شبكة همس الشوق - عرض مشاركة واحدة

10 - 11 - 2011, 11:12 AM

البارت 48
***************
طلع من الصاله وشاف إخته لابسه عباتها وتسلم ع أمها..
ماجد:ميمي وين رايحه
مي راحت له بتسلم عليه:بروح بيتي
ماجد:زوجك رجع
مي:أيوه
أم ماجد:خليكي يمه عندي يوم
قربت ولادتك تروحي
مي:لازم أروح يمه مومعقوله أجلس هنا وزوجي خلاص رجع
هنا واشترى بيت وبعدين البيت قريب من عندكم بجيك كل يوم
سميه:لا الله يعافيك ماصدقنا
نرتاح من لجت وصراخ بنتك
خلينا نرتاح شوي
شهد مطيره عيونها:من زينك إنتي ووجهك ..حنا بنروح بيتنا الجديد أحسن من بيتكم هذا
وبرتاح من لعانتس
شهقت سميه:لعانتي ووجع إن
شاءالله يام لسان
ناظرتها شهد بغرور وشالت شنطتها:يالله يمه نروح بيتنا الحلو
سميه:يعني بيتنا مو حلو ..خليني
بس أشوفك جايه عندنا والله لأطردك من كشتك دام بيتنا مو عاجبك
شهد بعناد:ما ا ا ا اتقدرين وبجي
بكره وأنام عندكم عنا ا ا ا اد
ماجد ضحك وشالها يبوسها:والله ياعليك لسان وشطوله
ماتخلين حقك
سلمت عليهم مي وطلعت وطلع معاها ماجد يسلم ع زوجها
****************
جالس ع مكتبه ومسند راسه ع
المكتب يفكر باللي صاراليوم..
نظراتهم المتبادله اللي لها أكثرمن معنى بينهم..معقوله تحبه ..
رفع راسه بسرعه:مستحيــــل
ريم لي أنا وبس ومستحيل أسمح لأحد ياخذها مني
بس يمكن أنا اللي أتوهم إن نظراتهم لبعض لها معنى
إبتسامته لها ونظراته تقول شئ
ثاني آآآخ يالقهر
مارح أسمح لها تناظر أحد غيري
أو تفكر فيه مجرد تفكير لأنها
لي أنا وبس وغصب عنها
أنا لازم أقول لأمي تخطبها لي
بسرعه وبأقرب وقت..
قطع تفكيره صوت جواله
قام واخذه من ع السرير:ألو
جاله صوت ريان:هلا عبود
عبدالله:هلا ريان
سمع صوت الأغاني والإزعاج اللي عنده:إنت وين
ريان ضحك:في الإستراحه مانت ناوي تشرفنا ترى السهره
اليوم من اللي يحبها قلبك لاتفوتك
إبتسم وقام:طبعا مارح تفوتني
أنا جاي اللحين
سكر جواله ولبس وطلع
*****************
فتحت عيونها وشافت نفسها نايمه بحضن رعد العاري..
رفعت راسها عن صدره بسرعه وطاحت نظراتها عليه كان متمدد ع السرير جنبها ولاف إيده ع خصرها ونايم..
بغى يغمى عليها بعدت عنه ونزلت من السرير بصدمه..وقلبها
بيطلع من قوة دقاته ..إيش جابه
عندها وكيف سمحت لنفسها تنام بحضنه ..
دخلت الحمام بسرعه وكأنها خايفه يصحى ويشوفها..
ناظرت في وجهها في المرايه
وانصدمت لماشافت عيونها المنتفخه من البكا وآثار الدموع
عليها تذكرت اللي صار وشهقت
وإيدها ع فمها والدموع تجمعت
في عيونها...مستحيــــل
رعد شافها وهي تبكي ومفزوعه من الحلم اللي صار
يراودها كثير..
حطت إيدها ع راسها والصداع يضرب فيه ..رعد شاف ضعفها
ودموعها ..بس كيف جا لها وكيف
نام عندها..
