شبكة همس الشوق - عرض مشاركة واحدة

15 - 8 - 2015, 10:04 PM

العنود : و انتي جبتيهااااا يااالله ..

اصايل : ................

الشقه ....... بعد تقريبا ساعه ..فيصل راح للغرفه دق الباب .. حب يعتذر و برضو يفهم من حنان بهداوه هي ليه كانت مع نواف .. بعد ما فكر فيهاا فيصل لقى انه ممكن يكون ظلمهاا .. لانه يدري انها تكره نواف .. اكيد في سبب قوي خلاااها تكون معه .. و هو لازم يعرف .. طبعا هذا اذا سامحته و عطته وجه ...

دق و ما فتحت له طبعاا ........

فيصل : حناااان افتحي الباب .. خلينااا نتكلم ...

حنان لازالت على وضعهاا مرميه على سريرهاا و تبكي بصوت مكتوم .. و ما ردت على فيصل ....

فيصل : حنااااااان ردي علي ...

حنان : ...........لارد

فيصل : يااا حناان انتي تعرفين اني احبك و اغار عليك أي احد في مكاني اكيد كان بيسوي كذا ... تكفييييييين افتحي الباب و لا تعاندي ...

حنان : ..............لارد

فيصل قعد قدام الباب : خلصيني افتحي .. اناا اسف ما كان قصدي اضربك لكن هذا اللي صار ...

حنان صرخت : لااااااااااااا عاااااااااااد توريييييييييييني وجهكككك اكرهككككككك ..

فيصل كأنها طعنت سكين بصدره : حـ ... حنان !

و رجعت ضمة مخدتهاا و قامت تبكي ....

حنان تشاهق ~ حقيييييييير .. يظلمني يظلمني و يضربني بعد ! .. لااا و يقول اسف .. وين اصرفهاا .. ماهي اول مره يمد يده علي .. هذا جزاتي استاهل لاني كنت خايفه عليه.. ما عاد ابي اشوف وجهه ... ماا عااد ابي .....

أما فيصل ضاقت به الدنياا و كره نفسه .. ما قعد بالبيت بعد كلامها .. و طلع من الشقه بكبرهاا .......

في الساحه المتواجد فيهاا هتان و بعض من شلته ... بعد ما فيصل تركهم و راح .. وقفوا ما عاد كملوا هجولتهم ... و في نفس الوقت غربت الشمس و دخل المغرب ...

عساف : ما ودك نرجع ؟

هتان : انتظر مشاري .. كلمته و قال بيجي بعد شوي ..

نادر : وش تبي فيه ؟!

هتان : وش دخلك !؟

عساف : هههههههههههههههههههه وراك بس تقصف .. خف عليناا ..

هتان : يااخي ماني برايق .. استنى مشاري على نار .. في شي بيقوله لي ..

نادر ما يتوب من لقافته : وش بيقول لك ؟

هتان : ماااش لو بقعد اطحن جبهتك طحن ما يأثر انعن ابو شكلك ..

عساف : هههههههههههههه أي وربك صدقت ...

نادر : عااادي تعودت على اسلوب الزعيم ..

هتان بدون نفس : وخر لا ألفعك ..

نادر : تموووون ياا بعدهم ..

هتان : عسيييف سكت خويك ..

عساف : ههههههه مع انه ما قال شي ..

هتان عطاه نظرة واحد معصب ....

عساف : هوووب هوووب خلااااص و ربك ..

هتان يناظر ساعة يده : ويييينه تأخر ماا صارت !

عساف : اسمع دام احنا مالنا دخل بنرجع للبيت .. و انت انتظر مشاري على راحتك ..

نادر : شوووفوه هذا هو جااا ..

هتان لف عليه : اييي والله جاا .. >> ثم راح لسيارة مشاري و ركب جنبه ..

عساف : اووووف ما كنه سحب علينا و انا اخوك ..

نادر : بقووووووه !

عساف : مشينااا مشينااا محد معبرناا ..

نادر : هههههه والله فيني فضول اعرف وش بينهم ..

عساف : ترى اللقافه ذي بتوديك في دواهي .. ريحناا و يالله ..

