يادمعتين(ن) حايره وسط عيني
لاتنزلين ارجوك لاتفضحيني
.
اللي مضى ياعين لايمكن يعود
تناسي هموم(ن) مضت وارحميني
.
مهما بكيتي ياعيوني امعذوره
أدري حزينة بس وش في يديني
.
ابكي لعل هموم قلبي تشتت
لعلي اسلى وانبسط في سنيني
.
ياناس وش في دنّيتي ماصفت لي
وش في زماني ياعرب مبتليني؟
لحد(ن) يناظرني بنظره حقيره
اكتب قصيدي وكامل العقل فيني
.
لكني مقهور ملّي جرى لي
والصدر ضاق وما به إلا ونيني
.
مليت من دنياً تجيب الكئابه
يالله تفرج كربتي يا معيني
.
لو ذقتو اللي ذقت لو في ثواني
ان كان قلتو لعنبو لايمني
.
ذقت العنا والويل وشفت الغرابيل
الله يَفّرق بين همي وبيني
.
يارب تشرح صدر من كان ضايق
وترد بسمة كل من هو حزيني
.
وتحقق آمالي وكل امنياتي
وبدمع الفرح اتبدّل دموع عيني
|
|
|