شبكة همس الشوق - عرض مشاركة واحدة

15 - 8 - 2015, 09:56 PM

في احد احياء الخبر ... بعد ما خلص هتان و اللي معه افراغ طاقاتهم .. قعدوا يرتاحون ...

عساف : والله فات مشاري اشياء-ن- واجد ...

نادر : محد قاله ما يجي .. قال ايش عندي شغل ..

عساف : ههههههه ابفهم وش شغله ذا !

نادر : ياا رجااال مهاايطي ما عنده ما عند جدتي .. تلقى ابوه مانعه يطلع ..

عساف : ههههههههههههههههههه قاااعد تسوقه .. لا يدري عنك بس ..

نادر : ههههههههههه خله ..

عساف ناظر هتان اللي ما كان معهم .. جا جنبه و حط يده ع كتفه : وين سرحت ياا حلوو ؟!

هتان متكي على سيارته.. تنهد بضيق : اليوم مااااااش ..

عساف : وشو اللي ماش .. والله ما قد شفتك تهجول احسن من اليوم .. كنت شي ثااني ..

هتان ناظر السما : والله من ضيقتن في صدري ...

نادر واقف مقابلهم : سلااامة صدرك من الضيقه ...

هتان : الله يسلمك ..

عساف : ايييه طيب وش اللي مضايقك ؟!

هتان : خلهاا في القلب تجرح و انا اخوك ..

عساف : اوووص اوووص .. قال تجرح في القلب ! .. والله لو انه مشاري كان قلت له ...

هتان : تبي تعرف ؟

عساف : اكييييييد ...

نادر كان ينتظر هتان يتكلم و عنده فضول يعرف اش فيه و كان واثق ان فيصل له يد بالموضوع ...

هتان : تصدقون اني ما عاد اقدر اهدد فيصل بشي .. شكله خلاص انتهى موضوعنا ...

عساف : هو من زمان مفروض منتهي بس انت معطيه اكبر من حجمه ..

هتان : انا قررت اسحب عليه ...

عساف : هههههههه شف من يتكلم .. اماك السنه اللي راحت قلت بتسحب عليه و جت السنه هذي و رجعت له ...

هتان : انقهرررت يااخي وش اسوي .. يوم شفته مخاوي هذا اللي اسمه وليد(حنان) .. ذكرني بأيامه مع هيثم ...

عساف : والله ما عندك سالفه .. يااا حبيبي اللي ما يبينا ما نبيه و انتهى الموضوع ..

نادر : عساااف صاادق ترى .. اسحب عليه و شف حولك بتلقى اللي احسن منه ...

هتان : آآآآخسس ياا ولد تلمح لنفسك ..

نادر ابتسم : دمك فهمتها بقولها لك على بلاااطه .. وش فيني انا ؟ وش فرق عني فيصل ... عطني فرصه و تشوف ...

عساف : ههههههههههههههههه والله و تكلمت يا نادر ..

هتان بدون نفس : اقول انت و ايااه يا الله مشيناا .. و بلا كلام فاضي ..

نادر ~ كنت داري انه بيصرف .. خل فيصل و اللي معه ينفعونك !

ركب هتان سيارته و مشى عنهم .....

و بعد ما راح .. راحوا وراه و كلن رجع بيته ....

نرجع للشقه ..... قعدوا سوالف ... الى ان .......

ماجد : يا الله حنا لازم نمشي ...

حنان : بدري !

فيصل عطاهاا نظره .. خلاها تسكت ....

ماجد ابتسم : الجايات اكثر .. حنا بس كنا حابيين نتطمن عليكم .. موصينا وليد ...

فيصل : ليه .. تقول عياله و انا مدري ..

ماجد : مشكلتك ما تحس بشعور وليد ... ما كان عنده عائله و يحسكم عائلته .. تبون الصراحه ما قد شفته مبسوط بحياته قد اللحين ...

فيصل : بتقنعني انه يحبناا .. عن نفسي مستحيل يحبني .. لكن .........(ناظر حنان و نواف فهم تلميحه) ...

ماجد ما فهم : ايييييش ؟!

فيصل : ابد و لا شي ...

ماجد وقف : طيب .. نشوفكم على خير .. ياا الله ياا نواف ...

