شبكة همس الشوق - عرض مشاركة واحدة

11 - 6 - 2018, 01:23 AM

جتني وقالت خذ بقايا هدايـــــــــــاك
وهاك الرسايل وأعتبرها نهايــــــــــه

وخل ذكرياتي والصور دوم ويـــــــاك
مابيك تنساني وتنسى هوايــــــــــه

وأستر على ماشفت مني وماجــــاك
وعساك تذكر ذكرياتك معايـــــــــــــه

قلت أسمعي قالت عسى الله يرعاك
ماعاد ينفع ياحبيبي كفايـــــــــــــــــه

صاح الضمير وقال يالزين وش جــــاك
ودي أعرف اليوم شنهو خطايـــــــــه

ودي أعرف اللي حصل لاعدمنـــــــاك
شل لي حصل بالضبط شنهي الحكايه

قالت(خطبني) شخص مثلك وشرواك
وأبوي ملّكني له وحطم منايــــــــــــه

قالت وهي تبكي ترى الكل يفــــــداك
لكن ظروف الوقت زادت شقايــــــــــه

غصب علي اليوم أوادعك وأجفــــــاك
مجبوره ياقلبي أفض الروايـــــــــــــه

لاتعتقد في يوم أنا بقدر أنســــــــــاك
أنت الوحيد اللي لهالقلب غايــــــــــه

والقلب صابه وقتها ألف دكّــــــــــــاك
والهم أعلن في حياتي البدايــــــــــه