شبكة همس الشوق - عرض مشاركة واحدة - غصبن عني حبيتها للكاتبهSandra-kas

20 - 11 - 2011, 03:35 PM

سارة وانا امسح فمي بالمنديل:على وين؟؟
فيصل:للمستشفى..
ساره باندفاع:لا..ماابي..
فيصل بعناد:غصبن عنك بتروحين..
ساره بترجي:تكفى فيصل ماابي اروح احين..خله العصر.
فيصل:وش معنى العصر..
ساره توهقت:هه..اي..عشان..عشان"وانا افكر بكذبه بس ملقيت"عشان..احسن.. فيصل:مافيه بتروحين..غصبن عنك واحين.. سارةتكفت وبدلع عفوي:ماابي..اروح.. فيصل:............... كملت وانا ماده بوزي:احين لا..ماابي اروح"وانا ادعي التثائب"آآآه فيني النوم..يلا تصبح على خير.. فيصل بشك:انتي اليوم غريبه حيل...
ساره والتوتر واضح على وجهي:انا"وانسدحت في السرير".. فيصل:مسويا اليوم شيء صح..عشان كذا انتي تعامليني غيرر صح.. ساره:اعاملك غيرر..كيف يعني؟؟؟ فيصل قعد في السرير:يعني..بحب ورومانسيه..مسويه شيء صح ساره:.............
فيصل لفني قباله:مسويه شيء..اعترفي.. ساره باندفاع:ماسويت شيء..يلا تصبح على خير.. فيصل بهمس:ان دريت انك مخبيه علي شيء بذبحك.. ساره:تصبح على خيرر...
ورجع لرومانسيته..ضمني في صدره..
بيت ابو منصور..
منصور بهمس:وداد...وداد..
وداد:....................
مرر الورده في خذها..وداد بهمس:هممممم..
منصور:صباح الورد..
وداد ابتسمت:صباح النور..
منصور:يلاقومي سوي فطورلي..يعني يرضيك اروح لشغل وانا مفطرت. وداد قامت:يخسي الجوع..منصور جوعان وانا قاعده.. وقامت منصور(فديتها..قبل كم يوم اكرهها ومعبرها واحين اموووت فيها واعشقها)ابتسم:فديتك.. وعملت له فطور وجابته له.. وداد جلست يمه:بالعافيه.. منصور:فطري معي..
وكلت شوي.. وداد:الحمدلله..
منصور:ماكلتي شيء..
وداد:انا فطرت عشانك بس..لاني لترست بطني مقدر انام وبعدها.. منصور مد يده:كلي بس ذي..
وداد ابتسمت:بأكلها عشانها من يدك.. وكلتها.. منصور قام وقامت معه ووصلته لين الباب.. منصور التفت:أي صح..كنت بنسى..اغراضك جهزيهم.. وداد استغربت:ليه؟؟ منصور:بنرجع لشقتنا..اول مجي من الشغل بنروح..ابيك تكونين جاهزه.. وداد ابتسمت:إن شاء الله.. منصور:يلا ابي بوسه قبل مروح لشغل.. وداد بحيا:هه.. منصور:شنو هه..يلا بوسيني"وهو ياشر في خده"بسررعه.. اقتربت وداد منه بحيا..وجات بتبوسه في خده بس منصور ألتفت بسررعه وباست شفته.. منصور:ههههه.. وداد وجها قلب مليون لون من حركته:................... وحضنها في صدره بقوه.. منصور بهمس:احبك.. وطلع.. وداد منصدمه:قال...قال..احبك..احبك.. لا..لايمكن انا سمعته خطأ..إلا قال احبك متاكده.."وبفرحه"بروح اكلم ساره واقول لها..وي احين الساعه 6..بدق عليها بعدين..الله مصدق قال لي احبك..
بيت فيصل وساره..
فيصل وهو يلبس ثوبه:ساره..ساره.وبعدين معك كم مره اقول لك قومي... ساره:...................