نادر : هههههههههههههههههههه صاادق ..

بسيارة مشاري .. كان واضح على مشاري ماله نفس و ضايقه فيه بعد اللي صار ...

هتان : بشششر وش لقيت بجواله ؟!

مشاري : ما لقيت شي ..

هتان : أمااا عاااد !! .. و كلامك ؟!

مشاري : كناا شااكين ياخي و ما لقيت شي ...

هتان : طيب وينه الجوال .. ازعجني عليه فيصل يبيه ..

مشاري طلعه من مخباه : هااك خذه ..

هتان : لازم ارجعه له .. بس مو قبل ما افتشه ..

مشاري : فتش لين تشبع .. منت بلاقي شي ..

هتان ترك الجوال : خلاااص ماله داعي دام ما فيه شي .. و قولي وش فيك متضايق !؟

مشاري تنهد : ماا في شي .. بس ابي ارجع البيت .. و احتمال بكره ما اداوم ..

هتان : أمااا انت تغيب ؟!

مشاري : أي وش فيه !؟

هتان : مو عوايدك ..

مشاري : احس اني تعبان .. مالي خلق ..

هتان : سلااامتك يا ابو .. والله ما ودي تغيب ..

مشاري : شوف اذا قعدت الصبح مافيني شي بداوم ..

هتان : اوووك .. يالله انا بنزل سيارتي و بمر فيصل اعطيه الجوال بقول له اني لقيته بالسياره ..

مشاري : و انا برجع البيت ..

هتان : طيب .. يالله مع السلامه ..

مشاري : في امان الله ..

بالنسبه لفيصل راح للمسجد صلى المغرب ثم رجع قعد تحت في المقهى ... ما يدري اش يسوي او كيف يتصرف مع حنان عارف نفسه انه غلط .. مو عارف كيف يصلح الغلط .. و لازال بعد يعتبر حنان غلطانه .. كان يفكر .. جد صارت تكرهه !؟ .......

وصل هتان .. لمحه في المقهى راح له على طول ....

هتان : مساك الله بالخير ...

فيصل ناظره ثم صد بضيق ....

هتان سحب الكرسي و قعد : اش فيه الحلو زعلان ؟!

فيصل : انت وش جابك ؟ مو وقتك ابدااااا ..

هتان : جبت جوالك .. ابششرك لقيته بالسياره ...

فيصل : هااته و فااارق ..

هتان : ايييييييه ايييه مو بإيدينا اذا الحب تغلئ علينا ...

فيصل بعصبيه : و ربك ان ما انقلعت عن وجهي لا اطلع كل ضيقي و قهري و زعلي فيك ...

هتان : و انا فدااااك .. اهم شي ترتااح .. طلع ي عمي طلع ...

فيصل تنهد بقووووه : انت مو عطيتني الجوال يااخي روووح ..

هتان : وشلون اروح و انت متضايق .. وش فيكم انتوا اليوم كل واحد صاكه فيه الدنياا ..!

فيصل : ترى والله مالي مزاج اخذ و اعطي معك .. اتركني في حالي ...

هتان : خلاص بسكت لكن بقعد معك لين تروق ..

فيصل طفش منه و تركه .. اهم شي لا يكلمه ماله خلق .. و لا له خلق يجادله ... واضح ان هتان نشبه ماهو بتاركه هه ......

و ظلواا على حالهم تقريبا نص ساعه .. ما غير هتان قاعد مقابله ساعات يناظره و اذا طفش ناظر جواله و سولف في البي بي ...

فيصل : انت ما مليت و انت قاعد مقابلي ؟!

هتان : آآآآفاا بس انا أمل منك ؟! ابيهاا من الله اقعد معك تقولي امل !

فيصل : الشرهه على اللي يسألك ...

هتان : ليه وش انا قايل !؟

فيصل : انا برجع الشقه .. و انت يالله روح بيتكم .. حتى القعده لحالي ما تركتني .. ارحمني !

هتان : ههههههه طيب ..

تركه فيصل و راااح ...

هتان : ههههههههههااي مع السلاامه يا الحؤؤب ...

