اكبر مصيبه في غرامك تسرعت وحساب هجرك يالغضي ماحسبته
احسبك مثلي بالمحبه تطبعت
لا يا خسارة قلب حبك و خنته
انشهد اني من دروسك تعلمت
ودموع عيني بينت ما كتمته
يكفيك تجرحني وانا ما تخاذلت
ولا انت عز انسان بيدك خذلته
تخنقني العبره ليا من تذكرت
احلى الليالي و الغلا لاذكرته
اي والله اني في غرامك تولعت
حبيت فيك احساسك اللي عشقته
لكن حسافه وش يفيد ان تندمت
ارخصت حبي في عيونك وبعته
لاهان قلبك بالقسى وانت لاهنت
على الجروح و قلبي اللي ذبحته
غلطة حياتي جيت كلي و آمنت
ضنيت فيك شعور حبٍ فقدته
ياليت عن درب حبك تجنبت
ياليت دربك بالهوى ما تبعته
|
|
|
|