شبكة همس الشوق - عرض مشاركة واحدة

15 - 8 - 2015, 10:16 PM

طبعا عرفهم على هتان و اغلبهم كانوا متفاجئين بس بسرعه تقبلوا هتان .. اكثر شخص كان مبسوط لرجعتهم هي حنان .. شاافت بعيون هتان كيف انه مبسوط و مستعد يسوي أي شي عشان فيصل .. هنا حنان حست انهاا سوت انجاز و اسعدت نفس كانت تشوفهاا دوم حزينه ...

و انتهى حفل التخرج بحلوه و مره على خير .... و فيصل ما ظل زعلان من عمار سامحه باليوم الثاني كان عارف عمار اكيد سوا كذا من خوفه عليه .... و اصلا ما يقدر يزعل من عمار بالذات .......

و مرت الايام و جت الاختبارات النهائيه ... كانت كما الفصل الاول ..لازالت حنان تعاني من مشكلة تغشيش موسى الناشب .. و لا زالت تعطيه اشكل ...

ذاكرت اجتهدت درست .. كله لاسم وليد .. و اختبرت و نجحت اخيرااا ..

و بعد اخر اختبار اتفقت مع فيصل .. بآخر يوم من الاختبارات ينتهي شغلهم مع وليد و بنفس اليوم لازم يرجعون بيتهم ...و هذا اللي صار ... كانت تضب اغراضهاا بالغرفه .. و جاهاا وليد ..

وليد : يعني خلاااص ما عاد نشوفكم ؟

حنان بزعل : بعد هذا كان اتفاقنا ...

وليد : إلااا فيصل وينه ...؟

حنان : ابوه دق عليه و طلب منه يجي .. ما رح يتأخر شوياات و يجي ..

وليد : خلكم الليه بس ..

حنان : ما اقدر فيصل يعصب ...

وليد : اهاا .. تبي مساعده ..؟

حنان : لا لا اصلا خلصت ...

وليد : حلووو .. طيب امش نقعد مع بعض بما انه اخر يوم ..

حنان : اووكيه ..

قعدوا بالصاله .. كل واحد منهم عنده كلام وده يقوله للثاني .. لكن محد عنده الجرأه .....

حنان ~ لازم اعترف له ما عاد في وقت ... لازم اقول له .. تعبت اكتم خلااااص لازم اقول له ...

وليد : ودي اقولك شي ...

حنان ~ شكله هو بيعترف مو انا .. الله يستر وش بيقول ؟ : تفضل ...

وليد : انا احبك ......

حنان مصدووووومه : ايييييييييش ؟!

وليد : احبك ياا حنان ....

حنان انصدمت اكثر : هئئئئئئئئئئئ انت .. انت تعرفني !؟

وليد : ههههههه و اشلون ما اعرفك و انتي تطلعين باسمي ..

حنان : كـ كيف ؟؟!

وليد : صحيح اول ما شفتك بالمقهى ما عرفت انك بنت .. بس لما حبيتي تشتغلي باسمي .. بحثت عنك اكيد و عرفت كل شي عنك و عن فيصل .. مستحيل اخلي احد ياخذ اسمي و انا ما اعرف عنه شي ..

حنان متفاجئه : طوووول الوقت كنت عااارف ؟؟؟!

وليد : طبعاً اكيد ...

حنان : و ليش خليتني اشتغل باسمك و انت عارف اني بنت ؟ ما كنت خايف انكشف ؟ او يصير لاسمك شي لاني بنت ؟

وليد : هههههههه ما كنت اقدر اتراجع ما لقيت احد ياخذ اسمي غيرك .. و بعدين الموضوع كان فله و حسيته بيصير شي يونس .. هذا اللي خلاني اكمل ..

حنان : ء ء .. ء ت تفاجئت ...

وليد : تفاجئتي لاني اعرف انك بنت و لا لاني قلت احبك ..

حنان انقلب وجهه احمر : هئئئ ... بصـ .. بصراحه .. اثنينهم فاجئوني ..

وليد : ادري انك متزوجه فيصل .. و مع ذلك اعترف لك اني احبك .. اذا كنتي تحبي فيصل انا مستعد ابتعد عن طريقك .. اهم شي سعادتك ...

حنان : لا لا لاتفهم غلط .. انا تزوجت فيصل عشان نعيش بالشقه و اقدر اداوم المدرسه بس هذا السبب ...

