شبكة همس الشوق - عرض مشاركة واحدة

10 - 11 - 2011, 11:03 AM

البارت 40
.
****************
وقفوا بصدمه لماشافوا دلال قدامهم بفستانها القصير بوقاحه وعيونها تتأمل رعد ..
قربت من رعد بكل جرأه ومركزه عيونهاالدامعه بعيونه المصدومه ومسكت إيده اللي ماسكه يد لميس وسحبتها من إيدها ومسكتها بتملك..
لميس مومصدقه اللي يصيرقدامها بصدمه لماشافت دلال قريبه مرره من رعد وشوي تحضنه بلبسها الفاضح وإيدهابإيده..
همست دلال بصوت حزين وبغنج:مبرووك حبيبي..
لميس صدمتها كلمتها ورفعت عيونهالرعد اللي يطالع دلال ونزلت عيونهاليده اللي ماسكتها دلال واللي ماكلف ع نفسه وسحبها منها..
رعد مصدوم من حركة دلال ماتوقع منها هالوقاحه والجرأه بس لماشاف دموعها رحمها لأنها كانت عايشه طول هالسنوات ع إنهابتكون زوجته ..
سحب إيده من إيدها وأبعد عنها لأنها كانت شوي تلصق فيه..حتى لو كان كذا مايسمح لها تمسك يده بهالطريقه وواقفه قدامه بهالبس والجرأه..

دلال ماتت قهر لماسحب إيده منها ومسك لميس ومشى معاها بعد مارماها بنظرات قهرتها مووت ومسكت نفسها لاتبكي وهي تناظره..
لحقته ومسكته من ذراعه وقالت:أنا عارفه إنك مغصوب عليها وماتحبها..تحبني أنا وأبوك غصبك عليها..بس أنا مارح أتنازل عنك وبنتظرك لآخريوم في عمري لأن مصيرنا لبعض..
قالت كلامها الآخير وهي تناظر في لميس بتحدي وحقد وتركتهم وراحت..
لميس رفعت عيونها الدامعه
لرعد الصامت ولا عطاها وجه ولا ناظرها سحبهامعاه بهدوء وهو ساكت..إنجرحت جرح عميق من سكوته وصمته ولا وقف دلال عند حدها كأنه موافقها ع اللي قالته..
نزلت راسها ودموعها تحرق عيونها وبلعت غصاتها بصمت ومشت معاه..
دخل لغرفة التصوير ومعاهم أم رعد ورغد اللي ماشافوا اللي صار..
رغد بمرح:يالله ياعروس وياعريس المصوره تبغى تصور
لميس ميته قهر من المصوره لأنها كانت تخلي رعد يقرب منها وتطلب منه حركات قهرتها كثير..
مسك خصرها وقربهامن صدره العريض وهومبتسم..ولميس حاسه رجولها موشايلتها وإنهاخلاص بتنفجرفي أي لحظه وتنفجركل آلامهاالمكبوته..
رغد:لميس شفيك منزله راسه إرفعيه وطالعي رعد..
رفعت راسها بصعوبه وداخلها تلوم رغد ع طلبها تعلقت عيونها في عيون رعد اللي يبتسم ويطالعها.اختفت إبتسامته لماشاف عيون لميس الغرقانه دموع..
لميس لمارفعت راسها كانت تتمنى تشوف بدر ولاتشوف رعد وتكذب اللي صار..لكن لماشافت رعد اللي لماشافها عقد حواجبه بحده وضغط أصابعه ع خصرها بقوه آلمتها حست إنه يعذبهابحركته هذي..
وأول مالتقطت الصوره دفها عنه بحده مالاحظها أحد لأنهم كان يحكوا مع بعض..وهمس بعصبيه:إرتاحي
***************
سميه جت تركض للبنات:بنــات شفتوا دلالوه الواطيه وش سوت
قالت لهم اللي صار والبنات مصدومات ومقهورات منها..
أمل بعصبيه مشت:وينــها وينــــها
مسكوها البنات وهي معصبه ومقهوره:فكونـــي عليها خلوني أتوطى في بطنها..
