شبكة همس الشوق - عرض مشاركة واحدة

11 - 8 - 2015, 05:50 PM

مرت الايام بشكل طبيعي .. الجمعه بعده السبت .. هاليوم المفترض يجي صلاح يتقدم لـ اصايل .. كانوا مواعدينهم يحضرون بعد المغرب .... و كان بهاا ....

اصايل كانت بغرفتهاا تضبط شكلهاا .. الى ان جتهاا اختهاا جود ....
جود : وااااااااو .. ما شاء الله تهبلين ..
اصايل غمزت : فديتني اكيد اهبل ..
جود : هههههههه ياا حبني لك ياا اصوله ... المهم كنت ابي اقولك شي ..
اصايل : وشو ياا عمري ؟
جود : ايييه امي تقول ان الحرمه اللي كلمتها طلبت يدك بالاسم .. ودها تسألك كيف عرفوناا ...!
اصايل : حناا عايلتنا معروفه ياا حبيبتي ..
جود : امي ما اقتنعت .. و تقول اذا ما عجبوها الناس ما رح توافق ...
اصايل بحده : لاااا ياا حبايبي مو بعلى كيفكم .. اذا انا وافقت محد له شغل ..
جود : اوووه و انتي موافقه من اللحين !؟
اصايل : ايييه من اللحين موافقه ...
جود : اقول خليك هنا شكلهم جوا .. ابنزل اشوف و بناديك اذا امي قالت لي ..
اصايل : لا لا لا ابنزل معك امي ما رح تناديني اذا ما عجبوهاا .. بعدين ابي اشوف امه و خواته ..
جود باستغراب : وش دراك ان خواته بيجون ؟!
اصايل : مشي مشي خل نروح بس ....
جود : بكيفك انا قلت لك و مالي شغل ....
حضرت ام صلاح مع بناتهاا .. ام صلاح من السيارة كانت ناويه ترجع لما شافت بيتهم قصر .. على طول قالت ما رح يوافقون عليك يا صلاح لكنه اقنعهاا .. و نزلت هي و البنات ... اكيد انصدموا بالفله من داخل .. حسوا انهم و لا شي قدام هالناس و كانوا مرتبكين ع الاخير .. ضيفوهم و تعرفوا على بعض و طلبوا يد اصايل رسمي .. ام اصايل قالت لهم عطوني فرصه نفكر لكن من جواتها ماهي ناويه ابد توافق عليهم ..
و عند الرجال كانت امورهم كويسه خالد تعرف على صلاح و الظاهر انه حبه ... بالنسبه لابو اصايل يقبل أي احد اهم شي يكون رجال قد حاله و هو بعد حب صلاح و ارتاح له ....
و بعد ما راحوا الضيوف ... ام اصايل حاولت تقنع الكل ان الولد من عائلة ماهي من طبقتهم و ما يصلح و من ذا الكلام .. لكن الاهم ان ابو اصايل ما سمع لهاا .. لانه مره ارتاح للناس .. و ابوهم ما هو متكبر و ما يرضى إلا بشخص من طبقتهم بالعكس اهم شي عنده رضا بنته .. و هذا اللي مريح اصايل .....
و بكذا طلبوا مهله اسبوع يفكرون .. و يستشيرون البنت .. اقولكم من اللحين الموضوع منتهي اصايل لصلاح و صلاح لاصايل ...

نمشي الاحداث سريع ......
العنود من يوم ملكة الجوهره و هي ما تكلمهاا .. ما هي قادره تنسى .. و غير كذا دائما يجي ماجد على بالهاا .. ما عادت تفهم نفسهاا ...
أما الجوهره قطعت نفسهاا بكي و تشكي الحال لمنار و الجوري و هم ما غير يصبروهاا ... و ما عندها حل إلا ان تصبر ...
خالد يحاول يكلم الجوهره ما ترد عليه .. و ارسل لهاا كثير و ما ردت .. مفكر انهاا خجلانه منه فخلااها على راحتهاا ...
صلاح كل يوم يكلم اصايل خلاص ما يقدر ما يسمع صوتهاا .. و حتى انهم خططوا لزواجهم و حياتهم مع بعض ....
جود تنتظر الى ان تخلص الثانويه و يزفوهاا لبيت مشعل ...

نجي لأهل الشقه ....
حنان صارت بخير .. و لازالت قاعده تفكر بحل لخالتهاا حتى ما ترجع لابو فيصل و لا ياخذ عيالهاا منهاا .. المشكله ما تقدر تطلب مساعدة وليد لانهاا تخاف على وليد من ابو فيصل و مستحيل تسمح ان وليد يتأذى بسببها ....
فيصل لازال الى اللحظه ما يعرف عن سالفة ابوه ... و لازال يحاول يكسب قلب حنان ..
هتان و شلته و ولد عمه لهم خططهم بتشوفوهاا بوقتهاا .. لما يبدا الفصل الثاني ....

