شبكة همس الشوق - عرض مشاركة واحدة

15 - 8 - 2015, 10:06 PM

قربت منهاا و صارت تصحيهاا .....

ام حنان : حنووووو ! قووومي ..

حنان تمثل انها توهاا صاحيه : هلااا يمه ..

ام حنان : هلااا حبيبتي متى جيتي ؟!

حنان : الصباح جيت ..

ام حنان : ليه ياا يمه ..؟ لااا تكوني متهاوشه مع فيصل ؟

قد ما تقدر حاولت تخبي شعورهاا لما عرفت عن ابوهاا و قد ما تقدر حاولت ما تبين شي لأمهاا .. ما تدري ليه بس كذا فكرت ...

حنان : لااا ما تهاوشنااا .. بس ما حبيت اخليك لحالك .. غبت عن المدرسه و قلت اجي انام هنا ... لان فيصل وصلني و داوم ما حبيت اقعد لحالي بالشقه ....

ام حنان قعد على سريرها : يااا بنتي ياا حبيبتي انا قلت لك مافي مشكله اني اقعد لحالي .. انتي لا تسحبين على المدرسه عشاني ..

حنان : لاا ياا يمه ما سحبت بس اليوم ...

ام حنان : طيب بسامحك دام كذا .. يالله حبيبتي روحي توضي عشان صلاة الظهر .. و انا بروح اجهز للغدا ...

حنان : ان شاء الله .. بصلي و اجي اساعدك ..

ام حنان : على خير ان شاء الله ...

طلعت ام حنان من الغرفه .. ظلت حنان تفكر بالكلاااام اللي سمعته ........

حنان ~ ليييش انا سويت كذا ؟ ليش ما سألتها ؟! .. لا لا لا مو معقول يعني امي كذبت علي طول الفتره اللي راحت !؟ .. طيييب ليييييه ؟! .. يعني ابوي عايش و انا ما ادري .. و امي .. امي متى ناويه تقول لي .. ليشش خبت عني اصلاااا ؟!... ما رح اسألها عن شي هذي امي .. ان كان في شي اكيد بتقوله لي ....

في المدرسه .. الحصه الاخيره .... كان عندهم مادة حاسب ...

الاستاذ : يااا طلااااب .. الترم هذا شدوا حيلكم الماده يبي لها شغل .. مفهووووم ؟

الطلاب : ان شااء الله استاااذ ...

الاستاذ : بنبدأ بشي خفيف اليوم بما انه اول يوم لنا في هذا الترم .. يا الله بسم الله .......

اندق باب الفصل كان المدير و معه الوكيل .....

الاستاذ : تفضل !

المدير : السلام عليكم ...

نواف ناظر المدير و ابتسم .....

الاستاذ : عليكم السلام ..

الوكيل : وين الطالب اللي اسمه مشاري محمد الـ .........؟

مشاري لف على نواف اللي كان مبتسم .. و رجع ناظر المدير و لا تكلم او رفع يده ...

الوكيل : اكلمكم انااا وينه مشاري ؟!

الاستاذ : هذا هو ياا استاذ ابراهيم شوفه هناك .. ( يأشر عليه )

الوكيل يهزأه : انت ما تسمعنا ننادي اسمك .. ؟ ورى ما رفعت يدك !

مشاري : يدي تألمني ما فيني ارفعهاا ...>> سخريه طبعا ..

الوكيل صرخ : جعل يدك الكسر قم يا الله ...

المدير : ياا استاذ ابراهيم مو كذا هدي شوي ...

الوكيل : معليش اسف .. انفعلت ..

المدير : ع العموم .. انت يا طالب تم نقلك لمدرسه ثانيه .. من بكره تداوم فيهاا بعد الحصه ابيك تمرني المكتب و اعلمك بالتفاصيل ...

مشاري وقف و صرخ : هيييييييييييه مو بـ على كيفكم .. كم دفع لك نواف الكلب عشان تنقلني !؟

المدير : احترم نفسك يااا طااالب ...