غسلت وجهها بمويه بارده تحس
إنها بحلم ولازم تصحى منه..
إخترق أنفها ريحة عطره اللي
تدوخها عالقه في بدي بيجامتها
الوردي وبرمودتها الورديه الكاروهات..
نايمه بحضنه ولبسها كذا ..
نزعت ملابسها كأنها تبعده عنها
وتبعد ريحته اللي تقلبها..
أخذت شور سريع ولبست روبها
الأبيض وترددت تطلع تخاف تشوفه ..بس لازم تطلع وإلا بتموت من البرد
فتحت الباب بشويش تحاول ماتطلع صوت وطلعت شافت السرير
فاضي ومافيه أحد..يعني صحى
راحت لباب غرفتها بتسكره وشافت باب غرفته مسكر..
سكرت الباب ولبست ملابسها
وسمعت صوت جوالها..
شافت المتصل ريم ردت عليها
وقالت لها ريم تجي عندها..
قررت تروح لها لبست بنطلون جينز أزرق وبلوزه طويله حمرا
جففت شعرها الكستنائي وتركته مفتوح حطت مكياج خفيف ولبست عباتها وطلعت من البيت رايحه لبيت عمها دخلت من البوابه الزجاجيه ودخلت القصر استقبلتها ريم
حطت لهم فطور الخدامه وجلست تفطر مع ريم اللي تسولف لها عن اللي صار لهم
في السوق..
لميس ضحكت بخبث:حركات ويدافعون بعد
حمر وجهها ريم:شفتي كيف ما
يرضى علي
لميس:هههههههه
****************
كانت جالسه في غرفتها لما
دخلت عليها أمها:السلام عليكم
قامت وباست راس أمها:هلا يمه
نورت الغرفه
إبتسمت أمها:ماشوفك جالسه
تحت عندي وجالسه بروحي قلت
أجي عندك بغرفتك
إبتسمت:والله كنت بنزل بس قلت أرتب غرفتي قبل وأنزل
جلست أمها ع طرف السرير:كان خليتي الخدامه ترتبها
جلست جنب أمها:لا ماحب الخدامه تدخلها
ناظرتها أمها بحنان:يمه داليا عندي موضوع بكلمك فيه
داليا تفاجأت وبنفس الوقت
طاح قلبها لما خمنت إنه موضوع
خطبتها من عبدالإله
قالت بصوت حاولت تخليه طبيعي:تفضلي يمه
أم محمد بابتسامه وإيدها ع تمسح ع شعربنتها:بسم الله عليك يمه كبرتي وصرتي عروس والناس صارت تخطبك من أبوك
غمضت عيونها وقلبها تسارعت
دقاته اللي كانت خايفه منه صار
عبدالإله خطبها ومن فرحة عيون أمهاإنهم موافقين عليه
معقوله أحلامها تلاشت..معقوله حبها لماجد ضاع وصار
سراب ..معقول الشخص اللي
تمنته صار مستحيل..دمعت عيونها بحزن وألم..
فتحت عيونها ونزلت راسها
علشان ماتشوف أمها دموعها
وسمعتها تقول:في ناس خطبوك من أبوك والولد ماشاء
الله إحنا عارفينه مافيه أحسن منه أخلاق وسمعه طيبه وأبوك
موافق عليه بس طبعا لازم نعرف ردك قبل
غمضت عيونها ..خلاص الولد
أبوها موافق عليه وأمها فرحانه
وشكلها موافقه عليه آآه ياربي
أم محمد:ماتبين تعرفي مين
قالت بصوت مرتجف:مين
أم محمد بفرحه:ماجــــد ولد
بدر ال.......
