فرق الغيدا .... عن الغيد...... برغدها
كل شي راهيٍ في جسم .....نوره
شعرهـا ..وعيونهـا... فمـهـا....ويدها
طلّةٍ تـغـنـي عن الـصـبح وظهوره
مــا بـقــى عـــودٍ يـثـنّـا مـــا حـسـدهـا
وكــم تمنـاهـا كـتــاب ..... ورف صـــوره !
صـادقـه فــي كـــل شـــي إلا وعـدهــا
يـاتـقـدم ... يـاتـأخـر .... فـــي حــضــوره
بـــس تـوفــي مـنــوة الـــروح وبـعـدهـا
ولـــو تـعــذّر فــعــلا الـبـنــت مــعــذوره
لا كـبــد فــــي ذاالــزمــان إلا كـبـدهــا
ولا شـعـور إلا وهـــي تـــدرك شـعــوره
غيـمـةٍ حـنّـت سـمــا الـــروح بـرعـدهـا
لـيـن سـقّـت روضــة الـصــدر وزهـــوره
نـعـمـة مـــا تـعــرف إلا مـــن حـمـدهــا
تحـفـةٍ تغّـنـي عـــن الـمُـلـك وقـصــوره
ذوقـتـنـي قـبــل عـــام مـــن شـهـدهـا
وعقـبـهـا مـــا صـــار للـسـكـر ضـــروره
ان زعــــل هـمّـالـهـا يـضـحــك بــردهــا
وإن نـشـدت لـروضـهـا تـصــدح طـيــوره
كيف أصب عـروق دمّـي فـي جسدهـا
كـيـف أخـلّـي ديــرة الـوصــل مـعـمـوره
قـمـت الاحـقـهـا تـقــول أنـــي ولـدهــا
ذاهــــبٍ مـعـهــا بــــلا راي ومــشـــوره
مـادريــت إلا وهــــي تــاقــف وحــدهــا
عنـد بـاب القلـب مـدري خـلـف ســوره
لـيــه أعـذربـهـا ولــــو يـفـتــر جـهـدهــا
حتـى لـو ماهـي علـى وصلـي غـيـوره
الـمـهـم إنـــه خــــذا قـلـبــي رغــدهــا
الرغد ..... موجود .....لكن عند ....... نوره