شبكة همس الشوق - عرض مشاركة واحدة

10 - 11 - 2011, 12:39 PM

***************
كانوا الشباب مجتمعين كالعاده
في مجالس قصر أبورعد...
مشكليــن دائره ويلعبون بلوت..
ماعدا بسام اللي جالس بعيد
قدام التلفزيون..ومو لمه..
سرحان وعقله يدور في الكلام
اللي قالته إخته البندري...
رائد بطول صوته:
في نا ا ا ا ا ا ا اس جالسين يعني
إني متابعين وعقولهم وقلوووبهم في مكا ا ا ان ثاني..
إيش نسميهم ..
قال عادل:عشا ا ا ا ا اق..
ضحكوا الشباب لأنهم عرفوا إنه
يقصد بسام ..
اللي طالع فيهم وطاحت نظراته ع عيون فيصل اللي يطالعه...بصمت..
حول نظراته عنه لماجا في باله
بسرعه الموقف اللي طاح فيه
لما أعماه حبه وغضبه وإنهال
ع عبدالله قدام فيصل اللي أكيد
تفاجأ من إندفاعه وشك في الموضوع..
وقال ببرد:خلك في لعبك إنت وإياه...
قام وهو ياخذ جواله من ع الأرض ويدخله في جيبه:أنا ماشي
رائد وهو يرمي ورقه : وين رايحه لسى بدري..
بسام:وراي دوام مو مثلك تنام
لين يقول النوم إرحمني..
رائد بفجعه:قول ماشاءالله يادوب حتى ع النوم حاسدني
يمه منكم يامعشر الدوامات..
بسام بتريقه:كلها هالسنه وتنضم لمعشرنا
طلع ووقف وهو يفكر يفاتح فيصل في الموضوع وإلا يأجله..
قطع أفكاره يد فيصل ع كتفه:ليش واقف..
التفت:هاه ماشي اللحين
فيصل يناظره بتفحص:بسام
ماعندك شئ بتقوله...
سكت بسام ثم إنطلقت الكلمه
من فمه من غير شعور...
فيصل بدهشه:ريم..
بسام إرتكب لماشاف ملامح
فيصل وقال:أ أيوه ريم...
ناظر في فيصل لماطال سكوته
وشاف يطالعه بنظره مافهمها بصمت ثم قال:كنت تحبها...
تفأجأ من كلامه وماقدر يقول
شئ..ماكان متوقع إن فيصل بيصرح بهالشئ..
فيصل تنهد ثم قال:أنا عارف إنك تحبها..بس ليه توك تطلبها
كانت قدامك طول هالوقت ..
بسام:عارف إني تأخرت..بس
أنا شاريها..ويشرفني إنهاتكون
حليلتي..
إرتبك لماشاف نظرات فيصل
الصامته..قبل يضربه ع كتفه ويحضنه بفرحه:لسى بدري يا
غبي...
زفر براحه وهو يضربه ويقول:يقطع بليسك وقفت قلبي ...
ضحك فيصل وهو يبعد عنه وبسام يقول بضحكه:راضي تقول عني غبي وكمخه بعد بس
بجيب لي الموافقه...
إبتسم فيصل وقال:إن شاء الله
خير..بس ماأضمن لك ..تعرف
بعد اللي صار لها ..
قاطعه بسام وهو يقول:عارف
..
فيصل بابتسامه:أوك ..
********************
إبتسمت لما حست بإيديه تلتف
حول خصرها ولفت وجهها تطالع فيه لماباس خدها...
وضحكت لما إنقلبت ملامح وجهه لما سمعوا صوت ريم:لميـــــــــــــــس...
أبعد عنها ودخلت ريم المطبخ
وقال رعد وهو يضربها ع جبينها:إنتي ماتعرفين تدقين الباب قبل
تدخلين البيت...
ريم يدها ع جبينها:بيت أخوي ليه
أستأذن....
رعد رفع حاجبه:لا والله...
لميس مافاتتها ملامح ريم الغريبه قبل ترسم إبتسامه ع
وجهها لماشافت إن رعد موجود...
أخذ رعد الكوب من يد لميس
وهو طالع من المطبخ لمكتبه...
هتفت بروعه لماشافت ملامح
ريم اللي إنقلبت فجأه بمجرد خروج رعد:ريم...
ضمتها:بسم الله عليك إيش فيك
جلستها ع الكرسي وريم تقول
بصوت مخنوق:بسام خطبني..
تفاجأت لميس وقالت بفرحه:والله متى...
ريم وهي تشد ع إيديها بارتجاف:فيصل قالي قبل شوي..
