شبكة همس الشوق - عرض مشاركة واحدة

24 - 11 - 2011, 09:04 PM

في لنـدن

جالسين بالمطبخ يفطروون

غلا بطفش : فهد متى يفكون هالجبس ؟
فهد وهي يشر الكوفي : مايقل عن أربع إلى ست أساابيع
غلا شهقت : لالا ماأبيه
فهد أبتسم لها : عاد هذا كسر مانقدر نسوي له شيء
بوزت وإنقهرت منه
فهد عقد حواجبه : ليه تبين تفكينه ع آيش مستعجله
غلا : معلمة الأنجلش إتصلت اليوم أول ماقمت وتبيني أرجع للدورس
فهد مستغرب : وش المشكله طيب ؟ حلوو إنك ترجعين للدروس
غلا تنهدت : أدري بس شلون أدرس ويدي مجبسه
فهد بلامُبالاه : لا ماعليك إن شاءالله تعدي ع خير
غلا سكتت وإقتنعت بكلآمه
طلت بساعة المطبخ وكانت تشير إلى عشر صبآحا : فهد السآعه عشر ماراح تروح لدوآمك
فهد هز رأسه بلآ : ماعندي دوآم اليووم
غلا بعفويه : وناسه
فهد طالعها بنص عين : وليه وناسه ؟
غلا بخجل : امممممممم ماأحب أجلس لحالي
فهد أبتسم : اهااا
قام من مكانه ورآح لغرفته ونظرات غلا تلآحقهـ
شوي وجاء لها وكان يده ع جواله ويكلم ووآضح إنه معصب
ركضت له بتشوف السالفهـ
فهد وهو معقد حواجبه : ليه ماسلمتونيآه من قبل
يوسف : حصل خير طال عمرك أنا بجيبه لك لحتى الشقه
فهد مسك رأسه : لالا خلك بالشركه ماأبي أحد يطلع من الشركه لحتى أجي لكم
يوسف : اوكي بإنتظارك
فهد : مع السلآمه
سكر الخط من يوسف وألتفت وشاف غلا بجنبه وهي متكتفه بقهر
فهد : ههههههه وش فيك ؟
غلا بقهر : قبل شوي ماكنت بتروح والحين بترووح
فهد : آسف بس لازم أخذ ملف ناسيه أمس وماأقدر أخليه بالشركه هالملف مهم وفي كل أسرار الشركه
غلا : امممممم بروح معاك
فهد طير عيوونه عليها
غلا دفته مع كتفه : إيه برووح و ش فيها ؟
فهد عقد حواجبه : وشلون أخذك معاي ؟
غلا قربت له : مو أنت مدير الشركه ؟
فهد بطفش : إييييييه
غلا : خذني معاك بليييييييز ماأبي أجلس لحالي أخااف
تنهد فهد وتورط فيها مايبي يقول لها لا ولا يقدر يأخذها هناك وهو مكان شغل : بشرط
غلا بسرعه : موافقه
فهد قرص خدها : أسمعي الشرط باالأول
غلا تكتفت : وش شرطك ؟
فهد تنهد : توقفين معاي ماتروحين لآي مكان بس واقفه معاي إذا دخلت مكتبي وأشتغلت تسكتين ألين أخلص
أتنفقنآ ؟
غلا : يس
فهد : هههههههه يالله روحي بدلي وتعالي
ركضت تبدل قبل لا يغير رآيه
أما هو دخل لغرفته بيبدل ملآبسه ويطلع للشركه ع طووووول

