انا بشر اخطي ولاني بمعصوم
وديننا دين اليسر والسماحه
يوم انتصر وفوز وايام مهزوم
ويوم مثل اللي يسافر سياحه
مثل السجين اللي بالاعدام محكوم
ظلام ليله متصل في صباحه
مايعرف الراحه ولايعرف النوم
من ضيقتة ضاقت عليه المساحه
مهموم ياعيني من الغبن مهموم
وده يطير ولايرفرف جناحه
اهم شي لايحرمونه من الصوم
وديننا والشرع احله وباحه
اسف ولاكن مقدر اخالف القوم
هاذي الحقيقه الكامله والصراحه
اصبحت في توضيحها شبه ملزوم
غصب(ن)على قلبي يجددجراحه
والله لوانه يشتري الهم بالكوم
لحل قيده وطلقه من سراحه
يابنت انا ماني على الناس مشئوم
شاعر ويحكمني لسان الفصاحه
راضي بماياجي من الله ومقسوم
كرامتي ما دنستها البجاحه
يابنت بعلنها وقلك من اليوم
من خافق(ن) ينبض وتعصف رياحه
يمكن ذكرت اسمك وخفتي من اللوم
واللوم يقلبلك حياتك مناحه
ورسلتي الشكوى على ريس القوم
يرد من حبك ويكسرجناحه
تطمني
يابنت صاحبك محزوم
كريم لوطبق نظام الشحاحه
والله معديحرجك والامرمحسوم
مايطلبك غيرالعفو والسماحه
لوعاش ما اتبقى من العمرمحروم
حزم عفوشه وانتقل من مراحه
عهد(ن) علي وعد يبدى من اليوم
لطعن خفوقي اللي تقلدوشاحه
حبك بحر في غبته مقدر اعوم
حتى لوادرب بنادي السباحه
الشاعر / سعود بن حمدان المالكي