شبكة همس الشوق - عرض مشاركة واحدة - غصبن عني حبيتها للكاتبهSandra-kas

15 - 11 - 2011, 09:46 AM

البارت الثالث عشر..
فيصل وهو يشرب عصير التفاح(وفي نفسه...مدري وش صار لك يافيصل..انت تضعف من ناحيتها هي..وانت تعرف انها....انها تكلم شاب ويمكن طلعت معه ويمكن..و...و..و مقدرت اقاومها..مع اني اعرفها انها.....ليه ياسارة سلكتي ذه الطريق...لو ماكنتي كذا كان انتي في حضني احين..ليه سارة؟؟)
ودخل الغرفة وشافها نايمه على الكنبه،وخذ اللحاف وغطها عدل(ياربي بتذبحني البنت بجمالها ورقتها..شكلها يجنن حتى وهي نايمه)قرب مني وباسني برقه على جبيني...
وصحيت الصبح على صوت فيصل..فيصل:يلاا قومي كل ذه نوم... سارة وانا اتقلب في الكنبه:يوه... بس ساعة..
فيصل وهو يعدل شماغه في المرايه:اقوول اصحي..كم مرة بقول لك اني محب زوجتي تصير كثيرة نوم..يلا قومي بلا كسل.. وصلحي لي فطور..
سارة بكسل:عندك خدم واجد متبي إلا انا اسوي لك...
فيصل:عندي زوجتي...واخلي الخدم يسون لي..يلاا قومي.. سارة وانا اقوم:زين احين بقوم..
فيصل وهو متنح من شكل سارة..وانا قاعده في الكنب ومغمضه عيوني..وفخذي كان باين مرررة..وأنا محسيت ان قميصي ارتفع... ورجعت جسمي للوراء...
فيصل نزل لمستواي وهمس في أذاني وبخبث:ان ماقمتي مراح يحصل لك خيرر...
سارة قمت على طول ووجهي احمرر..
فيصل ضحك ضحكه وترت سارة:هههههه هذا ألي ينفع معك..ويلا نزلي سوي لي فطور..
وقمت لبست شيء يغطيني..ونزلت تحت...نزلت على الدرج الذهبي المدموج بالبني...وشفت الخدم ألي ينظفون...سالتها:مراحب...وين المطبخ؟؟
رشا:اهلين مدام..المطبخ هونيك عند اول ممر"واشرت"... عرفت من لهجتها انها سوريا ولا أردنيه..ورحت توجهت للمطبخ..كان فخم مررة كان في نافذتين طويله يطل على الحديقة... والمطبخ كان ديكوره فرنسي على امريكي...فخم وعريق مرة...وفتحت البراد معرفت شو اعمل... وعملت فطور عادي..وحطيتهم في غرفة الطعام..كان ديكوره خيااال مرة.. لفت انتباهي على الباب الكبير الجزاز المطله على الحديقة والنور يخرج من الباب وصوت العصافير والعشب الاخضر والباب كان محاط باللون الابيض العريض ولها رسمه مميزة..الي عكس لون الغرفة واعطاها منظر كتير فنكي..لون الغرفة كان ابيض والاثاث باللون الاخضر العشبي ودرجاته والطاوله بيضاويه جزاز ومن القاعده باللون الابيض والكراسي باللون الابيض..وجذب ناظري الدولاب الفخم كنه حق الوسكي والشمبانيا وفيه كؤوس ذات القواعد الرفيعه..وكؤوس للحفلات... وناظرت للباب الي كنه نافذه كبيرررة..وانا اتأمل جمال المنظر..فيصل وهو يطالع فيني:عجبك..
سارة التفت:بصراحة أي يهبل مررة..انت الي مصمم هذا البيت؟؟ فيصل وهو يجلس بالكرسي:أي انا..
سارة تفاجئت من ذوقه الراقيه بالصراحة متوقعت انه هو الي صمم هذا القصر..فيصل هو ينظر للطاولة:وش هذا؟؟
سارة"يعني يستغبه ذه هو ووجهه":نعم!!..اي هذا الفطور..
فيصل:هذا فطور..وبعدين انا مفطر كذا..
سارة تخصرت:نعم..كيف اجل تفطر استاز فيصل..
فيصل يبي يغيضني:انا افطر بان كيك وكوفي ولا جوز اورنج..وخبز فرنسي وإيغز أيس وكورسان..
سارة بقق عيوني:كل ذه فطور..
فيصل:اجل مو فطورك..وشرب العصير وطلع وكلم الخادمة باللغة مافهمتا كنها اسبانيا ولا فرنسية..وفرحت كتير مابعرف شوو قال لها.. ورحت فوق ونمت..

بيت ابو مبارك...
سارة بنت مبارك مستغربه:كييف؟؟
عفراء:أي والله.. سمعت امي تتكلم مع عمتي الهنوف..
سارة:يعني كتبوا كتابهم امس وخذها من دون عرس..
عفراء:أي وسارة كانت راضيه واليوم بيرحون لامريكا..
سارة(انا اعلمك ياسارة الكلب...روحه بلا رده..)
عفراء:والله وصارت تروح لامريكا مو احنا مالت علينا ماطلعنا من الرياض...
سارة بخبث:متخافين راح نروح بإذن الله..
عفراء:إن شاء الله...
وفي الشركة..
فهد:معقوله يافيصل تجي اليوم..
فيصل:أنا ميعطلني شيء عن شغلي حتى زواجي...
فهد:حرام عليك يافيصل..طيب عشان ماتكسر خاطرها..
فيصل وهو يقلب بالملفات:والله كيفي..أنا بذوقها الويل..
فهد:طب ليه تعاملها كذا حرام عليك..
فيصل وهو يتحسس خذه:تصدق انها مدت يدها علي..
فهد قام من مكانه:عطتك كف!! متى؟؟
فيصل:من مدة قبل مااكتب كتابي عليها..
فهد:مصدق..
فيصل بحده:بعلمها كيف دروبها..
فهد:حرام عليك..غادة واجد تمدحها..
فيصل:اختي متعرفها عدل..ذي وحده.....وحده....
فهد فهم:استغفر الله العظيم..ليه تظلم البنت..وعلى أي اساس حكمت عليها انها بنت موزينه..
فيصل:سمعتها وهي تكلم صديقها مدري حبيبها..
فهد انصعق من كلامه:انت وش تقول..سارة مستحيل تسوي كذا..
فيصل وهو معصب:اقول لك سمعتها..حتى يوم حست بوجودي وجها انقلب وطاح الجوال في الارض..
فهد يتنهد:وغادة تدري..
فيصل:لا ماتدري..وانتبه لاتقول لها اهم شيء امنع اختي انها اتزورها...إلا اذ كنت تبيها تصير زي سارة ذه شيء ثاني...

يتبع...