ريم:شفتوا أنا كنت حاسه إنها مارح تعدي هالليله ع خير
أمل تهدد:والله لأكسر كعبي ع راسها الوقحه
البنات:هههههههههههه
ريم:هههههه خلاص خليهاهذي وحده حاقده ومقهوره لأن رعد ماخذ لميس
داليا:ياعمري ميسو تلاقينها فحمت عندها
سميه سحبت البنات:تعالوا نرقص وننبسط وخلوهاتموت بقهرها هالخايسه

*************
بعد ماصوروا راحوا يقطعوا الكيكه..
رفع رعد السيف المذهب وحطت إيدها لميس وإيد رعد ع إيدها يمسكه معاها لأنه كانب ثقيل وقطعوا الكيكه...
رغد معاها الكاميرا تصور:Smile
رفع رعد راسه وإبتسم..
رغد:ههههه أوسم إبتسامه رعد..يالله لميس..
رفعت راسها وإبتسمت والتقطت الصوره
رغد:هههه تجننون
رعد:رغد خلاص تصوير ذبحتينا بهالكاميرا
رغد:بصور
رعد حط إيده ع الكامير ونزلها:كافي
دخلت ريم ووراهاسميه:ها ا اي
رعد بهمس:إجتمعوا المهبل
سميه اللي سمعته:ماأسمح لك عاد..هذا جزاتي جايه أبارك
رعد:الله يبارك فيك
سميه ناظرت الكيكه:وا ا او شكلها لذيذ
ضربت إيدها ريم اللي مدتها بتاخذ قطعه:وووجعوه يالمشفوحه شيلي يدك
سميه:آآآح بذوقها
رغد:ههههه شفيكم اللي لهم الكيكه ماذاقوها
سميه:ليــــه
رعد:شبعان
سميه: لا لا لا يالله أكلها وهي تأكلك
رغد رفعت الكاميرا:ههههه يالله وأنابصور
أخذ رعد قطعه صغيره ومدها لفم لميس وأكلتها ونفس الشئ أكلته..
بعدها سلموا عليهم وطلعوا ..
****************
عند الشباب
رائد جلس ع كرسي رعد ورز نفسه:شرايكم أنفع أصير عريس
عادل:هههههه أبدا
فيصل:ليه ناوي تتزوج
رائد:يمكن مع إني أخاف بنات الشرقيه يجيهم صرع أو انهيار عصبي إذا تزوجت
:هههههههههه
ماجد:ياوثق ..واثق بنفسك بزياده
رائد حط رجل ع رجل وهويعدل غترته:طبعا
طلع ماجد جواله وصور رائد ورائد مبسوط
رائد:بس اسمع لاتنشرها بالبلوتوث بعدين البنات يظنوني تزوجت
فيصل:هههههه ياذا البنات اللي هقيتنا فيهم
عادل:والله بعذره شابك بنات الشرقيه كلهم
رائد رمش بعيونه:من حلاتي والله
خالد:أقول قم بس خل عمك يجلس
رائد تلفت حوله:أي عم
خالد:اللي قدامك
رائد:إنت..روح بس هذا الكرسي موصيني عليه رعد
الشباب:ههههههه
ياسر جا عندهم:شباب تعالوا..عمي يبيكم ترقصوا
رائد قام:هلاوالله
أخذ رائد السيف من أبوه ورقص فيه..
أخذ فيصل سيف:شف كيف الرقص الصح
فيصل ورائد كل واحد يتفنن ع الثاني في الرقص ودخلوا معاهم الشباب...
*************
أمل:ريم
ريم:هلا
أمل تأشربعيونهاخلف ريم:شوفي أم أحمر ذيك اللي واقفه مع رنا
ريم التفتت تشوف:أيوه
أمل:مين
ريم:هذي بنت سطام ال....