مشاري : والله ما تنقلوني ...

عبدالرحمن بهمس : وش دخلك انت بالموضوع ؟

نواف : و لا شي بس الظاهر ان مشاري خرف ..

عبدالرحمن : ؟؟؟؟؟؟؟؟؟؟؟؟؟!!!

عمار بهمس : وش السالفه ؟!

فيصل : ما ادري و لا يهمني ...

الاستاذ : اهدا ياا مشاري .. بعد الحصه روح غرفة المدير و تفاهموا ..

الوكيل : اسفين يا استاذ علي ضيعنا عليك الحصه ..

الاستاذ : لا و لا يهمك ..

المدير : نستأذنكم اللحين ...

الوكيل نظره اخيره على مشاري قبل يطلع : و انت بعد الحصه تعااال المكتب ...

بس طلعوا المدير و الوكيل .. على طول مشاري راح لـ نواف و مسكه مع يااقته ....

مشاري : يااا حيوووووان تتحداني انت !

عبدالرحمن يحاول يفرقهم ...و جا راجح و فزع .. دفواا مشاري بعيييد ...

الاستاذ عصب و صرخ : وش هذاااااا اللي قاعد يصير انت و اياه !؟ مااا فيه احترام للاستاذ اللي قدامكم ...

مشاري : اقووول سرهاا انت لا افصل عليك ...

الاستاذ : ما شاء الله عليك ياا مشاري لانك بتنقل بتخربهاا !

مشاري : والله ما اطلع من ذي المدرسه .. انا اوريك ياا كلب ياا نواف .. حيلكم على الناس الضعوف ...

نواف : شوف من يتكلم .. انت من الضعوف ! انت داهيه ...

مشاري : والله ما اطلع من هنا و نشوف يا انا يا انت ..

نواف : اييييه كاانك تقدر ...

هدوا شوي ... بعدين كملوا الدرس بشكل عادي .......

عبدالرحمن يهمس له : هيييه انت صدق ورى نقل مشاري ؟!

نواف : اييه صدق .. خله ينققلع .. يقعد يتحرش بحمد ليه !

عبدالرحمن : أمااا يتحرش فيه و حنا موجودين ...

نواف : المهم ان حمد اشتكى منه ..

عبدالرحمن : دام كذا خله يستاااهل ينقلع من المدرسه .. إلاااا حمد خط احمر ..

نواف : ......................

بعد الحصه راح مشاري لغرفة المدير .. حاول فيهم ما رضوا خلااص تم نقله .. و طبعا نقلوه لنفس المدرسه اللي فيهاا عساف و نادر ...

هتان و نايف كانوا رايحيين لصف فيصل عشان ياخذوا مشاري معهم بالمره و يطلعون ع البيت .. عيال الصف حكوا لهم عن سالفة نقل مشاري .. و انه اللحين عند المدير .. فراح هتان و نايف قدام غرفة المدير ينتظرونه يطلع .....

هتان : هااا مشاااري وش صار ؟

نايف : صدق كلااام العيال ؟! يقولون ان الادارة نقلوك !؟

مشاري بضيقه : اييييه صدددق .. الله لا يوفقه ذا النواف ..

هتان : وش دخل نواف ؟

مشاري : تهاوشت معه اليوم بالفسحه .. و توعد فيني انه يكلم الدير و يخليه يطردني من المدرسه ...

نايف : الله ! و سواااهااا النذل ... شكل واسطته قووويه ..

مشاري : وش اسوي اللحين ؟

هتان : انعن اووم القهر .. ما شاافوا الا انت ينقلونك ..

نايف : أي مدرسه بتروح طيب ؟

مشاري : اللي فيهاا عساف و نادر ..

هتان بزعل : ياااخي ليييييش كذا يفرقووونا ..