في شقة سمر وعبدالله

قامت من نومها تلفتت للمكان اللي هي فيه وماكان جناحها
فزت من مكانها وتنعاد عليها ذكريات الليله الأليمه
إدركت إن اللي صار ماكان حلم إلا كان وآقع مُر
تنهدت بضيييق وهي تقووم من سريرها متوجهه للحمام اللي بنفس الغرفه ( أكرمكم الله )
دخلت غسلت ووضت تصلي الفجر والظهر اللي فاتتها
صلت بعبايتها وخلصت
قامت من سجادتها بصعووبه متوجه لبرا الغرفه
شافت عبدالله جالس بالصاله ومشغل التلفزيوون وتفكيره بعيد عن التلفزيون واللي فيه
جلست بالكنبه نفسها وأنتبه لها عبدالله : توك صاحيه ؟
سمر وهي تلم شعرها بهمس : إيه
عبدالله تنهدت وألتفت لها وشاف لبسها اللي أمس عليها وكان مشقق أطرافه تذكر كلآم سلطآن
وهو يقول : ملابسها مشققه وش يدل عليه
مسح ع وجهه ورقبته بقهـر وهو يطالع لقدآم : أنا جايب أكل بالثلآجه تقدرين تأكلين منه
سمر بهمس : مو مشتهيه
قرب لها عبدالله وهي خافت منه
أبتسم يوم شاف رجفتها : لا تخافين بطمن ع رجلك
سمر بتآلم : آآآآآه توجعني
عبدالله : أخذك للمستشفـى ؟
سمر بآلم : اممممم لالا ماله داعي يمكن بس إلتواء
عم الهدووووء مابينهم بس سمر قاطعة هالهدووء
سمر بدموع : عبدالله وش مصيري معآك ؟
عبدالله إلتفت لها بإستغراب : مافهمت ؟
سمر وهي تمسح دموعها وخايفه عبدالله يتركها وهي بهالظرف : يعني أنا وأنت وش مصيرنا مع بعض

عبدالله قرب لها ومسح دموعها : زوجين ع سنة الله ورسووله
سمر ببراءه : يعني أنت ماتكرهني وماتبيني ؟
عبدالله إبتسم : تراك بنت عمي
سمر بشهاق : بس أنا السبب باللي صار
عبدالله بقهر : لا تقولين كذا هذا قضاء وقدر مافيه مُسبب له
سمر وهي تمسح دموعها : يعني منت ضارني ولا ضاربني
إستغرب منها : أكيد مو ضارك ولا ضاربك ههههههه أنتي منين تجبين هالأفكار كارهني وماأدري أيش
سمر رفعت كتوفها بمعنى ماأدري
عبدالله إبتسم لها وقرب وضمها له وهمس لها : بتعيشين معاي سعيده تدرين ليه
سمر وهي متعلقه فيه : ليه ؟
عبدالله كمل بهمس : لأن لا أنا ولا أنتي دخل باللي صار صح ولالا
كفايه اللي صار لنا أمس وبنعيش اليوم لحتى تثبت براءتنا
سمر بعدت عنه : يعني بنعيش هنا لحتى تثبت براءتنا
هز رأسه بإيه وهو يمسح ع شعرها بحناااان
سمر اللي إنبسطت حيل بتعامل عبدالله الحنون معاها وإنه ماربط بين القدر وبينها وبيعاملها زين مثل ماوعدها
لحتى يرجعون لأهاليهم ويثبتون براءتهم
عبدالله بمزح : يالله كفايه دمووع يالحلو وبننزل للسووق والسوبر ماركت
سمر : ههههه ليه
عبدالله : لا يكون بتجلسين بهاللبس ونسيتي إن المطبخ فااضي
سمر : ههههههه لالا خلاص بروح معاك
قام من مكانه ومسك يدها وقومها معااه
لبست عباتها وهو ينتظرها برا
جت له بسرعه ومسك يدها ومشوا متوجهين للسيااره
ركبوا السياره ومشوا لمشوارهم ؛

في نيويورك

إنسدحت ع سرير المستشفى وهو ماسك يدها : خايفه
ريم بهمس : إيه
عادل تنهد : إن شاءالله تعدي العمليه ع خير
ريم دمعت عينها : آمين!
قرب لها ومسح دموعها : لا تتوترين حبيبي بليز عشاني
ريم بهمس : اووكي
شوي ودخلوا عليهم ممرضتين
وأخذوا سرير ريم متوجهين لغرفة العمليآت
وعادل يمشي ورآهم ويدعي لها ويخفف عنها توترهااا
دخلوا لغرفة العمليات وعادل جلس ع كراسي الإنتظااار والتوتر يملئ قلبه
خايف عليها هي أكثر من خوفه ع عدم الحمممل
إنتبه لجواله يرن ورد عليه
عادل: هلا خالتي
أم فهد : وش أخبا ريم دخلت لغرفة العمليات ؟
عادل تنهد : إيه لهم عشر دقايق
أم فهد : تكفى ياعادل إتصل كل شوي وطمني عليها
عادل : من عيوني لا تخافين عليها العمليه إن شاءالله مضمونه
أم فهد من قلب : آميــن !