****************
:هههههههههههههههه
ريم منحرجه:البندري خلاص عاد
البندري:ماصدقت لماقالي بسام
ريم بدهشه:بسام
البندري:أيوه طلب مني أدق وأسال عنك خايف عليك الأخ
ريم ابتسمت بحب:الحمدلله بخير
البندري تحاكي بسام اللي جالس جنبها:أبشرك ريم بأتم الصحه والعافيه
ريم إنصدمت:جنبك
البندري:ههههههه أيوه
ريم:البندري اشكريه عني واسأليه عن يده وإعتذري له عني
قالت له اللي قالت ريم وضحك
بسام:حاضرين للحلوين ويدي
تمام وتقول إن شاءالله أنكسر
لعيونها..
ريم سمعته وماتت حيا ووجهها
ألوان
البندري:سمعتيه
ريم منحرجه:البندري أمي تناديني مع السلامه
سكرت منها وعيون لميس تراقبها:شفيه وجهك Red
ريم قالت لها ولميس ضحكت
بس إختفت ضحكتها لماشافته
داخل عليهم
**************
رفعت راسها بصدمه ومومصدقه اللي سمعته ...ماجــــد خطبها...ماجــــد..
حلمــــها أصبح حقيقه موسراب
أم محمد:هايمه إيش رايك
داليا من صدمتها وفرحتها ماقدرت تقول شئ..
أم محمد:فكري واستخيري وردي علينا...ماحدبيغصبك ع شئ ماتبينه.....
طلعت أمها وتركتها...كان بتصرخ
وبتنادي أمها وتقول لها إنها
موافقــــــــه...
بس بدل من هذا إرتمت ع سريرها تبكي من الفرحه مو
مصدقه...ماجد فكر فيها ويبيها
مثل ماسهرت الليالي تفكرفيه
وتبيه وتحبه...
*******************
:والله إنك بايخه وماتستاهلين
الحب اللي معطيك إياه سالم
هدى :ليــــش
دلال:المفروض أي شئ يقوله
لك توافقين لأنه يحبك ياغبيه
إنتي ناويه تخلينه يتركك
هدى بخوف:لا
دلال:أجل إسمعي كلامي وسوي اللي يطلبه
دلال وحده خبيثه وحقوده صارت تلعب ع هدى بكلامها و
سمومها ..وهدى بعقلها الصغير
صدقتها ومشت وراها..
ماكانت عارفه إن دلال مافيه
أخبث منها وبتضيعها..
مافهمت إن العلاقه بينها وبين
سالم محرمه ونهايتها الضياع
والموت حتى لو أيقنها إنه يحبها
ويعشقها لأن مافيه شخص يحب وحده تحاكيه من ورى أهلها وتطلع معاه..
***************
شافته يدخل وعيونه عليها..ماكانت عارفه إذا هو معصب
لأنها طلعت بدون لاتقوله أولا
نظراته غريبه وحاده..
بعدت نظراتها عنه وجلست بثقه
وهي تحاول تنسى اللي صار بينهم..وقلبها يخفق لماتذكرت
قربها منه ودفا حضنه..
سمعت ريم تسولف معاه وهي
التزمت الصمت..
دخلت خالتها أم رعد وسلمت عليها وجلست جنب ريم..
أصرت عليهم يتغدوا عندهم
ورعد ماقدر يقول لها لا..
تغطت لماسمعت صوت فيصل
وعادل ودخلوا..
شافتهم سلموا ع رعد..وجا لها
وجلس جنبها..تحسه جلس جنبها
علشان يراقبها...
سولفوا شوي وقاموا يتغدوا
بعد الغدا
كانت واقفه عند المغاسل
تغسل إيديها وهي سرحانه..
إنتبهت عليه دخل ..وسكرت المويه أخذت مناديل تنشف إيديها بتطلع بس وقفها صوته
رعد:من سمح لك تطلعي من
البيت من غير إذني
ناظرته ببرود وقالت:ماطلعت
للشارع أولبيت غريب..بيت عمي
قرب منها:ولو إن شاءالله حتى
بيت أهلك ماتطلعين من غير إذني
ناظرت فيه وقالت بصوت صدمه
أكثر من نظرت عيونها:أهلي ماتوا وبيتهم أحترق..