في نص اسبوع الاجازة .. قرروا حنان و فيصل يزوروا اهلهم بشكل مفاجئ ... بس لما وصلوا لبيتهم هم اللي تفاجئوا ....
ام حنان : هلااا والله بحنوو .. جيتي بوقتك .. جارتنا ام صلاح و بناتها جوناا اليوم ...
حنان : والله !؟
ام حنان : أي والله تعالوا يا الله ادخلوا ...
فيصل : بما ان فيه حريم داخل .. انا بروح افر بالحاره ...
ام حنان : طيب ياا حبيبي اذا مشيوا بنكلمك ..
فيصل : اوكيه ..
حنان : يممممه انا بسلم عليهم و بروح غرفتي ..
ام حنان : طيب و خذي البنات معك ...
حنان : لأ ... آ .......
ام حنان قاطعتها : ياا الله ادخلي ادخلي ...
و دخلت حنان و ما هي عارفه كيف رح تتصرف مع سميه .. اللي لسا زعلانه منهاا .. سلمت عليهم .. تغيرواا البناات بعد الزواج حنان لاحظت ذا الشي ..على كثر ما سميه حلوه زادت حلاا ...
ام فيصل : يا الله يا بنتي خذي صديقاتك و روحوا انبسطوا ...
حنان ارتبكت : ء ء .....
سميه ابتسمت : ياا الله ياا بناات خلوناا نروح ...
حنان مصدومه : هاا .. آ آ اوكي يا الله ...
وراحوا غرفة حنان اللي من زمان ما دخلتها من لما تزوجت .....
حنان : حياااكم تفضلوا ..
سميه : زاااد فضلك حبيبتي ..
سوسن : ايش اخبارك يا حنان .. والله زمان ..
حنان : الحمدلله تمام .. انتوا كيفكم ؟
سوسن : بخيير و عايشين ..
سميه : ء ء حنوو .. بصراحه .. مدري كيف ابدا .. لكن .. يعني ... انا في الحقيقه .. خلااص نسيت كل اللي صار في الماضي .. لاني بصراحه عايشه و مبسوطه مع ثامر كثير .. الله يخليه لي ...
حنان تحاول تستوعب : يعني سااااااااااامحتيني ؟!
سميه : أي يعني مافي شي يسوى ازاعلك عشانه .. انا مرتاحه الحمدلله و انتي الله يهنيك مع اللي اختارك ...
حنان نطت جنبهاا و ضمتهاا و هي تبكي : ججججججججججد سااامحتيني ! بنرجع اصحاب ...؟
سميه ع وشك تبكي : أي وربي ... ما تسوى علينا نزعل عشان شخص صح و لا لا ...؟
قطعهم عليهم صوت جوال سميه .....
سميه تمسح دموعهاا : ههههه هذا ثاامر .. عن اذنكم شوي ...
و بعد ما راااااحت ...
سوسن : يااا ربي بغيت ابكي معكم ...
حنان غطت ع وجهها بكفينهاا : هذا اسعد يوم في حياتي .. سوسو ساامحتني والله اني اشتقت لهاا ...
سوسن : اييييه .. ما تحسينهاا عقلت بعد الزواج هههههه !
حنان : ههههههههه صح والله ..
سوسن بجديه : اسمعي .. أي شي عنك و عن فيصل لا تحكينه لهاا طيب ؟ و لا تبررين لهاا أي شي .. يمكن من جواتها تتضايق من سيرة فيصل .. مجرد نصيحه .. انتي ودك انها تسامحك و ترجعون لبعض خلاص صار .. فهمتي اش اقصد ؟
حنان : ايييه طيب .. خسرتهاا مره ما رح اخسرهاا مره ثانيه .. اللي فات فات .. ما رح افتح لها أي موضوع من الماضي إلا اذا هي سألت ..
سوسن : كذاا تمااام ..
حنان : ويييينهااا هي .. عندي سوووالف واجد ابحكيهاا لهاا ..
سوسن : ههههه و هي اكيد عندها سوالف بتحكيهاا لك .. خاصه عن ثامر .. تقول لي انها متفاجئه بطيبته و حنيته و انه عسل و ما فيه زيه ههههههه يا كثر ما مدحته ...
حنان : الحمدلله ربي عوضهاا .. طيب و انتي كيفك مع وائل ..
سوسن : تمام بس لانه ضابط شغله احيانا يأثر على نفسيته ..
حنان : اهاا الله يعينك ...
رجعت سميه و وجهها احمر و ميته خجل ......
سوسن : الله الله الله .. وش قالك ثامر حتى وجهك منتهي من الخجل !؟
سميه : م ما قال شي ...
حنان & سوسن : هههههههههههههههههههههههههههههههههه ...
و قعدت حنان مع سميه سوااااالف عن كل شي فاتهم حكت لها سميه عن ايام زواجها من اول يوم و بالتفصيل و قالت لها بعد عن خطبة اخوهاا صلاح ... حنان ما حكت شي عن نفسهاا و لا ودهاا تكلم عن حياتها هي و فيصل مراعاه لمشاعر سميه .. بس كانت مبسوووطه انهاا رجعت تصالحت اخيرا مع سميه .....
قعدوا في بيتهم الى الليل ثم راحوااا و بعدهااا ......
ام حنان : ما شاء الله انبستطوا شكلكم ...
حنان : اييييه مررررره ودي لو قعدوا بعد شوي ...
ام فيصل : ههههه اكثر من كذا ... حرام فيصل هايت بالشارع ..
حنان : فيصل مع خويه عمار كلمته شوي و يجي ...
ام فيصل : اجل بروح اجهز العشا ... >> بعد ما قامت ..
ام حنان : حنو حنو ...
حنان : هااه يمه وش فيه ؟
ام حنان : وش صار على موضوع زوج خالتك ...؟
حنان تنهدت بتعب : والله مدري وش اقولك .. لكن .. ماا فيه حل .. حاولت افكر بحل ما لقيت .. ما لهاا إلا توكل امرهاا لله ..
ام حنان : لا حول و لا قوة إلا بالله .. شكلها بالأخير بتعيش معه .. الله يعينهاا بس ...
حنان : آمين يا رب .. ان شاء الله ابو فيصل يغير رايه و ينسى السالفه ...
ام حنان : الله يسمع منك ... يا الله ابروح اساعد خالتك ...
انسمع صوت الباب الخاارجي ..
حنان : هذا فيصل شكله وصل .. بروح اشوفه ثم بجي اساعدكم ...
ام حنان : لااا يااا حبيبتي اقعدي مع رجلك ..
حنان : يممممممه ! جايه جايه ..
ام حنان : هههههههههههههه ...
راحت حنان برى الحوش على طول .. بتخبر فيصل بالخبر الحلووو ...
حنان : فصيييييييييييييييييييييييييييييييل ...
فيصل باستغراب : وش فيييه ؟!
حنان شاق الحلق : ابششششرك .. سميه سااااامحتني ...
فيصل : ههههههه بس كذا .. على بالي في شي ..
حنان تهزه مع اكتافه : اقوووووولك سااامحتني و انت تقول لي بس كذا ... ( قعدت تدور حول نفسها ) .. ونااااااااااااااسه .. بعد ما كنت مشتاقتلها سولفنااا و انبسطنااااا ....
كانت بتطيح و هي تدور .. مسكهاا فيصل بآخر لحظه ...
فيصل : انتبهي يااا عمري ...!
حنان : هههه من الفرحه ...
فيصل عينه بعينهاا و هو ماسكها : يااا ليت اشوف الفرحه هذي بعيونك دائما .. و يا ليت هذي الفرحه ما تكون إلا معي ...
حنان : ياا ليت تتركني خلاص ما بطيح .. و بعدين .. بعدين وجهك قريب مني ...!
فيصل انفجر ضحك : هههههههههههههههههههههههههههههههههه !
حنان بعدت عنه : و قااام يضحك ..! ما قلت شي يضحك ..
فيصل : ههههههههه سميه و رجعت لك .. ما عاد عندك عذر ياا زوجتي ..
حنان : اووووف وش ذا النكد .. اقول بروح اساعدهم بالمطبخ ابرك ..
فيصل تنهد ~ معقول تحب وليد اكثر مني !؟ .. شي يقهرني و انا ساكت .. بايديني اوديها عند اللي تحب وش فيه اكثر من كذا قهر ! ..
و بس قعدوا و استانسوا و تعشواا و اليوم الثاني رجعوا الشقه ......