في شركة فهـد

كان يمشي بين ممرآت الشركه ويده بيدهآ
وصل لمكتبه الكبير والفخم دخل وهي معاااه
سحب كرسيه وجلس عليه وجلست غلا بجنبـه
غلا : امممممم مرهـ حلو مكتبك
أبتسم لها : إيه ذوقي أكيد حلوو
غلا بطفش : مغرووووور
فهد : ههههههههههههه
شوي وطق الباب عليهم
فهد : تفضل
دخل يوسف له ومد يده لفهد وصآفحه
ونزل الملف ع المكتب : هذا هو طال عمرك
سحب فهد الملف من يدهـ وإطلع عليه
فهد : خلاص أنا بشوفه الحين تقدر تتفضل الحين مشكور يوسف
يوسف : العفو بس
فهد طالعه : وشو
يوسف : مارلين وصلت من السفر وتبي تقابلك ؟
فهد : اوكي خلها تتفضل ع السريع
يوسف طلع وهو يقول : إن شاءالله
إلتفت فهد لغلا وشافها تخبص بالأوراق
فهد بحدهـ : غـــلا
غلا خافت : يممه خوفتني
فهد : هاتي الأوراق لا تخبصين فيهاا
مدت له الأوراق وهي مقهووووره منه

شوي ودخلت عليهم بنت طويله وسمراء شوي حلوه ولابسه تنوره للركبه رسميه رصاصيه ومعاها جاكيت رسمي رصاصي وداخله بلووزه بيضااء وعليها إيشارب أسوود
قربت من مكتب فهد ومدت يدها وصافحته : أهلين مارلين تفضلي
جلست مارلين ع الكرسي وحاطه رجل ع رجل وغلا مطيره عيونها فيها ومقهوره منها ومن لبسها العاري
مارلين : فيني إفهم ليه ماأعجبك عرضي وليه رديتوا ؟
فهد : عرضك ومنتجاتك بالنسبه لشركتنا ضعيفه ونبي أقوى منهآ
مارلين : طيب ياإستاز فهد جبت لك اللي بدكياه
فهد : اووكي خبرني فيه
مارلين طالعت غلا : ممكن نكون لحالنا
غلا طيرت عيونها قربت لفهد وتعلقت بيدهـ وشدت بكلآمها تبي تقهرها : أنا زووجته مايخبي عني شيء قوولي اللي عندك وإذا ماتبين لا تقولين
فهد كتم ضحكته ع غلا
رفعت مارلين حواجبه مستغربه من غلا : ع العمووم إستاز لنا لقآء تاني اووكي
فهد هز رأسه بإيه
قامت مارلين من مكانها بدلع وهي تتمخطر بمشيتهااااا
غلا بقهر : مالت عليها هالمتفصخه
فهد : هههههههههههههههه
غلا : لا تضحك الظاهر جايز لك الوضع
فهد إلتفت لها مستغرب
غلا : لا تطالعيني كذا من زينها هاللبنانيه جب لك وحده غيرها لشركتكم مالقيتوا إلا هي
ولا دلعها الماصخ ولبسها الأمصخ أنـ...
قاطعها فهد وهو يبووسها ع شفتها
أما غلا إنصدمت من حركته
بعد عنها وحط يده ع خدها ومسح عليها : حد يكون عنده هالقمر ويطالع ذيك
إخجلت من كلامه ومن حركته وبنفس الوقت هي بقمة الإستغراب من اللي صار
مانطقت بحرف وهو يحرقها بنظرآته
فهد بهمس : نرجع للبيت ؟
هزت رأسها بإيـه وجهها أحمر من الحياء
مسك يدها ومشاها معاه متوجهين لشقتهم وغلا ينعاد عليها الموقف وهي مبسوطه ليه ماتدري ؟!