مشاري ذراعه على رقبته : و لاااا يهمك ان فرقوناا بالمدرسه ما يقدرون يفرقونا برى المدرسه .. و انا ماني بساكت لهم .. بخلي الوالد يجي يترجاهم شوي يمكن يأثر فيهم ..

هتان : أي والله جيبه .. ما ودي انك تنقل ..

مشاري : ابشر .. أماا نواف هذا شغله معي بعدين ..

هتان : اقولك نجمع الشله بكره و نفقع وجهه بعد الدوام .. وش رايك ؟

مشاري : اوووكييي هذا اللي بيصير ...

فيصل و عمار و معهم راجح كانوا طالعين مع بعض .....

راجح : يالله ياا عياال انا رايح مره مستعجل عندي تمرين ..

عمار : طيب الله يوفقك ..

راجح : وياك يا الغالي ..

بعد ماا راااح .....

عمار : اييييه و انت ؟!

فيصل : وش فيني ؟

عمار : متأكد مليوووون بالميه انك متهاوش مع ولد خالتك ..

فيصل : وش دراك !؟

عمار : ههههههه واضح .. يا كثر ما تهاوشتوا حفظتك خلاااص .. المره هذي وش سالفة هواشكم ..؟

فيصل : المره هذي اذا كلمني مره ثانيه بحياته كوييييس ..

عمار : الله و اكبر ! لذي الدرجه ؟ وش سويت له ؟

فيصل : تخيييل ! ضربته ..

عمار : اووووووووف .. وصلت للضرب ؟! اكيد الموضوع خطير .. او هو مسوي شي قوي ..

فيصل : تقدر تقول ...

عمار : طيب قول لي السالفه عشان اساعدك ..

فيصل : تكفى والله مالي مزاج ارجع اقول وش صار .. اناا خلاااص .....

عمار : خلااااص ايش ؟!

فيصل : معليك انت .. كلهاا يومين و بنتصالح .. ( ان شاء الله يكون كذا الوضع و نتصالح ) ....

عمار : طيب اش رايك تجي تتغدا عندي ؟

فيصل : لا لا ما تحس اني زودتهاا .. كل ما صار شي جيت بيتكم ..

عمار عطاه كف حلاقه هههه : غصباا عنك بتجي ... ياالله قدااامي ..

فيصل : هههههه والله ودي اجي خلهاا مره ثانيه .. حمد بالبيت لحاله .. بشوف يمكن رضى علينا ..

عمار : هههههههههههه اووه اذا كذا طيييب مسموووح ..

فيصل : مشكووور ياا اخوي ..

عمار : .....................

و وصل فيصل للشقه .. على طول ركض راح غرفتهاا .. لقااها مفتوحه استانس مره .. دخل ما شاف احد .....

فيصل ~ ويـ وينهاااا !؟

فتش الغرفه شبر شبر .. و ناداهاا محد رد ....

فيصل ~ بعد ؟؟؟! بتسويها فيني زي امس يعني و لا ايش ؟

طلع للصاله قعد ع الكنبه باسترخاء و تعب في نفس الوقت .. طاح نظره ع الورقه اللي ع الطاوله قدامه .. اخذهاا بسرعه و قراهاا ...

حنان : " انا في بيت امي .. "

فيصل ~ هههههههههههههههههه راحت بيت امهاا .. ههههههههههههههه انا ليش اضحك .. هههههههههههههه ما ادري كيف لكن ... هههههههه حسيت كأنها صدق زوجتي و زعلانه مني و راحت عند امهاا .. ياااااااه احس انه شعور حلو ... هههههههه صدق انا ما عندي سالفه ...

اندق بااب الشقه ......

فيصل ~ لا تكووون هي رجعت ! .. لا لا مستحيل .. من بيكون اجل ؟! خل اشوف .. عساه خير ....

فتح الباب .. كان حسام ( الشخص اللي يشتغل مع ابوه و كان دائما يراقب فيصل ) .......

