شبكة همس الشوق - عرض مشاركة واحدة - غصبن عني حبيتها للكاتبهSandra-kas

20 - 11 - 2011, 03:37 PM

البارت الخامس والعشرون
فيصل في قمه عصبيته اقترب مني وعطاني كف على وجهي وشد شعري:انتي أي نوع من الحريم..هاه.. مايكفيك رجال واحد...لازم عشرر..ياكلبه..
ساره بالم:انا مو فاهمه عن ايش تتكلم..
رشا وخرت فيصل عني بالزور:استاز فيصل شوبك؟؟
فيصل بحده:رشا وخري..خليني اتولاء هل الكلبه..
ساره بخوف وبين دموعي:وش مسويه انا؟؟
فيصل بعصبيه:مع من انتي رايحه امس تسوين التحاليل..هاه.. ساره:.............
رشا منصعقه:شوو؟؟ انت عم شو بتحكي...
وفيصل يحاول يمسكني بس رشا تبعدني عنه..
رشا بخوف:الست حامل مابيجوز تضربها..
فيصل بصراخ:ليه ماتتكلمين..مع من رايحه..ومن من انتي حامل..من جاسم صح يالحقيره.. ومسكني من شعري فيصل يصر باسنانه:ماتتكلمين ياكلبه..
ساره بالم:فيصل هد شعري..
فيصل يشد اكثر:وانا قلت خلني انسى ماضيك الوسخ ونبدا حياه جديده.. ولكن يبدوا ان ماضيك متعلق فيك يالحقيره..
رشا وهي تبعدني عنه:استاز فيصل..بعد عنا..
فيصل بعصبيه:جمعي اغراضك وطلعي من بيتي..ماابي اشوفك هنا..سامعه..بيتي مايشرف دخول وحده زيك..برا..
نزلت دموعي بحراره وبألم من ألي اسمعه..كلامه كنه خناجر على قلبي..
فيصل بقرف:لك خمس دقايق.. وان ماطلعتي..لي تصرف ثاني معك..وطلع..
ماني مصدقه ألي صار لي..اكييد انا احلم..لاذه كبوس مو حلم.. رشا تهديني:استاز فيصل مكان بيقصد..هوا معصب شوي.. ساره:........... قمت على طول وفتحت شنطتي..ودخلت ملابسي..
رشا:هوا قال هيك..لانوا معصب..بليز ست ساره لاتفلي..
ساره شهقت من البكى:اهتمي...بنفسك..راح اشتاق لك كتيرر.. رشا بكت يوم شاقتني كذا:ست ساره..
ووخرت يدها وكملت تجميع اغراضي..
ساره بين دموعي:في أي يوم بجي.. وبجمع اغارضي الباقي.. مع السلامه رشا..
وحضنتها بقووه..وفسخت فستاني ورميته في السرير..ولبست الملابس ألي طلع في وجهي.. ولبست عباتي..ونزلت رشا شنطتي..وحطتها في السياره.. وقعدت اتئمل البيت اقصد القصر..
فيصل يناظرني من بعيد وبحده:انتي إلى الان ماطلعتي..
ساره التفت وبنكسار:انت ظلمتني يافيصل..اتهمتني بالخيانه..عاد الخيانه مره وحده.."وبكيت غضبن عني"لكن اسمع..انا بروح بيت ابوي..لكن لاتحاول تردني مره ثانيه..لاني مراح ارجع لك..لوتنطبق السماء مع الارض مراح ارجع.. وطلعت من دون معطيه أي مجال انه يتكلم او يرد..وركبت السياره..
كومار:وين تبين روه مدام؟؟
ساره بصوت باكي:بيت اهلي..
مقدر اوصف شعوري في هذا الوقت..حسيت ان قلبي مات معاد ينبض.. مدري حسيت ان الطريق طوويل مرررره.. مسحت دموعي عشان امي وخواتي يشوفوني ابكي.. ودقايق وصلت..نزل كومار ونزل اغراضي..طقيت الجرس وفتحت الباب كريمه..وشالت اغراضي..
كريمه:هلا ساره؟؟وين تبين ودي اكراض انتا..
ساره:وديهم فوق غرفتي..
كريمه ابتسمت:انتا تبين اجلس هنا كلاس..
ساره بحزن:أي..اي ياكريمه..وين البنات وامي..
كريمه:فوق..
ورقيت الدرج..إلا بوجهي امي وحنان ورغد..
ام حمد استغربت:ساره!!
ساره بست راسها:هلا يمه.. وسلموا علي حنان ورغد..
حنان استغربت:ليه الشنطه؟؟صار شيء؟؟
ام حمد:صار شيء يابنتي؟؟
ساره توهقت:هه..اي..مدري وش اقول لكم..سالفه طويله.. ام حمد:اجلسي وقولي لنا..
جلست معهم في الصاله..
ساره:يمه انا حامل..
ام حمد بفرح:الف مبروك ياساره..اخيرا..
رغد وحنان ابتسموا:صدق..
ساره ابتسمت بصعوبه:أي..وتنسيت بفيصل والبيت..
الكل عدا سارة:هههههههه.
رغد:مسكين..
ساره:وكل مشم ريحته ارجع..كلا اقول له فيه ريحه..يقول لي انتي فيك شيء..وحللنا وصرت حامل..وقلت له بجلس في بيت ابوي لما اولد وبالمووت وافق....
ام حمد:أي بعضهم..يوقف تنسيهم في الشهر الرابع او الخامس وبعضهم لين مايولدون..
حنان:مصدق راح تجلسين عندنا زي ايام زماان..
رغد:وناسه بنسهر زي قبل..
ساره:احس اني تعبانه ابي ارتاح شوي..
ام حمد:يلابنات..خلوا اختكم ترتاح..مو تصارخون.. يلا ساره روحي ريحي..وعلى العشاء بناديك..
ساره(ومن له نفس ياكل بعد إلي صار لي):لايمه ماابي..
ام حمد بعناد:لابتاكلين..عشان ولدك يتغذاء..
رغد بهمس:بدت شغلات الجده..
ساره ضحكت غصب:ههههه..الله يقطع بليسك..