طلعت وهوتجمد مكانه يستوعب حكيها...
جلست جنب ريم بهدوء عكس
عاصفة الحزن اللي داخلها..
شافته طلع وهويناظرها نظرات
غريبه وعاقد حاجبه...
بعدت نظراتها عنه ببرود وسمعته يقول لها:يالله نمشي
ريم:خلها تجلس عندي..إنت بتروح للشركه اللحين
ناظرتها أمها يعني مالك دخل
قامت لميس بتلبس عباتها
ريم:لاتلبسينها مايحتاج فيصل
وعادل صعدوا فوق
مالبستها أخذتها بإيدها وطلعت
معاه يمشون بصمت..
كانت تحس إنه بيقول شئ بس
متردد وهي أول مادخلت للبيت
ماعطته فرصه يحاكيها ودخلت
غرفتها
*****************
‏*‏
*****************
دخل الصاله:السلام عليكم
نقزت من مكانها بفرحه وراحت
له..ضمته وسلمت عليه..
سلم ع زوجته وجلس:وين رنا
والعيال
ريم قامت:بروح أناديهم
صعدت فوق ودقت باب غرفة
فيصل وسمعت صوته..
فتحت الباب شافته جالس ع
مكتبه واللابتوب قدامه وبإيده
أوراق:هلا ريم
ريم:أبوي تحت ويبغاكم
قام فيصل وطلع معاها نزل
وهي راحت تنادي عادل اللي
كان متمدد ع سريره بينام..
دخل فيصل الصاله وسلم ع أبوه وجلس..
دخلت بعده ريم معاها عادل
وخلفهم رنا..سلموا وجلسوا..
سولفوا شوي ثم قال أبورعد:بكره معزومين كلنا
أم رعد ماستغربت لأنها كانت تروح معاه لحفلات وعزايم
في قصور رجال الأعمال أصحاب زوجها واللي بينه وبينهم أعمال وتجاره..وبما
أنهاسيدة أعمال كانت تحب تهتم
في عمل زوجها ودعمه..
ريم:وين
أبورعد:في بيت سامي ال....
ريم بدهشه:أبو مــــرام
أبورعد:أيوه إنتي تعرفي بنته
ريم:أيوه
أم رعد:الحفله كبيره
أبورعد:أيوه كبيره...كسبنا صفقات مشتركه بيننا الأسبوع
اللي راح وحب أبومرام نحتفل
في بيته...
أم رعد:رعد عارف
أبو رعد:طبعا عنده خبر هو اللي
كان ماسك الصفقات والحمدلله
ولدي ذيب بيض وجهي قدام الناس
فيصل:أحم..أحم..نحن هنا ياعرب
ضحكت ريم:ههههههههه أنا شامه ريحة غيره
أبورعد أبتسم:بس فيصل لويشيل العناد عنه ويداوم مع
أخوه كان مافيه أحسن منه
فيصل:لايبه الله يطولي في عمرك أخوي ماشاءالله عليه
ماسك المجموعه كلها والحمد
لله ماشيه زي ماتحب وأكثر أنا ليش أرز فيسي عنده وبعدين
يبه أنا أبغى أشتغل في مجال
دراستي هندسه
أبورعد:هذا حلالك ولازم تعرف
كل صغيره وكبيره فيه...وإذا ع مجال دراستك ميخالف إشتغل
في مجال دراستك كل شئ متوفر مالك عذر..
فيصل:إن شاء الله مايصير خاطرك إلا طيب...
***************
كانت متمدده ع سريرها ومغمضه عيونها بهدوء والسكون يعم حولها...
تعودت ع الهدوء والوحده من صغرها لدرجة ماصارت تقدر
تتخيل نفسها عايشه مع أحد
أو عندها أحد طول الوقت..
تحس هالشئ خلق منها إنسانه
غير إجتماعيه..غيرمباليه..متبلده..