أمل:آآها أيوه
ريم:صاحبت إختي رنا بس المضحك في الموضوع إن دلال ماتواطنها
أمل:ههههه والله
ريم:يب أحسها تغارمنها وماتواطنها لأن مرام هذي مغروره ومتكبره لأنها البنت الوحيده لأبوها ومدللها آخردلال
وإنتي تعرفين دلال مريضة غيره
أمل:إسمها مرام
ريم:يب..بس تصدقين سمعت إن عندها إخت ثانيه من أبوها
بس ماتوقع إن الحكي هذا صحيح..لأن ع مااعتقد إن أبوها ماتزوج غيرأمها وهدي إشاعات بعد إنتي عارفه الإشاعات كثيره هالأيام
أمل:وإنتي إيش عرفك بهالمعلومات هذي كلها
ريم:أخوي رعد وأبوي يعرفوا أبوها أبوها واحد من التجار اللي يعرفونهم
أمل:آها
**************
في الفنــــدق
دخلوا للسويت ووقفت لميس عند المدخل..ورعد دخل..
وجلس ع الكنبه..
ظلت واقفه مكانها ماتدري إيش تسوي وهو ماكلف ع نفسه وناظرها ودلها الغرفة خصوصا إن السويت كبير وفخم
جفلت لماسمعت صوته:بتظلين واقفه هنا
كان يحاكيها وعيونه ع التلفزيون..
دخلت أول باب تطيح عينها فيه وفتحته..
كانت غرفه كبيره وفخمه..دخلت الحمام وأخذت شور سريع وطلعت..
لبست بيجامه ورديه حرير ورفعت شعرها ...وطالعت شكلها في المرايه ..
طلعت وشافت رعد سكرباب الجناح ناظرت في الطاوله اللي عليها العشا وجلست بعيد لأن نفسها منسده عن كل شئ..
دخل للغرفه وسكر الباب..سندت راسها ع الكنبه وغمضت عيونها وتنهدت بضيق ..
************
ريم جالسه في الصاله من رجعت من الفندق ..فاقده لميس وحاسه بوحده تناظرالجوال اللي في إيدها ودها تدق ع لميس تتطمن عليها بس متردده..
سمعت صوت ورفعت راسها شافت فيصل وعادل داخلين:السلام
فيصل:شفيها الحلوه جالسه لوحدها
عادل:هههههه فاقده لميس..تصدقين شكلك ولاشئ بدون لميس..غلط
رفعت حواجبها ولا قالت شئ
جلس جنبها فيصل:ريومه ليه مانمتي
ريم بصوت مخنوق:مافيني نوم
دمعت عيونها ونزلت دموعها..
فيصل انصدم لهدرجه فاقدتها:ريامي
ريم ضمته وبكت..
مسح ع شعرها:ريومه شفيك بكره تشوفينها
عادل:لهدرجه فاقدتها أمداك شايفتها...آآخ ليتني لميس وتبكي علشاني ريم
ريم ابتسمت ورجعت تبكي
فيصل:خلاص ريامي...آفا بس مامليت عينك أنا
عادل:ههههه أول مره أشوف فيصل حنون ولاتهاوشتوا
فيصل:أنا من زمان حنون بس إختك اللي مخليتني متوحش مثلها
ريم بعدت عنه وإيدها تمسح دموعها:لا والله إنت المتوحش
وناشبلي
عادل:ههههههه
فيصل:لاوالله أجل ليه حاصنتني ومليتي ثوبي الجديد بدموعك ها
ريم ضحكت:أحسن
فيصل انبسط لماشاف ريم تضحك:هههههه ناكرة الجميل
ريم:أي جميل
فيصل:مطيك ثوبي الجديد تفرغين فيه دموعك وأنا أتحسر عليه وتقولين أي جميل
كان عطيتك منديل وريحت عمري
عادل:هههههه
ريم:بسم الله عليك بكره أفصل لك غيره
فيصل ضحك:فداك والله
ريم بدلع:أدري
عادل قام:لا ا ا ا بدى برنامج الدلع أروح أحسن لي
فيصل قام معاها:خذني معك
ضحكت ريم ولحقتهم..
**************
دلال مانامت مقهور ومشتطه قهر جالسه ع سريرها
وتهز رجولها بقهر ودموعها بتنزل من الحزن
رشا:هــــي إنتي اهدي شوي تكسروا رجولك نامي أحسن لك
دلال بقهر:كيف أنام واللحين لميسوه الزفته نايمه في حضن رعد كيف
آآخ بس كلماأتذكر شكلها في العرس أنقهر وإبتسامة رعد لها ودي أقتلها..