في بيت أبو سلطان

بجنآح سلطان & جنى

شافته نايم إلى الآن وقربت له بتردد بتصحيه
حطت يدها ع كتفهـ وهو فز من نووومه بسرعه
سلطان : وش تبين ؟
جنى : حبيي مو رآيح الدوآم
تنرفز سلطان : ومقومتني عشان هالشي
جنى إستغربت : إنت تروح بهالوقت دآيم
سلطآن : إنثبري وخليني أنام بس نسيتي إنا أخذين إجازهـ اليوم عشان المزرعه
جنى إستغربت تعامله معاها ووآضح الجفآء فيه
إنسدح ع السرير وتغطأ وناااام
إما جنى إنسحبت وطلعت من غرفتهم وهي ينعاد عليها الكلآمهـ
وإنقهرت وشوي وتصيح منه ومن تعامله
إنتبهت لخالتها موجوده بالصاله وحولها الفطور ومامدت يدها عليه ووآضح من عيونها إنها مانامت
قربت لها ورحمتهااا حييل حبت رأسهاا
جلست جنب خالتها ومدت لها كوب العصير : خالتي لازم تأكلين وسمر إن شاءالله بخير
قالت بصوت مبحوح : وين سلطان ؟
إبتسمت لها جنى : بغرفته نايم ماوراه دوآم اليووم ..... يالله عشان سمر إشربي هالعصير
أم سلطان دمعت عينها : ماني مشتهيه وسمر مو حولي
جنى نزلت الكوب : ياخالتي هي مع زوجها الحين وأكيد مو ضارها
أم سلطآن بدموع : أنا ماعلي من هالشي علي إنهم ظلموا بنتي
قربت لها جنى وحبت رأسها ويدهآ : وأنتي تعتقدين إن عمي مو بنته بعد أكيد بيزعل عليها وبعدين بيرضى عنها صدقيني هذي بنته قطعه منه وأنتي لا تخافين ع سمر إن شاءالله هي بالحفظ والصون مع ولد عمها
وترى حتى عبدالله مظلووم ؛
أم سلطان مسحت دموعها وهي مبسوطه ع مرة ولدها اللي واقفه معاهم وبصفهم وكلامها اللي يشرح الصدر
جنى إبتسمت : إيه كذا إبتسمي
شوي ودخلت عليهم هناادي
أم سلطان : ماتبين فطوور
إشرت بيدها بمعنى مو مشتهيه
دخل عليهم سلطآن بببجامته بأس رأس أمه ببرود وجلس جنب جنى : عطيني عصير
أخذت له كأسه ومدتها له وأخذه من يدها
كان سلطان هو الوحيد اللي يفطر والبقيه مالهم نفس
هنادي : لك نفس تأكل بعد اللي صار ؟
طالعها بنظره أرعبتها
قامت من مكانها بسرعه وع غرفتهاا وهي خايفه منه
إلتفت لأمه وقال : وش فيك يمه ؟
أم سلطان بهمس : ولا شيء
طنش وكمل فطووره وهو عارف اللي فيهم بس حب يوضح لهم إن سمر مالها وجود الحين بحياته
مع إن اللي بدآخله عكس تماما اللي قاعد يصير وهو متقطع ع مايشوف أخبارها ؟!
شوي وقام من السفره وأشر لجنى تلحقه
قامت وراه جنى بسرعه وأدخلوا جناحهم
سلطان مسكها مع كتفها : سيرة سمر ماأبي أسمعها فاهمه
جنى : بس ....
سلطان قاطعها بحدهـ : لا بس ولا شي فاهمه ولا لاء
فكت يده من ع كتوفهاا : تراها أختك تشك فيها
سلطان بعصبيه : أنا وش قلت
رآحت ع الكنبه وجلست عليها بعصبيه وهي مطنشه كلامه وصرآخه عليها
وواضح التوتر عليها من هزة رجلها وحركتها
طالعها شوي : إنا حذرتك ياجنى وأنتي تعرفين طبعي
دخل لغرفتهم وتركها بصالة الجنآح
أول ماغاب عن نظرها حطت رأسها ع طاولة وبكت من اللي صآر

