شبكة همس الشوق - عرض مشاركة واحدة

24 - 11 - 2011, 08:48 PM

في بيت أبو نواف

في غرفة دانا
كانت عندها خزامى
خُزامى تنهدت : دندون بليز ردي علي
دانا ساكته وماتبي تكلم آي أحد وحاطهـ إيدها ع خدها وتطالع لقدآم
خُزامى : ماراح تستفيدين من اللي قاعدهـ تسوينهـ
دانا : ......... صمت
خُزامى : طيب يادندون بس قولي لي وش تبين وأنا بقول لنواف
دانا ببرود : أبيهـ يطلقني
خُزامى بطفش : ليهـ يطلقك وأنتي ماتفهمين شي
دانا سدت إذنها : ماأبي أفهم شي خلاص تكفين خُزامى
نزلت يدها وقالت بدموع : كلهم ضدي حتى أمي قالت لي مافيها شي يخطب لك أخوك
( وبصيآح ) : ألا فيها وفيها وبعد فيها لأني مريضه مايحسون فيني ويتوقعون إن مافي آي آحد يبيني عشان كذا خطب لي لا أطيح علهـ ع قلبهـ أغبياء وماأحبهم كلهــــم ماأحبهم ووليد مااااأبيه لأني متزوجني بس شفقهـ ورحمهـ فيني هو مايحبني بس والله أنا أموووووت فيهـ
بس مايحبني والله مايحبني
خُزامى مدت يدها ومسحت ع ظهرها وشعرها كٌمحاولهـ لتهدئتهآ : خلاص ياقلبي أنتـ..
دانا قاطعتها بصرآخ : بلييييز لالا تتكلميين عنه تكفيييين إاللي فينــي مكفيييييني
خُزامى سكتت وهي عاذرتهااا
طال الصمت عشر دقآيق بينهم وهدوء يملئ الغرفهـ ضجيجهـ بُكاء دانا وصوت تنفسها السريع والمقهور
قامت خزامى من سرير دانا وهي تعدل بلوزتهااا الضيقهـ الأورنجيهـ الكآت... وبنطلون أسود سكيني عليهـ حزام بُني ولا بسهـ إكسسوارات بُنيهـ ورآبطهـ شعرها ذيل حصآن ومسويه بوف صغير للخصل الأماميهـ
حست دانا بحركاتها بالغرفهـ ألتفت لها وشافتها متوجهه لباب الجنآح
دنا بصوت مبحووح : خزوم لا تروحين بليز
ألتفت لها وأبتسمت : لا مو رايحه بس أجيب لك عصير ليمون ترتاحين منهـ
هزت دانا راسها بإيهـ وهي ساكته
طلعت خُزامى بدون ماتسمع ردهااا
وهي تمشي بالأسياب وتدندن بإغنيهـ حافظتها
حست بأحد يسحبها بقوووووه ويدخلها لغرفهـ

خُزامى بصرآآآآآخ : يمااااااه أتررررركنـــــي
نواف وهو يضمها ويضحك : هههههههه بسم الله عليك
رفعت رأسها تأكدت إنه نواف ضربته ع صدره وعيونها مدمعهـ من الرعب
أبتسم عليها ومسح دموعها : بسم الله عليك وراك خايفهـ
حطت يدها ع خصرها وبصوت مخنوق : لا والله وربي بغى يطيح قلبي
قرب لها وكان الجدار وراها سندها عليه وهو صار لاصق فيه وبصوت ذوبها : بسم الله عليك يابعدي ياجعله فيني ولا فيك
أبتسمت بخجل وقالت : بعد شوي
نواف بعناد : لا
قرب لها وباسها ع خدهااا بقووه ورآح لخدها الثاني وباسه بقوووه
وهي دفتهـ شووي عنها وهي تتنفس بسرعهـ : نواف لازم أنزل عنـ.....
قاطعها ببوسها ع شفتها وهو ذآيب ع حركاتها ودلعها
بعد عنها وقال : مافي نزلهـ فاهمهـ
خُزامى برجآء : طيب وش أقول لخالتي ودندون نواافي بليييز
نواف : لاااااا وفيها نوافي بعد الحين من جد مافي نزلهـ
خُزامى بوزت وتكتفت بزعل : ليتني مادلعتك ماتنعطى وجهه
نواف يستهبل : يالبيه حتى زعلك يجنن
خجلت منه وغيرت الموضوع : امممممم جنآحك حلو
نواف بغمزهـ : أنتي أحلى
خُزامى بخجل : نواااف
ضحك عليها ولا قال لها شي يمووت فيها كلها حتى خجلها المعذبهـ

[ نيويورك ]