اليوم الجمعه .. اليوم المفترض الموعد المخطط له وليد للطلعه مع حنان ... و حنان ليومها هذا ما قالت لفيصل عن الطلعه .... العصر صحت من النوم .. ناظرت الساعه .....
حنان ~ اووووف تأخرت ..
قامت بسرعه صلت العصر و جهزت نفسهاا و لبست الثوب ....
حنان ~ هئئئئ وين فيصل ؟؟؟
طلعت بسرعه للصاله ... كان فيصل قاعد و وليد قاعد معه .. اول ما طلعت الاثنين ناظروهاا .... حنان حست ان فيه شي ....
وليد : هلااا والله حمووود .. صرت جاهز ؟
حنان ارتبكت لان فيصل ما يدري عن الطلعه : هاااه .. ء ء ...
وليد : كنت قاعد مع فيصل و قلت له يصحيك لان احنا متفقين نطلع مع بعض .. كأن فيصل انصدم .. انت ما قلت له ؟!
حنان : لاا والله ما قلت له .. كنت بقول له اليوم ..
فيصل عطاهاا نظره : لاااا يااا حبيبي خلاااص ما يحتاج تقول ....
ثم راح لغرفته .. و واضح عليه معصب و مقهور .. لو انه ما مسك نفسه كان عطاها كف بعد .......
وليد : وش فيه ذا ؟ ما يعجبه شي ! ليكون غلطنا عليه و حنا ما ندري ...
حنان : لااا مو كذاا .. انت انتظرني برى انا شوي و جاي ...
وليد : اوووكيه ولا تتأخر تكفى ..
حنان : ان شاء الله ..
راحت بسرعه تشوف فيصل و تقنعه ......
حنان : فيييييصل !
فيصل : اطلعي معه ليه جيتي ..؟
حنان : ادري انت زعلان مني ...
فيصل : و يهمك ؟!
حنان : اكييييد .. والله اني كنت ابي اقولك ..
فيصل : متى ؟ اذا طلعتوا اذا صرتوا برى بتدقين علي و تقولين لي !؟
حنان : لأ .. بس .. خفت ترفض ..
فيصل : صحيح .. و اناا رافض .. طلعه مااا في ...
حنان : لااا فيصل لا تسويهاا فيني .. يعني انا بطلع مع وليد لاني ولد .. انت اذا ما خليتني اروح بيستغرب وليد ... فكر فيهااا بلييييز ...
فيصل سكر الباب و قفله و حنان تناظره مستغربه .......
حنان : ليييييييش قفلت الباب ...؟؟؟؟
فيصل : قلت .. ما .. في .. طلعه ..
حنان : لييييييش انت كذا بتخليه يشك .. اكيد تمزح .. هاات المفتاح ...
فيصل قعد : لأ .. و هذي قعده .. طلعه من هنا ماا فييه ..
حنان عصبت : احلف بربي لو ما خليتني اطلع يااا وجهي هذا ماا عاد تشوفه بحياتك ابد ... و انت تعرفني اذا قلت كلمه ...
فيصل : وصلت معك لهالدرجه !؟
حنان : و اكثر ... طفشت منك و من تصرفاتك ... يا تخليني اروح مع وليد و لا تخليني اروح بيتنا .. و انت اختار ...
فيصل : هذاا اخر كلامك ياا بنت الاجواد ... تبيعيني عشانه ..؟
حنان : انت ما تركت لي حل ...
فيصل : من لما قال وليد يبي الطلعه معك لحالك و انا مو مرتاح و مستحيل اسمح لزوجتي تطلع مع واحد و لحالهم .. فكري فيهاا كيف وصلنا لهالدرجه ....؟
حنان : و انت فكر فيهاااا هو ما يدري اني بنت ! .. وش فيها لو كانوا اثنين اصحاب يطلعوا مع بعض ؟!
فيصل : آه من غمٍ في قلبي و السبايب انتي ... لااا مت ترى كله من اسبابك و اسباب عنادك .. بتذبحيني انتي .. ( فتح الباب ) .. روووحي ياا بعدهم روحي .. و انا لي الله ...
حنان : لا تقول ذا الكلام .. انت تقول كذا عشان ما اروح .. تبي تحسسني بالذنب ...
فيصل بدون نفس : روحي الله معك ...
حنان : بروح و انت لا تقلق ما بيصير شي ان شاء الله ...
فيصل أشر لها بيده رووحي ...
حنان ~ معليه اذا زعلت مني الى رجعت راضيتك و انا اعرف كيف اراضيك ... بس الطلعه اللي استناها من زمان افوتهاا مستحيل ...!
فيصل ~ عنييييييييييده و تقهرني .. لانهاا حلفت و اعرفهاا راسهاا ياابس تركتهاا تروح .. اخسرها يوم واحد و لا اخسرهاا العمر كله ....
تمدد على سريره قلقان و خايف على حنان .. ليش ما سمح وليد لفيصل يجي معهم !؟ يا اهو جته وساوس .. و محد يلومه بصراحه من غير شي كان شاك بوليد انه عارف شي ... ما كان قدامه إلا يدعي ان حنان ترجع بخير ...

