بين احتفال النبض ومغآفل الذات
حكايه عن ألف ليله و....ليله

تسرق تراتيل الوله والحكايات
وتجردك من كل حيل ٍ وحيله

سولف ..
لياسولف يبتل الحديث بالغيم
وأحلام الحياه الوارفه...
هذا حديثك باختصار..
فيه انتصار..
كله نهآر
وأعذب نهآر
منه الشهد والتوت واحلام الصغآر ..صآرت تغآر ..

أشوفك حاله فيها تجّسد كل حلم أحباب
لها من واقعي كل الحضور اللي فهق ليلي

كثر كنت احتسيك ابلا سبب واحيان فيه اسباب
وأعيشك حآله تشبه حضورك في مواويلي

طلتك بأجمل تفاصيل البها منفرده ..
تفتنين وتسرقين الغيم من كراسه ..

طفلةٍ فيك الزمن ملحه وجنة برده ...
تحملين من الشغب مايستفز اقواسه ...

تعالي وقيسي عطرك
وش غمر بيني وبينك من مساحه مجدبه
كانت تعب من قبل لاعرفك وتتحول حياه ..!!

للثلج في كفك حديث احباب
مايشبه الا احساس كفينك !!

هذا انت شكلته دفا ماذاب ..!!
لين ارتوى من ساقية تينك ..!!

كم طار من فمك لاسولفت عذق وحمام
واكتظت اللحظه ابـ سكر وسال أنهرك ...

الصبح لو يسرقك من بعض كلك
مايملك
لو يعيش ادنى ربيعك
فز من روحه وجالك..

والبارحه كنتي وعد للصبح والشعر الوفير ..!
والكلمه اللي تحتفيك اتمد لك تأطيرها

والشعر يبقى في مفازاتك كبير وغير غير
يكبر بروحك ويتماها في وهج تصويرها ..

هـ الصبح لو يوديني لبابك ....!
جيت لك قبل ك ــــل العابرين ...!!

انتي أجمل من يحيك من الاماني
حلم فاتن ..!
حلم يستوطن مساحات
الهدايا
والنوايا
واحتفالات الاماكن

غيابها تستلذ ابه النهايات ..!!
وحضورها يزرع الدنيا تواصل

هي مشكلتها ليا راحت ولاجات
تموت كل الاماني والمواصل

ليه توت الحديث اصبح بخيل..!!
وغابت اللحظه من احساسها

هي شبيهه كثيراً بالقليل..
من كرزها ونبض اقواسها ...!!!

تهدي العيد والورد الجميل
كل ماسولفت أنفاسها ...!!

مساها غير عن كل المسائات...!!
هي أجمل من يؤسس للاماني

حكاية غير عن كل الحكايات...
ترفها يسرق انفاس الثواني ..!!