بشقة عآدل & ريم

عادل وهو واقف بالصاله يستعجلها بصوته : ريووم يالله بسرعهـ تأخرنا
ريم وهي طالعه من الغرفة وتلبس عبايتها : جيت حبيبي
مد يده لها وهي تمسكت فيها
طلعوا من شقتهم متوجهين للمستشفـى وفحوصات تنتظرهم
ركبوا بالسيارهـ والأمل إن شاءالله قدآهم
ربع ساعه تفصلهم عن مصير حياتهم يا إيه يا لا
كان الصمت سيد الموقف محاوطهم من جميع الإتجاهااات
أستمر صمتهم لحتى عادل وقف السياره
وقال لها : يالله توكلنا ع الله
نزلت ريم ونزل بعدها عادل
قرب لها ومسكها مع إيدهااا وإدخلوا للمستشفى متجهين لدكتور
معرووف ومن الجنسيهـ العربيهـ موجود بإحدى مستشفيات نيويورك
أخذين معاه موعد وبشرف ع حالتهم
دخلوا لمكتبهـ وكان واضح إن الدكتور ينظرهم
أول ماشافهم أر لهم بمعنى أجلسوا
جلسوا ع كراسي والخوف يزداد عندهم والتوتر لاعب بإعصابهم ...!

الدكتور : أنا أطلعت ع فحوصاتكم وإن شاءالله حنعمل فحوصات تانيهـ
لحتى نتأكد من كل حاقهـ
ريم بتوتر : طيب فحوصاتنا متى بتكون
الدكتور : النهار دهـ إن شاءالله أنا متفرغ ليكو تمآما
تنهد ريم وهي تطالع بعادل
عادل حس فيها وضغط بقووه ع إيدهااا يعطيها قووه وعزيمهـ
قاطع نظراتهم الدآلهـ ع الخوف
الدكتور وهو قايم بيبدأ معاهم الفحوصآت وبيشوف آي علاج يناسبهم
قاموا معاااه عادل وريم .....!

في لنـدن

عند غـلا
كانت تفتش بالكتب اللي جابها لها فهد عشان المترجم واللغهـ الإنجليزيهـ
وهو محتاره فيها بعضها تفهمها وبعضها لازم تستعين بإحد أو بالمترجم
غلا بطفش : اوووووف صعب متى تجي هذي وتفكني طفششت
فهد : مجنونه تكلمين نفسك
ألتفت له وقالت : بسم الله من وين طلعت
فهد بسخريهـ : من تحت الأرض وبعدين ماأحب أحد يتشمت عندي فاهمهـ
غلا : بكييييفي مزآجي مالك دخـل
طالعها بنظره خوفتها شووي بس عشان تسكت أم لسان طويل ع قولتهـ

غلا تقوي نفسها : ماخوفتني يقالك بتخوفني
قام عليها وهي إنحااشت وهي تضحك
فهد بقهر : وبعدين ياأم لسان طوويل يبي له قص
غلا بضحك وهي تمد الكلمهـ : بكيـــــفي
ضحك غصب من ضحكتهاا
هي إستغربت توقعت بكفخهاا
قامت تطالع فيه وهو يضحك وهي بطلت ضحك
فهد أنتبه عليها وع نظراتها وقال : لا تفهين فيني أدري إني حلوو
غلا صحت ع كلامهـ وتخصرت : الله وأعلم من مفهي بالثاني
أنقهر منها وقرب أخذ الكتاب منها وقال : تبينهـ
غلا برجاء : لالالالا تكفـى ألا هو الله يخليك
عرف نقطة ضعفها ودس الكتاب وراه عناد فيهااا
قربت بتأخذ الكتاب منه وكانت الكنبات وراه وهم واقفين
دفته وحاولت تأخذ المترجم بس هو يرفعه لفووق وهي ماتقدر توصله بحكم أنها قصيره : بليييز رجعه
وهي تنط لفوق بتأخذه دفته من جديد وطاح عالكنبه وإنسحبت معاه لأنها مسكت طرف الكتاب
كلهم صاروا ع الكنبه وفهد منسدح عليها وهي فوقهـ
طالع عيونها وهي بحضنه
وهي ع طوول قامت من الإحراااااج
عدلت بلوزتها المحتآسه وهي بقمة الإحراج وشوي تبكي
قام فهد من الكنبهـ ورمى الكتاب جنبها ومن دون حتى مايطالعها طلع ع غرفتهـ بسرعهـ
كانت نظراتها تلاحقهـ لحتى أختفى من عندهاا صحاها صوت الجرس
رآحت لهـ بسرعه وهي عارفهـ إنها مدرستها الجديدهـ
فتحت لها الباب بإبتسآمهـ
الأستاذهـ وهي تسلم عليها : مساء الورد
غلا بإحراج : أهلين تفضلي
مشت الأستاذه ووراها غلا جلست ع الكنبهـ : أنتي أكيد غلا
غلا هزت رأسها بإيهـ
الاستاذه : أنا الإستاذهـ منـى
غلا : أهلين فيك ياأستاذهـ منـى
منى : ياليت تنادين منى وبس ياقمر اوكي عشان يكون حوارنا سهل ونعرف بعض أكثر
أبتسمت لها غلا وجلست ع الكنبهـ وهي مرتآحه لها حيل الحين بيبدون أول درس لهم
ع بركة الله ......!

