شبكة همس الشوق - عرض مشاركة واحدة

#1 10 - 3 - 2017, 07:48 PM

حكاية شريف روما /مثل عراقي قديم

من منا لا يعرف المثل المشهور (( شريف روما ))
أتوقع أن أغلبيتنا يتوقع أن
المثل عن شخصية من روما ذاع صيتها وإستغل منصبه وأخرتها طلع نصاب.. لكن تفاجأت
أن المثل أصله بغدادي وصدر بالثلاثينيات !!
وبعيداً عن كل هذا.
القصه عجيبه وسأنقلها لكم كما قرأتها وباللهجه العراقيه .
قصة شريف روما
في الثلاثينيات من القرن الماضي ما كان ببغداد مسارح او حركة مسرحية مثل اللي
بمصر , وكان من اكبر رواد المسرح المصري آنذاك الفنان
جورج ابيض .. اللي قرر
ان يجيب فرقته ويجي لبغداد حتى يعرض مسرحيته الناجحة
جدآ في وقتها
( يوليوس قيصر )
طبعآ من أجه جاب وياه بس الممثلين الأساسيين وما جاب
الكومبارس حتى
يوفر نفقات السفر والتكاليف الأقامة ,, وبما انه ماكو مسارح ببغداد , اختار
اكبر قهوة بمنطقة الميدان ببغداد وسواها مسرح ..
بقت مشكلة منين يجيب كومبارس
عراقيين .. محد يقبل يقوم بالدور .. جماعة نصحوه انه
منطقة الميدان وهي مشهورة
عند البغداديين , كان من بعض روادها الناس الي بدون عمل انطيه عشر فلوس يقوم لك بأي دور مسرحي ..
وفعلآ جابهم ولبسهم دشاديش
الرومان البيضاء وخلى على روسهم اطواق الياس على اساس اطواق الغار .. ودربهم .
يوم العرض المسرحي مشت الامور على مايرام والكهوة اللي
سووها مسرح كانت مليانة
بالجمهور ..
الى ان وصلت للمشهد اللي بيه ينادي حاجب الملك
بأعلى صوته :
والآن يتقدم أشراف روما للسلام على جلالة القيصر
الجمهور قاعد يتفرج على المسرحية الى ان ظهر الأشراف ..
وبدأ الهرج والضحك وكل ما يخطر على البال هذا منو ؟ هذا عبود ... ههههههه
...... لأ لأ .. دشوف هذا ؟ رزوقي ابن شكرية الـ .....
هلللللو يااااب .. ولك انزل ,
صايرلي شريف روما ؟ ههههههه
ومن هذه الحادثة تولد المثل المشهور
شريف روما
➦

الموضوع الأصلي :‎ حكاية شريف روما /مثل عراقي قديم || الكاتب : || المصدر : شبكة همس الشوق