وأوقات لا.. تحس هالتبلد واللامبالاه يختفي ويذوووب لما
تشوف موقف حاني أبوي بين
أبوها وإختها..يخلق منها كتله من
الأحزان والآلآم شعورها وإحساسها يختلف ويفيض...
الوحده اللي تعودت عليها تقتلها
تحطمها في ذيك اللحظات..
قطع السكون والهدوء أصوات
مزعجه تنبعث من خارج الغرفه..
نزلت من سريرها وطلت من الشباك للحديقه..
انصدمت لماشافت الحديقه مقلوبه فوق تحت وطالعه روعه
الأنوار في كل مكان والطاولات متوزعه بشكل منسق ومرتب
والورد موزع في كل بقعه..
كل شئ متغير ميه وثمانين درجه..
عرفت وأيقنت إن بكره بيعم القصر الضجه والإزعاج وأصوات
الضيوف ..بيرجع فيه الحياة وبيرجع ألمها وقهرها يكبر داخلها..عرفت بكره تكبر وحدتها..بكره حبسها من كل شئ
كالعاده..
*******************
دخلت البيت ومالقت أحد في الصاله...والTV‏ شغال ..
نادت بصوت عالي:لموووووس..
ياأهل البيــــت
طلعت من غرفتها بفرحه لما
سمعت صوتها:ريــــم
سلمت عليها:ويــــنك
لميس:كنت أصلي..إيش المفاجأه الحلوه
ضحكت ريم وجلست:إشتقت
لك وتسحبت زي الفار وجيتك
لميس ضحكت:إيش تشربي
ريم:إممم أي شئ با ا ا ارد
راحت لميس للمطبخ ولحقتها
ريم..
صبت لهم عصير فراوله في
كاسات...وأخذت صينية فطاير..
وطلعوا في الحديقه وجلسوا ع
الكراسي عند الشلال اللي كله أنوار خافته رومانسيه
وطالع المكان ساحر ...
ريم:إيش راح تلبسي بكره
لميس حطت الكاسه ع الطاوله باستغراب:For what
ريم بتعجب:ليه رعد ماقالك إن
بكره فيه حفله في بيت أبومرام
سامي ال.....
لميس بهمس:لا
إنقهرت ريم من أخوها اللي مهمشها وشكله مايجلس معاها
أبدا ..رق قلبها ع لميس وقالت
بمرح:أووبس شكلي سبقته...
لميس:الحفله كبيره
ريم وهي تشرب:يب
لميس باستغراب:غريبه...إنتو
رحتوا لهم قبل...
ريم:لا أول مره نروح لهم...
ها ماقلتي لي إيش راح تلبسي
لمس:‎ I dont know you surprise me
ريم:حتى مافي وقت نروح للسوق.....إيش هالحفله إلامانعرف عنها إلا بالوقت الضائع
قامت ريم ومسكت إيد لميس
وسحبتها معاها:تعالي نشوف
إيش راح تلبسي عاد إنتي عروس لازم تصيري نجمة الحفله وتغطي ع بنته مرام
ضحكت لميس واختفت ضحكتها لمادخلت ريم غرفة رعد........
*****************
طلع من المجلس.ومعاه جواله
توه مسكر من المستشفى طالبينه بعد مااستأذن من عمه ...
سمع حركه ورفع راسه وانصدم....
دق قلبه بوله وشوق لماشاف
اللي حرمت عيونه النوم...
لماشاف حبه من طفولته وقلبه
طالعه من بوابة المدخل..
ببنطلون جينز أزرق وبلوزه أنيقه
فوشي ...وشعرها الأسود اللامع منسدل ع أكتافها بنعومه
ودلع...
سماعات الآيبود في أذانها ..وتمشي بدلع ع أنغام الموسيقى...ومانتبهت له كعادتها
بس هالمره رفعت عيونها الناعسه لعيونه وتفاجأت لماشافته ...
لفت بسرعه ودخلت داخل بعد
ماأخذت قلبه وعقله معاها..
دخل جواله في جيب ثوبه الأبيض وطلع ..