لميس باستغراب:طيب ليش إنتي ترتجفي كذا
لماشافت نظرات ريم قالت بخوف ودهشه:بنت لايكون بترفضين..
جلست ع الكرسي قدامها وهي
تمسك يديها بحنان:ريم مو هذا اللي تتمنينه..موبسام حبك وحلمك..لاتتخلي عنه علشان اللي صار لك إياك تتخلي عنه علشان تجربه مرت حتى مو إختيارك..
ريم والدموع غرقت عيونها:بس .بس خايفه
لميس :وليه تخافين ..إياك تقارني أو تشبهي بسام بعبدالله
بسام غيرر وإنتي عارفته الكل عارفه ..
ريم بصوت مخنوق:عبدالله الكل عارفه وولد خالتي و..
لميس:تعتقدين لو بسام مثله
فيصل بيصاحبه ..وبيظل رفيق
عمره..أو إنتي بتحبينه...ياحبيبتي
لا تخلطي بينهم وإنسي كل شئ
إنسي عبدالله وإنسي اللي سواه
وفكري في بسام وبس ..بسام
اللي حبيتيه وصار حلمك اللي تتمنينه..واللحين هو في يدك ولازم ماتضيعيه وتتمسكي فيه..
حركت راسها بأيوه وهي تمسح
دمعتها..
دخلت رعد لابسه ثوبه وشماغه وفي إيده شنطته وإيده الثانيه الكوب..قال وهو يحطه ع الطاوله:ياساتر السوالف ماصبرت لين تجلسوا في الصاله..
سكت لماشاف ملامح ريم:ريم إيش فيه وجهك..
قالت لميس لماشافته جاي لريم وهي تقوم وتحط يدها ع صدره تمنعه وهي تقول:تعبانه شوي..
ومسكت ذراعه وسحبته لبرى وهو يقول وعاقد حاجبه:من إيش..
لميس خافت يجلس ويحن ع راس ريم علشان يعرف إيش
فيها .. مسكت يده تمشي معاه
للباب:مافيها شئ حبيبي شوية صداع ويخف
رعد:من إيش..
إبتسمت لميس وهي تقول:يوو
لازم تعرف سوالف حريم يالله
مع السلامه لاتتأخر..
إبتسم وهو يرسلها بوسه ع الهوا
ويطلع..
إبتسم وتأوهت بألم لماضربتها
ريم ع ظهرها معصبه:سوالف حريم هاه..ع بالك يعني ماراح يفهمها يادوب..أحرجتيني
ضحكت لميس وقالت وهي ترد لها الضربه :يادوبه لاتضربيني ع ظهري تخيلي أكون حامل وأسقط بسببك..
ريم بفرحه.:واللــه حامل
ضحكت لميس:أقول إنقلعي قاعده أقولك تخيلي موصدق..
**********
دخلت غرفتها وسكرت عليها الباب
وجلست ع سريرها وضمت نفسها وهي تسمع بكا إختها
وإعتراضتها ع اللي جابه أبوها
علشان يتزوجها مقابل صراخ
أبوها وصوت الصفعات الموجعه اللي تتلقاها إختها..
أمها رجعت من المستشفى وتفاجأت بزوجها يخبرها أن اليوم في الليل بيزوج دلال برجال كبير بالسن وغني ومتزوج ثلاث ودلال الرابعه..
ماقدرت تقول شئ..أصلا يحمدون ربهم إن فيه واحد قبل فيها..مع إن زواجه منها تتوقع يكون بالسر..
أخذت جوالها بسرعة ومسحت كل الأرقام اللي فيه ماتبغى يكون مصيرها مثل مصير إختها
أو أخوها...
رمت الجوال وهي تحمد ربها
إنها فتحت عيونها قبل يصير فيها
مثل إختها اللي علمتها ع كل شئ
أصلا كانت عارفه نتيجة هالعلاقات بس إختها وقلة إيمانها كانوا عامينها..
في هاللحظه قررت تمحي كل
شئ من حياتها وترجع لربها..
************
فيصل مافاتح ريم في موضوع
خطبتها من بسام..مع إنه كان يشوف تساؤلات بسام وتوترته
وشروده من إنتظار ردها ولهفته
بس ماكان وده يضغط ع إخته
يبغاها تفكر ع مهلها وتاخذ راحتها..مايبغى يظلموها مره ثانيه...
أخذ جواله ودق ع السايق يجهز السياره..والتفت بينادي تولين
يستعجلها لأنهم تأخروا ع زواج
راكان وسميه...
