من الدنيا أنا مابي كنوز وجوهر وألماس
أنا مابي غير إنسان"ن" في أعماقه يسكني
يقلطني وسط صدره ويقدم لي حلا الإحساس
يذوقني من أشواقه وأحس إن قلبه يحبني
أبي لا قال يا جوري يفز القلب لأعز الناس
نطقت لبيه ياعمري وأحسه قطعتن مني
أبي حبي في أعماقه بلا حد"ن" ولا مقياس
وأبي حبه كما بركان في أعماقي يزلزلني
وأبي في عيونه يحطني ويكرمني على الراس
أبي معه أكون طفله يدلعني ويدللني
أبي أكون في أعماقه كما عطر "ن" سكن أنفاس
دخوني فاح بضلوعه وماله أبــد غني عني
أبيه قرم "ن" أبيه حر"ن " أبيه بعد عريب الساس
أبيه لاضاقت الدنيا في عيوني يتحملني
أبيه فارس بأخلاقه ويضرب بالمثل نوماس
أبي لاضاقت الدنيا في عيونه يتذكرني
أبيه كله على كله يضوي كبريق ألماس
أصيل ومن أصل طيبه لاجملته يثمني
أبي اكون أنا بقلبه أميرة وحبه الحراس
ولا وحده ولا عشره ولا مليون يسوني
وابيه ملك على قلبي يتربع إن بغى المجلاس
ابيه واثق من أخلاقي وقبل كل شئ ضامني
مابيه انسان متجرد عواطف مابقاله احساس
يقرب لابغى يقرب وإن أبعد صار يظلمني
/
\
بوح قلم فتنه دلال
|
|
|
|
آخر تعديل فتنه دلال يوم
30 - 7 - 2019 في 04:04 AM.