شبكة همس الشوق - عرض مشاركة واحدة

9 - 6 - 2018, 09:32 PM

للصدر قاع (ن) من غناك اكتسى شيح
عـقــب الـظـمـا مـاجــرده مـــن ثـيـابــه

بـحـبـال صــوتــك لـلـكـنـاري مـراجـيــح
مــــدي يــديـــن الـمـيـجـنـا والـعـتـابــه

غـنـي يـصـيـر الـقـلـب بـيــت التـبـاريـح
وصوتـك نقـوش (ن) دارسـه فـوق بابـه

طفـلـيـن والـشــارع عـيــون ومصـابـيـح
مـــروا تـحــت جـنــح الـضـنـا والصـبـابـه

صوت (ن) يجيني همس وآحس به ريح
يـا مـا اختـلـف فيـنـي شـعـور وتشـابـه

يبـيـن مــن كـفـن (ن) تـــوادع بتـلـويـح
ويــمــر يـجـتــث الـصـبــر مــــن تــرابــه

وانـتــي تـغـنـيـن الــفــرح ودي آصــيــح
وفــي داخـلــي لـلـنـوح تـعــوي ذيـابــه

غنـي تـرا الفرحـة مثـل قطفـة الشـيـح
وتـذبــل لــــو ان الـمـزهـريـة سـحـابــه