نواف كان سرحان يفكر ~ صادق فيصل .. كيف ما انتبهت .. تصرفات وليد مع حنان غير .. ( قعد يسترجع لحظات لحنان و وليد مع بعض بدا يشك ) ..

ماجد : ياااا هوووه ...!

نواف : هـ هلاااا ..

ماجد : مشيناا يا الله .. ما تبي اوصلك ؟

نواف : إلا ياا الله ياا الله ...

فيصل : اقول نواف ممكن تقعد شوي ابي اكلمك بموضوع ...

حنان خافت ~ لااا يكون سمعناا صدق بالمطبخ ! هئئئئئئئئئ ياا ويلي ويلاااه ...

نواف باستغراب : تكلمني انا ؟! وش عندك ؟

فيصل : ايييه و على انفراد ...

ماجد : اجل ياا نواف بستناك تحت بالسيارة ..

نواف : اووك 5 دقايق و جايك ..

بعد ما رااااح .....

فيصل : حمد ممكن تتركنا لحالناا ..؟

حنان ذابحهاا الفضول و خايفه : ليييييه ؟ وشو الشي اللي ما تبيني اسمعه ..؟

فيصل : بعدين اقولك .. اتركنا اللحين ...

حنان بقهر : طييييييب ...

و راحت هي بعد .......

نواف : ايوووه وش موضوعك ؟!

فيصل : بتكلم على طول .. انت لا عاد تجي الشقه ع الاقل هالفتره ..

نواف : هههههاااي تمزح ! .. كأني بسمع كلامك .. و الشقه ماهي بشقتك على فكره ..

فيصل : انت بتسبب لي مشاكل مع الوالد .. انا مدري وش بينه و بينكم من مشاكل لكن ما يبيك تمشي معي او تشوفني لا انت و لا خالد .. و انا انسان ما ابي مشاكل ...

نواف : وش دخل ابوك اللحين !؟ .. انت عندك اب اصلاً ؟! >> سؤال نواف كان ع الجرح !

فيصل : هههه .. عندي اب مطلق امي من زمان .. و اللحين رجعهاا و صارت قصه مالك فيهاا .. زي ما قلت ابوي متمشكل الظاهر مع عايلتكم و ما يبيني اشوفك لا انت و لا خالد ..

نواف : أمااا ابوووك يعرف ابوي ؟! .. وش اسمه ابوك ؟!

فيصل : ههههءء معي بنفس الفصل و لا يعرف اسم ابوي !

نواف : وش مدريني .. بالفصل ما ينادون على اسماء الطلاب ..

فيصل : اسمه راشد محمد الـ .............

نواف بصدمه : أماااااااا عاااد .. ابو معاااااااذ ما غيره !

فيصل : ايييه هو .. شكلك تعرفه زين ..

نواف : أي اكيد اعرفه .. يعني معاذ الكلب اخوك .. كان متزوج بنت عمي و طلقها قبل فتره .. ما اصدق انت طلعت من ذيك العايله .. أي والله انهاا صدمه ..

فيصل : يعني كأني انا اللي مره فرحان .. انا ما اعترف بهـ الاب و لا عايلته .. و في نفس الوقت ما ابي مشاكل لازم اسمعه كلامه .. عشان كذا اقولك لا عاد تجي الشقه الى ان ربك يفرجهاا ..

نواف : خلاااص خلاااص انا بشوف حل .. يا الله بروح تأخرت على ماجد ...

فيصل : اووكيه .. يا ليت تقول لخالد بعد ..

نواف : يصير خير ...

طلع نواف و هو لساته مصدوم من اللي سمعه ..

نواف ~ معقوووول فيصل ولد ابو معاذ ! .. وليد وش وضعه ؟ يدري و لا لا .. اذا كان ما يدري بيكون غبي .. ما ظنتي .. اظنه يدري بكل شي .. وليد بعد داهيه خويي و اعرفه ...

اول مما سمعت الباب تسكر طلعت له بسرعه ......

حنان : ايييييه وش السالفه ؟

فيصل قرب منهاا و لعب بشعرهاا : ههههه ذااابحك الفضول هاا !

حنان : اوووووووه .. علمني ..

فيصل : كل السالفه ان ابوي يعرف ابو نواف و ابو خالد و بينهم مشاكل .. ابوي طلب مني مااشوف لا نواف و لا خالد و لا أي احد من عائلتهم .. و إلااا بياخذني غصب اعيش عنده ..