لما رجع للشقه لقى ان حنان على نفس وضعهاا لسا قافله على نفسهاا الباب .. تضااايق كثير من الوضع .. واضح ان هوشتهم هالمره بتطول و ماهي معديه على خير .....

بهاليوم محد منهم حتى تعشى او اكل شي خفيف .. و لا كان لأحد نفس انه ياكل ..

بعد صلاة العشاء رجع فيصل من المسجد على امل تكون فتحت باب الغرفه .. انو خلاص صار وقت النوم و زي ماهي غرفتها برضو هي غرفة فيصل ... لكنه لقى الباب مقفل و خاب رجاااه ...

راح يجرب مره ثانيه يدق الباب .......

فيصل : يااا بنت النااس ابي انام ورانا دوام بكره افتحي ...

حنان : ...........لارد

فيصل : و بعديييين معك تررراك زودتيهاا ..

حنان : قلت ماااااا ابي اشووووف وجهك .. ناااااام في أي مكان مو شغلي .. و بكره ماني مداومه .. داوم بلحالك فهمت !

فيصل : كووويس انك رديتي علي عشان ما احس اني اكلم جدار .. طيب افتحي الباب نتفاهم ..

حنان : افتح الباب هااا ! .. عشان تضربني .. والله ما افتح ..

فيصل : و رب الكون ما امد يدي عليك ..نبي نتكلم بس ابيك تفهميني باللي حصل ..

حنان : ماني مفهمتك أي شي .. انت لو صدق كنت تبي تفهم كان ما ضربتني كان استنيت الى ان اشرح لك كل شي .. لكن هذا انت على مين بتطلع اكيد على ابوك ...

فيصل عصب و صرخ : حنوووووووو لاااا تقولين كذا اناااا ماني زيه ..

حنان : لااا تكلمني خلاااااص انت ما تثق فيني .. اتركني في حالي اللي فيني مكفيني ..

فيصل تسند ع الباب : تكفيييييين سااامحيني .. انا من لي غيرك .. حنووو الله يخليك .. خلااااص سوي اللي بتسوينه بس لا تقولين انك ما عاد تبين تشوفيني .. لا تقولين انك تكرهيني ! .. حنووووو !

حنان تبكي بصمت : ....................لارد

فيصل : حنووو و رب البيت و اللي خلقني .. حسيت بغيره عليك .. حسي فيني ارجوووووك .. لعب براسي الشيطان و لا انا اثق فيك ..

حنان : ................. لارد

فيصل : اسمعي .. إلا انتي ما ابيك تتخلين عني .. فهمتي ؟! .. اذا انتي تخليتي ما ادري اش بيصير فيني .. تعرفي يعني ايش انتي قطعه من روحي انتي اغلى قطعه بروحي .. والله ثم والله اني احبك ..

حنان بعد كل كلمه يقولهاا تزيد شهقاتها : ................. لارد

فيصل : لا تلومي عاشقك لا صار مجنون ..

عاشق يحبك و غيرك ما يشوف ..

السموحه ثم السموحه ياا حنّون ..

قولي سامحتك وارحمي الملهوف ..

حنان : انكسر خاطري منك و القلب عاف ..

قولي وش حيلتي اذا قلبي ما يبيك ..

كفايه شفت منك شي-ن- ما ينشاف ..

اعترف لك ماني لك و لاني بجيك ..

فيصل : هذا ردك على عاشقك المجنون ..!

هيييه قلبي محال والله لك يعوف ..

اسف ياا بعدهم خيبت الظنون ..

اسف غلطت اجبرتني الظروف ..

حنان سكتت .. للحظه وهو يقول الكلام كسر خاطرهااا ........

و مع ذلك سحبت عليه و ما فتحت له الباب .. و خلته ينام في الصاله ..

و في صباااح اليوم التالي .. صحاا فيصل .. و على طول للغرفه .. دق الباب ..

فيصل : حنااان انا ابي ملابس عشاان بداوم .. مو معقول من امس ما بدلت ..!

ما جاه رد ....

