يا زين قلبي من يغليك مجروح
جرحن كبير وﻻ لقيله مداوي
ارجع تراني من عنا البعد مذبوح
عمري بدونك يا حبيبي شقاوي
يا دنيتي مالك من الصد مصلوح
تبعد وانا يمك ازيد الخطاوي
ويا منيتي ودي على صدرك ابوح
واشطي عليك من الهوا والهواوي
دمعي على خدي من العام مفضوح
لو شفت حالي كان ترحم وتاوي
كذا تعلقني بدنياك وتروح
خليتني بين الرجاء والهقاوي
كني كسيرن بين اﻻنذال مطروح
خلوة ربعه في نهار العزاوي
يسبح بدمه وسط اﻻنذال وينوح
ولو ايتمنى ما تفيد المناوي
ان كان تفهمني ترا السر مبيوح
ابيحلك سري واحل الدعاوي
ارجع تراها روح ما بعدها روح
يكفي حبيبي ﻻ تزيد البﻼوي