&&&&&&&&&&&&&&&&&&&&&&&&&&&&&
بنسبه لفيصل...ألي الغى رحلته..وصار نادر مايجي في فيلته إلا في الليل عشاان.......
وقف يم باب غرفتها..وحط يده عند مقبض الباب وهو متردد انه يفتحه..كان كل ليلة من طرد سارة يجي يم الباب ويتردد انه يفتحه..وشد ع مقبض الباب وفتحه..وشااف ورود الجوري المتناثرة في ارجاء الغرفة..والبلونات ع اشكال هارت..
اقترب من السرير وشاف فستانها العناابي..جلس ع حافه السرير..ومسك فستانها وشمه..استنشق ريحه الغالية..ريحه قلبه وروحه وعمرره سارة..
فيصل(احبها وربي يشهد علي..اعشقها امووت فيها..آآآآه ياسارة مقدر اتصور حياتي من دونك..انا من دونك اضيع..ليه سويتي كذا؟؟ ليه خنتيني مع الكلب جاسم..ليه ياسارة؟؟)وبهم وبغم وبحزن:ليه ياغنااتي..ليه؟؟ بدونك الحياة ماتسوى شيء..
ومسك جواله زي كل ليلة ويدق عليها بس كرامته ماتسمح له..كيف يكلم وحده خانته..وحده طعنته من ظهره..ومن من..من كيانه ساره..وده يسمع صوتها يطمن عليها وعن احوالها..وكان كل ليلة يدخل ع غرفتها يشمع ريحتها بالغرفه.. يفتح دولابه ويستنشق ريحه عطرها ألي خلفته من رحيلها..
كلمه احبها تردد في ذهنه..ضم فستانها في صدره بقووة وانزلت دمعه حاارة على خده..

