذا بتعلمهم تحسب انها بتحط الحق علي .. والله ما غير يلومونك انت ليش اني عايشه معك ..
فيصل انقهر : يعني هذا كله غلطتي .. يعني مفروض ما اسمح لك تسوين اللي تسوينه ! صاادقه والله ..
حنان : يااا ربي .. ما قصدت كذا .. انت اللي بديت ..لا تقعد تغثني تراني تعبانه و انت متعبني زياده ..
فيصل : امشي البيت غير كذا ما عندي ..
حنان ~ اوووف منه .. شكلي لازم اقصر الشر و اروح .. آآآآآآه ياا ربي معصبه حاااابه اقعد مع وليد اخاف يزعل ...
فيصل : يااا الله امشي ...
حنان : خلاااص بمشي .. خلنا نقول لوليد ع الاقل ..
فيصل : ما يحتااج اذا وصلنا الشقه نكلمه تلفون ...
حنان مقهوره : هذا احنا راجعين ارتحت اللحين ؟
فيصل : مصيرك رح تعرفين اني ما اسوي كذا إلا عشانك ...
حنان ضربت رجلها ع الارض بقهر و قبضت أيدينهاا .....
فيصل مسك يدهاا بحنيه : لااا تزعلين مني .. و رب الكون عشانك ..
حنان لازالت معصبه منه : اترك يدي .. خلااااص ..
فيصل ~ لا حول و لا قوة الا بالله .. زعلت ! ..
و اخذهاا للبيت بعد ما طلب تاكسي ... حتى ما كان لهاا مزاج تكلم وليد تقول له انهم رجعواا .. اصلااا ماهي عارفه اش تقول له .. فـ ارسل له فيصل مسج ...

رجعوا
البنات لبيوتهم .. نروح بيت اهل نواف ... في غرفة الجوهره .. لازالت تحاول تستوعب اللي حصل لهاا .. كيف العريس طلع خالد ؟! الانسان اللي تحبه ... و ليش ما احد قال لهاا ؟! .. و اكثر شي كان شاغل بالهاا العنود اذا هي تدري و لا لا..
سمعت صوت تسكيرت باب .. عرفت انها العنود رجعت من برى ... على طول راحت لهاا ..
الجوهره : ممكن ادخل ...
العنود : حياااك جووج تعالي ..
الجوهره ~ غريبه هاديه و مبين انها مو زعلانه .. معقول نست خالد !
العنود : ياا انهاا طلعه مجنونه مع اصايل .. هههه ..
الجوهره : ء ء وش صاار ؟
العنود : قصه طويله .. اللحين احس اني تعبانه و ابي انام ..
الجوهره : خلاااص اجل اجيك وقت ثاني ..
العنود : لا لا تعالي .. وش كنتي تبغين ؟ بعدين كيف شفتي عريسك احكي لي .. ان شاء الله حبيتيه ...
الجوهره ~ سؤالها غريب .. يعني معقول ما تدري انه خالد !
العنود : يقولون السكوت علامة الرضى !
الجوهره : هه هه .. لأ بس كنت افكر .. انتي ما تعرفي من هو العريس ؟
العنود : لا والله ما اعرفه .. محد قال لي ..
الجوهره : انا مثلك والله العظيم ما كنت اعرفه .. لا تزعلين مني الله يخليك ..
العنود باستغراب : ليش ازعل منك وش السالفه !؟
الجوهره : خالد ولد عمي صار زوجي ...
العنود فتحت عيونها ع وسعهم و وقفت من الصدمه : تمززززززززحين !
الجوهره : صدقيني ما كنت اعرف ..
العنود : اطلعي ...
الجوهره : عنوووده !
العنود صرخت : اطلللللعي براااا خليني لحاااااالي ...
الجوهره : بس ......
العنود تجمعت الدموع بعيونهاا : برااااااا ما تفهمي ؟
الجوهره طلعت من غرفة العنود و هي تبكي .... و راحت ركض لغرفتهاا .....
أماا العنود رمت حالهاا على سريرهاا .. و خبت وجهها بالمخده .. فجأه طرا على بالهاا ماجد .. ما تدري ليه في ذيك اللحظه بالذات جا على بالهااا ..
و الجوهره دقت على الجوري تبي الحل .. الجوري قالت لها اصبري عليها هي اللحين ماهي مستوعبه .. بس بعدين رح تفهم و تستوعب .. و هذا اللي سوته الجوهره ...

رجع وليد للشقه بعد ما انتهى الحفل.. وصله المسج ان حنان و فيصل رجعوا الشقه .. صح تضايق بس ما كان بيده شي ...
أماا حنان ما جااهاا نووم .. طول الوقت تفكر بوليد انه ممكن يكون زعلاان لأنهم طلعوا من الحفل و ما بلغوه ...
و بعد لحظات سمعت صوت الباب ....
حنان ~ اكيد وليد رجع .. ودي اروح اشوفه .. اكيد بيزعل اذا هو مسوي حفل عشانا و احنا نتركه و نروح بدون حتى لاا نقول له! .. الله يهديك ياا فيصل ‏بِــ̯͡سّ ...