عند
عبدالله & سمـر

سمر : آآآه تعبت من هالفرفرهــ
إبتسم لها عبدالله : خلاص ماباقي شيء ونوصل للشقه
سمر من قلب : الحمدالله
عبدالله : أهم شيء أخذتي كل اللي تحتاجينه
سمر : إيه الحمدالله
ثواني ووصلوا لشقتهم
نزلوا أغراضهم ورقوها فووق وصعدوا لشقتهم بتعب باااالغ
بعد قضاء أكثر من ست ساعات بالسوق والسوبر ماركت
أول مادخلوا لشقتهم جلسوا ع الكنبات القريبه بتعب
عبدالله أخذ جواله : وش تبين من المطعم ؟
سمر : مو مشتهيه
عبدالله : من الصبح ماأكلتي شيء يالله غصب عنك !!
سمر بلا مبالآهـ : آي شيء
عبدالله بمزح : حتى لو وجبة أطفال
تخصرت : لا والله
عبدالله : هههههههههههههههه إنتي تقولين آي شيء
سمر : إيه بس قصدي بيتزآ أو شاورما أو مكرونه وآي شيء معقوول
عبدالله : ههههههااااي خلالالاص ولا تزعلين ياأممر
إتصل ع المطعم وطلب لهم مشويآت
نص ساعه ووصل لهم الأكـل
أخذت الأكل سمر ورتبته ع طاولة المطبخ
وراحت بتنادي عبدالله
أول ماطلعت من المطبخ كان هو بوجهها رجعت ع وراء من الخوف : بسم الله
عبدالله مسكها قبل لا تطيح : وش فيك ؟!
أخجلت منه : ولاشيء كنت جايه أناديك ع العشاء
إبتسم لها وتركها وراح للمطبخ وهي وراه
جلسوا ع طاوله وبدوا يتعشوون وإنفتحت أنفسهم ع الأكل بعد التعب

في نيويورك

طلع الدكتور من غرفة العمليات بعد مادآمت ست ساعات

ركض له عادل بلهفه يسأل : هاه بشر ؟
الدكتور : مبرووك نقحت العمليه
عادل من قلب فررررح حييل ويحسه ملك الدنيا : الحمدالله
الدكتور : بس في نقطه عاوز أوضحها
عادل قبضه قلبه : تفضل يادكتور
الدكتور : العمليه والحمدالله نقحت بس لازم نعرف بوجود حمل أولا بعد العمليه
عادل : يعني متى ؟!
الدكتور : أسبوعين أو تلاته
عادل بتردد : دكتور أحيانا تنجح العمليه ومايكون فيه حمل ؟
الدكتور : نادرآ هالشي بيحصل معانا أطمن وماتخفش
عادل تنهد : أقدر أدخل لها
الدكتور : مش دلوئتي بعد مايكون لها قناح بتقدر تدخل
عادل جلس ع كراسي الإنتظار بتعب وهو يحمد ربه ع نجاح العمليه وباقي نجاح الحمل
بإذن الله .......!

في بيت الجد

كانوا البنات عندهـ

رؤى : يعني شلون منت متدخل بينهم ؟
أبو محمد : وأنا أبوك أنا شفت موقفهم ولآ أقدر أقول شيء
خُزامى بتردد : يعني سمر ماراح نشوفها من جديد ؟
دانا دمعت عينها : ولا عبدالله ؟
أبو محمد : لا يابوك السالفه إن شاءالله بتنحل
تنهدوا البنات بضييق
أم محمد : كلنا زعلانين عليهم بس شنسوي ؟
البنات اللي كانوا عند الجد يقنعونهم بترجيع سمر وعبدالله
بس الجد رآفض الفكرهـ لحنى يصدق ببراءتهم !