رشا:قايله لك لاتروحين بس إنتي اللي ماتفهمي
دلال:بس والله ماتركه لها راح يتزوجني غصب عن الكل
رشا:تصدقين بعد أنا مقهوره لأنك ماخذتيه راح عليك العز كله
دلال بعصبيه:أنا اللي يهمني رعد
وبكسر راس هالميس وباخذه
رشا:وليه مقهوره هو لو يبغاك كان رفض يتزوجها
دلال حست بنار تشتعل داخلها من حكيها:هو يبغاني ويحبني بس أبوه الحمار هو اللي غصبه ياخذها بعد ماخططت له هالميس ..رعد يحبني إنتي ماشفتيه كيف يطالعني لماسلمت عليه
رشا:ليه لا...شفتي مرام
دلال بدون نفس:أيوه شفتها قطع يقطع حظها
رشا:ههههه
*************

فتحت عيونها وهي تحس بألم برقبتها رفعت راسها وناظرت المكان...تذكرت إنهاتزوجت رعد كانت تتمنى يكون حلم مو حقيقه ..نزلت دموعها وبكت ..آآآه ليته كان حلم
سمعت صوته:يالله صباح خير
رفعت راسها وشافته يطالعها بسخريه:ماخلصت دموعك من أمس وهي تنزل
قالت بقهروهي تقوم:طول ما إنت قدامي مارح توقف
رعد عصب:إن شاءالله عمرها ماخلصت..لأنك للأسف ناشبه فيني
ردت باحتقار:وللأسف خساره فيك
دخلت الحمام وسكرت الباب وانفجرت تبكي..آآه ياربي في عروس حالتها حالي تنام ببكا وتتصبح ببكا صحيح لأني أصلا مو عروس..
لماطلعت شافت باب الغرفه مفتوح طلت في الصاله شافته يفطر وريحة الأكل واصلتها..ياربي جوعانه بموت من الجوع أطلع عنده..بأنتظر لين يخلص..
رجعت لداخل الغرفه وجلست..
طلعت بعد دقايق وانصدمت لماشافت الأكل مو موجود..
سمعت صوته يحكي في الجوال وإنقهرت ودخلت الغرفه مقهوره حاسه بجوع والأخ ماعبرها ..
سمعت صوته خلفها:بنروح لبيت أهلي..اجهزي بسرعه ياعروس
قال كلمته الأخيره باستهزاء..ماناظرته وأخذت ملابسها ودخلت الحمام..
لبست فستان فخم لأنها ماتقدر تروح لهم بلبس عادي مو هي عندهم عروس..
حطت ميك أب حلو وباتقان ..لبست عباتها وطلعت..
لقته واقف عندالمرايه اللي عندالمدخل يعدل غترته..
لميس :أناجاهزه
لف للباب وطلع وطلعت خلفه..
**********
صرخت وهي تقوم بفرحه لماشافتهم يدخلوا:لميــــس رعــــد
راحت ركض وضمت لميس بقوه:هلا والله هلا
رعد:وأنا أشوف أنا الغريب موكأني أخوك
حز في نفسها كلمته وأبعدت عيونه للفراغ بصمت..
ضمته ريم بفرحه:إنت الخيركله
أبعدت عنه:كيفكم ياأحلى عروسين
رعد:وين أمي
ريم صرخت بصوت عالي:يمــــا ا ا ا ا اه..
رعد:قصري صوتك وين إنتي
ريم:هههههه فرحانه فيكم
جتهم أم رعد ولماشافت رعد ابتسمت
ضمت ولدها:كيفك يمه رعد
ريم ميلت فمها:يمه تراك أمس شايفته
رعد:شوف مين يتكلم
قربت منها لميس بتردد وخايفه وباست راسها:كيفك ياخاله
أم رعد اختفت ابتسامتها لماشافت لميس ولا ردت عليها تجاهلتها:تعال يمه إرتاح
جلست معاهم شوي وسحبتهاريم معاها للصاله الثانيه..
