عهد قلبي كان أمانه وأنت خُنتُه
بس قولي أنت فاكره ولا لاءه ..؟؟.
بُصَّ لَيَّه وشوف عنيَّه..
هوه دَمْعي ده شويَّه
جَرحِي مَنَّك قال لي اقولَكْ:..
نَفسي تنسى الظلم مَرَّه
دي الحياه بالقسوه مُرَّه
ليه بتبعد روحي عنَّك..!!
ياترى فيه حَدَّ شَغلك..؟
ولا ظُلمَك ده ف طبعكْ من زمان..؟
ولا فِيه كان قلب ظَلمَكْ قبل مَنِّي..
ولسَّه شايل لُه الحنان..؟.

حَنَّ تلقى الدُّنيا جنَّه.. وبعدما تقرَّب ب ثانيه
كُلَّ شئ ح يهون عليه
بس قرَّبْ حبَّه ليَّه
حَنَّ يلا وطُلَّ طَلَّه
عهد قلبي كان أمانه وأنت خُنتُه..
بس قولي أنت فاكره ولا لاءه ..؟؟.
ليه بتظلم..!!
ليه تجافي..!!
جَرحِي مَنَّك قال لي اقولَكْ:..
نَفسي تنسى الظلم مَرَّه
دي الحياه بالقسوه مُرَّه
واللِّي شافني خاف يقولي وقال ف سَرُّه:..
قلبي ضاع من غير وداعْ.

واسأل الطَّير اللِّي غنى فوق شجرنا ف الصَّباحْ
بعد ظلمك ليه بيبكي وليه بيشكي م الجِراحْ
هوه سامع نبض قلبي دقه دقه ..؟!
وانت لاءه..؟!
هوه حاسس بيَّه أكترْ ..؟!
وانت لاءه..؟!
مَ انتَ هَمَّك إني أسهرْ بين آهاتْ
واشرب السُّهد ف كاساتْ
وامَّا اغمض عيني واسرحْ..
ألقى طيفك جَي يجرحْ.


ليه بتظلمْ..!!
ليه تَجافِي..!!
جَرحِي مَنَّك قال لي اقولَكْ:..
نَفسي تنسى الظلم مَرَّه
دي الحياه بالقسوه مُرَّه
دا اللِّي شافك قال دا قاسي
وبُكره حتما ًراح يَسيبك أو يَخونكْ
وانت فعلا عهد قلبي كان أمانه وأنت خُنتُه
بس قولي أنت فاكره ولا لاءه ..؟؟.

بقلم الشَّاعر/
د.عبدالحميدالباجوري