تأخرت حنان على وليد اللي كان ينتظرهاا بالسياره ..........
حنان : معليش اسف تأخرت ..
وليد : و تأخرت كثير .. كل هذا تقنع في فيصل ... ليه ما يبينا نطلع مع بعض ؟!
حنان : لا لا مو عشان كذا .. هو يفكر اننا سحبنا عليه عشان كذا حز بخاطره...
وليد : ههههههه .. من اسلوبه الشين .. لو يعدل اسلوبه يبشر بالطلعه معناا ..
حنان : هذا فيصل و هذا اسلوبه ما بيدنا شي .. خلناا نمشي ...
وليد : اوك .. وين تحب نروح ؟
حنان ~ فشششله ما اعرف أي مكان .. ما اعرف إلا مقهى حارتنا اللي كان يوديني فيه فيصل ... و لا كورنيش الخبر ... وش اقول له ؟
وليد : هاا وش رايك ؟
حنان : آ آ آ والله مدري عاادي أي مكان ...
وليد : طيب بوديك جزيرة المرجان ..
حنان : شكله حلو .. وينه في ذا المكان ؟
وليد : ماا هو بـ مره بعيد .. بتشوفه و متأكد بيعجبك ..
حنان : ان شاء الله ...
وصلوااا للجزيره قريبه شوي من كورنيش الدمام .. عجبها المكان اول ما شافته .. حبت البحر كثير ....
وليد : شفت السفينه اللي هناك ؟
حنان ناظرتهاا : ايييه ..
وليد : هذي حجزتهاا لناا .. و لحالناا ..
حنان استانست : صددددق ؟!
وليد : ايييه صدق .. نبي نستانس بدون ما يضايقنا احد ...
حنان : متى متى بنروحهاا .. انا ما عمري ركبت سفينه ابي اجرب ..
وليد : هههههه ع العشا ان شاء الله بنروح .. نتعشا فيهاا و نستانس بمنظر البحر ...
حنان : ييييس متى يجي العشا ...
وليد : ههههه تعال تعال خلني اوريك باقي الاماكن ...
حنان : يا الله ...( ناظرت ناس متجمعين حول مكان ) ايش هذاك المكان ؟
وليد : آه هذاك .. اسمه قرية الدلافين ..
حنان بصدمه : فيييييه دلاااافين !؟
وليد : ههه أي اعتقد .. تبي نروح نشوف ؟
حنان : ياا ليت ..
وليد : ياا الله ما وراناا شي ..
و تمشوااا و انبسطوا الى وقت العشا ...... بالنسبه للصلااه كانت تنخش بأي مكان تحط الشال ع راسهاا و تصلي و تستمر الحياه ....
وليد : جاااهز نروح السفينه ؟
حنان : اكييييد انتظر هاللحظه ..
صعدوا على ظهر السفينه .. حنان ما تركت مكان إلا استطلعته فيها ...
وليد : ههههههههه اش فيك ؟ تعال اقعد ...
حنان : خلني اشوف البحر و الاماكن هذي .. يمكن اول و اخر مره اشوفهاا ..
وليد راح لهاا مسك يدهاا و رفعهاا لوجهها : مااا رح تكون اخر مره ...
حنان بارتباك : هاااه .. يعني .. كنت اقول بس ..
وليد : ههههه تعااال خلناا نتعشى .. انت ما جعت ؟
حنان : إلاا جعت .. بس .... ( يااا ربي لو تترك يدي والله مقدر على كذاا .. كل هذا الدلااال و وليد معي و نضحك مع بعض .. وش ابي احسن من كذا )
وليد : ليش ما تاكل ...؟ ما عجبك الاكل ؟
حنان : لااا بالعكس .. بس فيصل .. تمنيت لو هو معنا .. اكيد كان بينبسط ..
وليد بجديه : انت .. تحب فيصل و لا تحبني ؟
حنان باستغراب : وش قصدك ؟
وليد : ليش ارتبكت ؟ مجرد سؤال .. يعني من تحبه اكثر ... قول انا او هو ..
حنان : كلكم عزيزين على قلبي ..
وليد : هههههه القلب ما يقبل اثنين ...
حنان : وش قصدك ؟
وليد ابتسمم : اانسسسى و تعشا .. عوافي على قلبك ..
حنان قاعدت تاكل و هي تفكر بكلااامه ...

