نبأ.. نبأ.. نبأ.. نبأ..
قلبي انْسَرَقْ
وشعوري شوفتـُه من شويَّه بَيَنْحَرقْ
واللي سرقني مالوش ضميرْ
خالى الوفاءْ..
شقلبني فَ بداية السِّباقْ.

نبأ.. نبأ.. نبأ.. نبأ..
قلبي انْسَرَقْ
قبل الغروب دخلت لي واحده بجوزعيونْ..
أقوى الجبالْ لو شافها مرَّه حَ ينفلقْ
ماسكه إديها وردتينْ وبالإضافه لكيس وَرقْ..
ما اعرفش أيه خلاني اقرب خطوتينْ
وامَّا دَنيت فجأه لقيت سهم الرَّموش نحوي انطلقْ

فرْجعت من فزعي أسير خطوات كتيرْ
ورا .. ورا ..
مَ اللي جرى
وكأنَّ رِيح خطفتْ كياني مَنَّها ومن مَكْرها
لحظة سكون من بعدها
شدَّ انتباهي لحن عُودْ
فسألت عقلي هل أعُودْ..؟؟
قال ياغبي :..
دي موش ملاكْ
أنظر هناكْ
دي اديها ماسكه كيس كبير مليانْ ورقْ
أسْرعْت لُه وفتشت فِيه
جوَّاه لقيت قلوبْ رجال مَستسلمينْ
مَتسلسلينْ
أنا شوفتوهُم قلبي انخلعْ
لكن بداخلي واد جدعْ
شمَّر دراعُه وقالها سؤال يزلزل عرشها
راح قلبي فين..؟
قالت لُه : مينْ !!!
فقال لها:..قلبي اللِّي مَنَّك انكوى
صَرَخِت ولمَّت لُه الجِيرانْ
أنا قولت حَان وقت الجنانْ
من بعد نور الكَهْرمانْ..
والرّقه والذُّوق والحنانْ
يا اخوانا دي قلبت لجَانْ..
والكيس رميتُه ف الزَّباله للكلابْ
شوفتوا العذابْ دا أنا قلبي فيه..!!
أبْكوا عليه بدمعتين
طب أنتوا فينْ..؟؟
نبأ.. نبأ.. نبأ.. نبأ..

قلبي انْسَرَقْ.