يـانصيب الـغير واحـلام السنين
مـاسـواك انـسـان زاد الـقلب هـم
انـت مـاغيرك سـبب كـل الانـين
وحـدك الـلي فـي عـذابي متهم
كـنت واعـدني وحالف لي يمين
حـبـنـا يـبـقی يـرفـرف كـالـعلم
بـالـوفاء نـحيا ونـبقی مـخلصين
قـلت لـك احلف وعاودت القسم
قـلـت لـي اقـسم بـرب الـعالمين
ذي خـلق هـالكون كـله من عدم
لـو جـميع الـناس ضدي واقفين
مـاتركتك لـو يـموت الـقلب غـم
قـلت لـك قـلبي وروحـي واثقين
فــيـك اتــحـدی زمــانـي والالــم
هـمت فـي حـبك وانـا كلي يقين
ان الـهـوی ويــاك مـايـرجع وهـم
الـيـوم ويـنـي يـالغلا وانـت ويـن
والــي بـنـيته لـيه فـجاه انـهدم
لـيه قـلبي يـابعد روحـي حزين
والـتـعب فـيـني تـجـمد والـتحم
رغم إخلاصي وصدقي والحنين
لـيـه قـلبك صـار مـتحجر صـنم
يـاطـيـور الــحـب بالله غــرديـن
اعـزفـي ضـيـقي واحـزانـي نـغم
الـجرح يـكبر كـل سـاعه مرتين
زاد عـــن حــده واجـتـاز الـرقـم
لـيت هـمي يـختفي فـي دمعتين
والـمـواجع لـيـت يـرويـها الـقـلم
اعـتـبرني فــي عــداد الـمـيتين
شـخص فرحه من حياته انعدم
يـاهـوی قـلـبي وافــراح الـسنين
مـابـقی فـيني سـوی دمـعه نـدم