فيصل باستغراب : انت ؟؟؟؟؟!

حسام : ايييه انا .. جاي بأمر من طويل العمر .. و ابيك في موضوع ..

فيصل : خيييييييييير !

حسام : بنتكلم ع الباب ؟؟؟!

فيصل : حيااك تفضل .. و يا ليت تعجل ...

دخلواا للصاله و قعدوا و بدأ يتكلم .....

حسام : ابوك الله يطول في عمره طلب مني استأجر الشقه اللي جنب هذي بالضبط .. اتوقع انك تعرف بالموضوع ..

فيصل : اييييه هو قال بيستأجر لي شقه .. عشان ما اتواصل مع نواف و اهله ابد .. صح ؟

حسام : بالضبط .. و موضوعك تم .. و استأجرنا لك الشقه و انتهى الموضوع .. و هذا مفتاح الشقه ...

فيصل ابتسم : حلووووو .. بقعد بالشقه مع صديقي حمد .. اتوقع حمد عادي ما به شي ...

حسام : هممم بالنسبه لحمد هذا احنا بحثنا عنه .. ما لقينا عنه أي معلومات .. ما اظن ان ابوك بيعترض عليه ..

فيصل : أي أي ما رح يعترض .. انا من اللحين بضب اغراضي و اغراضه و ننتقل للشقه الجديده ...

حسام : اذا تحتاج مساعده في النقل انا موجود ..

فيصل : أي والله يا ليت جيب لي ناس يساعدوني ..

حسام : ابشر طال عمرك ...

فيصل ~ حلو والله حلو وجت الشقه بوقتهااا .. بس تجهز بروح بالليل و اجيب حنان .. و عساااااهااا ياا رب تساااامحني ...

و بدأ فيصل يجمع الاغراض و يجهز للانتقال للشقه الجديده ..

في بيت ام حنان ..... جهزوا الغدا و قعدوا ع السفره .....

ام حنان : يعني فيصل ماهو بجاي ابد ؟

حنان : مدري ما سألته ...

ام حنان : ياا بنتي ماني مرتاحه .. فيه شي صاير بينكم لا تكذبين ..

حنان : صدقيييييني ماا في شي .. انتي بس قلقانه ع الفاضي ..

ام حنان : طيب ناظريني و انتي تتكلمين ..

حنان : يمممممه !

ام حنان : طيب ياا حنوو اذا امك و هي امك ما تعلمينها بتعلمين مين .. ما لازم تخبين عن امك ...

حنان انفعلت : و انتي بعد ياا يمه ما لازم تخبين على بنتك ...

ام حنان استغربت : أخببببي اييييش !؟

حنان تصرف : و لا شي بس قاعد اقول .. لانك انتي قلتي .. و انا قلت زيك ..

ام حنان : ؟؟؟؟؟؟؟؟؟؟؟؟؟؟؟!!!!!!!!

حنان : لااا تشغلي باااالك ياااايمه ! .. خلاااص انا الحمد لله شبعت ..

ام حنان ~ وش فيها البنت ..؟ وش قصدهاا اني اخبي ؟! لا تكون عرفت عن ابوهاا ؟! .. لا لا ما اظن كيف بتعرف ... لا حول و لا قوة الا بالله موقفي ما انحسد عليه ...

راحت غرفتهاا و سكرت الباب وراهااا .. تنهدت بضيييق !

حنان ~ بقعد يعني على اعصابي .. ما يصير كذا .. يا الله ياا ان عندي كبرياء اكرهه .. يعني اذا ما قالت لي امي ما رح اتجرأ اسألهاا !

اندق جوااالهاا ...

حنان ضربت جبهتها : يوووووه صح رن جوالي وقت اذان الظهر و ما شفت مين بعد سالفة ابوي نسيت كل شي .. اكيد هذا هو نفسه ...

مسكت الجوال .. المتصل وليييد ..