في لندن

غلا : هاه ليه ؟
فهد قرص خدها : وشو اللي ليه ؟
غلا تخصرت : بتحضر درسنا ؟
فهد : هههههههههه عشان أشوف أنتي شطورهـ أولا ؟
غلا : إلا شاطره بس مايصير تحضر
فهد : ليه ؟
غلا : امممممممم عشان ماتشوف منى
فهد بخبث : وش فيها منى ؟
غلا : حلوه بس لا تخاف أنا أحلـى
فهد : ههههههههههههه ( وبغمزهـ ) : تغارين علي
غلا إرتبكت : هاه لا ماأغار عادي بس هي غريبه عنك مايصير تجلسوون مع بعض
قرب لها وإزداد إرتباكها حط يدهـ ع خصرها وهي إرتبكت زيادهـ وإخجلت منه
فهد بهمس :إعترفي
غلا طيرت عيونها : وش أعترف فيه
قرب وجهه من وجهها
بس طق الجرس وقآطعهم
فهد إنقههر وتركها
وغلا راحت تفتح الباب وكانت معلمتها مُنى

في جناح رؤى ببيت أبو فهد
توها راجعه من عند جدها
نزلت عباتها ورمتهاا ع السرير
إنسدحت ع الكنبه وهي تتذكر سمر والخوف يتملكها بإتجاهه
شافت نور جوالها يٌضيء
سحبته وردت : ألوو
سيف بإستغراب : هلا وغلا غريبه تردين وأنتي بالمزرعه
رؤى بسخريه : دامك عارف إني بمزرعه ليه تدق
سيف تنرفز منها : أدق متى ماأبي وبعدين ليه تكذبين وتقولين ماأقدر أرد
تنهدت رؤى : أنا مو بالمزرعه ؟
سيف بشك : أجل وين
رؤى دمعت عينها : صارت مشكله ورجعنا لبيتنا
لاحظ لهجتها وعرف إنها تبكي : خلاص حبيبي كل مشكله ولها حل
رؤى بصوت مخنوق : مشكلتنا الظاهر مالها حل
تنهد سيف : خلاص إنسي وإن شاءالله يكون لها حل
مسحت دموعها : إن شاءالله
سيف : أنتي بالبيت الحين
رؤى بإستغراب : إيه
إبتسم بخبث : حلوو
رؤى إزداد إستغرابها منه ولآعلقت

في بيت أبو سلطان
في جنآح جنى & سلطآن

رجع سلطان من برآ ودخل الجناح وكان هاادي
دور جنى بالصاله ومالقاها
دخل لغرفتهم وشافها منسدحه ع السرير
قر بها وإنسدح جنبها بتعب
جنى أول ماشافته صدت عنه
إستغرب تصرفها ليه تصد عنه
قرب لها وضمها من ورآء وقال بهمس : جنـى
جنى ببرود : هممم
سلطان : وش فيك ؟
جنى فكت يده وقامت من السرير
لحقها ووقف قدآمها ومسكها مع كتوفها : بنت وش فيك لا يكون الحمل متعبك
جنى بهمس : لا حملي تمام
سلطان بطفش : أجل وش فيك ؟
جنى طالعته وعيونها غرقانه دمووع : شوف تصرفاتك معاي
فهم قصدها وسحبها له وحضنها ومسح ع ظهرها وبأس رأسها
مسك يدها وأخذها للكنبه جلس عليها وسحبها لحضنه : زعلانه مني ؟
جنى بهمس : متضايقه ؛
إبتسم لها وبآس خدها : حبيبي آسف ع اللي صار بس كنت معصب وحطي نفسك بموقفي
وبعدين إحكمي
تنهدت جنى : بس تحط حرتك فيني لأ
ضحك عليها وضمها : خلآآآآص آسف يااقمممر
بعدت عنه وأشرت بيدهأ : آخر مره
سلطان : من عيوني ياعيوني أنتـي !

إنتهــى البآرت