طلع فيصل من المسجد بعد صلاة العشاء .. و هو بطريق رجعته للشقه وقفت سياره قدامه .......
فيصل : هذااا انت ؟؟؟؟
...... : تذكرني ؟
فيصل : ايييه مو بحسام اللي ساعدتني ذاك اليوم !
حسام : ايييه هذا انا .. وصلت خير ...
فيصل : وش جابك هنا ؟
حسام : ممكن تجي معي ؟
فيصل باستغراب : وين اجي ؟! بعدين احس انك مو غريب علي مدري وين شايفك !
حسام : صح كلامك انا اشتغل مع ابوك .. يمكن شفتني و انت صغير ...
فيصل يتذكر : ايييييييييييييه صح تذكرت .. و اللحين وش بغيت ؟
حسام : ابيك تجي معي لا هنت ..
فيصل : ماني بجاي ليه اجي ؟!
حسام : ابوك يبيك ... ضروري تجي ..
فيصل : اقوووول وخر بس قال ابوك قال .. انا ما عندي اب ..
حسام : اسمع الكلام .. امك و اخوانك هناك ...
فيصل مصدوم : وش تقوول انت ؟ وش وداهم هناك ...؟؟؟!
حسام : ابوك رجع امك و جابهم اليوم .. و يبي يشوفك ..
فيصل : انت كذااااااب امي ما قالت لي ...
حسام : اذا مو مصدق دق على امك او خالتك و بتشوف .. اللحين تعال معي .. كذا و لا كذا انت بتجي خلهاا بالطيب احسن ....
فيصل عصب : انت تهدد ؟؟؟!
حسام : لااا ابد قاعد اعلمك بس .. بتجي و لا لا ؟
فيصل : وش يبي ابوي ؟
حسام : بيكلمك بأمور تخص العايله هذا اللي اعرفه .. تعال و انت بتعرف كل شي و بتشوف امك و اخوانك هناك ..
فيصل : بجي لكن .. ان طلعت كذاب نهايتك على يدي ...
حسام : حياك حياك بالسياره و دق و تأكد بنفسك ..
فيصل : و هذا اللي بسويه ...
و ركب معهم ... دق على بيت اهله ردت ام حنان و هي تبكي ... و قالت له على كل شي ..