وليد : يعني ما تحبينه ؟؟!

حنان ما عرفت اش ترد .. هي ما تحبه و في نفس الوقت ما تكرهه ..

ما امداهاا تجاوب الاب دخلت فيصل ....... طبعا ما عجبه انهم قاعدين مع بعض .. لكن مسك نفسه بحكم انه اخر يوم ..

فيصل : اذا جهزت يالله خلنا نروح البيت ...

حنان تناظر عيون وليد واااضح انه يحبه بجد ...

وليد بهمس : عندك رقمي انتظر ردك بأي وقت .. لا تطولي علي ..

ابتسمت له و قامت اخذت الاغراض و قبل لا تروح ناظرت اشقه زاويه زاويه مكان مكان .. و بكل مكان لها ذكرى فيهاا .. طاحت دموعه بدون لا تحس رح تشتاااق لايام الشقه كثير .. كانت ايام و مغامرات و هبااال مو بصاحي ... بعدين راحت مع فيصل .....

و هي مع فيصل بالسياره قاعده تفكر بكل كلام وليد تفاجئت انه يبادلها نفس مشاعره .. طلع يحبهاا .. طول الوقت كانت مبتسمه و هيمااانه فيه ...

فيصل : وش فيك بس تضحكين ؟ وش صار لك ؟

حنان : هااهه .. وش فيني يعني ؟ و لا شي .. بس مبسوطه برجع بيتنا ..

فيصل : غريب .. فكرتك بتكوني حزينه .. لانك بتفارقي وليد ..

حنان : آ آ لا .. ليش الحزن هذا اللي كان رح يصير من البدايه ...

وصلت بيتهم سلمت على امهاا .. و قعدوا بالصاله سوالف ...

في نفس اليوم هذا كان المفترض يوصل والد حنان من امريكا .. و الى اللحظه ام حنان ما تجرأت تعلم بنتهاا .. و صااارت المفاجأه اندق باب بيتهم ..

فيصل : عن اذنكم بروح اشوف مين ..

حنان : مين تتوقعين ؟ ظنك جارتنا ام صلاح ...

ام حنان : لا لا مستحيل ..

و جاااهاا الجوواب .. دخل الرجال للبيت مع فيصل .. عرف عن نفسه لفيصل و دخله للمقلط ....

فيصل : خااالتي فييه شخص في المقلط لازم تشوفينه ...

ام حنان فهمت كلام فيصل .. و راحت بسرعه و دموعهاا بعينهاا من الشوق و اللهفه ...

حنان باستغراب : وش فيهاا امي راحت تركض ؟ من قصدك ؟

فيصل : هاااه .. شوي و روحي شوفي بنفسك ...

حنان تذكرت يوم امها قالت ان ابوهاا بيرجع بعد شهر : ايييييه عرفت مييييين ...

فيصل : مين ؟!

حنان : ابوي صح ؟

فيصل مستغرب : انتي تدرين عنه ؟؟؟!

حنان بحزن : اييه ادري .. شكلك انت بعد تدري الظاهر اني الوحيده اللي ما تدري .. سمعت امي تتكلم عنه ذاك اليوم .. ابفهم ليش ما علمتني انه عايش ..

فيصل قعد معهاا و حكى لها اللي حكته له امه ...: و عشان كذا قالوا لك ان ابوك مات بطلب منه .. امك كانت خايف تكرهينهاا و تعتبرينهاا كذبت عليك .. و انا امي حلفتني ما اعلمك قالت هذا بينك و بين امك ما لازم اتدخل ..

حنان : امي و ابوي .. ما الومهم اثنينهم معهم حق و اثنينهم كانوا خايفيين علي .. قد ما كرهت ابوي انه تخلى عننا و سافر و انا صغيره .. قد ما ندمت اللحين لما عرفت انه موت نفسه حتى لا اعتبر نفسي بنت واحد راعي سجون .. يا ليته قال مستحيل افكر في ابوي كذا ...

فيصل : يعني انتي متفهمه لقرارات اهلك ..

حنان ابتسمت : اكيييد ..

فيصل : اجل روحي لابوك و ضميه .. و صمي امك اللي شايله هم اشلون تقول الى يومك هذا ..

حنان تمسح دموعها : ان شاء الله ....