بعترف لك
بعترفلك مش عارفه مـالي
ولا كان فيوم يخطر ببـالي
إني أهون على قلبي واسكت
وارضى بكـل ما جـرى لي
يمكن تقول قــلبك دا قاسي
وانا م الأيام كتير بآســي
اشــيل هموم بحجــم الكون
وفي الوشوش أضحك لناسي
قلبي يكون مليان مآسي
والروح كتير تفضل تآسي
ولما احاول للفرح أهـرب
من المرار يسقوني كاسي
أكدب عليك لو قلت اقدر
واهرب لفين وهواك مقدر
أبعد عنك واقـول انساك
الاقـيني فيك بسرح وافكر
بقلمي
|
|
|