شافها طلعت من الغرفه بفستانها النيلي الناعم معطيها
أكثر نعومه ووشعرها الأسود الكيرلي المنسدل ع ظهرها بلمعان وحيويه.. ريم حاولت فيها ترفع شعرها بتسريحه حلوه لكنها ماكانت تحب ترفع
شعرها كانت تحب تخليه ع طبيعته..
طاحت إسوارتها ع الأرض وإنحت تاخذها ..أخذها من يدها
ومسك يدها يلبسها إياها..وهي
تقول بابتسامه ناعمه:سوري
أخرتك...
إبتسم وباس يدها وهو يقول:طيب إمشي لا تخليني أتأخر زياده...
إبتسمت بخجل وهي تسحب
يدها وتروح تاخذ عباتها وشنطتها..
****************
دخل الغرفه وهو يقول:خلصتي..
شافها واقفه تحط اللمسات الأخيره:أيوه خلاص...
فتحت درجها تطلع طقمها وإستغربت لماماسمعت صوته
رفعت راسها لقته يطالعها ..
لميس:إيش فيه..
قرب ومنها وهمس في إذنها:إرحميني...
إبتسمت وهي تدفه بخفه عنها
وتلف تاخذ طقمها الألماس ولما مد يده بياخذه منها كأنه تذكر شئ وفجأه ضحك...وضحكت معاه...وهو تعطيه إياه..
قال بابتسامه يقصد لما كانوا
بعاد عن بعض :تصدقين كنت
أتعمد أسكره لك لأنه الوحيد اللي يخليني أقرب منك..
قالت: أدري..
لماشافت نظراته اللي فهم إنها
ماكانت تمانع لأنها كانت تبغى تكون قريب منه بالمثل.. قالت لماإنتبهت للي قالت بخجل:أقصد...يعني..هو...
ضحك وهو يضمها:والله أحبك...
*****************
كانوا ميتين ضحك ع شكل سميه
المتوتر والخايف حركة إيدها الكثيره ونظرات عيونها...
كانوا عارفين السبب اللي مخليها
هالحاله عارفين إنها خايفه يصير مثل اللي صار في يوم ملكتها قبل لماتركها راكان...مع إن في يوم ملكتها ماكانت في هالتوتروالخوف..
قالت سديم بتريقه:لاتقولين
خايفه ومستحيه ومادري إيش
وإنتوا أربع وعشرين ساعه مقابلين بعض...
ضحكوا البنات وقالت سميه وهي تمسك يد سديم بقهر وتحطها ع قلبها:حسي يادوب..
كانت تحس بنبضات قلبها السريعه وإرتجاف يديها...رحمتها وضمتها وهي تقول:الف ألف مبروك سوسو...
إبتسمت سميه وقالت وهي تضربها بتضيع دموعها ماتبغى
تبكي:إنقلعي شوفي مسكتي
للحين ماجابها الدب ماجد أكيد
تاركها عند الكيكه في صالة العشى...أعرف حركاته..
ضحكت سديم :أحح يادوب أول
مره أشوف عروس تضرب إختها...
طلعت لصالة العشى تشوف وين أخوها براحه لماشافت ضحكتها إختها...
دخلت صالة العشى وشافت
المسكه ع الطاوله...
شهقت لماسمعت حس رجال
جايين وتخبت تحت الطاوله..
سمعت صوت حس أخوها ماجد وصوت عرفة صاحبها أكيد رائد...
كانوا جايبيبن الكيكه حطوها ع الطاوله وقال ماجد لماشاف المسكه:ياويلــــــــي من سميه
ماعطيتها المسكه...بروح أوديها
قبل تفجر فيني وفي القصر كلها...
ضحك رائد لما طلع ماجد وأشر للرجال يطلعون لماتأكدت إن كل شئ أوك ...وقف لما رن جواله ورد بغضب:نعــــم...
غمضت عيونها بصدمه لماسمعت نبرة الغضب في صوته أول مره تسمعها..وهي
تدعي ربها تعدي هالليله ع خير
رائد:وبعدين معك أنا مو قلت
لاتدقين علي مره ثانيه ولاأبي
أسمع صوتك لا إنتي ولاغيرك.........وأنا ما أحبك إفهميها ولاعاد تدقين........أيوه أنا أحب ...أحــــــــب وحده تسوااك وتسوى عشره غيرك
......شوفي يابنت الناس أنا قطعت علاقاتي كلها وغيرت رقمي أكثر من مره علشان البنت اللي احبها...وماعندي أي إستعداد أخسرها علشانك .....فلاعاد تدقين أو تدورين رقمي
مره ثانيه...