*************
تأففت بلامبالاة وعدلت السماعات ع أذانها.....
فجأه إنسحبت السماعات عن
أذانها والتفتت شافت فيصل واقف وفي إيده السماعات.....
رنا:خيــــر
فيصل دخل السماعات في جيب
بنطلونه الأسود :إرحمي نفسك
واتقي الله أربع وعشرين ساعه
السماعات في أذانك
رنا:وإنت إيش دخلك... كيفي أنا
حره
فيصل:لا مانتي حره...الظاهر
إنك تبغي خاتمتك ع أغاني...

رنا طنشته وقالت:عطني سماعاتي
فيصل:لا هالمره أخذت السماعات المره الثانيه الآيبود
مشى وطنشها ..إنقهرت منه
مووت ..شافت أمها طالعه من
الصاله:يمه شوفي ولدك
أخذ سماعاتي
أم رعد:ميخالف أخوك يبغى مصلحتك
سمعت ضحكة فيصل وإنقهرت
لفت معصبه وشافته واقف يحكي في الجوال..
سكر الجوال وقال:يمه وين أبوي
أم رعد:في المجلس مع خالــــد ولد عمــــك
رفعت حاجبها رنا ...وسمعت نغمة جوالها اللي حاطتها لبندر
وطلعت جوالها بكريستالاته الفوشيه وإبتسمت بفرحه وصعدت فوق لغرفتها تحاكيه.....
أم رعد عقدت حواجبها بحيره:إلا وين إختك ريم
فيصل بحيره:مادري....(ثم ضحك)...أكيد في بيت رعد عند لميس
أم رعد عصبت ودقت عليها وسمعت صوت جوالها في الصاله يعني ماخذته معاها
**************
سحبتها من إيدهابتطلعها من غرفته:تعالي مولازم
البس أي فستان
ريم:لا لا وشو أي فستان...إنتي عروس ماتلبسي أي فستان
لميس ماقدرت إلا تقولها :طيب
تعالي ملابسي مو هنا
ريم :أجل وين
لميس:في الغرفه الثانيه...
إنصفــــق وجه ريم لمااستوعبت وضعهم...
وطلعت بدون لا تقول شئ
وهي مقهوره منهم وبالأخص رعد ...
لميس ماقالت شئ لأنها لاحظت
صدمة ريم ع وجهها لأنها أكيد
ماتوقعت وضعهم كذا ....
دخلت غرفتها وبدت ريم مهمة
البحث عن فستان يليق بعروس..
طلعت فستان أخضر فاتح ممسوك بكريستالات برتقاليه وموديله فخم وغريب :هذا يجنن
بيطلع عليك
عجبها لميس الفستان وقررت
تلبسه..
طلعوا وجلسوا في الصاله..
ريم:شفتي الدور اللي فوق
لميس:لا مسكر
ريم:أيوه رعد مسكره يقول ماله داعي يفتحه البيت كبير ودور واحد يكفينا يقول إذا صار
عندي عيال فتحته
إختقت إبتسامة لميس لماسمعت حكيها....
:أووووو ريومي عندنا
وأنا أقول البيت منور
قامت ريم وسلمت عليه
رعدإبتسم:اللحين ليه تسلمي
وإنتي شايفتني الظهر
ضحكت:إشتقت لك ...خلاص بسحب سلامي
إبتسم وجلس ناظر في لميس:تعشيتوا
لميس طاح قلبها لأنها ماسوت عشا إنشغلت مع ريم
لميس:لا
رفع حاجبه وعرفت إنه معصب
ريم:شبعانين ...إلاصح رعد ليه
ماجبت خدامه
رعد بخز:وليه أجيب وعندي لميس دامها تعرف تطبخ وتغسل مايحتاج أعتقد إنها متعوده ع الشغل والخدمه...
إنصدمت لميس وكبتت دموعها
عرفت قصده.....
طلعت ريم من عندهم...
