|
وادعت ناجح من مطار القريات
 
قصيدة شايب أول مره يركب طائره
وادعـت ناجـح مـن مـطـار القريات
يــوم أركـبـونـا الـطـايـره وإشلعـتـنـا
لفـة ودارت وامرجـت بيـن لحـظـات
لـــولا الـكـراسـي والـمـحـازم رمـتـنـا
طـاروا بنـا حـمـر العـلابـي خـوجـات
زغـــر الـعـيـون وجيـهـهـم هـولـتـنـا
تكـفـى تشـهـد يافـهـد وإقــر الآيــات
الـمـوت جـانـا والـظـروف إجبـرتـنـا
جانا المضيف قـال وش فـي خدمـات
قـلــت أنـزلـونـا بطـونـنـا موجـعـتـنـا
من قبل أشوف الغيم دون السمـوات
والـيـوم أشـوفـه يافـهـد مــن تحتـنـا
عـز الله إنـي مـا حسبـت الحسابـات
وإلا تـــــرى سـيــارتــي مـوصـلـتـنـا
يازين ممشى الأرض لوهي مسافات
فــي كــل شعـيـب مجهـزيـن قهوتـنـا
وش جابـنـي للـطـائـره والـمـطـارات
والله مـاعــود إركـوبـهـا إن نـزلـتـنـا
لـو تنفـجـر قـامـت تـذيـع المحـطـات
رح عـــاد دور قـشـنـا مــــع جـثـثـنـا
الموضوع الأصلي :
وادعت ناجح من مطار القريات || الكاتب :
الــســاهر || المصدر :
شبكة همس الشوق |