.....................................
ومررت اربع شهور .. كنهم دهرر..
ساره في التلفون:هلا بالقاطعه..
الاء:ههههه..وش اسوي ماجد مايخليني..
ساره:هههه"وانا اقلدها"ماجد مايخليني..مالت عليك انتي من تزوجتي وانتي مختربه..
الاء:هههه..وش دعوه..إلا طمنيني عن حملك..
ساره:الحمدلله..وش رايك تجين اليوم..
الاء:اليوم مقدر اصل ماجد عازمني..
ساره:مقلت لك انك مختربه..
الاء:هههه..ياشينه..انا احين بجهز نفسي للعزيمه اكلمك بعدين اوكي..
ساره:اوكي..سلام..
حنان:وش اخبارها"تقصد الاء"؟؟
ساره:الحمدلله..تسلم عليكم..
رغد وحنان:الله يسلمك ويسلمها..
رغد:مع انك مو متينه إلا بطنك كبيرر مشاء الله..
ساره:اليوم بروح عشان اشوف كان ولد ولا بنت..
رغد:ان شاء الله بنت..عشان تصير زيي..
حنان:لا ولد احسن.. وقاموا يتهاوشون.. قاطعتهم:وبعدين وياكم انتوا..إلي يجي من الله حياه الله..
ام حمد جلست:أي والله..اهم شيء صحته..إلا وش اخبار فيصل يدق عليك ولا..اقصد زعلان يوم انك تنسيتي عليه..
ساره(من ذاك اليوم..مدري عنه..مدق علي ولارنه..حتى بلغلط):أي يمه..ويسلم عليك بعد..
ام حمد:الله يسلمك ويسلمه..
رغد:هي مالها ذنب إذا تنست عليه..إلا تعالي ليه مجاك في العيد...
حنان:قصدك في العيدين..مجاها..
ساره:..........
ام حمد:وانتوا وش دخلكم..يمكن يكون مسافر.. سارةوقفت:عن..اذنكم... ورحت لغرفتي وقفلت الباب..ورحت في نوبه بكى..وقعدت اكلم نفسي كني مجنونه..
ساره ببكى:اشتقت لك يافيصل..اشتقت لك موووت..احس ان اربع سنين ماشفتك..كل يوم يمر علي ازداد اشتياق وحب لك..ليه مو قادره انساك..ليه بس..اهئ..تعبت مقدر اتحمل..احس اني بمووت من شوقي لك..اشتقت لحضنك..لبسمتك"وابتسمت بانكسار"وضحكتك..ورومانسيتك..احبك يافيصل..رغم كل ألي سويته فيني..احبك امووت فيك"مسكت جوالي"ليه مدق وتطمن علي...دق يلا..بس رنه.. ************************************************** ********
وفي المطار..
صالح في التلفون منصدم:كيف؟؟
ساره بنت مبارك:هذا إلي صار..تعبت وانا ادق عليك.. صالح:انتي..تتكلمين من جد..
ساره بنت مبارك:والله مكذب..قطها بيت ابوها..
صالح عصب من كلامها وسكر السماعه في وجها..ودق على فيصل بس محد يرد..وراح لشركه..
كان وده من زماان انه يقوول لفيصل عن فعايل سارة بنت مبارك لسارة بنت سعد..بس ابوه تعب واضطر انه يسفره للخارج عشان يعالجه..اتمنى انه ميكون تاخررر...

وفي المستشفى..
الدكتور:مشاء الله انتي حامل بثلاثه..
ساره شهقت:كم؟؟
حمد ابتسم:حلوو..
الدكتور:ليه الدكتور ألي طلع نتيجتك في الحمل مقال انك حامل بثلاثه..لا لا..وبدكم تقواون لالي انكم ماكنتوا تعرفوا..
ساره:لا والله دكتور..توني ادري..
الدكتور ابتسم:بدك تعرفين كانوا بنت ولا ولد..
حمد باندفاع:اكيد اجل ليه جايين..
وحط الدكتور الجهاز في بطني وسد علي باللحاف عن اخوي حمد.. يوم شفتهم ذرفت دموعي من دون محس.. الدكتور:شفتي..
ساره ببكى:أي شفت..
حمد:هاه..دكتور طمن وش طلعوا..
الدكتور:مالك حض ياساره بالبنات...كلهم صبي..
ساره ابتسمت:الحمدلله..

يتبع...