ودخلت لميس للمطبخ وطلعت
خضار تقطعها ودموعها متحجره في عيونها...
سمعت صوته واقف ع باب المطبخ:إيش قاعده تسوين
ماردت عليه لأنها لوبترد بتبكي...
لاحظ إرتجاف يدها وحست فيه
خلفها وإيده تاخذ السكين من يدها:أنا متعشي ماله داعي تسوين
فار دمها بقوه بقهر ودمعتها نزلت ع خدها ومسحتها بكل قهروألم..إذا متعشي ليه يخزها
في الحكي عند ريم؟؟ليه يجرحــها؟؟ريم واضح إنها
فهمت قصده لأنها تعودت تسمع
الخز بالحكي عليها من رنا...
ليه لازم تنهــــان؟؟؟
كانت لسى معطيته ظهرها وعيونهاآلمتها من حبسها لدموعها ..وهو لازال واقف خلفها بدون حركه ..تحسه يستمتع لمايجرحها ويهينها..ويشوف دموعها...
تماسكت بقوه ماتبغى تفرحه
في ضعفها....
فتحت المويه وغسلت إيدها
وهي تحس فيه واقف مكانه
إنقهرت وفار دمها وتفجرت دموعها لماشافته واقف و ع وجهه إبتسامة سخريه ونظرة عيونه المستهزأه...
ضربته بكل قوتها ع صدره وهي
خلا ا ا ا ا ا اص ماعاد هي متحمله حياتها....
إنهارت تبكي وهي تضربه ع صدره:ليــــــــه تسوي فيني كذا...ليــــــــه إذبحنــــــــي...إذبحنــــي وريحنــــي من تجريحك...
ضمهــــا لصدره وهي تحاول
تبعد عنه وتضربه وهو ماتحرك
من مكانه ضمها بقوه ...
لميس ببكا لماستسلمت لحضنه:ليــــــــه تعذبنــــي ليــــــــه
مارد عليها وظل ضامها ثم أبعدها عنه وأشر ع صدره:مثل
ماعذبتي هذا
تركها وراح لغرفته...
*****************
أمل منسدحه ع سريرها تفكر
في فيصل..
معقوله يحبني..لا فيصل مستحيل يحبني....
إنقلبت للجهه الثانيه....طيب إيش
معنى تصرفاتها واهدائــــه..
تصرفاته غريبه معاها مرات يحسسها إنه يحبها ومرات لا
يحب يقهرها...
غمضت عيونها وضمت مخدتها
لها وابتسمت لماتذكرت الإهداء
فيصل يحبها مثل ماهي تحبه..
فتحت عيونها ..أحبه..أيوه أحبه
ساره تراقبها:أمول
أمل انتبهت لها:نعم
ساره تعدلت بجلستها ع السرير
:شفيك تبتسمين
أمل:ها...عادي شفيها
ساره بخبث:لاموعادي...يالله
قولي إيش قصة الإهداء ها..
أمل انهبلت:ا...أي إهداء
ساره ضحكت:هههههههه لا
تحاولين تسوي نفسك ماتعرفين
لأنك واضحه وفصول واضح
أمل:فيصل
ساره:هههههه أيوه فيصل حبيب
القلب
أمل تفاجأت وسكتت ماتدري
إيش تقول ووجهها قلب أحمر
ساره تستهبل:حرام عليك حسي
فيه وفكري فيه تراكي حلمه
أمل انحرجت وأخذت المخده
ورمتها ع ساره:بايخــــــــه
ساره مسكت المخده قبل
تضرب في وجهها وهي تضحك
أمل غطت نفسها باللحاف كلها
وقالت:تصبحي ع خير
ساره:هههههههه وإنتي من أهله
ياجولييت
وقامت تسكر النور..
أمل وجهها محترق إحراج..معقوله أنا واضحه بس أنا عمري ماوضحت أني أحبه بالعكس أنا وفيصل دايما نتهاوش سبحان الله ساره دايما
فاهمتني....
*****************