حنان ~ من شفت اسمه احس اني ببكي .. وربي اشششششتقت له ..

وليد : الوووووو ...

حنان : هـ هلا ..!

وليد تنهد : اخييييييييييييييييرا سمعت صوتك .. حراااام عليك من امس ادق ما ترد ..

حنان : سـ سوري .. كنت مشغول ..

وليد : انا عرفت كل شي صار معك .. دقيت عليك امس قبل تدخل الشقه المشبوهه عشان اقولك لا تدخل بس انت ما رديت ...

حنان هئئئئئئئئ شلون عرف كل شي : انت وش دراك ؟!

وليد : السواق يعلمني بكل شي .. كل هذا من خوفي عليك .. كلمت نواف و قال انه بيتصرف .. انا اهم شي عندي انك تكون بخير ..

حنان : ما ادري يا وليد .. اخاف اني قتلت !

وليد : لا تشغل بالك الولد ما مات .. خليت اشخاص يراقبوا الشقه بعد ما انت طلعت .. كذا و لا كذا كانوا رح يساعدونك بعد.. بس شكلهم تأخروا شوي و انت دافعت عن نفسك بنفسك .. المهم ان الولد ما فيه شي و غير كذا طلع مطلوب للشرطه ... تطمن هو اللحين بالسجن اكيد ..

حنان تنهدت براحه : يعني مافي أي مشاكل !

وليد : لأ ماا فيه مشااكل .. المشكله الوحيده انت .. اذا انت بخير او لا ...

حنان : دام ما في مشاكل انا اللحين صرت بخير .. اناا اسف ياا وليد صدعت راسك من كثر مشاكلي ..

وليد : آآآآآآآآششش ما ابي اسمع ذا الكلام مره ثانيه ... انت اخبارك و اش مسوي ؟

حنان : الحمد لله .. بس في شي ودي اقوله .. يعني انا .. ما داومت اليوم اتمنى تسامحني ...

وليد : احسن انك ما داومت .. لا تآكل هم يوم واحد ما يضر .. خليناا من ذا الكلام .. والله اني اشتقت لك .. احياناا افكر اسحب على الشغل كله و ارجع لك ...

حنان بدا قلبه يدق و توترت : ط طيب ليه يعني ؟

وليد : ههههههه ليه ؟! .. ما ادري ليه بس احب اشوفك .. عزاي الوحيد هنا هي صورك ..

حنان ~ وش اقول له وش ارد عليه .. لا لا انا ارتبكت خلااااص ...

وليد : الوووو .. وينك .. انحرمناا شوفتك .. لا تحرمني صوتك ..

حنان تروح و تجي بالغرفه من التوتر : ء ء ء ما .. ما قصدي .. يعني اقصد وش اقول لك ..

وليد : خلااااص ياا روحي لا تقول شي .. انا اللحين مشغول اكلمك بعدين و رد علي الله يخليك ...

حنان : ان شاء .. ان شاء الله ..

وليد : مع السلامه يا الغلا ..

حنان : مع .. مع السلااامه ..

قفلت منه و انرمت على السرير ......

حنان ~ الله ! وش ذا اللي جااااااااني .. بغيت امووووووووت .. كلاااامه يا ناااس ككلااااامه يخليني اروووووووح فيييهااااا ..

و جا وقت الليل .. بعد صلاة العشاء .. قعدت حنان و امهاا على السفره يتعشون ....

ام حنان : انتي بتداومين بكره ؟

حنان : اييييه ان شاء الله ..

ام حنان : والله غريب فيصل ما جاا ..!

حنان : ما انتهينا من ذا الموضوع ...

ام حنان : خلاااص ياا بنتي كيفك معه .. ما عاد اتدخل ..

حنان ~ بكره لازم اصحا من بدري و ألبس الثوب و احط العبايه و بعدين بالشارع افصخهاا .. المهم امي لا تشوفني ......>> كانت تخطط وشلون تداوم بكره من غير لا تشك امهاا ....