كمل:ان لله..نومك ثقيل..يلاقومي..
ساره بهمس:حرام عليك منمت...ابي انام..
فيصل يلبس شماغه:وحتى انا منمت..عدل..انا نمت نفس الوقت وقتك..يلا يالكسوله"وقومني من السرير"يلا..
ساره حكيت كتفي:ليه اقوم احين؟؟
فيصل ابتسم:حركات غريبه والله..تعالي انتي ليه تسوين كذا كل مقومتك من النوم..
ساره غفيت وانا واقفه:...................
فيصل:هههههه..نامت وهي واقفه"هز كتفي"ساره..
ساره بهمس:همممم...
فيصل:ذي رايحه في امها..نامي..روحي نامي..
ساره انسدحت في السرير وبهمس:شكرا..
فيصل ابتسم...
بيت ابو جاسم..
جاسم وهو يغطي نفسه باللحف:يووه..من داق احين...
وشاف المتصل..جاسم:ذي ساره وش تبي.."ورد"نعم.. ساره بنت مبارك:كل ذه نوم تعبت وانا ادق عليك.. جاسم:اتمنى يكون اتصالك مهم.. ساره بنت مبارك:مو مهم..إلا خطيرر..
جاسم:.....................
ساره بنت مبارك بهمس:حبيبه قلبك حامل..
جاسم فز من مكانه:كييف..ساره حامل..
ساره بنت مبارك:أي حامل..وإلي عرفته ان فيصل مايدري.. جاسم:مايدري ليه؟؟
ساره بنت مبارك:كنها تبي تفاجئه..وليه احنا منفاجئه قبلها.. جاسم:مافهمت..مقصدك..وش تبين تقولين...
ساره بنت مبارك بمكر:يعني ابيك اليوم ذه تكلم فيصل وتقول له ان زوجته المسكينه حامل منك انت...وطبعا مراح يصدقك بالبدايه..فانت قول له ان امس راحت المستشفى وياك..وحللت وطلعت حامل منك انت وعمر البيبي اربع شهور كاملين..وهي محبت تقول لك لانها....
قاطعها:لانها حامل مني انا...انتي خطيره.. ساره بنت مبارك:هههههه...احب اعلمك..ذي احسن من الاغتصاب..ولا وش رايك.. جاسم:من وين جات لك هل الفكره...
ساره بنت مبارك بغرور:الذكاء يلعب في جلدي..المهم الساعه 6 أو ست ونصف روح له وقول له.. جاسم:وش معنى ست ليه مايكون 8 او 7... ساره بنت مبارك:لان الساعه7 بيسافر.. واحنا نبيه قبل ميسافر يطلقها.. جاسم:اهااا..
ساره بنت مبارك:ودي ادق على صالح احين..بس احين هو مسافر والله ان دراء بيفرح كثيرر.. جاسم:وش عنده مسافر.. ساره بنت مبارك:مدري مقال لي بضبط..اهم شيء اني بقول له اول مايجي..
بيت فيصل وساره..
عند الساعه 1:30 ظهرا...
رشا في التلفون:ماشي استاز..مع السلامه.. ساره باندفاع:هاه وش قال بيجي ولا... رشا:لا..بيقول عندوا اجتماع مهم وكم اوراق بيمضي فيهم.. وناوي يخلصوا قبل مايسافر.. ساره:حلوو..اجل يلا نخلص شغلنا..على ماتجي الساعه سبع.. ورتبت غرفتي..خفايف مو ترتيب عميق.. ساره:بقول لك شيء.. رشا:شو هوا..
ساره بهمس:بقول لك شيء...
رشا:شو..
ساره:انا حامل..
رشا بفرح:عن جد..انتي حامل..
ساره ابتسمت:أي..
رشا:والاستاز عارف..
ساره:لا بفاجئه اليوم بمناسبه عيد ميلاده.. وشريت له ساعه حلوه"فتحت درج التسريحه"هذا هي..