حنان : اووه مااااااي قووود .. يعرفهم ! و مشاكل ! ( استرخت لان فيصل ما سمع كلامهم بالمطبخ و ما كان هذا موضوعه .. ثم قعدت ) ..

فيصل : أي والله .. حتى انا انصدمت اول ما قال لي ..

حنان : و طيب انت وش قلت لنواف ؟!

فيصل : انه لا عاد يجينا الشقه ..

حنان : و بيسمع الكلام !؟

فيصل : عادي .. كذا و لا كذا احتمال ابوي يشتري شقه بنفس هذي العماره نعيش فيهاا انا و انتي ...

حنان بسرعه : و وليد !!!!!!؟

فيصل : بيكون جارناا ! و منهاا ما عاد نشوف نواف و لا خالد و نريح راسنا من المشاكل ..

حنان : لأ مستحيل .. مستحيل نترك وليد لحاله ..

فيصل : مصيرك بتتركينه ... فكري فيهاا تراك للحين زوجتي ..

حنان عصبت : ماااني تاااركته ..و بقولك ايااها اناا احبه .. بتتقبل ذا الشي او لا مو مشكلتي ..

فيصل : و تقووولينهااا قدامي ؟! .. ما تدرين انك تقهريني !

حنان : مو شغلي .. انا اقولك الحقيقه .. لاني صدق احب وليد ..

فيصل صرخ و عصب : خلاااااااااااااااااص اسكتي .. و لا كلمه ... ليته يروح بلااا رجعه ليته يختفي من حياتنااا ...

حنان حجرت دموعها : لييييييييييييش تقول عنه كذا .. انت حقير ما تحب الا نفسك ..

طنقرت و راحت غرفتهاا و سكرت الباب وراهاا بقوه من زعلهاا ..

فيصل ~ قالت وليد و احبه .. و انا وش اكون بحياتهااا !؟ ( مسك ع راسه من القهر و العصبيه ) ...

انتظر تقريباا ربع ساعه الى ان هداا .. ثم رااااح لهاا .. فتح الباب كان مقفل ...

فيصل : حنوووووو .. مو وقت زعل اللحين ...

حنان : لااااا تكلمني .. لك وجه بعد ..!

فيصل : يااا بنت الناس .. لا ترفعين ضغطي .. جهزي نفسك مو قلتي تبين نروح لأمك ...

حنان مسحت دموعهاا : شوي و اطلع.. >> كانت تبكي بصمت ....

فيصل : بسرعه استناك ....

راحت غسلت وجهها .. حاولت تنسى اللي صار بينها و بين فيصل .. لانها رايحه لامها و امهاا ماهي ناقصه مشاكل غير مشكلة ام فيصل ... جهزت نفسهاا و حطت عباتها بالكيس ... و طلعت ....

حنان بدون ما تناظره : يا الله نروح .. >> و مشت قدام و هو وراهاا ...

فيصل : حنووو لا تزعلين ما هي مستاهله ..

حنان : انت دعيت عليه تبيه يموت ... كيف تقول عنه كذا ؟!

فيصل : بسببك انتي عصبتيني .. خلااااص انسي .. بنروح لامك مشي طيب ..

حنان : أي شي .. المهم اشوف امي ...

فيصل : لا تبيني لهاا انك زعلانه مني ..

حنان : ما رح ابين شي مو ناقصهاا مشاكلنا بعد .. و اصلا انت اللي بديت المشكله ...

فيصل : انااا ؟؟؟؟؟؟؟! كل هذا لاني .....

حنان قاطعته : اووووووص ماااني حابه اتكلم في ذا الموضوع ابي اروح بيتنا مستانسه .. ممكن ؟

فيصل : طيب .. ليش لأ .....

و كالعاده لما قربت للبيت لبست العباه ... و لماا وصلوا لباب بيتهم الخارجي .. صادفوا امها راجعه من عند الجيران ...

حنان : هلااا يمه .. ما شاء الله توك راجعه !؟

ام حنان : أي حبيبتي توني والله .. يا الله حياكم ادخلوا .. زين اني رجعت بوقتي ...

و دخلوااا للبيت ... اول ما دخل فيصل تنهد بضيق .......

فيصل : بالعاده ادخل اسمع ازعاج سعد و سعود ...