سكر الجوال وهو يتأفف...
كانت تسمعه ودموعها ع خدها
وراصه بيدها ع فمها تمنع شهقاتها...رائــد يحب...
****************
كانوا البنات جالسين مع بعض
قالت رنا:غريبه خالتي مو موجوده
قالت ريم فجأه:بنات ماعرفتوا
لمياء:شنو...
ريم:دلال بنت خالتي أمس تزوجت
البنات إنصدموا:إيش..
ريم:أنا مثلكم إنصدمت وما صدقت الإ لما قالت لي أمي
ساره:معقووله تزوجت كذا فجأه من غير حفله ولا ضجه
معقوله دلا ا ا ا ا ال توافق زواجها يكون سكاتي...
ريم:تقول أمي إن زوجها غني
ولابعد متزوج قبلها ثلاث..
شهقوا البنات:معقو و و وله
أمل:ليش معقوله أكيد عمتها فلوسه ووافقت..دلال طول عمرها همها الفلوس والغنى..
رغد:بكيفها حياتها وهي حره
لاتاكلون جيفتها بس
إستغربت أمل لماشافت سديم تدخل دوراة المياه وشكلها مو
طبيعي وقامت لحقتها...
إنصدمت لماشافت دموعها:بنت
إيش فيك..
ماردت عليها وهي تحاول توقف
دموعها...
حضنتها أمل وهي مستغربه معقوله لأنها بتفقد سميه بس
بكاها وشكلها موطبيعي مو معقوله علشان إختها...توها كانت تضحك ومبسوطه وأكثر
وحده تتمنى إن إختها تاخذ راكان وأكثر وحده تنتظر هاللحظه...
حاولت تعرف إيش فيها بس ماقدرت...
طول الحفل وسديم واضح ع وجهها إن فيها شئ والكل كان
يظن إن علشان إختها...
حتى سميه لاحظت مع إن سديم كانت تحاول تكون طبيعيه ومبتسمه ...
سميه همست لها:إيش فيه وجهك
سديم إبتسمت:مافيني شئ..
سميه:سديم أنا عارفتك إنتي باكيه...
سديم ضحكت:أدري إنك عارفتني..دموع الفرحه أخير
شفت حلمك يتحقق
إبتسمت سميه وتغمز لها وهي تقول:عقبالك...
إختفت إبتسامتها وشغلت نفسها
بتعديل طرحة إختها...
طلعوا البنات من الغرفه لما قالوا إن راكان بيدخل...
دخل راكان والفرحه تشع من
وجهه مومصدق إن أخيرا إجتمع مع سميه..وتحقق حلمه وحبه
صار له مو لغيره...ماشال عينه
من عليها كأنه أول مره يشوفها..
سلموا عليهم والكل يبارك ويوصيهم ع بعض....
************
قال فيصل بإستغراب لماشاف
عادل و رائد يسلمون ع بعض
ويباركون لبعض:إيش فيهم...
ضحك ماجد وهو يقول:فرحانين إن الطريق خالي لهم
يتزوجون ..إنت خلاص متزوج
إنفتح الطريق لعادل وخالد فتح الطريق لرائد
فيصل ضحك:طيب إيش دخل زواج راكان...
ماجد بضحكه:هي جت ع زواج
راكان في كل زواج لازم يباركون
لبعض...
ضحك فيصل والتفت لبسام المبتسم واقف يطالع في هبال رائد وعادل اللي إجتمعوا
وقال:عقبال رفيق عمري بسام
إبتسم بسام وقال:ع يدك...
إبتسم فيصل وهو مقرر يفاتح
إخته باسرع وقت...قطع تفكيره
صوت جواله..
*************
رفعت راسها لريم اللي قالت وهي ماسكه عبايتها:ماجا فيصل
إبتسمت تولين بتوتر وهي تعيد الإتصال:لا مايرد...عادل ماشافه موجود
ريم طلعت جوالها:لحظه أدق عليه....هلا عادل...فيصل عندك...طلع!..متى...ليه...إمم طيب
تولين:إيش قال
ريم:يقول طالع من ساعه...
تولين إستغربت كيف يطلع ومايقول لها..خافت يكون صاير شئ..هو حتى مايرد عليها...
إنتبهت ع صوت جوالها وردت بسرعه:هلا فيصل....أوك
ريم:ها جا
تولين:لا يقول إرجعي مع أهلي
..
ريم وهي تلبس عبايتها:يمكن إنشغل..يالله لبسي عبايتك..خلينا نطلع..
