شكر لمة منو ميحب الشكر لمة العراقية
شكد ماهي طيبة شكد ماطريقتها سهلة
كوب ونص سكر بودرة
كوب ونص سمن (دهن جامد) اني ما استعمل الزيد لان تسيح الشكر لمة بيه
3 اكواب طحين
نص ملعقة شاي بكين باودر
ملعقة شاي فانيلا
لوز مقشر للوجه
نخلط الدهن(بدرجة حرارة الغرفة)مع بودرة السكر والفانيلا ونخلطهم زين
بعدين اضيف عليهم الطحين والبكين باودر واعجنهم زين الى ان يتماسك العجين وكالعادة اغطي العجين واتركه
حتى يتماسك........
اخذ كمية قليلة من العجين وابدي اكورها على شكل دائرة واغرز بيها حبة لوز مقشر وارصهم بصينية الفرن
ادخلهم للفرن لمدة نصف ساعة تقريبا
بعد منطلعها من الفرن اتركها تبرد وبعدين اصفها بطبق التقديم وبالف عافية