ناظرت فيصل كان ‏في سابع نووومهه ...

حنان~ خلاااص ابروح اشوف وليد و اللي فيهاا فيهاا و لاا يقعد زعلان مني ...

طلعت من غرفتها تتسحب .. الى ان وصلت لباب غرفة وليد .. وقفت كالعاده متردده تدق الباب و لا لا ..

حنان ~ يمكن نايم .. ما اشوف نور من غرفته ! .. طيب طيب دام اني وصلت لعند الباب ‏على الاقل اطل عليه بدون ما يحس .. مااا ادري ‏بِــ̯͡سّ اللي اعرفه لازم اشوفه ....

و قررت تفتح الباب بهدوء .. و ان كان وليد نايم تمنت انه ما يحس عليها ..
.كل ‏اللي كانت تبغاه انها تشوفه و ‏بِــ̯͡سّ! ...

دخلت غرفته كانت ظلام ما تشوف شي فتركت الباب مفتوح شوي عشان يدخل شوي من النور اللي برا ... و قربت من سريره شافته فاضي .. استغربت وين ممكن يكون ... لفت بتطلع انفجعت فيه واقف وراها بالضبط ....

حنان يدها ‏على صدرها : بسم الله .. انت هنا و انا ما شفتك ...
وليد يناظرها بدون اي كلمه ..
حنان ارتبكت : معليش .. ا اسف .. كنت ‏بِــ̯͡سّ حاب اتطمن عليك .. و اشوف اذا انت زعلان منا لأننا تركنا الحفل و رجعنا ..
وليد : ................ لااا رد
كان واقف في الجزء المظلم من الغرفه لدرجة حنان ما تقدر تشوف تعابير وجهه .. لكن بسبب عدم رده حست انه ممكن يكون متضايق منهم .. فقالت احسن شي تسحب حالها و ترجع غرفتها ... لكن ........
وليد : لااا تروووح !
حنان وقفت باستغراب : هااااا !
وليد سحبها لصدره و ضمهاا بقوه ... حنان ميته رعب من الموقف ما توقعت انه ممكن يسوي مثل ذي الحركه .. كانت بتهزأه و بتعصب عليه و بتدفشه بقوه لكن ..... سمعت صوته اللي كنه يشاهق بصمت .. كنه يبكي .. حست بدموعه على كتفهاا .. نست كل شي بس تبغا تعرف هو بخير !
حنان : و و وليد !
وليد : خلك كذا شوي ...
حنان ~ ليش يبكي ؟! .. ءءء لحظه ! شسمه فيصل .. فيصل لو يشوفني بيذبحني .. وش اسوي .. ما اقدر اعصب على وليد اللحين او ابعد عنه ..
وليد : حمد !
حنان ميته ربكه : ء ء نعم !
وليد : تحملني .. غلطتك انك جيت بوقت غير مناسب ..
حنان : م م ما فهمتك ...
وليد بعد عنهاا و صد وجهه : آسسسف .. ما مسكت حالي ..
حنان بارتباك : ء ء عادي بس .. انت فيك شي ؟!
وليد : تذكرت الوالد الله يرحمه .. ما حسيت بنفسي الا و دموعي تطيح غصبا عني ... يمكن لاني شفت عيال التجار كلن مع ابوه تأثرت و اشتقت ...

حنان : لا تزعل تكفى و ادعي له بالرحمه .. حتى انا ما عندي اب ..

وليد : ياا بعد كل هلي انت .. الله يرحمك ي ابوي ...

حنان انحرجت : انا .. انا كنت بس حاب اتطمن عليك .. انت مو زعلان مننا صح ؟
وليد : ليش ازعل ؟ >> فتح نور الغرفه ..
حنان : عشان ... عشان طلعنا من حفلك و ما علمناك ..
وليد : ههههه ايييه زعلااان مررره زعلان .. و انت لازم تعوضني بطلعه معك فاهم !

حنان ~ لسااا ما نسى سالفة طلعتي معه ! يا الله ....
وليد : اش رايك نسهر مع بعض ؟
حنان : والله ياا ليت بس ودي انام ..
وليد : اوكي قلبي نوم العوافي ..
حنان بعفويه : انت قلبي ...( استحت حطت يدهاا ع فمهاا ) ...
وليد : ههههههههههه و ليش مستحي اللحين ؟
حنان : هاا .. لااا ماني بمستحي ..
وليد حب يحرجها اكثر : هههههه عادي انت قلبي و انا قلبك و كلنا قلوب بعض ...
حنان : هههههه ادري تمزح ..
وليد : لااا و ربي ما امزح ..
حنان : طيب بروح انام تصبح على خير ..
وليد : و انت من اهله قلبي هههه ..
حنان ~ وش فيه قلب كذا من تو كان حزين .. هههه ياا بنت ضمته لك آثرت عليه .. هههههه والله وشفت نفسي ...
رجعت غرفتهاا حمدت ربهاا ان فيصل لازال نايم و ما حس على شي .....