جلسوا:ها كيفك ياعروسه
لميس إبتسمت بغصه:تمام
ريم ماعجبتهانبرة لميس:شفيك صاربينكم شئ رعد زعلك
لميس كانت تبغى أحد تشكي له حتى لوكان ريم انفجرت تبكي بحضن ريم
ريم:ميسو شفيك
لميس ماقدرت تحكي وتقول شئ ..ظلت تبكي في حضنها وريم تحاول تهديها وهي عارفه شفيها..
همست بين دموعها:خليه يطلقني
نزلت هالكلمه ع ريم مثل الصاعقه:إيــــش لميس إنتي صاحيه مستحيل
بكت لميس بقوه..ماحد حاس فيها ماحد حاس بالعذاب اللي تشوفه من رعد في حكيه ونظراته وكل شئ..ماتبغاه تكرهه تبغى أحد يفهمها..
ريم:لميس تعوذي من إبليس وإهدي ياقلبي..
سمعوا صوت رعد وأبعدت عنها لميس ومسحت دموعها ..
دخل رعد:أبوي بسرعه سلمي عليه بنطلع..
طلعت ريم قبلها وقامت لميس
رعد بحده:مابي أهلي يعرفوا بشئ ويشوفوا دموع التماسيح هذي..عدلي وجهك واطلعي لهم
مسكها قبل تطلع :ع وين
لميس بنرفزه:بروح إيش تبغى بعد نسيت شئ ماقلته..
رعد:ماعتقد إني لوبتكلم لين لبكره ماخلصت لأن كلك ع بعضك غلط(وترك إيدهابقوه)تغطي اخواني موجودين وياويلك لو أشوفك طالعه ولاتغطيتي
قالت بعناد:مارح أتغطى
مشت بتطلع وسحبها له وأصابعه تضغط ع ذراعها بقوه:بتتغطي غصب عنك...وإلا اشتقتي يشوفك حبيب القلب
فتحت عيونها بصدمه ..هذا مجنون أي حبيب قلب
دفها عن طريقه:تغطي واطلعي
دمعت عيونهابغصه وتغطت وطلعت..
جلست معاهم بعد ماسلمت ع عمها..وباركوا لها عادل وفيصل
حست بنظرات رعد الحاده لما ناظرت فيصل وابتسمت وهي ترد عليه..كان يذكرهابرامي بشكل كبير..
ناظرت عمها وهي تحس بخوف من نظرات رعد..
سلم رعد ع أمه وأبوه وضم فيصل:بشتاق لك فصول
ماكان يبغى يخرب علاقته باخوه أبدا ..علشان غلطة لميس..
عادل شهق:وأنــــا
فيصل:ههههه يالغيره
ريم ضمته وبكت..هذي حالتها كلماسافر بيطول في سفرته تتعلق فيه مثل الطفله..
رعد يحاول يبعدها:ههههه ياناس ابعدوها عني خنقتيني
أبعدت عنه:حرام عليك
أبورعد:يالله لاتتأخروا عن موعد الطياره
ريم:أيوه صح وين بتسافروا
رعد:فرنسا
ريم:توصلوا بالسلامه
طلعوا للفندق..
في السياره كان الجو هدوء..لميس مستغربه لأنه ماسمعها إسطوانته كالعاده وإرتاحت..
لبست بنطلون أسود وبلوزه عسليه ولبست عباتها وطلعت..
شافته واقف لابس بنطلون أسود وقميص أبيض عليه جاكيت رسمي أسود كان معطيهاجنبه ويحكي في الجوال..سكره والتفت لها وقال بلهجه آمره:أخذتي كل أغراضك(وكمل بلهجه ساخره)لو بإيدي كان كنسلت السفره بس هذي هدية أبوي وإحنا قدامه عروسين ..فلاتظنين إنهالعيونك
طلع وانقهرت منه وطلعت خلفه
***********
.
**********
في الطيــــاره
جلست لميس جنب الشباك ورعد جنبها...
لميس ابتلشت في الحزام ماتعرف تسكره قبل كان رامي يسكره لها ....
التفت لرعد اللي ماعبرها ولاالتفت لها..شافته جالس ومسكرحزامه وماعطاها وجه..انقهرت منه وحاولت تسكره بنفسها ماقدرت..
