شبكة همس الشوق - عرض مشاركة واحدة

24 - 11 - 2011, 09:08 PM

البارت الـ 24

في كلية البنآت الصبح

دآنا بقهر : أففف
وليد يكلمها : قلت لك هذا شغلي
دآنا قآطعته : بس مايصير مو ع كيفها تدخل وتطلع
وليد تنهد : دآنا تراك طفشتيني بهالإسطوآنه اللي تكررينها هالأيآم
دآنا بزعل : ياسلآآم أنا طفشتك وهي ماطفشتك
وليد : حبيبي خلاص قلت لك هذا شغل
دآنا : بس أنا ماأرضى
وليد : إفففف طيب وش أسوي لك ؟
دآنا بزعل : ولآشيء
تنهد وليد : أنا مشغول الحين يالله بآي
وسكر الخط منهآ
دآنا طيرت عيونها والجوآل بيدهآ مو معقولهـ يسكر ولآيسمع منها كلمه وحده
خُزآمى كانت تطالع فيها طول مكالمتها : خلصتـي
دآنا دمعت عينها : سكر بوجهي
خزآمى حطت دها ع كتف دآنا : دندون هو قال باي عندي شغل
دآنا بقهر : أكيد مع هالممرضه الغبيه بجد شيء يقهرر والله وأعلم وش مسويه له
أنا شايفتها تتلصق فيه والأخ مستانس عليها ويضحك معاها وكل ماكلمته قال إنا عندي شغل مع هالممرضه
وشو الشغل مدري وع أيش ياحظي يلتفت لهآ من زينها أنا أحلى بمليون مره
؟ : ع الأقل مو مريضه هالممرضه إحمدي ربك رآضي فيك وأنتي مريضه
إلتفت دآنا لصوت اللي جاء من ورآها : هنـد ؟
هند : الظاهر أخوي ماعرف يربيك وترى أخوي أشرف من إنه يتلصق بممرضه
أنا أبي أفهم مدري وش تبين ؟؟ يكفي رآضي فيك وأنتي مريضه أزعل ع أخوي وحظه
اللي توه شبابه وربي بلاه بوحده يمكن تموت بآي لحظه ولا بعد مو هو اللي خطبها أخوها رآميهـــا عليه
دآنا إنصدمت من كلآمها اللي جاها مره وحده وصدمها حييل الكلمه الإخيرهـ
خُزآمى اللي كانت لا تقل عن صدمة دآنا : خلصتي كلآمك
هند بدون نفس : أنا أتكلم مع الإنسه دآنا مو معك ؟
خُزآمى عصبت : خلصتي كلامك ياليت تمشين من هناا
طنشتها وإلتفت لدآنا اللي عيونها إمتلت دمووع طالعتها من فوق لتحت ومشت عنها
خُزآمى تمسح دموع دآنا : دندون بليييز لا تسمعين كلامها هذي وحده تافهه
دانا بصوت مبحوح : أنا ماعلي من كلامها بالطقاااااق بس شلـون عرفـت إن نـواف هو اللي خطبنـــي لـ وليد
ووليد قال لي ماأحـــد يعرف بـ سالفه إلا أهلي وهو حتــى أهله مايعــرفون كان كاذب عليـهم وقال إنا اللي خاطبها أهو قالي وربـــي
حطت رأسها ع طاوله وبكت بحرقهـ
خُزآمى مسحت ع ظهرها وهي تهديها بس دآنا ماتسمع لها وهو يرن بإذانها كلمة هند : أخوهــا راميهـــا عليهـ

عند هند
جلست ع طاولة صآحبتها وهي ماإهتمت باللي سوته
بالعكس تحس بنصره وإنها بردت حرتها بـ دآنا
جوآهر كانت تطالع دآنا وبحزن عليها : إرتحتي آنسه هند ؟
هند إلتفت لها مستغربه : إيه وبقمة الراحه ليه أنتي مو مرتاحه ؟
جواهر : حرآم عليك اللي قاعده تسوينه وربي حرآم وليد يحب دانا ودانا تحب وليد ليه تحاولين تخربين بينهم
قلت لك الماضي إنسيـه يابنت الناس !
هند : مستحيل أنسى الماضي .. المفروض أنتي تكونين بدآل دانا وزوجه لأخوي وليد
جواهر عصبت : أنتي تفهمين أو لا ..... أنا ماأبي وليد ولا وليد يبيني ليه تربطينا ببعض
هند : لو تعرفين وليد كان حبيتيه وبعدين ماسويت هالشيء إلا إني زعلانه ع أخوي المسكيين مو عشانك أنتي وعشان خطبتك منه .... وبعدين دانا هذي أكرهها من زماااان جايبه لي المرض بمصاختها ودلعهاا
جواهر تنهدت بحزن ع دآنا المسكينه ومالها ذنب بكره هند لهاا
ولا لها ذنب بفصخ خطبتهـا من وليـد !
أساسا هي ماتبي وليد ولا وليد يبيهـــا من قبل

( هند أخت وليد من الرضآعه وتصير بنت خالته أصغر من وليد بسنه عمرها 25 تأخرت سنه بدراسه وأرسبت سنه وهي الحين برابع كليه ...... هند طيبة قلب و تموت ع أخوها وليد وإنقهرت بعد ماعرفت بخطبة نواف لدانا وإعتبرته رمية لوليد وهي ماترضى هالشيء لأخوها وكانت دايم تحاول تقهر دانا بس اللي تمنعها جواهر بس المره هذي إنقهرت بعد ماسمعت كلامها مع خزامى ووشلون كانت تسب وليد ؟! وهو ماله ذنب بشغله ؟! )

(جواهر صديقة هند الروح بالروح إنخطبت لوليد بس تم فصخ الخطبه وكانت الخطبه بين الأهل فقط وماأعلنوها واللي خطبهم لبعض هنـد ..... والحين جواهر مخطوبه لولد عمها وزواجها قريب )