حنان : ايو الله .. ( ناظرت امهاا .. الدموع بعيونهاا ) .. يمممممه !

ام حنان : اقعدوا ياا حبايبي ...

حنان ضمت امهاا : ياا بعد عمري لا تضايقي نفسك .. يمكن خالتي مرتاحه هناك .. اذا ودك والله لا اعيش معك و ما اخليك ...

ام حنان ابتسمت بانكسار : انتي متزوجه و عندك بيت .. ما بسامحك لو تركتي بيتك و زوجك و سكنتي عندي .. و غير كذا عندك مدرسه .. لا تقلقي علي انا مبسوطه لحالي .. و ام صلاح وعدتني كل يوم بتمرني ..

حنان بزعل : يممممه مستحييييل ..........

ام حنان قاطعتها : ماا في نقاش بهالموضوع .. كلمتي وحده ..

فيصل : خالتي بطلب عشا من المطعم .. نبيك ترتاحين اليوم ..

ام حنان : ياا بعد عمري ما ارتاح إلا بشوفتكم مبسوطين .. على الطاري .. ابوك ما يدري انك متزوج صح ؟

فيصل : لحد اللحين ايييه ماا يدري ...

ام حنان : احسن لااا يدري .. بقولكم سالفه ياا عيال ...

حنان باهتمام : عن مين ؟!

ام حنان ~ شكلي لازم اعلمهاا عن ابوهاا .. بس قبل لازم تعرف كيف تزوجناا : بعلمكم عن ابو حنان ...

حنان باحباط : ابوووي !؟ ليش تذكرتيه ؟!

ام حنان : لان ابوك يعرف ابو فيصل ..

فيصل يفكر ~ ابو حنان اسمه عبدالله .. لا يكووون هو اللي كانوا يقصدونه امي و ابوي يومهم يتكلمون عنه ...!

حنان : اهااا .. عشااان كذا ابوي تركناا و راح بالغربه و مات هناك .. يعني الظاهر ان اخلاقه نفس اخلاق ابو فيصل ...

ام حنان زعلت من الكلام : لاااا يااا يمه ابوك مو كذا ..

فيصل : وش علاقة ابو حنان باابوي !؟

ام حنان : بعلمكم اللحين انتوا اسمعوني للأخير .. انا لما كنت بالثانوي شافني ابوك و انا طالعه من المدرسه .. بجو كان هوا قوي طار حتى غطاي .. ابوك يومهاا كان واقف مقابل المدرسه يستنى اخته و شافني و الظاهر عجبته ....

حنان : لحظه ابوي عنده اخت ؟! يعني انا عندي عمه ؟؟؟! .. وينهاا طيب ..؟

ام حنان : ما ادري .. بعد ما راح ابوك اختفت كل علومهاا .. خلني اكمل لك .. ابوك بعدها صار يجي يوميا للمدرسه و يتمنى يشوفني و مره كلمني و قال يبي يخطبني .. طلب مني العنوان انا عطيته لاني بعد حبيته .. و لما خطبني واجهتنا اول مشكله ...

حنان : ايييش هي ؟!

ام حنان : ابوي الله يرحمها ... رفض يزوجني قبل اختي .. لانها اكبر مني ..

حنان : وش سويتوا بعدين !؟

ام حنان : قلت لابوك و قال بيتصرف .. فـ جاب عريس لام فيصل ..

حنان : من وين جابه ؟! كيف يعرفه اصلا ؟!

فيصل : صح كلام حنان كيف يعرفه ؟

ام حنان : بقولكم كل شي صبركم علي بس ... اوك ياا حنان يصير ولد خال ابو فيصل .. و كانوا اصدقاء .. طلب ابوك من ابو فيصل يتزوج اختي .. و وافق ابو فيصل على طلبه و انحلت المشكله و تزوجنا بليله وحده ..

فيصل : طيب امي ما كانت تدري اني ابوي متزوج غيرهاا ؟

ام حنان : لأم حد كان يدري ..

فيصل بقهر : حقيييير يعني خدعكم !

حنان : اللحين فهمت .. ابوي و ابوك يا فيصل قرايب ..

فيصل : ايييه من كان يتوقع ..