في بيت أبو نواف

وبالتحديـد بجنآح نوآف

بعدت عنه بضيق : خلاص نواف برجع لدندون تنتظرني
نواف سحبها عنده وهي تبعدهـ : نواااااف
ضحك عليها وقال : نسيت أسألك وش أخبار دانا ؟
خزامى حطت يدها ع خصرها : لا والله وأنا من اليوم وش أقوول عنها لازم أروح لها نوافي بلييييز
نواف : اممممم خلاص روحي لها
أستانست حيل وقامت من عنده بترووح
بس وقفها صوتهـ : هاتي بوسه ولا والله ماتروحين
أبتسمت له بخجل ومشت بخطوات خجولهـ متجهه له باسته ع خده وع طوول
طلعت من عنده
تنهد بحب لها وهو يشوفها تركض بتطلع من الغرفهـ
فتحت باب غرفة بتطلع وأصتدمت بصدر عريض
مسكت رأسها من الآلم ورفعت عيونها لصوت
عبدالله بخوف : بسم الله عليـك
شافت عيونهـ تطالعها بلهفهـ بعدت نظرها عنهـ
وطلعت من صالة جنآح نواف
لاحقها بعيونه وهو يقزها قز
حس ع نفسهـ ونزل عيونهـ
تذكر هو وش يبي من نواف ورآح لغرفته وفتح الباب
ولقآهـ منسدح ع سريرهـ
قام نواف ع طوول : هلا عبدالله
عبدالله : وش كنت تبي مني اليووم تقول بنتفاهم ع آيش
نواف : ع دانا ووليد أنا أعرفك بتروح لوليد وتطلب طلاقها صح
عبدالله بلا مُبالاهـ : صح
نواف بجديهـ : عبدالله حرام تهدم مستقبلهم والله والله والله إن وليد يموت ع دآنا
أنت تعرف الله
عبدالله كان بتكلم بس شاف طبعة روج خُزامى ع جانب خد نواف
وقال بضيق : بالأول روح غسل هالطبعآت
نواف خجل منه وقام ع الحمام ( أكرمكم الله )
عبدالله تذكر شكلها وهي طالعهـ وأبتسم بدون شعور وقال بنفسهـ فديتهااا
آآآآآهـ ياحضك يانواااف والله يسآمح من كان السبب والله أحبك بس مالي نصيب معآك

رجع له نواف وكملوا حديثهم وبين كل فترهـ وفترهـ عبدالله يتذكر شكل خزآمى ويفهي بهاا

بنفس البيت في غرفة دانا

دانا بضيقهـ ودمووع : قلت لك ماأبي
وليد بحده،: أنا جااي لك الحين وغصب عنك
دانا بصوت عااالي : أكررررهك
سكرت الخط بوجهه ورمت الجوال بقووه ع الأرض
تنهدت خُزامى من حالها رفعت جوالها وركبت قطعه المتناثرهـ وهي تقوول : لمتى يعني
دانا بتعب وصوت مبحوح : أنتوا ماتفهموووني بس عبدالله يفهمني
خُزامى ع طوول طرى ببالها لقاءها فيهـ
وصوته الحنون يوم يقول [ بسـم الله عليـك ]
أبتسمت منه بدون شعوور
لاحظتها دانا وقالت : هيييه وين رحتي وفهيتي ترى نواف مو فيهـ
ألتفت لها وقالت بضيقهـ : وربي تعبت منك
دانا : أجل أنقلعي
خزامى بقهر : طيب يادووين
قامت من ع سريرها وأخذت عبااتها
دانا ركضت لها : لالا خزووم خلاص آسفهـ
خزامى : أجل أنا أنقلع هااه
دانا برجآء : لا خلاص التوبهـ
أبتسمت لها وقالت : روحي تجهزي وليد جااي
دانا بصرآخ : يوووووه ماااابيه
دخل عليهم وهو يقول بعصبيه : خلصنا يكفي دلع
قربت له خُزامى ومسكت يدهـ : خلصنا حبيبي لا تعصب
نواف تنهد وقال : الظاهر خربناك بالدلع
دانا بعصبيهـ : أكرهك وأكره وليد
نواف صرخ : يا بنت أنكتمي والحين غصب عنك الحين تلبسين له وترووح معاه يبي يأخذك
دانا بعناد : ماأبي وعبدالله وآقف معااي
نواف بسخريهـ : هه ضحكتيني عبدالله فهم السآلفهـ ووافق وأنتي الخبله محد بيفهمك ألا وليد
دخلت عليهم أم نواف وبحدهـ : لا أذبح أختك أحسن شي
ركضت دانا لأمها وهي تصيح
حضنتها أمها وهي تمسح ع ظهرهاا : خلاص ياماما لا تبكين ولا تضيقين صدرك
دانا بصرآخ : مايفهموون قولوله ماأبيـه
دخل أبو نواف عليهم وهو يقول : الظاهر إني دلعتك بمافيه الكفايه تصآرخين ع أخوانك وأمك