رعدماكان يعرف إن لميس ماتعرف له ..التفت لها شافها متلعوزه فيه إبتسم وحب يقهرها وسفهها..
لميس ماقدرت عليه وتركته ..ماتبغى تطلب منه شئ..
حست فيه يفتح حزامه ويلف لها قرب منها وحبست انفاسها لماشافته قريب منها وريحة عطره وصلت لخياشيمها..
سكرحزامها وهويهمس:توني أعرف إنك بزر
رفع عيونه والتقت بعيونها لدقايق... لفت وجهها وهوأبعد عنها وسكر حزامه بصمت..
شدت إيديها بقوه وقلبها يدق لماحست بالطياره تقلع..
غمضت عيونها بخوف..تكره قلوع الطياره يخوفها..
فتحت عيونها لمااستقرت ..وتنفست بعمق ..التفت لرعد اللي فتح حزامه وعدل جلسته ومدإيده وفتح حزامها وهالمره ماناظرها..
سندت لميس راسها وهي تفكر بحياتها اللي بتنقلب أكثر من انقلابها هذا بعد ماصارت زوجته أو سجينته بالأصح..دمعت عيونها وغمضتها نزلت دمعتها ومسحتها..
رعد لاحظها وتنهد يعني بدينا بالدموع..
********
نزل فيصل من الدرج وهويدندن وشاف ريم معاها الجوال وشكلهاتوهامسكرته:شعندك
ريم :بروح لبيت عمي وقلت للسواق يجهزالسياره......إنت بتطلع
فيصل إبتسم داخله لماعرف إنهابتروح لأمل:أيوه بطلع....أنا بوصلك في طريقي ماله داعي تروحي مع السايق
ريم رفعت حواجبها باستغراب:غريبه إنت بتوصلني.
فيصل مشى طالع:بنتظرك بالسياره لاتتأخري
ناظرته بحيره وصعدت فوق بسرعه...
أزعجها كل شوي داق يستعجلها ماتدري ليه محترق يروح ويخليهاتروح مع السواق ويريح عمره...لبست بسرعه وسحبت شنطتها وعباتها ونزلت...
ركبت معصبه وسكرت الباب:اللحين إنت ليه ماتصبركان خليتني أروح مع السواق وارتحت
ماردعليها لأن جوالها رد وردت:هلا أمول...تمام ...أقول تراني جايه عندكم اللحين......(شهقت بقوه)إحلفــــــــي
فيصل:وجع قصري صوتك
سمعت صوته أمل وإرتعشت لماتذكرت اللي صاربينهم...
أشرت له ريم يسكت :احلفي ياربيه ماتزينت جايه لكم بكشتي....إيش أسوي فيصل ماخلاني آخذ راحتي....أيوه...طيب باي...
فيصل:شفيك
ريم فتحت شنطتها وطلعت كريم:عندهم ناس وأنا ماتزينت
فيصل ناظر شنطتها:لا ماشاءالله عليك جايبه العده كلها
ريم:فيصل لاتسرع علشان ماالخبط
خفف السرعه وريم رسمت كحلها ..
لفت لفيصل لماخلصت وقالت:ها فيصل حلو إلاشوي
فيصل وعينه ع الطريق:وأنا شدارني ماأعرف لكم
ريم:طيب شوف
التفت لها وناظره ورجع يناظرالطريق:زين
ريم:قول الصدق ولاتفشلني
فيصل:والله حلو وكثيربعد
طلعت البلاشر وحطت منه.وهي رافعه نقابها ومدخله يدها من تحته وفيصل يضحك عليها..
فيصل:إذا وصلتي كملي
ريم:أخاف أقابل أحد إذا دخلت
نزلت ريم لماوصلو:باي
ودخلت قابلتها أمل:هلا والله
فتحت نقابها بسرعه ولفت للمرايه تشوف شكلها وشهقت
أمل:شفيك
ريم طلعت الكحل من شنطتها تزيد كحلها:الدب فيصل يقول الكحل كثير
أمل ناظرتها باستغراب:إنتي متزينه بالسياره
ريم:أيوه
فسخت عباتها وعدلت شعرها ولبسها وتعطرت ودخلت مع أمل...
