شبكة همس الشوق - عرض مشاركة واحدة - غصبن عني حبيتها للكاتبهSandra-kas

15 - 11 - 2011, 08:41 AM

غادة:يلا..جاوا الحريم ويبون يسلمون عليك...
سارة:أي لحظه خليني اضبط مكياجي...عدلت مكياجي وزدت على الغلوس..ورحت عند الحريم..سلمت عليهم..
ام منصور:مبروك يابنتي..
سارة بخجل:الله يبارك فيك..
ام فيصل:مبروك عليك ولدي ياسارة.."ابتسمت..
سارة"ابتسمت لها":الله يبارك فيك يمه...
ام عبدالرحمن:والله سارة تستاهل...
ام حمد:عقبال عيالك
ام عبدالرحمن:آآمين يارب..
ورحت عند البنات..نوف:شكلك خيال بالجلابيه..
فاطمة:ابي اعرف جلابياتك من وين تشترينهم..
سارة:من الكويت ولا دبي ولا الامارات..بس ذي من الامارات..
فاطمة:اها..
الاء:ابيك شوي سارة من بعد اذنكم..
قمت معاها..سارة:شوو مافيه كلمه مبروك..
الاء:مبرووك..بس يلا قولي لي...
سارة اسوي نفسي كني مدري:عن ايش..
الاء:لا تستعبطين وقولي لي..
سارة:بقول..بس خلينا نطلع لحد يسمعنا وونفضح....
وفي المجلس..
منصور:هلاا بالعريس..
فيصل"ابتسم":هلاا فيك..اخبارك؟؟
منصور:الحمدلله زين..وانت؟؟
فيصل:الحمدلله ماشي الحال...وهو يطالع جاسم بحتقار..
حمد:مبروك عليك اختي يافيصل..
فيصل:ههههه الله يبارك فيك..
حمد:عاد لااوصيك عليها..
منصور:من احين توصيه!!
حمد:أي..ذي الزين كله..حطها في عيونك الثنتين..
منصور بخبث:صدق الزين كله..
فيصل:اقوول اعقل ترى ذي حقتي..
الكل:ههههههه..
ابو منصور:اعنبوكم انتوا... حتى في المجلس قدام الخلق متكفونا عن ازعاجكم..
منصور:هذا ميزتنا..
عبدالله بن سعد:امحق ميزه..
عبدالله بن مبارك:قاعدين تطنزون علي يوم ملكتي ياجليلين الحيا..
منصور:انا مكنت معهم..
عبدالله بن مبارك:احلف عاد....اهم شيء انك شاركتهم بالضحك..
منصور:لا والله يعني جات علي انا..الكل ضحك مو بس انا...
فيصل:ههههههه..وخير ياطير ان ضحكنا..وش بيصير..
عبدالله بن مبارك:بعد...أنا اوريك وش بيصير..
الكل:ههههههههه
ابو عبدالله:اعقلوا ياعيال...
ابو حمد:أي معليه..اتحداك ان عقلوا...انا من اشوفهم في أي مجلس اهج على طول..
ابو جاسم بضحكه:اش دعووه..
ابو عبدالله:مكذب بوحمد..كلا نجار ألي يشوفهم يقول بزران مو رجال...
ابوجاسم:توهم طايشين..
فيصل:أنا مو منهم.. هم في العشرين وانا بـ35..
ابوجاسم:هههههه انت اولهم..
فيصل:ههههههه..افى ليه؟؟
ابو جاسم:اسأل نفسك..
فهد توه داخال:ياامرحباا..
محمد:هذا ألي ناقص..
الكل ضحك إلا فهد:ههههههههه..
فهد مو فاهم شيء:وش السالفة..
فيصل:ههههههه...انت استريح وبس..
فهد"وهو يساسره":شفتها ولا..
فيصل بصوت واطي:من؟؟
فهد:المدام..
فيصل ابتسم:أي..بس صار احداث يمكن مراح تصدقني...
فهد متحمس:وش صار قوول؟؟
وقال له كل ألي صار..
فهد:بذمتك..والله متوقعته كذا..
فيصل:أي انا وش اقول لك..يوم شفته يحضنها مدري وش صار لي واشوي واذبحه بس محبيت الفضايح..
فهد: ليكون تحبها..
فيصل:لااا..انا معترف بالحب..
فهد:لا ياشيخ..بيجيك يوم بتعترف فيه..
فيصل:لا إن شاء الله..
فهد:بشوف... احين جاسم ذه يحبها من زمان..
فيصل:اتوقع..."وهو يصر على اسنانه"والله ان شفته يكلمها مراح ارحمه..
فهد(بنشوف اخرتها وياك يافيصل...ليه ماتبي تعترف انك تحبها..)
وفي قسم النساء...
الاء وهي موصدقة:بذمتك..ليه بغى يرتبط فيك اجل؟؟
سارة:والله مدري...والي قاهرني انه يحسبني من البنات ذول الصايعين..
الاء:وي ليه؟؟
سارة:تذكرين آخر مرة دقيتي علي فيها..كان الصبح..
الاء وهي تفكر:امممم متذكرت..متى؟؟
سارة:يوم انا قلت لك اني في بيت غادة..
الاء:اااي تذكرت..وش صار؟؟
سارة:اسكتي...سمعني وانا اكلمك بصيغه الرجال ياسلطان..
الاء:وي كذاابه..
سارة:أي والله.."اضطريت اني انسع سطور ولا قلت لها يوم جاني في الصبح..وعمل لي هوايل"
الاء:يوم درى انك كذا اجل ليه يبيك تصرين زوجته..
سارة:ايوا انا ابي اعرف ليه؟؟(ودي والله اقول لك وش ألي صار اليوم بعد بس مقدر...اخاف يذبحني لدرى)ورحنا عند البنات..