حنان : بعدين يمه وش صار ؟

ام حنان : ابوك سافر يشتغل .. و تغرب و مات بالغربه ... و صارت مشاكل بين ام فيصل و ابوه و تطلقوا و انتوا خابرين القصه ..

حنان : اي صح اذكر ...

فيصل : قصتهم قصه ...!

ام حنان ~ لا لامقدر اعلمها عن ابوهاا .. خلااااص مو وقته مو اللحين .. صعبه .. واصح انهاا تكره ابوهاا .. ياا الله ....

قعدوا مع بعض .. طلب لهم فيصل عشا .. و بعد الصلاه بالتحديد الساعه 8 راح يشوف ابوه .......

تكلم معه في موضوع هذا اللي اسمه عبدالله حاب يعرف مين هو يبي يتأكد هو نفسه والد حنان و لا لا.. لكن ما لقى أي اجابه ...

و تكلموا بخصو نواف طبعا تهزأ فيصل .. ثم اتفق مع ابوه اذا فضى بيستأجر له شقه بنفس العماره .....

بعدين راح يتطمن على امه و اخوانه .. ثم رجع اخذ حنان من بيت امهاا .. اصرت كثير تقعد عند امها لكن امها ما رضت .. خاصه لان عندها مدرسه الصباح .....

رجعوا الشقه و لا زالت حنان شايله بخاطرهاا على فيصل ....

فيصل : حنااااان !

حنان : لاااا تكلمني ترى ما نسيت ...

فيصل : لا حول و لا قوة الا بالله .. ما عمري تخيلت انك بتزعلين مني عشان واحد ...

حنان : حلو هذي .. الواحد هذا انت تعرف وش يعني لي .. لو لا سمح الله ما عاد رجع انت ما تدري اش رح يصير فيني !

فيصل : و لو انتي طلعتي من حياتي ما تعرفي اش رح يصير فيني ! ..

حنان : ما رح يصير لك شي مع الوقت بتنساني ..

فيصل : انتي كذا تفكرين ؟! .. مو انتي اللي تقرري اذا رح اقدر انساك و لا لا ..

حنان : صدعت راسي ترى .. ابغااا انام .. و لو تطلع انت تنام بالصاله بعد احسن .. ما ابي اشوفك ..

فيصل : صدقيني بتندمين ..

حنان بعناد : اطلع ....

فيصل : اووكي ..

صباااح اليوم التالي ... استعدوا للروحه لللمدرسه .... و لازالت حنان ما تعطيه وجه ... وصلوا المدرسه بدري شوي .. و حضروا كل الشله ما عدا راجح ... كان يوم دراسي عادي بدأوا بعض المعلمين بإعطاء بعض الدروس الخفيفه ....

لاحظت حنان شي .. ان مشاري طول الوقت يعطيهاا نظرات اقشعرت منهاا .. ما ارتاحت له ابد ... صحيح دايم متمشكلين معه و مع هتان و دايم هالمشاري يناظرها .. بس اليوم كان غير في شي غير .. كذا كانت حنان تحس ...

نجي للفسحه .. كان فيصل طالع مع عمار بيشترون فطور ......

نواف : فيصل ....

فيصل : خيييير !

نواف : بخصوص موضوع ابوك .. قلت لخالد عليه ..

فيصل : شوف والله ان خالد طيب و يدخل القلب .. لكن اتمنى انك قلت له لا عاد يقابلنا لاننا ما نبي مشاكل ..

نواف : اييه قلت له الى اللحين هو مصدوم مو مصدق .. يعني اخوك طلع زوج اخته ..!

فيصل تنهد : مااهو اخوي و لا اعترف فيه .. المهم انكم دريتوا ..

عمار عند الباب : فصييييييل يااا الله تأخرنا ..

فيصل : جاااااايك ... ( ناظر نواف ) .. انتبه لوليد(حنان) مع اني ما اثق فيك لكن انتبه له من مشاري و خويك الدحمي بعد ...

نواف : ههههههههه طيب .. ما رح يصير له شي و انا موجود ..

فيصل : المشكله ان البلا فيك ...

عمار عصب : يااا الله اخلص علينااا ....

فيصل : لاااا تفصل جاااايك .. !

رجع نواف قعد مع عبدالرحمن و حنان .. كان ودها تسأله اش تكلم مع فيصل فيه بس كبريائها ما سمح لهاا .. و قعدوا يسمعون سوالف عبدالرحمن و سفراته اللي بالاجازة ... و لازال مشاري قاعد بالصف و معه هتان و كل لحظه يلف يناظرهاا ...

