فـي كـل شـي اكـون لــك اول الـنـاس
بـالـحــب بالـتـقـديـر بالـغـايـريـه
بالقلـب الأبيـض بالأصـالـه بالأحـسـاس
بالـشـوق بالعـشـق الجـلـي بالحـمـيـه
بالدلعـنـه علصـبـح بالـلـيـن بـالـبـاس
بـالــروح بـالأيـثــار بالمسـفـطـيـه
مـن حبـة الوجنـه لـيـا حـبـة الــراس
ودي بـقـربـك دون ذنـــب و خـطـيـه
والـنـاس لا قالـولـك الـعـرق دســاس
مـاظـن تجهـلـك الـعــروق الـنـديـه
فـأن كـان لـك قلـبٍ مـن البعـد حسـاس
هــذا مــن اعــروق الحـنـان الفتـيـه
وان كـان لـي قلـبٍ مـن الشـوق محتـاس
هــذا دلـيــل ان المـحـبـه صـخـيـه
اذا كـذا ليـه الـهـوى صـابـه اعـمـاس
مـانـي بخابـربـك قـطـاعـه و أذيـــه
قربـك سحـاب ابيـض و فرقـاك هوجـاس
يا اجمـل مـن اجمـل شـي وسـط البريـه
تخيـل انـي كــل مــا هــب نسـنـاس
وجـهــت يـــم الـدلــه الحايـلـيـه
و ابـهـر الـدلـه واقـفــل بـوســواس
انـــك تقهـويـنـي مـــن الشـاذلـيـه
شعـري وانـا واللـي بقولـه علـى سـاس
ايـجـاد حـــل لمبـهـمـات القـضـيـه
منـك عرفـت ان المشـي فـن الأجــراس
وانـــك تـفــوق الأرض بالـجـاذبـيـه
ومنـك عرفـت الـدرع والخـوذ والطـاس
مـاهـن يقـاومـن الـعـيـون الشـقـيـه
ومنـك عرفـت ان الشجـر قطعـه ابـفـاس
اهــون ولا سـقـو الـيـديـن الـرديــه
ومنـك عرفـت ان السهـر بيـن الأقــواس
اهــدار وقــت و نـومـتـي عبـقـريـه
يمكـن ليامـن نـمـت وامسـيـت بنـعـاس
تـزورنــي بـأحـلامــي المخـمـلـيـه
ومنـك عرفـت اوصـوف ماهـي بتنـقـاس
والـخـوض بأشيـاهـا ضـيـاع ابجـديـه
زولـك وطـن واعيونـك الخـرس حـراس
ووجهــك بلاط الدوله اليوسفيه
وجبهتـك مخلوطـه مـن الـلـول بقـيـاس
واخــدودك اقــرب مالـهـا امهلـبـيـه
وضحكتـك كنـز انفـس ودمعاتـك المـاس
ولا اغلـى مـن الضحكـه سـوى الهاشميـه
واذا بكـيـت ابطلبـك:حـط فــي كــاس
ودي غـسـول مــن الـدمـوع الغـنـيـه
وان كنـت فـي صحـرا ولا فيـه مجـلاس
افـرش شـعـرك وحــط متـنـك علـيـه
واعيـش فـي ليليـن شـعـرك والأدمــاس
واعطيـك مـن حـلـو السـوالـف هـديـه
سـوالـف العـشـاق شيـبـان الأتـعــاس
ابن الملوح قيس و العامريه
وازود الجـرعـه وابـهـديـك كـــراس
عــن شـاعـرك والطنـخـه الوايـلـيـه
قلبـه غــدا واحــه وطلـتـك مـغـراس
كـل مـا تطـل اشــوي تكـبـر شـويـه
حتـى نبـت بالقلـب واعــروق الأنـفـاس
اجـمـل ثـمــر بالنـكـهـه السـكـريـه
واليـا صدفـك انسـان ينشـد عـن السـاس
ابـغـاك تعـطـيـه الأجـابــه شـفـيـه
قلـه : تـرى مانـي بـشـر زي هالـنـاس
مــلاك واعـروقـي مـاهــي بـآدمـيـه