*******
دخلت للبيت وفسخت عباتها وعطتها الخدامه..مشت بتدخل شافت زياد قدامها..
إبتسمت وقربت منه:هلا زياد
عقد حواجبه بضيق وأبعد عنها:هلا
مسكت يده وسحبته:تعال أبغاك في موضوع
سحب إيده من إيدها بقل صبر:آسف مشغول لازم أرجع للمستشفى اللحين
ناظرته بدلع وقربت منه وعيونها مركزتهابعيونه:علشان خاطري بس دقيقه..وإلا أنا مالي خاطرعندك
دفهابعيد عنه وناظرها بغضب:إبعدي عني أحسن لك..موسكت عنك المره اللي فاتت يعني عاجبني الوضع..لا فإحترمي نفسك ..
مسكت ذراعه وقربت منه :أجل ليه جاي هنا...وإلا جاي علشانها ولاعطتك وجه..
فاردمه من وقاحتها ودفها عنه بقوه:قلتلك أبعــــدي و
إحترمــــي نفسك ..ولاتجيبي سيرتها ..هذي أنظف منك..مو كل الناس من طينه وحده...خلي عندك كرامه وإستحي ع وجهك...
مشى وهو يتأفف وطلع..
إنقهرت مرره وضربت أخماس بأسداس وهي تسب وتتوعد داخلها..ماكانت متوقعه إنه يرفضها بهالشكل متوقعه إنه يستسلم لهابسهوله مثل أخوه بس هذا قهرها وصممت أكثر تجيب راسه ومو اهو اللي يكلمها بهالطريقه ويقول عنها هالكلام وقارنها بوحده مثل تولين....
وماانتبهت للعيون اللي تراقبها من دخلت...
***************
في فرنســــا وبالتحديد باريــــس....
أول ماوصلوا كانت السياره تنتظرهم ركبوا واتجهوا لبيتهم اللي في باريس ..
فتح رعد الباب ودخلوا ..عجبها شكله مره ونظراتها تدور حولها..
طلعت من المطبخ المفتوح ع الصاله خدامه وشكلها فرنسيه وهي تبتسم..
بعد الترجمــــه
ماريا:مرحبا مسيو رعد
رعد:مرحبا ماريا كيف حالك..
ماريا:بخير تهانيا الحاره مسيو
رعد:شكرا لك
ماريا ناظرت لميس:يالهي زوجتك جميله جدا مسيو
رعد التفت للميس:هذه لميس
لميس مو فاهمه شئ ماتعرف تحكي فرنسي إلا بعض الكلمات فإكتفت بابتسامه..
ماريا:أهلا بك في باريس عزيزتي
لميس:شكرا
ماريا أخذت الشنط:تبدوان متعبين ..لمالا تأخذون قسطا من الراحه حتى أعد طعام العشاء..
شكرها رعد وصعد فوق ولحقته لميس..
وقفت بحيره لماشافت غرف كثيره ..
افتحت أقرب باب لها بتردد ودخلت ..حمدت ربها إن رعد موموجود فيها سكرت الباب وأخذ شاور سريع ولبست بيجامه ونامت كانت تعبانه مره وفيها النوم ومانتظرت لين تتعشى
رعد أخذ شاور ولبس بنطلون أسود وتي شيرت أبيض ونزل يتعشى وطلب من ماريا تاخذ إجازه ..هي استغربت وماقدرت تقول شئ..
**********
صحت من النوم وشافت الساعه تسعه صباحا..
قامت وصلت الفجر ولبست جلابيه ناعمه ولمت شعرها ذيل حصان..
نزلت تحت وهي تنادي ماريا دخلت للمطبخ مالقت أحد..
سمعت صوت رعد خلفها :أنا عطيت ماريا إجازه ..
فتحت عيونها شلون يعطيها إجازه لايكون يظن إني بطبخ له..
ناظرها رعد بسخريه:ماعتقد بنحتاجها وإنتي موجوده وإلا ماتعرفي تطبخي...أووه نسيت إنك كنتي خدامه قبل..
