شبكة همس الشوق - عرض مشاركة واحدة

4 - 8 - 2018, 09:33 PM

ياطفلة(ن) تنثر شغبها مـع الريـح
إخذيني ابعد من فصـول المرايـا
.
خليني أرسم لك حـدود المراجيـح
وأشب لـك نور(ن) بكـل الزوايـا
.
أسرقك من ليلي قبل جفنه إيطيـآ
ضيق وألم ..نظرة عيون(ن) شقايا
.
دمعة حزن تقتل فرح قلب(ن) مريـح
يضمهـا خافي بيـوت الحنايـا
.
والصبح يلبس معطف الهم ويشيح
وتمـوت شمسـه لاظهـر للبرايـا
.
سعـادة الدنيـا بعينـي تباريـح
مثل الشجر راحت جـذورهـ سبايـا
.
تحت الثرى عيشه ولو حاول إيصيح
صيحـة غضب توفيـه حـد المنايـا
.
وأجمل بيوتي لو سرتـه المصابيـح
مرساهـ صحـرآ والمعاني قرايـا
.
صار التعب لأطهر سحابـه مراويآ
صوت الألم جـرّح حلوق الضمايـا
.
يكفي الشفق ياطفلة الريح تلميـح
تعبت في وصفـه حديـث الشفايـا
.
أما صباح(ن) يمحي الليل ويزيـح
ظلمات حبر وفقـد نـور وخطايـا
.
وإلا خذي باقي حروفي مع الريـح
وخليني ابقى فـي حـدود المرايـا