و خلصوا اكل و قعدوا بالصاله ع التلفزيون ... ام حنان لاحظت ان اسلوب حنان متغير شوي معهاا .. ما حاولت تسألهاا ليش ظنت ان في مشاكل بين حنان و فيصل صحيح هذا سبب بس السبب الاهم ان امها خبت عنها قصة ابوهاا ...

في اثناء ما هم منسجمين .. اندق باب البيت .....

ام حنان : بسم الله .. من جاي بهالوقت ...

حنان ~ عندي شك انه فيصل .. ان شاء الله ما يكون هو .. مالي خلق امثل قدام امي ان ما بيننا شي ..

ام حنان : بروح اشوف مين ...

حنان : لا لا خليك انا بروح .. يمكن يكون فيصل ...

ام حنان : اهاا طيب ياا حنو روحي ..

و فتحت الباب فعلاً طلع فيصل .....

حنان : اش جابك ؟!

فيصل : جاي اخذك ...

حنان : ماني براجعه معك .. ما برجع الا اذا رجع وليد من سفرته .. غير كذا ما عندي ..

فيصل من بين اسنانه : حنووو امشي معي و تعوذي من ابليس و لا بدخل اللحين و اقول لامك عن كل شي ..

حنان عصبت : تهددني انت ؟؟؟؟؟!

فيصل : ما تركتي لي حل .. بسرعه ألبسي عباتك و يالله .. لا تخلين امك تشك اكثر من كذا ..

حنان : امي ماهي شاكه اصلا ...

فيصل : هه بتعلميني بخالتي .. !

حنان ~ بياخذني معه ! لاااا و انا ما اقدر ارفض بعد ... لييييييييييييييييه كذااا ما ابغااااااااااااااا ..

دخل فيصل للبيت سلم على ام حنان .. لاحظ ان ام حنان ودهاا تسأله واضحه شاكه ان بينهم شي ....

ام حنان : ايوااا ليه ما جيت من بدري ؟.. لا ع الغدا و لا ع العشا ما جيت ..

فيصل : آ آ كنت مشغول والله .. غيرت شوية اثاث بالبيت ..

ام حنان : غريب حنان ما قالت لي ان عندكم شغل بالبيت !

فيصل : حنان ما تدري بسويها مفاجأه ..

ام حنان ابتسمت : ههه اللحين فهمت .. و انا على بالي طول الوقت انك متهاوشين ..

فيصل : ههههههه لااا يااا خالتي ما في أي هواش ..

ام حنان : زييييين ياا يمه ريحتني .. كان مشغول بالي والله ...

طلعت حنان لابسه عباتهاا و جاهزه .....

حنان : يمه ترى عادي اذا ودك انام عندك .. >> كانت تتمنى تقولها اقعدي و لا تروح مع فيصل ....

ام حنان : لااا ياا حبيبتي رووحي بيت رجلك .. مكان البنت بيت زوجهاا ..

حنان صدت بضيق و قعدت تتمتم بكلام .....

ام حنان : قلتي شي ياا يمه !

حنان : سلااامتك يمه ما قلت شي ...

ام حنان : ....................

بعدين سلمت على امهاا و مشت مع فيصل و بالطريق .........

فيصل : لساا زعلانه مني ؟ .. والله اسف ..

حنان : انا ما قلت لك لااا عاد توريني وجهك ؟! لييه جيت ؟ و اجبرتني اجي معك بعد !

فيصل تنهد بتعب : انتي وين كنتي امس ؟ و ليه شفتك مع نواف ؟

حنان : ما رح اعلمك .. بس بسألك سؤال واحد .. جوالك امس العصر وين كان ؟

فيصل استغرب : جوااالي ؟؟؟!!! .. ( قعد يتذكر ) .. بصرااحه ضااع مني ..

حنان : لااا عاد تسألني أي شي ..