نرجع لحنان و وليد ......
وليد : اش رايك تجرب تصيد ؟
حنان : اصيد سمك يعني ؟َ!
وليد : اييه حاااول ...
حنان : طيب بجرب و اشوف ...
مسكت الصناره و وليد جنبهاا ..
وليد : تبي اساعدك و امسكهاا معك ...؟
حنان : ههههه لااا وش دعوه ماني ضعيف لهالدرجه ...
وليد : ههه .. تدري ان هذا احلى يوم قضيته بحياتي ..
حنان ابتسمت : و انا بعد .. استانست والله ..
وليد : بس انا غير .. انا انبسطت لأنك معي .. والله لأنك معي ..>> كان يقولهاا من قلب ...
حنان ~ بديت اشك بكلامه ! نظراته .. اسلوبه معي .. و ... و .........
حط يده على يدهاا يقال انه يساعدهاا بمسكة الصناره .....
وليد : مستحيييييل انسى هاليوم ... انت احلى شي حصل في حياتي ...
حنان ~ بيغماا علي اكيد بموووت اناا ابرجع البيت ... ما عاد ابي اقعد .. مقدر اتحمل كلامه و ربي احس ببكي ....
وليد : وين اختفى صوتك .. تكلم ياا غلاهم والله احب سوالفك ...
حنان ~ صوتي اختفى من بعد صوتك ما عاد لي كلام ..
حس انها منحرجه منه و ميته خجل .....
وليد ناظر وجهها : ههههه لازلت تخجل مني ... جعلني فداك .. خلااااص بقعد هناك .. اذا خلصت تعال ...
بعد ما راح تنهدت براااااااااااحه كبيره ......
حنان ~ بغيت امووت والله ! ...

وصل فيصل قصر ابوه ... و اول ما دخل سأل عن امه .....
فيصل : وينهاا ...؟ وين امي ؟
حسام : تعال معي .. ابوك ينتظرك بمكتبه ...
فيصل بحده : قلت امي وينهاا ما قلت ابوي ...
حسام : طيب تعال هو بيعلمك وينهاا ...
اخذه لغرفة ابوه اللي كان قاعد بانتظاره ..........
ابو فيصل : تعااال يااا ولدي ..
فيصل : مااني ولدك .. امي و اخواني وين ؟
ابو فيصل بعصبيه : يااا ولد .. انتبه من تحااكي .. انا ابوك .. ما اشره إلا على اللي رباااك ...
فيصل : اناا متربي و احسن منك بعد .. امي وينهااا ؟
ابو فيصل : لاااه انت يبي لك تربيه من اول و جديد .. هذا وجهي اذا ما ربيتك ما اكون ابوك ...
فيصل : ما انت ابوي .. ما انت ابوي ......
ابو فيصل : حسااااااام ...
حسام : سمّ طال عمرك ...
ابو فيصل : خذوه لغرفته و اقفلوا عليه الباب .. و لا تسمحون لأي احد يدخل يشوفه إلا بإذني .. و احرموه من كل شي ...
فيصل : والله ما اروح ...
حسام مسكه و استدعى حرس من برى مسكوه غصب و اخذوه لغرفته ... قاااومهم لكن ما قدر عليهم ....

بااااااك السفينه .............
حنان : صارت الساعه 9 و نص .. وش رايك نرجع ..؟
وليد : الود ودي اقضي العمر كله معك لكن .. هذا حال الدنيا ...
حنان ~ اسأليه يااا بنت ليش يكلمك كذا ... لا لاا يمكن عادي و اتفشل .. يمكن كل اصحابه يكلمهم كذا ....
وليد : خلنا نقعد شوي بعد ...
حنان : لانوو بكره في مدرسه و كذا يعني ...
وليد : صح انت بتداوم بكره .. يعني ما رح تسحب !
حنان : كان ودي اسحب بس فيصل قال لي لازم نداوم عشان ناخذ الكتب .. تعرف عمار عند ابوه موعد بكره و ما رح يجي و راجح مساافر ديرتهم كالعاده ما بيجي إلا الاسبوع الجاي .. و عبدالرحمن و نواف ما ادري اذا بيداومون او لا .. و اذا ما حضرت بكره و اخذت كتب بتروح علي لان الكتب تخلص بسرعه .. هذا كلام فيصل ..
وليد : اهاا فهمتك و ترى عبدالرحمن بعد ما اظن يداوم بكره لأنه مسافر دبي و بيوصل الفجر ..
حنان : باااقي نواف ما ادري اذا بيجي !
وليد : من معرفتي فيه ما يداوم اول يوم ...
حنان : يعني انا و فيصل بنداوم بكره لحالنا !
وليد : الظاهر كذا .. خلاااص اجل بوصلك البيت ثم اروح المطار ..
حنان : و اغراضك ؟
وليد : كل شي بالسياره .. مجهز نفسي للسفر من بدري ...
حنان حست بحزن : يعني خلاااص بتغيب شهر ...؟
وليد ابتسم : فدييييييييييييييييت من زعل على غيابي و بيشتاق لي ...
حنان باحراج : هههه .....
وليد : يا الله ياا قلبي مشينااا ...
حنان ~ واههه انت اللي قلبي : اوك ...

