مخلوق(ن)بعينـي , مـا , يضاهيـك. , فيـه
مـا فيـه مخلوق(ن)بعينـي يضاهيـك.
ما فيـه مخلوق(ن)بعينـي يضاهيـك.
فـي ذمتـي حاولـت اعافـك واخلـيـك
واكتب على ذكراك(هامـش حياتـي)
وانـسـى جروح(ن)سببتـهـا ايـاديـك
وانسى جفـاك ولوعتـي يـوم احاتـي
وانسـى عنـا قلب(ن)تولـع بطاريـك
الـلـي سـبـا حـالـي وفـكـري وذاتــي
واسلى عن همومك وكثـرة بلاويـك
يا اللـي صفاتـك مـا توافـق صفاتـي
ورغـم التبلـد والقسـى والجفـا فيـك
حـبــك يـحـطـم مـجـمـل مـحـاولاتــي
لا شك باني يا هـوا الـروح شاريـك
يا اللـي وصالـك صـار كـل امنياتـي
ارجع حبيبي قول لي وش يراضيـك
انــت الوحـيـد الـلـي يلمـلـم شتـاتـي
فيك الحلى طاغي عسـى الله يخليـك
يــا كــل مــا عــدى ويــا كـــل آتـــي
طيفـك يسلـي خاطـري يــوم انـاديـك
واحكـي عليـه مـن الولـه ذكريـاتـي
مـا فيـه مخلوق(ن)بعينـي يضاهيـك
اطلـب وانـا قــد الطـلـب يــا غنـاتـي
قلبـي وسـط كفـك وروحــي تبـاريـك
واقـول انـا عايـش واخـبـي ممـاتـي
دايــــم تــوردنــي دروب التـهـالـيـك
مير التسامح و العفـو مـن سماتـي
ومهما بدر منك ترى الجوف باغيك
يا اللي سواتك فـي عيونـي سواتـي
هـذي وصيـه مــن محـبـك ومغلـيـك
ارحـم صميـم القلـب هـذي وصاتي