فيصل ~ يمكن تكون لسا نايمه .. خل اروح اتوضأ و اصلي الفجر بالمسجد .. بعدين يصير خير ....

و فعلااااً راح للمسجد و رجع ...

على طول راح للغرفه برضو مقفله ... رجع الصاله و هو محبط ..

انتبه على ملابس ع الكنبه ... راح اخذهاا ...

فيصل ~ زين منك طلعتي لي ملابس .. اووووف الى متى بيصير هذا وضعنااا ؟؟؟! ... الغريب انهاا ما رح تداااوم !

في المدرسه .. نوااف وصل من بدري ...تمنى لو انه يشوف مشاري قبل لا يجون الشله .. لكن ما لقااه .. بس لقى هتاان ... هتان اللي كان ينتظر جيت فيصل في صفه .. كان يبي يشوف اذا لسا فيصل متضايق من امس او لا !

نواف ينادي : انت ....

هتان ناظره : تكلمني ؟!

نواف : أي انت .. في احد بالصف غيرك !؟

هتان قام كفكف اكمامه : اول شي ما اسمي انت .. انا الزعيم و تناديني الزعيم فهمت ياا رووح امك !؟

نواف : اقووول الخلااا بس لا يكثر .. وين خويك الحيوان مشاري ؟

هتان : و تبيني ارد عليك بعد ! ماني بمعلمك وش بتسوي !؟

نواف : بتتمردغ ..

هتان : والله !؟ كوووم هييير حيوااان ...

دخل رااجح .. توه وصل للصف ....

نواف : ايوااا وش كنت تقول ياا روح امك !؟

هتان ناظر راجح .. ثم سحب عليهم و طلع من الصف ...

راجح باستغراب : وش فيكم !؟

نواف : ابد .. كنت اسأله عن شي و ما عطاني وجه ..

راجح : أي هذا اسلوبه ما يعطي احد وجه ابد ..

نواف : إلا بسألك مشاري متى يجي بالعاده ...؟ >> نواف كان يجي للمدرسه الساعه 7 بالضبط قبل تبدا الحصه بدقايق يعني يجي و الطلاب كلهم موجودين .. فـ ما يدري مشاري الساعه كم يوصل للمدرسه ...

راجح : ما يتأخر كثير .. تقريبا 7 إلا ربع ...

نواف : اهااا ..

راجح : ليش تسأل عنه ؟!

نواف : يعني .. بغيته بشي ..

راجح : اذا تبي أي فزعاات انا موجود ..

نواف يده ع كتفه : تسلم لي والله انت قدهاا و قدوود ..

راجح : يسسسلمك ..

بعده بدقايق وصل عمار و معه فيصل تقابلوا عند البوابه ... فيصل حاول يبين لعمار انه طبيعي و ما فيه شي و في الحقيقه كان مليااان ضيقه ...

و وصل عبدالرحمن بعدهم بشوي .......

عبدالرحمن : ياا شباااب وين وليد(حنان) ؟

فيصل : ماا بيجي اليوم ...

عبدالرحمن : ليه ؟ عسى ما شر ...

فيصل يتأفأف ما وده يرد ...

عمار : يقول انه تعبان شوي اليوم ... >> لانهم تقابلوا عند البوابه اكيد عمار سأل عن حمد و فيصل قال له ..

عبدالرحمن : فدييييته اناا مااا يشوف شر ..

عمار : اقووول من هنااااك بس ...

عبدالرحمن : وش فيك فااصل علي انت ؟

عمار : ما اتنازل اكلم خكر .. وخر يالله ...

فيصل اخيرااا ابتسم : ههههه .....

عمار لف عليه : وش يضحكك انت ؟

فيصل : ياااخي انت الوحيد اللي تبرد قلبي ...

عمار : هههههههههههه ايييه فهمت عليك ..

عبدالرحمن : ؟؟؟؟؟؟؟؟؟؟!!!!!!!

نواف ~ واضح فيصل متضااايق .. خاايف على حنان لا يكون درى عن موضوعهاا .. لازم اكلمهاا بعدين و اشوف اش صار بينهم ! طبعا هذا اذا ردت علي اصلااا ...