رشا:ياخساره كان بدي شوفا..قبل ماتغلفينها..
ساره:بتشوفينها لان راح يلبسها..
رشا:ومابدك تقولي لألوا..انك تحبينه..
ساره استحيت:أي بقول له اني احبه..وبقول له نع سلطان.. رشا:ههههه..سطان هيا بنت ماا..
ساره:أي..
رشا:والله راح يفرح كتير ست ساره..
كنت فرحانه كثير..مكنت ادري وش راح يصير لي اليوم.. ************************************************** ******* وفي الشركه...
محمد:خلااص طال عمرك بتروح السفره عليك..
فيصل يشوف الساعه:باقي نصف ساعه على ماتجي سبع.. ودقايق دخل عليهم جاسم.. السكرتيره:بليز استاز..
فيصل بق عينه:انت!!!
السكرتيره:اسفه استاز بس هيدا الاستاز اصر انه يدخل... فيصل:اطلع برا..
محمد:لو سمحت يااخ اطلع برا..
جاسم يرفع حواجبه:انا مو جاي عشانك..انا جاي عشان ساره زوجتك.. فيصل بحد:خلونا بلحالنا..وطلعت السكرتيره ومحمد.. جاسم بجديه:محب ألف وادور في الموضوع لانك بتسافر الساعه سبع.. فيصل:وانت وش دراك؟؟
جاسم ابتسم بخبث:لان ساره قالت لي.. وقال له اني حامل منه..و..و..ووووإلخ..
فيصل وقف بعصبيه:ايا الخسيس..
جاسم ابتسم:كنت مفكر اني اقول لك بتلفون بس..مثل هل المواضيع متنقال في التلفون..وطبعا منت مصدقني.. فيصل يصر باسنانه:انت كلب وحقير.. جاسم:قبل مترجعها لبيتك انا كنت معها...اقصد في السرير..اي صح ترى عمر ولدي ثلاثه شهور كاملين...
فيصل قام وذبح جاسم طق ولكمات..جاسم مقدر يحيل فيصل لان فيصل اطول منه واشرس..وبنيته اقوى من بنيه جاسم.. ودخل محمد وفكهم عن بعض.. وجاسم على طول قام وخذ شماغه ووقف يم الباب:روح اسألها مع من راحت امس تحلل في المستشفى..اول متركتها جيت انا وخذتها...
فيصل في قمه عصبيته:اتركني يامحمد..خلني اتولاه..
محمد:اطلع برا.. جاسم طلع.. فيصل طق يده بطاوله بقووه:الحقيرر..النذل.. محمد:هد طال عمرك..وش قال لك ذه الخسيس.. فيصل طلع بسرعه وركب السياره ************************************************** ******** وخلصت اخر لمسه.. رشا:وااو..بتعقدي..الفستان جلو كتير عليك..والله بيجن استاز فيصل... ساره ابتسمت:عدل مكياجي ولا اخليه غامق زياده.. رشا:لا..هيك حلو كتير..
ساره:انتي اردنيه ولا لبنانيه..
رشا:هههه..انا اردنيه من ام لبنانيه..وعم احاول اتكلم زيكم.. ساره:اها..مشان هيك كلامك ملخبط..بين الاردني واللبناني.. لبست فستان احمر عنابي قصير لنصف الفخذ توب..وتجي حركه مميزه عند الكتف.سيحت شعري وعطرت عطر من ديور..ولبست خلخال من داماس وصندل متوسط الارتفاع ذهبي اللون..

شكلي صايرر خياال... تفقدت المكان..البلونات منثورين في ارجاء الغرفه والكيك في الطاوله..والرائحه العطر المنتشره..والجوري المنثور في السرير والارض..والشموع المناره..المكان رومانسي مرره.. وانفتح الباب فجئه.. رشا ابتسمت:استاز فيصل.. فيصل في قمه عصبيته اقترب مني وعطاني كف على وجهي..

......................................