************
دق الباب وسمع صوتها تقول:إدخل رودي..
دخل وهو يقول:كيف عرفتي إن أنا..
ضحكت:أدري مافيه أحد مزعج في البيت غيرك..
إبتسم وهويجلس الكنبه ويشوفها تدخل فستانها في الدولاب:الله يسامحك...وبعدين تعالي تعالي إيش عندك نايمه عندنا متخانقه مع طلوول..
أمل:بسم الله علينا من الزعل..بس طلال هاه ركز ع طلال مو طلووول مسافر اليوم وبكره بيرجع..
ضحك:وقمنا ندافع بعد...
جلست ع سريرها وهي تقول:خير إيش عندك جالس..
رائد:ابد مافيني نوم وقلت اجي أسولف مع إختي حبيبتي من زمان ما سهرت معاها..
إبتسمت وهي تقول:بس أنا تعبانه اللحين وهلكانه من حوسة العرس..ورجولي تآلمني
رائد:وش دخل رجولك إنتي بتسولفين فيها..
ضحكت وهو كمل:وبعدين إنتو
يالحريم من تجون من الأعراس
وإنتم بس تتألمون وتشتكون كأنكم راجعين من حرب ..
أمل:ياحبيبي إحنا مو مثلكم من تجون لين تطلعون وإنتم جالسين ماتتحركون...
رائد رفع حاجبه:مين قال..
ضحكت وجلسوا يسولفون شوي
عن العرس ورائد متحقرص يبغاها تجيب طاري سديم وكأنها سمعت أفكاره...
أمل:حتى سدوم ياحياتي
بكت ..
رائد"ياعلني فدا لدموعها":طيب
طبيعي بتبكي مو بتفقد إختها..
أمل بتفكير:لا ماعتقد هي أكثر
وحده كانت تتمنى إن سميه تتزوج راكان...وطول الحفله فرحانه ومبسوطه...بس فجأه شفتها تبكي وشكلها موطبيعي
بالأول قلت يمكن علشان إختها
بس طول الوقت مو ع بعضها
رائد باهتمام:ليه...ماقالت لك شئ
أمل:لا ..من راحت تجيب المسكه من صالة العشا وهي
ومتغيره..
رائد ناظر في إخته بصدمــــــه
..معقو و و وله تكون سمعته
لماكان يحاكي فرح...
أمل إستغربت لماشافت تغير ملامحه المفاجئه:شفيك...
قام معصب:مجنو و ونه..والله
مجنوونه..
لحقته وهي متفاجئه من تصرفه:إيش فيه...رائد
دخل غرفته وسكر الباب بقوه..
ضرب الطاوله بيده بقوه منقهرر
...
دقت الباب تسأله:رائد..إفتح الباب حاكني..إيش صاير..
رجعت ع ورى فجأه لمافتح الباب بقوه وقال:أمي وينها..
أمل:بغرفتـــ....
ماكملت كلمتها لأنه راح لغرفة أمه ..
****************
ماشافت سيارته موجوده ولاحتى سواقه....
معقوله مارجع للبيت للحين...صعدت لغرفتها ودخلت...
وقفت مصدومه لماشافت منظر الغرفه...
الشموع في كل مكان والورد مالي الغرفه..وريحة الورد تفوح في الغرفه..شافت في وسط الغرفه طاوله عليها كيكه كبيره
وشموع وكاسات عصير مزينه
كانت الطاوله مزينه بشكل خطير...
لفت خلفها لماسمعت صوته وماشافت في وجهها إلا باقة ورد حمراء كبيره...
أبعدها عن وجهه بابتسامه ثم وقال:أحبــــــك...
شافها واقفه متجمده وعيونها السود الواسعه اللي الدموع غرقتها تناظر فيه ..كانت مصدومه ماكانت متوقعه تسمع
كلمته اللي صداها يسابق ضربات قلبها...مو صدقه اللي تشوفه ...فيصــــــل يحبها يحبهــا...
إبتسم وهو يقول :إيدي بدت تالمني..ماراح تاخذين الورد..
مدت يدها وأخذتها ..وهو قال
وهو يناظر في الكيكه ثم يرجع يتأملها:كنت بكتبها ع الكيكه بس
بغيتك تسمعيها مني...
إبتسمت وهو يمسح دمعتها بأنامله ثم يحضنها:أحبــــــك تولين..
***************
ماتت ضحك وهي تسمع أخوها
وتشوف ملامح وجهه المعصب..
أمل:يقطع بليسك كل هذا بقلبك
لها...وأنا أقول إيش هالتغيير المفاجئ...طلع كله علشان عيون سدوم..والله أثاريها مو سهله...
