يا ضيفة الليل أشوف إ/بدمعتك ثاري
تبغى تعذَّر ولكن.. قبلها طحتي
جيتي وأنا منكسر .. تبكيني أشعاري
في غرفة صرت أحس إن سقفها تحتي
صمّتي خويي .. يرتِّل باقي أعذاري
وأنت على الباب ذنب ما تزحزحتي
أسمع ضلوعي تعاتب عنِّي أزراري
وشفيك يوم شكى لك ما تطايحتي ..؟
ماني أنا ..! و المنافي كلَّها داري
مجهول.. من يوم عن دنياي رَوَّحتي
ياكلني الخوف لا روَّحت بي ساري
شارد .. أدوِّر مكان إ/يليق ب/ضرحتي
بالله كيف ادفن إ/بذاكرتي أسراري؟
وانت لو أرفع يميني وسطها لحتي !
غيبي مع أول طريق يروح لإنكاري
ما عدت أحس بوجودك لو علي صحتي
نوَّمت كل الشعور إ/بصدري العاري
روحي .. و لا تتركين (إغيابك) إن رحتي