أماا مشاري كان عنده شي يبي يقنع هتان فيه .....

مشاري : اقووول هتان .. وش رايك تطلع مع فيصل اليوم ؟ هتان : لاااا ما ودي ... قررت اسحب عليه ...

مشاري بنص عين : يااا النصااااب لو انك صادق ما كان جيت لصفه صح و لا لا ؟

هتان : وش فيك انت ؟! انا جيت عشانك ..

مشاري : شف التصريفه كيف بالله .. والله انك جاي تشوفه .. هياطك ذا مو بـ علي خويك اناا و اعرفك زي ما اعرف نفسي ...

هتان : ههههههه .. صادق ... بس خلاااص طابت النفس و انا اخوك .. و لا طابت النفس يصعب رضاهاا ..

مشاري : ههههههههاااي هتان يقول ذا الكلام .. الزعيم ما غيره ؟!

هتان : وش فيه كلامي .. مو بعاجبك !.. والله ان ودي اخاوي فيصل لكنه ما يبيني و انا تعبت نفسيا .. خلني اشوف نايف وش ناوي يسوي .. وعدني يرجعه خويي ..

مشاري : هههههههه ما ادري ليه عندي احساس ان ما عنده ...

هتان : نصبر و نشوف وش وراناا ..

مشاري : صحيح وينه ؟ ما شفته اليوم ! ..

هتان : ما بيداوم يقول تعبان و يبي ينام ..

مشاري : ههههههه هذي اولهاا ..

رجع فيصل مع عمار .. كانوا يسولفون بالطريق و يضحكون بصوت عالي .. مروا من جنب هتان و مشاري و لا كنهم شايفينهم .....

هتان عصب : شفت وش سوا ؟

مشاري : ماا لامه داعي ..

هتان : اوريك فييه والله لا اخليه يطلع معي اليوم و لا ما اكون هتان ..

مشاري : اوووخص و راحت على فيصل ...

بسرعه قام هتان لفيصل و سحبه مع ذراعه .. و فيصل متفاجئ ... و الكل بعد كان متفاجئ .......

فيصل : هيييييه سلاااامات ياا ابو .. وين عايشين !

هتان : تعاال ابيك بسالفه ...

فيصل سحب ذراعه : ماا بيناا سوالف .. تستهبل معي انت ...؟!

عمار وقف : انعن ابو شكلك ي حيوووان .. تسحب فيه عيني عينك .. اتركه لا اجي اسدحك بالارض ...

هتان عينه بعين فيصل : سكت خويك احسن له ...

عمار : ماهو بـ انت و لا اشكالك يسكتوني .. اتخسي ياا الكلب .. فيييييصل خلني اتفاهم معه ما يتوب ذا ...

مشاري : ياا الزعيم فزعتك موجوده ....

هتان : ماا يحتاج هذا مو بقدنا .. كف واحد و منتهيين منه ..

عمار يكفكف اكمامه : والله ؟! .. احلف يااا روح امك ....

فيصل يهديه : عماااار تكفى .. لا تتدخل .. ما ابي يصير لك شي ..

عمار : مو بخايف من ذا التنكه لا منه و لا من عشره من اشكاله ..

فيصل : دريناا منت بخايف .. اركد شوي ...

هتان : يا الله انت تعال ...

فيصل : ازعجت اهلي .. خيييييييير وش تبي ؟!

هتان قرب لأذنه و همس : تراي انسان بايعهاا يا تجي يااا قسم بالله و اللي خلقني ياا ان ولد خالتك ميت اليوم على يدي و عادي عندي اروح اعدام ..

فيصل ارتعب و تراجع و ناظر عيونه ~ بسم الله علينااا وش ذي العصبيه كلهاا .. عيونه كلهاا شر ... شكله صادق الحيوان بااايعهاا ..

هتان بحده : امش نتكلم برى ....

فيصل لف ناظر حنان كأنه يقول لهاا .... شوفي وش انا اسوي عشانك .. و شوفي وليد وش سوا عشانك و لك الحكمم !

و مشاري عطا هتان ذي الابتسامه ... زي كنه يقول والله انك قدهاا ......