رائد:بلا إستهبال مو وقت ضحكك
اللحين إيش إسوي مع صديقتك الهبله هذي...
ضحكت أمل:إيش تسوي يعني
مو إنت قلت لأمي تخطبها لك..خلاص ..
رائد:تستهبلين..مو هي تعتقد إني
أحب غيرها..يعني أكيد بترفض
أمل:كيف يعني تحب غيرها وإنت خاطبها هي...
رائد:مو إسأليها هي..
إبتسمت وهي تربت ع كتفه:ولا يهمك رودي..أنا بنفسي بكره أروح لها ..وأكلمها...إرتاح بس إنت يالعاشق..
*************

طلع للحديقه وشافت إخته جالسه ع طرف النافوره وسرحانه...
عرف إيش تفكر فيه ..قرب منها
وجلس جنبها:إيش فيه الحلو زعلان ..أقصد سرحان...اللي ماخذ عقلك..
إبتسمت وهي تقول:ولاشئ..وينها تولين ماشفتها اليوم...
إبتسم :وأنا مامليت عينك...
ضحكت وهي تقول:لا شدعوه
محشوم...
قال بجديه:ريم بسام ينتظر ردك
وانا بصراحه منحرج منه من كثر ما أشوف بعيونه سؤاله ولهفته..
صحيح عطيتك وقت تفكرين فيه
واعتقد إن لازم جوابك اللحين..
مغصها بطنها لماسمعت سيرته
من زمان كان نفسها ترد بس منحرجه من أخوها..إيش يبغاه
تسوي تروح له وتقول أنا موافقه
أتزوج صاحبك...
فيصل:ها إيش قلتي..
نزلت راسها باحراج لو أبوها كان
أهون...
إبتسم وهو يقول:أدري السكوت
علامة الرضا بس أبي أسمعها منك..قبل أقوله يتقدم..
قالت ريم باحراج وبسرعه وهي
تقوم:موافقه...
مسكها وفيه الضحكه:عيدي ماسمعت..
ريم تحاول تسحب يدها:فيصل..
ضحك وهو يشوف وجهها الأحمر أول مره يشوفها منحرجه منه...وقال بعناد ومبسوط:عيدي ماسمعت..يعني
أقول مو موافقه...
شاف تولين جنبه تقول:فيصل
حرام عليك...ذبحتها..
تركها وراحت ريم تركض...
ضحك وهو يقول:ونا ا ا اسه أول مره أشوف شكلها كذا..
**************
كانت ميته بكا وهي تحاول تحمي حالها من غضب خالها
اللي عرف بموضوع حملها وشال الدنيا وقومها..
قالت وهي تشهق:هو وعدني إنه تزوجني والله وعدني..
خالها بغضب:يتزو و وجك ..وإنتي صدقتيــــــه...مافيه شاب في الدنيا يتزوج وحده كلمته وسلمته نفسها بسهوله..مافيه شاب يتزوج وحده خانت أهلها ..ليــــــه لأنه عارف إنها كلمته
بتكللم غيره...خانت أهلها يعني
بتخو و و نه...
كانت ميته بكا والندم مقطعها
تقطيع...كانت كلماته زي السهم
اللي يقطعها...
كانت تشوف أمها زي الجثه جالسه وماتحرك منها شئ وهي
صراخ أخوها...
***********
سكرت سحاب فستانها الناري والجوال حاشرته بين إذنها وكتفها وهي تحاكي سديم اللي لجت راسها:خلا ا ا اص والله بجي اللحين لجيتي راسي...
سديم:حرام عليك المفروض جايتني من الصبح...بس أنا أصلا
راكان هذا ذابحته ذابحته...
ضحكت سميه وهي تمسك الجوال بيدها:هههههه لاوالله
علشان أذبح رائد وأكون إختك العروسه اللي ذبحة عريس إختها في يوم زواجها...
صرخت سديم وتحس بطنها يمغصها:لا ا ا ا ا اتجيبين طاريييييه ياحما ا اره..
ماتت ضحك سميه وهي تقول:يادوب اللحين بتقابلينه ويتسكر
عليكم باب واحد...وإنت ماتبين تسمعين طاريه ...حشى ماصار حيا
سديم:حرام عليك والله خايفه
وإختي الوحيده اللي المفروض
تكون جنبي قاعده تستهبل علي
وتزيد مخاوفي
رحمتها سميه وقالت:طيب طيب
اللحين إنتي سكري وخليني أخلص بسرعه وأجي لك...وبعدين داليا ماجتك..