إنصدمت من حكيه ناظرته بصدمه واختفى من قدامها..
جلست ع كرسي المطبخ ودموعها تنزل..ليه .ليه يسوي فيها كذا ليه يجرحها إيش سوت له علشان يكرهها بهالشكل..
سمعت صوته برى في الصاله:هلا ريومه
مسحت دموعها وقربت من الباب وشافته جالس ومعطيها ظهره:تمام إنتوا كيفكم.....هههههه أوك أسفين آنسه ريم....أيوه.....لا لميس نايمه اللحين...عطيني أمي
حاكى أمه وسكرالجوال قام وشاف لميس واقفه وتطالعه بصدمه:ليه ماخليتني أحاكيها
رعد:كذا....وين الفطور
لميس انقهرت ومشت تصعد فوق:سوي فطورك بنفسك
كان بيلحقها بس جواله وقفه بصوته ..
لميس ماقدرت تكمل الدرج وجلست وضمت نفسها تبكي حرام مشتاقه لريم وتبغى تحاكيها وهذا يمنعها طيب ليه..
رعد:هلا سعود
سعود:هلا بالعريس
رعدجلس:هلا
سعود:شفيك
رعد بدون نفس:مافيني شئ
سعود:آفا هذا وإنت عريس
رعد:أي عريس إلا تعيس
سعود:ليه لايكون بعد بتعقدني من الزواج
رعد تنهد:يعني ماتدري
سعود بطولة بال:ياخي إنت شفيك ماتفهم معطيك محاضره كامله قبل تتزوج ومانفع فيك أوسمعت شئ حلو
رعد:أي حلو هذي يجي منهاشئ حلو
سعود:آفا بس هذي بنت عمك وإلانسيت
رعد:لا مانسيت
سعود:لايكون بعد السالفه هذيك ومادري إيش..تراك عارف نفسك
رعد تنهد:أيوه عارف
سعود:حاول يارعد تقرب منها أنا ماأقول تحبها ..
قاطعه رعد بانفعال:تبيني أحب وحده مثل هذي تخسي والله مابقى إلا هي
سعود عصب:لاأنت منهبل اليوم أقول مع السلامه ولاترفع ضغطي..
سكر الجوال بضيق وسند راسه ع ورى وغمض عيونه وأفكاره مختلطه وموقادريثبت ع شئ..
لميس سمعت اللي قاله وماصدقت إن رعدممكن يقول لواحد من أصحابه بشكوكه فيها ومعاملته السودا لها كيف وهي بنت عمه...
قامت ودخلت غرفتها ورمت نفسها ع السرير....
***********
دخلت للصاله وشافت أمها وأخوها جالسين
عبدالله:ها يمه شقلتي
دلال:بإيش
أم عبدالله:تعالي يادلال شوفي أخوك إيش يبغى
دلال:إيش
أم عبدالله:يبغاني أخطب له ريم بنت أختي
دلال:نعــــــــم
تبغى ريموه ماغيرها
عبدالله:أيوه أبيها عندك مانع
دلال:طبعا مالقيت غيرهالكريهه ووووع ع الأقل خذ رنا أحسن منها
عبدالله:لأنها صاحبتك تبغيني آخذها وبعدين أنا أحب ريم وأبيها...ها يمه
أم عبدالله:لا..
عبدالله:ليه يمه أنا أبيها
أم عبدالله:تبغاني أخذها وأخوها رافض أختك وتاركها
عبدالله:طيب وإذا..ماصارنصيب بينهم..تقطعين نصيبي علشانها
دلال:أيوه وريم بالذات مانبغاها
عبدالله بعصبيه:جــــب إنتي ماحد أخذ رايك إبلعي لسانك ولاتتدخلي....يمه بليز أنا أحبها وأبيها تكفين يمه كلمي خالتي علشان خاطري..
أم عبدالله:أنا شايله بخاطري عليها وماراح أحاكيها اللحين..
تأفف وطلع معصب...
دلال:من صدقك يمه بتخطبيها له
أم عبدالله:أخوك يبيها ومابي أكسر بخاطره..
دلال عصبت:هذا إذا اقبلوا فيه
************