فيصل : لحظه وش دخل جوالي في السالفه ؟

حنان صرخت : جاني مسج من جوالك انك تعبان كثير و ما تدري وين انت و ارسلت لي عنوان .. و لما رحت لقيت اثنين حاولوا يعتدون علي و نواف هو اللي ساعدني .. فهمت اللحين ؟؟؟؟ عرفت انا ليش طلعت من البيت ؟ عرفت عشان مين ؟ .. عرفت ليه كنت مع نواف ؟

فيصل مصدوم : عـ شـ ـأني ! .. ميييييين الكلاب اللي ارسلوا لك مييين ؟

حنان : ما اعرفهم ...

فيصل يهزها مع كتوفهاا : فهميني ميييييييين ؟

حنان : قلت لك ما اعرفهم ..

فيصل هدا شوي : خلاص اذا وصلنا البيت نتكلم ..

حنان : ما عاد فيه كلام .. لا عااد تسألني أي شي ..

فيصل : حنااان لا تحسسيني بالذنب اكثر من ما انا حاس .. يعني بالاخير طلعت غلطتي ..

حنان : بس خلااااص لاااا تتكلم .. اللي انت تبي تعرفه عرفته .. خلاااص انتهينااا ...

فيصل سكت .. حتى يوصلوا للبيت .... و في مكان ما فصخت العباه حتى ترجع بهيأة حمد للشقه .......

و في العماره كانت رح تدخل شقة وليد الى ان ......

فيصل : دقيقه .. احنا غيرنا الشقه ...

حنان : كيييييييييييف؟!

فيصل : هذي اللي هنا هي شقتناا .. ابوي استأجرهاا لي .. بجنب شقة وليد بالضبط .. يا الله تعالي ..

حنان : من جدك انت ؟

فيصل : أي والله ما امزح .. حتى اغراضك كلها صارت هناا ..

حنان : لاااا مستحيييييييل انا بقعد في شقة وليد .. انت بتنتقل كيفك مو شغلي ..

فيصل : حنوو انتي تعرفين ان ابوي في بينه و بين عايلة نواف مشاكل .. يعني لو ما استأجر لي شقه كان رح ياخذني عنده و ما عاد يسمح لي اعيش بشقة وليد .. يعني مو بكيفي .. و انا مستحيل اسمح لك تعيشي مع وليد بشقه لحالكم و انتي زوجتي ..

حنان : ماااااني زوجتك .. و ما رح اعيش معك ...

فيصل انقهر و تضايق .. ما تحمل .. مسك يدها و سحبهاا للشقه غصب .. و دخلهاا داخل و قفل الباب و اخذ المفتاح ....

حنان : سلاااااااااااماااات !

فيصل : انتي بتعيشي هنا ..

حنان : وش فيك علي !؟ مره تضربني مره تهددني مره تغصبني .. وش قصتك معي ؟!

فيصل نزل راسه للارض : مااا تفهميييييين قلت لك اسف .. والله العظيم ما عاد اعيدهاا ان شاء الله تنقطع يدي و لا امدهاا عليك مره ثانيه .. اناا احبك و ما سويت كذا الا من حبي لك .. ماافي بقلبك أي شي أي موقف لو صغير يشفع لي عندك ....؟

حنان ظنشت كلامه : خلني ارجع شقة وليد ...

فيصل يحترق من جواته و هي و لا همها : لاااااااااااااا .. انا بدخل انام .. و انتي اذا سامحتيني قولي لي .. يمكن ساعتهاا افكر نرجع مع بعض لشقة وليد ..

حنان : آآآآآآه منككككك !

فيصل نام بالغرفه و حنان قعدت بالصاله نامت هناك المره هذي هي نامت بالصاله ههه .. و ظلوا على حالهم للصباااح ..

انتــــــــــهى البــــــــارت

توقعاتكم

- اش بيصير على فيصل و حنان ؟