سديم:لا داليا بالشه بكرشتها وحالف عليها أخوك الدب ماتتحرك من مكانها...
وصرخت بقهر:أصلا انا مالي حظ في إخواني إنقلعي..
سكرت في وجهها ..وسميه ضحكت وهي تجمع أغراضها..
وسمعت صوت راكان يقول بتريقه:وشفيها إختك صوتها طالع من سماعة الجوال..
ضحكت سميه:زعلانه لأني ماجيت عندها بدري ...كله منك
إبتسم ببراءه:وش سويت..
وتأملها وهو يقول:إيش هالحلاوه..
إبتسمت وهي تقول:عيونك الحلوه...
قال بجديه وبسرعه:شرايك تسحبين ع إختك ونقضي الليله سوا
شهقت سميه:واللــــــه كان تذبحني وتذبحك وراي ..عاد من حينها متوعده ومتحلفه فيك..
*****************
بالويل رضت عنها سديم وواسطات البنات...
سديم:بس ركانوه ماراح أسامحه..
سميه:ضحكت لاتسامحينه أهم
شئ سامحتيني أنا...
دخلت شهد شايله رند بنت رغد
:دوكم هالبزر هذي أبلشتنا وحاست العرس حوس...طيحت
كل اللي بالطاوله وكبت العصير
و نتفت الورد...
أمل:اللــــــه كل هذاسوته..أخاف إنه إنتي..
رفعت حاجبها ورمتها بنظره غرور وتكبر ولاردت عليها ..وهي تعطي لميس رند...وتطلع
سميه:يمه منها مايحركها شئ..
جلست لميس وحطت رند في
حضنها تلاعبها...نفسها يكون عندها طفل من رعد..خايفه مره من تأخير حملها مع إن رعد
عمره ماوضح لها شئ بس هي
عارفه إنه أكيد يبغى ولد يشيل
إسمه...
دخلت المصوره وأخذت لهم كم
صوره مع سديم..
دخلت رنا :ياخوانات تصورون من غيري..
وراحت بسرعه ووقفت جنب لميس..
دخلت ساره وقالت :يالله بنات
رائد بيدخل...
مسكت يد سميه بقوه:لاتطلعين
سميه:والله ياحبيبتي أخاف ع عمري زوجك السيد رائد مايبغى
أحد موجود...
طلعوا من عندها ومابقى عندها
أحد...
رفعت راسها لمانفتح الباب
وشافت وحده بفستان أسود داخله بكل ثقه..كان بنظرة عيونها شئ غريب خوفها...
وقفت البنت قدامها تطالعها من فوق لتحت وهي تقول:مبروك عليك حبيبي رودي...ماكنت متوقعه إن ذوقه كذا..مافيك زو و ود...
إنصدمت من كلامهاوكملت البنت:أنا فرح حبيبته من أربع سنوات ...وإلى الآن...
ماسمعت باقي حكيها من صدمتها..طلعت فرح لماسمعت أصوات جايه للغرفه..ولماطلعت شافت رائد جاي من بعيد ..
إنصدم لما شافها وعرفها بسرعه..هذا إيش جايبها هنا..لايكون قالت لسديم شئ..
لمادخل كانت عيونه تدقق في ملامح وجهها الفاتن وعارف إن فيهاشئ..
قرب منهاوباس جبينها وحط يده ع راسها وقرأ الدعاء..وأبعد علشان يقدر أبوه وأبوها وأخوانها يسلمون..سلم عليها ماجد ورعد وطلعوا بعد ماصوروا معاه..
كان ينتظر تفضى الغرفه علشان يحاكيها..كان يشوف الدموع في عيونها..
**
قام بقهر وهي مسكته :لا رائد..أصلا ماهمتني..ولاهمني اللي قالته..
رائد:أجل ليه الدموع..
مسحت دموعها وإيدها ترتجف
ضمها وهو يقول:والله أحبــــــك ولاعمري حبيت ولا راح أحب غيرك...

*
*
*
*
في الشاليــــــــــــه..وبالتحديد
قدام شاطئ البحر والجو كان روعه...
كانوا جالسين تحت المظله ع الكراسي...وهم يسمعون صوت
عيال رغد يبكون يبغون يسبحون
مع الشباب في البحر...
ريم رفعت نظارتها:حرام عليك
رغد خليهم يسبحون..ماراح يصير لهم شئ..
رغد:لا حبيبتي أنا أخاف عليهم...
جالها عادل اللي كله مويه:جيبيهم أنا بسبحهم ...