و بعدهاا دخل الاستاذ و بدأ الدرس ... و في الدرس الكل مسرح كلن على همه سرى .. في نص الحصه جاا مشاري .. هزأه الاستاذ على التخير لكن و لا كنه يسمعه .. دخل و قعد بمكانه .. نواف من شافه بدأ شعور الغضب يسيطر عليه ... و اول ما انتهت الحصه الاولى و طلع المدرس كان نواف بيروح لمشاري ..لكن مسك نفسه لانه ما يبي احد يدري عن الموضوع ... فضّل ينتظر الى الفسحه و ياخذ مشاري على جنب ...

نرجع الشقه .. بعد ما راح فيصل للمدرسه .. اخيرا طلعت حنان من الغرفه .. راحت المطبخ تسوي لهاا فطور ...

حنان ~ اووووووف منه .. ماا يتووب عن حركاته .. بس يعصب ماا يشوف شي .. و في الاخير يعتذر .. طيب ليه تضربني من اول ... صااير يعصب علي كثير .. المشكله ما يدري انه يهمني .. لكن لأ خلاااص ما عاد يهمني ...

قعدت ع الطاوله تفطر .....

حنان ~ صحيح وش مقعدني هنا .. لااا وليد موجود و لااا انا طايقه اشوف فيصل .. خلاااص بروح بيت امي .. ان شاء الله ما يزعل علي وليد لاني غبت .. خل اروح اجهز نفسي ... و لازم اروح مشي بعد .. ما ابي السواق يكشفني .. المشكله اخاف اروح لحالي لكن ما قدامي حل ... لحظه ! لازم اكتب لفيصل اني رحت لامي عشان ما يروح فكره بعيد مره ثانيه ...

جابت ورقه و كتبت عليهاا انهاا في بيت امهاا .. جهزت نفسهاا بسرعه لبست بنطلون جينز وسيع و تي شيرت ولادي و حطت عباتها بكيسه و اخذت جوالهاا و مشيت ...

و هي بالطريق شيكت ع الجوال اللي ما فتحته من لما رجعت البيت امس .. لقت مكااالمات ياا كثرهاا من وليد .. خافت في البدايه يكون عرف شي .. نوت تدق عليه لكن ترددت ... اخيرااااا دقت .. لكن ما رد ..

ما راعت فرق التوقيت بين لندن و السعوديه بذاك الوقت كان الساعه 4 الفجر في لندن ...

و وصلت بيت امهاا .. و امها كانت نايمه .. حنان تسحبت على داخل بهدوء و راحت غرفتهاا و حطت راسها ع طول و نااامت نووووومه ما بعدهاا نومه .. بالشقه من الخوف و الرعب و الكوابيس ما قدرت تنام بالليل .....

بااااااااك المدرسه ... و صار وقت الفسحه .. اول ما رن الجرس ...

نواف : مشااااري ...

مشاري باستغراب : خييييير ..؟!

نواف : ابي اكلمك شوي .. و لحالنا ..

مشاري : ما بيني و بينك شي .. ليه اكلمك !؟

نواف : تعال و انت تعرف ...

مشاري : استنى هتان انا مو بفاضي لك ..

نواف من بين اسنانه : إلاااا اخبار يزيد !؟

مشاري استغرب كيف يعرفه : مين يزيد ما اعرف واحد بذا الاسم ..

نواف : امش برى خلنا نتفاهم ..

مشاري ~ شكله ذا عاارف شي .. و بدت المشاكل من تحت راس يزيد الله لا يوووفقه بيوديني في داهيه ...

شلة نواف كلهم مستغربين اش بينه و بين مشاري ؟؟! ..المهم و هم طالعين صادفوا هتان داخل للصف ..

هتان : على وين ؟

مشاري : دقايق بس اشوف ذا وش يبي..

هتان : هو من اليومم قاعد يسأل عنك و انا ما عطيته وجه .. انت بعد لا تعطيه وجه ..

نواف : فيه واحد كان بيتمردغ اليوم و شكله ناويهاا على نفسه مره ...

