انا ابتديت وليتني قبل لابتدي
صرت الثقيل اللي على الوجه الثقيل
ذاك العشي ماقلت وش عند الغدي
خطيت خطوة في دروب الاف ويل
حقك علي ياقلب وبشر بلفدي
حقك على وجهي مثل حقق الدخيل
حتى لو ان الظيم يحداني حدي
والله لجلك منه ياعبد الجليل
ياغيمة النسيان لوحي ورعدي
وروي بهمالك شواهيق النخيل
يازاهي الخدين كم كنت اقتدي
بنور زينك لين خلاني ضليل
لاتظلم الحظ وتسميه الردي
لصار مثل المال في كف البخيل
مابك ثمر حتى لو ان عودك ندي
وش فايدة لينه وغصنه مايميل
اشتاقلك والشوق ماهو في بيدي
واكذب عليك ان قلتلك ماني عليل
ولاتحسبني عقب فرقاك اغدي
اناجريحن للجفا ماني قتيل
ماحد يموت من المفارق يابعدي
شفني على قيد الحياه اكبر دليل
حفظ الكرامه مثل حفظي لولدي
والله هداني عنك لحسن السبيل
وجرحك جميل صان وجه المهتدي
والله يقدرني على رد الجميل
|
|
|
|
|