|
ذبحت روحي على كفك ب رمش العين و أحييتها
 
يا طير يا طير يا طير السعد ي اللي ترف الجناح
لا و أهنيك إليا ضاقت عليك الأرض خليتها
و إن رحت و إن جيت يا طير السعد تسبق هبوب الرياح
و أظن ما فيه ديره فوق وجه الأرض ما جيتها
ما أنته ب مثلي تجي و تروح ما يصعب عليك المراح
لكن ي اليت جنحانك معي يا طير يا ليتها
كله على شان أزور اللي رماني ب العنا و أستراح
اللي على شانه الأقدام عنتني و عنيتها
في ماضي الأيام أشوفه قدم عيني في المساء و الصباح
و اليوم حتى العلوم اللي تجيني عنه ما أوحيتها
وإليا نشدت العرب ما أحد يعلمني عنه وين راح
و أتعبت نفسي و ب النشده كثير الناس بذيتها
لا وا وجودي على شوفتك مره يا ظبي البراح
ي اللي على شانك العبره على الخدين هليتها
يا أبو عيون هدبها ي زرق العشاق زرق الرماح
ذبحت روحي على كفك ب رمش العين و أحييتها. |
|
|
|
|