يسيل الليل من عين الشفــــــق وابدا قبل لا أنام
أرتّب دفتري ، وارشف مكاني ، وافرش عيوني
واجمّع حزني وباقي قصيــــــــــــــــــــد له ثلاث أوهام
مغربني ، واخمّن لهفة احبــــــــــــــــــــــــــــابٍ يمروني
تمشيت السهر لين السهر ماشالتــــــــــــــــــــه اقدام
وزمّيت الاماني شهقتين وملّـــــــــــــــــــــــــــــت متوني
حبيبي ليه مامر القدر صوتـــــــــــــك وصبري قام :
يقيدني عطش لين السواقي تفجـــــــــــــــــر جنوني
لك الله ضاقت ثياب القصايــــــــــــد وامتليت الهام
ولا ادري كيف الوّح لليباس واكســـــر غصوني ؟!
احبك كثر ماطاحت من احضــــــــــــان النظر أيتام
واحبك كلما اشعلت حب وساحــــــــــــــــــــــت جفوني
احبك والصدر كوخ السوالف والجـــــــــــــــروح اقدام
احبك كثر مادوزنت عشق وغنــــــــــــــــــت طعوني
انا المحتار كيف ارتاح في صمتك وانا المنضام
وانا ماضلّ بي دفتر حزيـــــــــــــــــــــــن ماخذا لوني
أبد ماطاح من عين المسا قاسي وقبل اعوام :
يشوفك تلبس الخطوة جفا بس طاحت عيوني !
كذا رتبت حزني وانكســــــــــــــــــــاري وانحنيت ايام
ارش ارض الحبايب لا تمشونّــــــــي ولا جوني !