هتان : فيك خير ياالله ...

مشاري : يااا عيااال اركدوااا ..

نواف : انا استنااك بالحوش الخارجي .. ياااليت تعجل قبل تنتهي الفسحه ..

تركهم و راااح ......

هتان : يااا ولد لااا تروح تراا شكله ذا نااوي عليك ..

مشاري : يااا رجاال وش بيسوي يعني !

هتان : اقولك اش رايك اجمع الشله و نلحقكم ..؟

مشاري : لااا ماله داعي .. هو لحاله ما يقدر يسوي شي ...

هتان : طيب على راحتك .. ان صار لك شي لااا تجي تشتكي عندي ..

مشاري : هههههه مو بصاير ...

هتان : يالله بروح اشوف الحووووووب ..

مشاري ~ ما لازم هتان يدري عن سالفة يزيد و انه مطلوب .. والله مصيبه .. خوفي لو كان يزيد مراقب بنصير حنا شبهه بعد .. اللحين خل اشوف ذا الزفت نواف وش يبي ....

طلع للحوش مكان ما كان نواف يستناه .. اول ما وصل طاح عليه نواف ضرب .. و مشاري يقاوم ....

مشاري : يااا حماااااار .. خيييييييير ؟!

نواف رد عليه ببوقس .. : يااا واااطي ياا كلب كيف تعتدي على حـ ( كان بيقول حمد نسى انها داخله باسم وليد ) .. ولييييييد هااا كيف تعتدي عليه ..

مشاري دفه : و انت اش دخلك .. بعدين خويكم ذا اللي ضاحكين علينا فيه ترااه بنت .. كيف دخلتوه للمدرسه ما ادري ..

نواف مسكه مع يااقته ..: تبي تشوف هويته عشان تتأكد ياا حمار .. صدق حماار كيف بنت ؟ .. تستهبل على مخي انت !

مشاري ابعد ايدينه : انا متأكد من اللي اقوله ..

نواف : شوف وليد(حنان) مالك دخل فيه .. و إلا بوديك السجن مع خويك الحقير يزيد ..

مشاري خاف : السجن !؟

نواف : اييييه السجن .. ادري انه مطلوب .. و ماهي صعبه تصير انت مطلوب زيه بعد كل شي انت صديقه و تستاهل السجن ..

مشاري : مااني صديقه ...و انت وش دراك عنه ؟

نواف : مو شغلك ..خويك انتهى الشرطه اللحين وراه .. و ابشرك يمكن صار بالسجن بعد و الظاهر انت بتلحقه ...

مشاري : انا ما سويت شي ..

نواف : شوف المره هذي تحذير المره الجايه صدق بتكون بالسجن و احلف لك ما عاد تطلع منه .. خلك في حالك و لا تقرب وليد(حنان ) اساسا انا بكلم المدير يفصلك من المدرسه ذي و شوف لك مكان ثاني ..

مشاري رفع حاجب : من انت عشان يسمع المدير كلامك ..

نواف : اذا انطردت بتعرف من انا ..

و تركه ورااااح ........

مشاري ~ معقووول الحيوان ذا يسويها و يطردني .. انعن ابو شكله عيال النعمه ... يسوي اللي بيسويه مفكر اني خفت منه ... ياكل تبن بس !

نواف ~ اوريك اللحين انا رايح للمدير اكلمه مالك مكان هناا .. هذا وجهي اذا خليتك يوم واحد بهالمدرسه ...لولا المعلومات اللي عطاني اياها وليد عن خوي مشاري يزيد ما كنت رح اقدر اهدده والله انك كفووو ياا وليد ...

في الصف ... هتان قعد مع ولد عمه نايف ...

نايف : غرييييب وينه وليد(حنان) ..

هتان : مدري عنه و لا ابي ادري ..

نايف : وش فيك يا الدرج .. ترى هو شخص مهم عشان ارجعك خوي فيصل ..

هتان : انا زهقت منك ما عندك الا الكلام ...

نايف : آآآآآفاا بس يا ولد العم .. انت ما جربتني ..

هتان : هذاني انتظر و ما شفت شي ..

