منلوج يحاكي الواقع في غلب كميدي
وأتمنى أن تحوز على رضاكم ولاازل انتظر منكم التقيم على الاستمرار او التوقف
فرائيكم يهمني كثيراً
قلت با ودع العزوبية
ودور لي بنت حلال
وفك نفسي من الأذية
يرتاح فكري والبال
رحت لعمي اقرب مالي
وشرحت له وضعي وحالي
رد وجاوب على سؤالي
الزواج ماهو لعب عيال
قالي ارجوك ياولدي
الرآي الحين ماهو عندي
الحل والربط ماهو بيدي
الشور شور ام لعيال
قال لي امهلني اسبوع
اشاورها بالموضوع
الزواج مثل المشروع
يحتاج لدراسه بكل حال
جيته على حسب وعده
ابي اسمع شنهو رده
قام ونا ولني بيده
لسته شروطها تهز جبال
اول شرط بيت بروحها
وسياره تكون على ذوقها
والثاني خدامة تخدمها
ومربيه تراعي الجهال
والثالث مهرها تسعين
والدزه ذهب وفساتين
وشهر العسل يكون بصين
تبي تشوف كل الجمال
قال صدقني مانبي أكثر
هذي شروطها كانك تقدر
خلا خاطري يتكدر
ومن شروطهم جاني اسهال
قلت ياعم ذي مو شطاره
جاي اتزوج ولا اخذ سيارة
ما وراء شروطكم الا الخسارة
ومايطاوعك الا اللي بعقله أخبال
وسلامتكم جميعاً
الحقوق محفوظة / لسيف العمور