في مكان آخر ... في احد الشوارع تجمعوااا على تحديات و من ذا الكلام ...
هتان : و انت من وصلت سيارتك ما ارتاحت .. ما خليت مكان إلا و فحطت فيه ...
نايف : ههههههههههههه اعجبك ..
هتان : كيف كان تحديك مع عساف ؟
نايف : كسرت راسه ..
هتان : اوووخص .. قدرت على عساف !؟
نايف : اسأل خويك مشاري اذا منت مصدق ...
مشاري : هههه أي والله نايف صادق .. والله سواهاا بعساف .. عشان كذا عساف متحديه اليوم ...
عساف جا و من شباك سيارته : يااااااا الله بنبدا ...
نايف : قداااااااااااااام ...
هتان : هاا تبيني اجي معك ..؟
نايف : اييه يا الله كلكم .. انت خلك جنبي و انت ياا مشاري اقعد ورى و صورني ابي داخليات على كيف كيفك ..
مشاري : ابششششر خلهاا علي ..
نايف : لبئ قلبك ...

و هم بالسياااااره ......
هتان : والله انك خطييير ..
نايف : هههههه شفت .. صور صور بالله لا تنسى أي لقطه ..
مشاري : معليك يا الطاره كله مصور ...
نايف : كفووو والله ..
مشاري : كفااك الطيب ...
هتان : يااا عيااال ترى بكره مدرسه ..
نايف : جايب شي جديد انت و وجهك !
هتان : هههههاااي متحمس اشوف وش بتسوي بكره ...
نايف : بتشوووووف .. ايييه صح كنت بسألك عن شي ...
هتان : وش هو ؟
نايف : خويك فيصل ...
هتان : وش فيه ؟!
نايف : وش نقطة ضعفه ؟
هتان : كيف يعني ؟
نايف : وش فيك درج .. اقولك وش الشي اللي نقدر نهدده فيه ..
هتان : ليه وش ناوي تسوي ؟
نايف : ياااخي انت علمني .. اذا تبي فيصل يخاويك ..
هتان : اذا كذا بعلمك .. نقطة ضعفه ولد خالته بوريك اياه بكره ..
نايف : اوووووووووووكي ..
هتان : و انت اسمع لا تصير نشبه زياده و لا تسوي مشاكل فهمت .. و هذا موسى خله يبعد ...
نايف : معليك موسى تفاهمت معه و هجدته .. و المشاكل يا ولد العم تجيني و انا ما ابيهااا هههه ...
هتان : .........................