نوف:سارة..تعالي..متى راح تقضين لك ياسارة..
سارة:مدري يمكن من بكرة..
صيته:هو الله يهديه مستعجل مرة...هذا هو مشافك بعد لو شافك كان حصل ايه..
رغد:لا هو شافها..
البنات بحماس:هه...كييف؟؟
رغد:بسم لله وش فيكم...النظرة الشرعية..
نوف بحماس:وش سو..
رغد:استانس..
سارة ووجهي صار طماطه:وجع انتي وياها..
نوف:معليك منها كملي..
رغد:ولمها في صدره..
سارة شهقت:متى صار ذه..
نوف:بعد..
رغد:وياليتها جات على كذا...ذا ولا شيء بنسبه للي سواه لها...
سارة(أي والله ماكذبتي):عن التشلخ يارغد والله بيصدقون..
فاطمة:ههههههه...عادي خليها تشلخ علينا اهم شيء نزهقك...
سارة بقهر:بعد..
رغد:المهم..يوم خلص من التحضن فيها...باسها في جبينها وخدها وسمعها قصيد هذا غير النظرات ألي بينهم..
الاء:بعد...ليه مقلتي لي؟؟
سارة(ياليت جات على الخد ولا الجبين..ذا باسني في شفتي)استحيت:وجع..ترى ان كملتوا بطلع....
دخلت غادة:وليه تطلعين؟؟
سارة:شووفيهم..بس يبون يحرجوني..
غادة:يحرجونك..الله زين"وهي تقعد معاهم"يلا سمعوني..
الكل:ههههههه..
سارة:مالت عليك..بغيتك عون صرتي فرعون..
اسماء:معليك منها واسمعي..
سارة:يوووه...ولبست شيلتي وطلعت..الجو كان حلو مررة..وتلفت يمين يسار وماشفت حد..نزلت الشيله بين كتفي..وفتحت شعري وانا امرر شعري بأطراف اصابعي..ومر علي خيال فيصل..ابتسمت..
فيصل وهو في التلفون:خلااص محمد حط الملف في المـ...مكتب..وهو يطالع فيني..فيصل:خلاص اكلمك بعدين..(يازينها...بتجنني ذي بجمالها)واقترب مني ومسك شعر باطراف صبعة..سارة التفت:فيصل.."ورفعت الشال وغطيت وجهي" وانا وين مروح ألقاك في وجهي..
فيصل:ليه زهقتي مني..
سارة(لا بالعكس):أي زهقت منك..
فيصل:وليه تغطيتي عني..ماانا بصير زوجك..
سارة:بتصير زوجي..لكن لسه انت مصرت"ورحت لكن هو وقف في طريقي" وخر.."واروحت الجهة الثانيه ويوقف في طريق مرة ثانيه"وبعدين معاك انت..
فيصل وهو يسحب الشال من راسي:لاماني موخر وش بتسوين يعني..
سارة:فيصل جيب الشال...جيبه"وانا ارفع يدي مشان اخذه منه"جيبه والله بتفضحنا..
فيصل:يلا اخذيها مني ان كنتي تقدرين...
سارة:يوووه..يعني تسوي نفسك طويل.."وانا انط مشان اخذ منه بس مقدرت لانه اطول مني بواجد"
فيصل حس بمتعه وهو يزهقني..ساره:اووف فيصل عطني الشال.. فيصل:نو...نو..حس بأحد يبمر..وسحبني من يدي..وحضني من وراء..صار ظهري في صدره..سارةوجهي صار اشاره مرور:وش تسوي انت؟؟
فيصل ويده في فمي:اوووص..في حد بيمر..
سارة توهقت وبصوت قريب للهمس:والله بتفضحنا...
فيصل:لا ذي بسه"قطوه"
سارة وانا حاطه يدي على قلبي:الحمدلله..
ابتعت عنه لكن هو شد علي..سارة ووجهي طماطه:وخرر عني فيصل..(يارربي جرريئ..مدري وش راح اسوي بعد الزواج..هو احين كذا اجل بعد الزواج وش بيصير..الله يستر بس)..
فيصل وهو يشد علي:لا ماني موخر..وش راح تسوين يعني..
سارة:فيصل حراام عليك ألي تسويه فيني...مافي شيء يربطنا ببعض وتسوي كذا...وين حنا بالغرب... وخرر..
فيصل بحده:تبين تقولين لي انك مسويتي كذا سلطان..
سارة انصدمت ومعرفت ارد:.................
فيصل والشرار يطلع من عيونه:يعني مسويه معاه..صح؟
سارة بتوتر:اصلن سلطان...
فيصل وهو يشد على يدي:بعد لك عين تقولين اسمه قدامي..
سارة بخوف:انت اسمعني بالاول..
فيصل معصب:اسكتي ياقليله الحيا..صدق اهلك معرفوا كيف يربونك..
سارة بشراسه:احترم نفسك..اهلي مربيني زين..
فيصل بسخريه:واضح..
سارة ابتعد عنه:اجل ليه ماخذني..طالما تقول ان اهلي مربوني عدل"دمعت عيني"
فيصل:والله مزاج.."وبسخريه"يااحراام تبكين..تؤتؤتؤ تصدقين كسرتي خاطري..
سارة بصوت باكي:الله يسامحك يافيصل..واتاكد انك انت ألي ظلمتني...ومعطيتني فرصة للكلام ورحت اركض...
فيصل(كيف ظلمتك..وانا الي سمعتك بذوني تكلمين الحيوان سلطان..كيف تبيني اصدقك؟؟)

.......................