رغد بخوف:عدول لا..
شالهم وهم يضحكون مبسوطين:يالله نروح نسبح...
قامت رغد لماشافته أخذهم معاه:عدو و ول ...
أم رعد:خليهم مع خالهم ماراح
يصير لهم شئ..
رغد:يممه ولدك هذا مطفوق أخاف ينساهم ويلهى...
أم رعد:لا ماراح ينساهم شوفيه ماسكهم وبعدين هو ماأبعد شوفيه قريب...
ضحكت ريم لماشافته يهبل في رغد ويخوفها:هههههه الله يعين
لمياء عليه...
سديم:ياحياتي هي ماجت معانا تخاف بشرتها تخرب من الشمس...وزواجهم قرب...
رغد:أنا قايله لأبوي مانبغى نطلع اللحين...بس العيال أصروا
قامت سديم مستأذنه لمادق جوالها...
شافته واقف بعيد وراحت له
سمعته يقول:هلا هلا هلا وغلا
هلا بقلبي هلا
ضحكت وهي تقول:أشش لايسمعك أحد..
رائد:طيب قاعد أدلع زوجتي وحبيبتي..
سديم:إيش اللي أخرك..
رائد:وش أسوي بعد مايبغون شئ إلا يقولون رائد رح جيب..
عدول ذبحنا يقول ما أسوي شئ عريس..وفيصل إذا قلنا له شئ قال أنا زوجتي حامل ما أشتغل والله العظيم حسيته هو
الحامل مو زوجته..
ضحكت سديم..وقال رائد:تدوم لي هالضحكه وصاحبتها...
قامت من عند البنات وراحت عند لميس اللي جالسه لوحدها
جلست جنبها وإتكت ع إيدها تطالع فيها..
إنتبهت عليها لميس:شفيك تطالعيني كذا..
تنهدت ريم وهي تقول:أعد قلوب الحب اللي فوقك..
ضحكت لميس وإبتسمت وهي تتأمل رعد يسبح مع الشباب في البحر :شوفي بسام يحاكي سعود ولد ماجد شكله يبغاك..
ضحكت ريم:ما أمداني جايه من عنده..
إبتسمت لميس ..
وقالت ريم بضحكه:اللي يشوفك اللحين ماشلتي عيونك
عنه مايصدق إنها إنتي اللي سويتي مناحه وقطعتي نفسك
بكا يوم زواجك..
لميس إبتسمت وهي تناظر في ريم:هههههه ..........رعــــــد
جرحنــــــي و صار معشوقـــــــي..
إبتسمت ريم وقالت:قلتي له..
لميس إبتسمت :لا لسى..توني
أمس عرفت..
ريم:لازم تقولي له اليوم إنتي
عارفه إن رعد ينتظره من زمان
لميس:إن شاء الله...
ريم:روحي له شوفيه دخل داخل...
قامت لميس ولحقت رعد..دخلت داخل ..مالقته عرفت إنه
ياخذ شور..
جلست تنتظره وسمعت صوت عزوز ولد رغد يبكي راحت له وشافت سعود ولد ماجد ماخذ كيس الحلاو منه
عطت سعود من الحلاو وباقي الكيس عطته عزوز:خلاص حبيبي لاتبكي..
مسكت يده ودخلت الغرفه شافت رعد طالع من غرفة التبديل ببنطلون جينز وتي شيرت
أسود..وشعره الأسود مبلول..
إبتسم لما شافها وشال عزوز لما جاله يركض:حالو..
رعد:هلا بحبيب خالو..
أخذت لميس المنشفه ووقفت قدامه تجفف شعره..
طلع عزوز حلاوه من الكيس وعطاها لرعد..
رعد ضحك:هذي لي..
عزوز:إيه..
أخذها منه وهو يبوسه:شكرا
حبيبي..
إنبسط عزوز وطلع ..
قالت لميس:أممم وانا بعد عندي هديه لك..
رعد إبتسم وهو يمد يده:بس لاتكون حلاوه..
ضحكت وهي تمسك يده وتحطها ع بطنها..
ناظر فيها للحظه ماستوعب قبل
ماتتوسع عيونها وهو يهمس:والله..
إبتسمت ودموعها إندفعت:أيوه..
قام بفرحه وضمها:ماني مصدق
الحمد لله يارب الحمدلله..
ضحكت وهي تضمه ودموعها
نزلت..
أبعد خصل شعرها عن وجهها
ومسح دموعها بأصابعه وباس جبينها و يده تلامس خدها:أحبك
أحبك الله لا يحرمنــــــي منك..