نايف : طيب ما امداني اكلم وليد(حنان) انت شفته انحاش مني ..

هتان : يااخي اسكت مالي خلقك ...

نايف : لييييه ؟ ( يناظر وين ما هتان يناظر ) ...اوووه عينك على فيصل اشوف ! ..

هتان : و طييييييب ؟!

نايف : اقووول بس .. عشان كذا تسكتني !

هتان : انت منت شايف كيف انه متضايق ؟

نايف : والله انا شايفه يسولف مع اخوياه و مبسوط ...

هتان : لالا لا لا .. هذا كله من ورى قلبه و لا هو متضايق من امس ...

نايف : آآآآآخسسس وش دراك ...؟!

هتان : هذا فيصل حافظه حفظ ...

نايف : ههههههههههههههههههه يااا لبيييييه لو عندي احد زيك حافظني ..ابفهم ليه هالفيصل سااااحب عليك ؟!

هتان : مو بلازم تفهم .. اللحين ودي اروح اسأله .. لكن .. متأكد ماهو بمعطيني وجه ..

نايف : ايييييييه ما اقول الا الله لا يبلانا ...

هتان عصب : وش قصدك يعني ؟؟؟؟!

نايف : ابد ابد ما قصدت شي .. لا تعصب علينا ههههههه ..

و رجع مشاري للصف و كان مره متضايق من اللي صار .. و واضح من ملابسه انه متهاوش ... سألوه اش فيه و اش صار .. ما رضى يعلمهم فـ ما أصروا عليه .....

اذن الظهر .. و حنان صحت على صوت الاذان .....

حنان تتمغط ~ يااا الله يا اني نمت نوووومه ..آه يمكن اشتقت لسريري ...

قامت من سريرهاا .. سمعت امهاا تكلم تلفون ............

ام حنان : و اخبار سعد و سعود ؟ ........................... والله الكل بخير ............................ انتي متى ناويه تزوريني ؟ و لا خلاص رجعتي لابو العيال و نسيتينا هههههههه ...........................ياا بعد عمري والله عارفه انك مجبوره ........................... لا لا .. لا تشغلي بالك امس و عيالنا كانوا عندي ......................... لااا خليهم في شقتهم مااهي حلوه يجون و يقعدون معي و بعدين انا ما رح يصير لي شي ..................

حنان كانت تسمع كل شي ~ ياا حبيبتي ياا مااامااا ...

ام حنان : ما عليك هاانت يا ام فيصل كلهاا شهرين و يرجع ابو حنان و ما بكون لحالي ......................

هنا حنان صنمت ... ما استوعبت الكلام .. و لا صدقت .. قالت اكيد انها سمعت غلط ... و راحت للباب تسمع زياده .......

ام حنان : لااا والله باقي ما قلت لحنان عن ابوهاا ...................

و تأكد الموضوع .. هي ما سمعت غلط امهاا تتكلم عن ابوهااا !!!!

حنان ~ اش الكلام اللي تقوله امي !؟ .. اش قصدهاا بأبوي ؟! .. مو ابوي مات في الغربه و انا صغيره ؟! .. وشلون اللحين تقول ان ابوي بيرجع بعد شهرين !؟ .. ء ء ء ء انا ما عدت افهم شي ....

اندق جوال حناااان قطع عليهاا تفكيرهااا ..... و بنفس الوقت افجع ام حنان اللي اصلا ما انتبهت على جية حنان و لا درت انها بالغرفه .....

ام حنان يدها ع قلبها : بسم الله مييييييييين هنااا ؟

ام فيصل : وش فيك ياا ناديه ؟ تكلمي مين ؟

ام حنان : دقيقه ياا مها بسكر بعدين ارجع ..

ام فيصل : طيب استنى اتصالك ..

حنان ~ امي ما تدري اني هناا .. ما ابيهاا تدري اني دريت عن ابوي ..

راااحت ركض لسريرهاا و انسدحت و تلحفت و سوت نفسهاا نايمه .... فتحت ام حنان الباب .. استغربت لماا شافتهاا ....

ام حنان : حنووووووو ! ..