وصلهاا وليد البيت و ودعهاا عند بوابة العماره ..... حنان كانت زعلااااانه لأنه بيسافر ...
حنان ~ كيف بتكون ايامي بدونك .. اوووووف لييييييه يساااافر ؟! ...
دخلت الشقه .. قعدت بالصاله شوي .....
حنان ~ معقووول فيصل نايم !؟ .. او يمكن زعلان مني ! .. لا حول و لا قوة إلا بالله .. مدري استانس بطلعتي اللي اليوم و لا ازعل على سفرة وليد .. و لا اتضايق على زعل فيصل مني ... مشاعر مدري وش تبي ... خل اشوف ذا الزعول بس ....
راحت الغرفه دقت الباب اول شي .. ما جاهاا رد فتحته بهدوء و دخلت ... ما شافت احد .. دورت بالحمام – الله يكرمكم – ما لقت احد .....
حنان ~ غريييييب وينه ؟! ( ناظرت الساعه ) .. اللحين الساعه 10 وين ممكن يكون ....
انتظرت و انتظرت الى الساعه 12 .. حست الوضع مو طبيعي وينه للحين !؟
حنان ~ يااا ربي وش اسوي ... معقول زعل مني و راح و تركني .. هو يدري اني اخاف اقعد لحالي ... يا الله وينه !؟ .. يمكن راح بيتنا .. بدق اشوف ما اتحمل اكثر من كذا ...
دقت على البيت محد يرد ....
حنان ~ ليييييه امي ما ترد بعد ! .. وش السالفه ...؟ .. بروح انام يمكن اصحى الاقيه جا ...
و حاولت تنام ما جاهاا نوم و كل شوي تدق على فيصل ما يرد على جواله و تدق ع البيت محد يرد .... و تقلبت على فراشها للساعه 2 و هي خايفه بعد لحالهاا بالبيت .. الى ان نامت و ما صحت إلا على صوت المنبه الفجر .. فزت من مكانها ناظرت سرير وليد .. شافته زي ما هو معناته ما جا ..
توضت و صلت و بدلت و جهزت نفسهاا للمدرسه ....
حاولت للمره الاخيره تدق عليه ما رد .....
حنان ~ اكيد قاعد يعاقبني يسوي فيني كذا لاني رحت مع وليد .. هين يااا فيصل ! .. اتوقع بروح المدرسه بلاقيه هناك .. ما برحمه على القلق اللي سببه لي ...
و حان موعد الذهاب للمدرسه و بداية الفصل الدراسي الثاني .....
وصلهاا السواق ... و هي على امل تلاقي فيصل هناك ...
راحت لفصلهاا على طول ما لقت أي احد من الشله ....
حنان ~ وينننننننه !؟
شوي و دخل هتان و معه شلته ... هنا حنان ماتت رعب صح و عاشت الرعب على اصوله ....
هتان : اوووه ولد خالته هنااا ..
نايف : وين ؟
هتان : شوفه الحبيب .. هذاك اللي قاعد هناك ..
نايف ناظرهاا و ابتسم : الحلووو ذااا ؟!
هتان : ايييه ذا ..
حنان درت انهاا المقصوده .. صدت عنهم و هي تدعي ان محد يقربهاا .. و تدعي لو واحد بس من الشله يجي ...
نايف يده ع طاولتهاا : هلااا واااااااااااالله ...
حنان صااده عنه و لا ردت .....
نايف : وش اسمك ياا حلوو ؟
حنان : .............. لا رد و خايفه ..
نايف : ياا حلوو عطناا وجه ...
هتان : شكله مو بـ راد عليك ...
نايف : آفااا و اناا ولد ابوي .. ليه ما يرد .. ابك ياا عيااال لا يكون اطرم بس ..
هتان : ههههههههههههههههههه بسلامته لا هو بـ اطرم و لا قالها الله بس مطنشك ...
مشاري : هههههههههه وش رايك اول هوشه لك تكون معه ....؟
نايف : والله شكلهاا كذا ياا ولد !
حنان خافت ~ بيتهاوش معي انا وجهي مو وجه هوشات .. و زود على كذا اناا لحااااااااااالي !
نايف : وقف يااا هيييه وقف ...
حنان ردت اخيرا : وش فيك وش تبي ؟!
نايف : ليه ما ترد .. اكلم جدار انا ؟
حنان : مالي مزاج ارد ...
نايف : يااا بعد حيي ماله مزاج يرد ... سمعتوااا ياا عيااال ماله مزاج يرد !
مشاري : هههههههه افصل عليه بالله ...
حنان ~ و ذا المشاري يشجعه بعد ؟! وش اللي بلاني فيهم .. لازم اطلع من هنا بأي طريقه .. لا استاذ جا و لا احد من الشله جاا .. عز الله بروح فيهاا اليوم ....
نايف : ولد ....!
حنان سحبت عليه و جت بتطلع .. مسك ذراعهاا .....
نايف : على وين ؟!
حنان سحبت ذراعها بقوه .. ما ردت عليه و حطت رجولهاا .. كانت خايفه هتان و مشاري لا يعترضون طريقهاا و ما يخلوهاا تطلع .. لكن خاطرت بكل الاحوال .. ما اعترضوهاا استغربت انهم ما سووها لكن حمدت ربهاا ... المشكله في طلاب بفصلها لكن و لا احد تدخل و ساعدها محد يحب يعلق مع هتان او شلته ..
نايف مصدوم : انحااااش الولد !
هتان : ههههههههههههههههههه بدايتك ماااش ...
نايف : وش اللي ماش .. ورى ما مسكتوه لا يهرب ..؟!
هتان : ما لنا دخل .. دبر نفسك ..
نايف : انعن ابو الجحده ... هذا و انا بساعدك !
مشاري : اذا تبي ألحقه ..
هتان : انا اقول ما يحتاج مصيره بيرجع هنا بعد شوي بيدق الجرس ...
نايف : بااقي هذا فيصل ما شفته .. ابي اشوفه ..
هتان : ايييييه صح شي غريب .. ما جا مع ولد خالته شكله ! .. و هذا انحاش و نسينا نسأله عن فيصل ...
مشاري : اقولك خلنا ندوره .. استغل الفرصه شكل فيصل مو موجود ..
هتان : وش ابي فيه اذا فيصل مو موجود ...
نايف : ما عندك سالفه يااخي .. مشاري خلنا نروح انا و انت ..
هتان : أي روحوا افتك منكم شوي .. انا بقعد هنا استنى فيصل ..
مشاري : يااا الله ياا نايف مافي امل يجي معنا ...

و طلعوا مع بعض ... و هم بالطريق ...
نايف : يااخي الولد ذا ما هو بولد ..
مشاري : هههه وش قصدك ..؟
نايف : مدري يااخي بس ما شاء الله عليه به جمال و به زيين ..
مشاري : ههه صاادق ..
نايف : والله ما ألوم فيصل يسحب على هتان و يخاوي ولد خالته ..
مشاري : هههههههههههه انت فاهم الموضوع غلط ..
نايف : أمااااا ..
مشاري : اللحين وين بنلقاه !؟
نايف : اتركه علي .. اعرف هالاشكال وين تتخبا ..
مشاري : خلناا نشوف وش انت ناوي عليه ....

انتــــــــــــهى الـــــبارت